Forumi Horizont (http://www.forumihorizont.com/index.php3)
- Diskutime te ngjarjeve nga Shqiperia (http://www.forumihorizont.com/forumdisplay.php3?forumid=307)
-- Lajmet e fundit... (http://www.forumihorizont.com/showthread.php3?threadid=15860)
Postuar nga sarandaebukur datë 25 Prill 2010 - 03:21:
Berisha- Rama, gati per debat
Një takim “surprizues” ishte ai i djeshmi mes Kryeministrit Sali Berisha dhe kryetarit të opozitës Edi Rama, në forumin e Medias, organizuar dje në Tiranë nga “La Gazzetta del Mezzogiorno” dhe ambasada italiane, dhe moderuar nga drejtori i kësaj gazete, gazetari i njohur Carlo Bollino. Madje, një ftesë e hapur për debat, u bë pikërisht në këtë forum të medias. Kryeministri iu drejtua personalisht kreut të PS, Rama se akuzat politike nuk duhet të jenë pjesë e forumi, por pjesë e një debati televiziv. “Jam i gatshëm të përballem me ty për çdo çështje, pasi respekti im për opozitën është i palëkundur” tha Berisha duke iu drejtuar Ramës. Ftesës së kryeministrit, kreu i PS nuk i është përgjigjur, por nuk mungoi ndërhyrja e gazetarit Bollino. “Ne jemi këtu të gatshëm, News24, është i hapur për të pritur të dy liderët në një debat të tillë” tha Bollino.
Batutat
Mes fjalëve që dy liderët folën për lirinë e medias në Shqipëri, nuk munguan dhe batutat në tryezë, por pa shtrëngime duarsh. “Falënderoj organizatorët e takimit, dhe nuk dua ta fsheh, se prania e kundërshtarëve të mi në këtë takim, ishte një shtysë e fuqishme për mua për të marrë pjesë...Por nëse do të më ftonin për tango, nuk do të isha sot këtu” tha Berisha në fillim të fjalës së tij, e duke ironizuar për kërcënimin dy ditë më parë të kreut të PS, Edi Rama në “Dancing with the stars”.
E kur i erdhi radha, nuk mungoi replika e kreut të PS. “Dikush di të kërcejë tango, e dikush tjetër nuk di. Kjo është një çështje individuale” iu përgjigj Rama për kërcimin.
Por replikat mes tyre vazhduan dhe te protestat. E ishte pikërisht momenti, kur kreu i PS, kur mbaroi fjalën, kërkoi leje për t’u larguar për të qenë në protestën e Elbasanit. Por moderatori Carlo Bollino, e ka kthyer sërish në panel. “Në fakt, zoti Rama, do t’ju kërkoja të rrinit edhe 10 minuta të tjera në panel, për të dëgjuar edhe kryeministrin”, tha Bollino, ndërsa më pas me prezencën e Ramës, vijoi diskutimin edhe kryeministri. E për të sqaruar këtë situatë, Rama në fund kërkon fjalën.
“Nuk doja të ngrihesha sepse do fliste pasfolësi, por sepse nuk doja t’u thosha atyre që më presin se u vonova ngaqë isha me Sali Berishën” ishte deklarata e Ramës, i cili në fakt priti dhe batutën e kryeministrit: “Përshëndeti edhe nga ana ime”. Kjo ka shkaktuar ilaritet në sallë, e Rama përgjigjet: “Nuk besoj se pas çdo buzagazi që gjithë kohën qesh, duhet të replikojmë”, duke e pasur fjalën për ministrin e Brendshëm Lulzim Basha, por Berisha i kërkon të mos merret me ta, por me kryeministrin. “Unë, tha Rama, nuk kam ardhur për batuta, por për të respetuar miqtë që na ftuan dhe për fjalën e lirë”. Me kaq debatet mes tyre morën fund, por askush prej tyre, nuk ia dha dorën kundërshtarit.
Media
Kreu i PS akuzoi kryeministrin për ‘dhunën’ ndaj medias. “Më ra në dorë një raport që flet për këtë situatë. Aty jepen raste tipike të presionit të qeverisë mbi mendian, rasti i gjobës ndaj Top Channel apo NEWS24, apo mbyllja e gazetës Tema. Gjoba banditeste që kërkojnë t’i mbyllin gojën mediave kritike, duke përmendur edhe Shekullin dhe Vizion+’ tha Rama, duke kërkuar ndjesë që në këtë situatë, nuk po fliste për informacionin në kohën e krizës. “Do më dukej si ajo historia e atyre që flisnin për seksin e ëngjëjve ndërkohë që po binin të gjitha muret nga të gjitha” tha Rama.
Për këtë raport ka replikuar Berisha. “Për ne politikanët nuk ka gjë më të trishtuar se të lexojmë raportet e vartësve tanë dhe ti sapo lexove raportin e Ditmir Bushatit, i cili atakon në këtë raport kryetarin e tij, Edi Rama, për lejet e ndërtimit” tha Berisha. “Duhet të ruhemi nga bashkëpunëtorët që shkelin rregullat” vijoi kryeministri, i cili deklaroi se Qeveria mbetet thellësisht e vendosur të respektojë mediat dhe të ruajë pavarësinë e tyre. Për kryeministrin, në kohën e krizës globale, ku kanë rënë dhe media prestigjioze, është mirë që të futet më shumë në Shqipëri gazetaria online.
Gazeta shqiptare
Postuar nga sarandaebukur datë 28 Prill 2010 - 18:07:
Prapaskenat e protestës së PS-së, si do vijojë aksioni politik
Rama pritet ti vendosë ultimatum Berishës për zgjedhje të parakohshme
 Edi Rama pas dy ditëve protestë, të premten dhe të shtunën do ti vendosë ultimatum Berishës që në një kohë të shkurtër të shpallë vendimin për zgjedhje të parakohshme. Burime nga Partia Socialiste bëjnë të ditur se lidershipi i partisë po mendon seriozisht që protesta të jetë vetëm gjatë fundjavës dhe më pas të lihet një moment reflektimi për mazhorancën. Gjatë kësaj kohe Rama do të mbledhë kryetarët e partive aleate për të vendosur për ecurinë e aksionit opozitar. E gjithë ecuria e rrugës që do ndjekin socialistët pas 30 prillit do të varet shumë nga numri i pjesëmarrësve në protestën e ditës së premte. Rama ka kundërshtuar absolutisht përdorimin e dhunës ndaj qeverisë, por nuk ka përjashtuar aplikimin e mosbindjes qytetare e cila mendohet të jetë paqësore.
Prapaskenat e protestës
Të gjithë drejtuesit e Partisë Socialiste, duke filluar nga deputetë e deri tek drejtuesit lokalë, ditët e fundit janë futur në një aksion të pashembullt për të sjellë sa më shumë qytetarë në protestën e ditës së premte. Edi Rama ka porositur vartësit që pjesëmarrja më 30 prill të jetë më e madhe se ajo e 20 nëntorit. Burime nga PS bëjnë të ditur se nga pjesëmarrje në protestë do të varet dhe ecuria e mëtejshme. Ajo që theksohet me forcë nga selia rozë është fakti se nuk do të përdoret asnjë lloj dhune ndaj institucioneve por do të protestohet në mënyrë paqësore. Praktika që po mendohet seriozisht është mosbindja civile e cila sipas drejtueseve të opozitës ka për të qenë e efektive. “Nuk do të ketë në asnjë moment përplasje të dhunshme në protesta”-, mohoi kryesocialisti Edi Rama dy ditë më parë. Protesta do të jetë paqësore, duke pranuar edhe krahasimet me mënyrën e Gandit apo Martin Luterkingut. Bulevardi “Dëshmorët e Kombit” ashtu si dhe më 20 nëntor të vitit të kaluar do të jetë i mbipopulluar nga populli i opozitar të cilët do të jenë të ndarë sipas qarqeve nga vijnë.
Ultimatumi pas protestës
Pas fundjavës në protestë, Edi Rama do ti kërkojë nga bulevardi para Kryeministrisë shefit të qeverisë, që të japë dorëheqjen dhe të çojë tek Presidenti kërkesën për zgjedhje të parakohshme. Për këtë mazhorancës do t’i lihet një afat disa ditor për reflektim dhe më pas nëse nuk plotësohet, do të nisin protesta të reja të cilat do të shkojnë dhe në konfrontime fizike mes protestuesve dhe forcave të rendit. Burime të sigurta afër kreut socialist bëjnë të ditur se gjatë kësaj kohe Rama do të konsultohet përveç se me aleatët e PS-së edhe me faktorin ndërkombëtar që është prezent në Tiranë. Rama dhe opozita nuk do të kërkojnë më as hapjen e kutive dhe as mos rrënimin e ekonomisë, por kërkesa do të jetë e qartë që vendi të shkojë në zgjedhje të parakohshme. Ditën e premte do të ketë protestues nga i gjithë vendi të cilët do të qëndrojnë në protestë edhe ditën e shtunë. Por në datën 1 Maj bashkë me socialistët do të bashkohen dhe sindikatat e minatorët, të cilët do të shfrytëzojnë pikërisht ditën e punëtorëve për të kërkuar më shumë të drejta nga qeveria.
Ultimatumi
Pas fundjavës në protestë, Edi Rama do t’i kërkojë nga bulevardi para Kryeministrisë shefit të qeverisë që të japë dorëheqjen dhe të çoj tek Presidenti kërkesën për zgjedhje të parakohshme. Për këtë mazhorancës do ti lihet një afat disa ditor për reflektim dhe më pas nëse nuk plotësohet do të nisin protesta të reja të cilat do të shkojnë dhe në konfrontime fizike mes protestuesve dhe forcave të rendit.
Protesta
Ajo që theksohet me forcë nga selia rozë është fakti se nuk do të përdoret asnjë lloj dhune ndaj institucioneve, por do të protestohet në mënyrë paqësore. Praktika që po mendohet seriozisht është mosbindja civile e cila sipas drejtuesve të opozitës ka për të qenë e efektive.
Aksioni
Burime të sigurta afër kreut socialist bëjnë të ditur se gjatë kësaj kohe Rama do të konsultohet përveç se me aleatët e PS-së edhe me faktorin ndërkombëtar që është prezent në Tiranë. Rama dhe opozita nuk do të kërkojnë më as hapjen e kutive dhe as mos rrënimin e ekonomisë por kërkesa do të jetë e qartë që vendi të shkojë në zgjedhje të parakohshme.
Kreu socialist shpërndan fletushka për 30 prillin
Rama derë më derë për t’i ftuar në protestë
|
Postuar nga lost_soul datë 28 Prill 2010 - 20:40:
Kur i hedh nje sy perciptas ketij artikulli me siper te kap syri fjale kyce si ultimatum, aksion, proteste, prapaskene..
Kane ngelur pa u permundur fjale kyce si prerje kokash, perzierje zorresh, brinje te thyera, shperbythje (fjale e re kjo.. lol). Kjo po qe eshte politike moderne.
Postuar nga sarandaebukur datë 28 Prill 2010 - 20:49:
proteste paqesore pastaj vazhdojne gjygjet..
Postuar nga AngelDevil datë 28 Prill 2010 - 22:24:
Harta e naftës në Jon, Greqia "xheloze"
Në hartë përfshihet edhe zona “Joni 5”, pjesë të së cilës grekët kërkojnë ta marrin brenda kufirit te tyre duke shtyrë sipër kufirin detar shqiptar.
“Hartat mund të datojnë që nga viti 1988, sepse rreth vitit 1986-87 u krijua një drejtori e posacme e hidrokarbureve që do të merrej me kontratat për naftën dhe gazin. Që në atë kohë kjo hartë është bërë publike duke respektuar kufijtë ujorë të Shqipërisë”, u shpreh Bello.
“Nuk është mirë të themi shifra, por bëhet fjalë për dhjetëra milionë euro tonë naftë. Kjo është një zonë e rëndësishme dhe në të ka një kontratë nga pala jonë për të kryer kërkim zbulimin”, theksoi Bello.
Pak kohe me pare qeveria shqiptare nenshkroi nje marrëveshje per kufinjte e rinj detare me Greqine duke e mbajtur larg syve te publikut. Aktualisht Gjykata Kushtetuese Shqiptare ka rrezuar marrëveshjen, por greket pretendojne se mund te fitojne ceshtjen ne Gjykaten e Strasburgut, per ta bere keshtu te panevojshem sipas tyre ratifikimin e saj nga parlamenti shqiptar.
TCH
Postuar nga sarandaebukur datë 30 Prill 2010 - 16:40:
Gadishmeria nr. 1..2000 police ne dadishmeri per protesten ..sikur eshte lufte?
Postuar nga Fajtori datë 30 Prill 2010 - 19:45:
Citim:
Po citoj ato që tha sarandaebukur
Gadishmeria nr. 1..2000 police ne dadishmeri per protesten ..sikur eshte lufte?
Po mendoja dje si arriten te mblidheshin armet pas 1997-es. Kuptova qe nuk ishte marite e PS-se apo Nanos, por njerezit donin te kthenin faqe, te tregonin se nuk ishin njerez armesh. Dorezuan armet sepse nuk ndjeheshin ne rrezik nga pushteti pas Sales, ishin lodhur se luftuari shtetin. Mbaj mend njehere po kaloja ne Ndroq dhe dy furgona policie rrinin me dyer hapur. Njerezit vetem shkonin dhe hidhnin armet, krejt spontanisht. Sikur donin te largoheshin nga barbarizmi. Kjo me ndihmon te kuptoj si u mblodh shumica e armeve brenda 1 viti. Nuk ishte merite e institucioneve, por e vete njerezve qe lane dhunen pas kraheve.
Ne kete mesele Sala ishte faktori i armatosjes, shtyrjes ne barbarizem. Ishte njeriu fizik, i forces se policise, siç eshte dhe sot. Berisha eshte nga ata qe fiton zgjedhjet me 50.1% dhe ndjell 48.9%-in tjeter ta urreje. Eshte nga ata qe polarizon atmosferen, e ben te rrezikshme, bllokon mitingjet me polici (mbani mend policin qe u lidh poshte kamionit kur do bente Rama mitingun para zgjedhjeve?). Berisha eshte pse njerezit kerkuan te armatosen ne 1997-en dhe tani tregon prape forcen me polici, tatime, urdhra, ligje, etj. Sa here ai popull te humbase toruan Berisha eshte pergjegjes per kthimin ne force fizike: shtyrje, grushte, grusht shteti, vrasje Hajdaresh, etj. Te jete psikopati personale kjo apo karakterisikte malokesh qe jane rritur me konceptin e pushkes, beses dhe prites? Besoj se eshte e para, por dyshimi se psikopatia mund te lidhet me malokerine demton goxha respektin dhe unitetin e shqiptareve.
Postuar nga sarandaebukur datë 30 Prill 2010 - 21:21:
Fajtor i nenes.. dite te mira do te vine.. gjithmone mbas nje te keqe vjen dhe nje e mire...
Postuar nga Morfine datë 01 Maj 2010 - 02:26:
Ishte surprize kjo greva e urise, me çadra, ne mes te sheshit te Tiranes.
Do kete 20 deputet te PS dhe qindra militan, qe hyne sonte ne greve urie. Uroj shume qe neser me rastin e 1 Majit te mos kete perplasje.
Postuar nga lost_soul datë 01 Maj 2010 - 03:24:
S'kishte si te ndodhte ndryshe.
Perqafimi i metodave ekstreme tregon per nje semundje te rende qe e ka kapur te majten dhe ne pergjithsi politiken
Te japesh ultimatume ne nje kohe qe ben thirrje per zgjidhje politike tregon per hipokrizi qe ne ide.
Te besh politike me "ose kete ose ate" eshte politike plotesisht sektare alla-partizane.
Kushedi si tallet bota me keta idiote.
Fjator, edhe ti me duket vuan nga semundja e "njeshit", tipike per ne shqipot. Njeshi ose i ka te gjitha fajet ose i ka te gjitha meritat.