Forumi Horizont (http://www.forumihorizont.com/index.php3)
- Konfliktet botërore (http://www.forumihorizont.com/forumdisplay.php3?forumid=160)
-- Paqja dhe Lufta, 2 ekstreme te paevitueshme ?!! (http://www.forumihorizont.com/showthread.php3?threadid=14875)

Koreja e Veriut, predha ndaj Jugut

Koreja e Veriut ka qëlluar një seri predhash përtej kufirit të saj detar perëndimor, duke nxitur reagimin e armatosur të Koresë së Jugut.

Mediat lokale raportojnë se predhat kanë rënë mbi një ishull të Jugut dhe për pasojë disa shtëpi kanë marrë flakë dhe disa ushtarë janë plagosur.

Pas sulmit, Koreja e Jugut ka ngritur në nivelin maksimal gjëndjen e gatishmwrisë, ka bërë të ditur Ministria lokale e Mbrojtjes.

Ndërkohë, liderët kryesorë të vendit janë takuar në një bunker nën tokë në Seul për të diskutuar mbi incidentin, raporton agjencia e lajmeve “Reuters”.

Pas saj, presidenti Lee Myung Bak ka deklaruar se po përpiqet që të parandalojë përshkallëzimin e situatës pas sulmit.

“Por nëse provokimet do të vazhdojnë, atëherë përgjigjia e Seulit do të jetë më e fortë”, ka deklaruar Myung Bak.

Ngjarja ka ndodhur vetëm pak ditë pasi Koreja e Veriut njoftoi se zotëron një impiant modern për pasurimin e uraniumit.


marr nga ... top-channel.tv




A duhet ta shikojme si nje burim konfikti nderkombetar ?!