Forumi Horizont (http://www.forumihorizont.com/index.php3)
- Mediat Shqiptare (http://www.forumihorizont.com/forumdisplay.php3?forumid=129)
-- Heshtja mbi Entela Hyska, vajza ne makinen e Tanit te Topit (http://www.forumihorizont.com/showthread.php3?threadid=15935)

Ndoshta eshte pa vend pyetja,por thjeshte sa per info...
Kjo vajza punonte ke Topi apo jo?
Mqs ne ate artikullin e Sarandes thuhej qe dhe ajo ka dhene ndihemesen e saj ke Top Media....u bera cik konfuze

Po ,ajo punonte ne Topmedia dhe jepte kontributin e saj ne suksesin e asaj media.

Citim:

---

Po citoj ato që tha IQVLORA


Kam lexuar disa SMS tek BBF ku vajza apo gra shqiptare, shkruajne se duan nje lidhje me dike,vetem e vetem per ndihme ekonomike.I urrej keto femra!

---

Familjarët e viktimës së aksidentit tragjik shprehin keqardhje për drejtuesit e "Top-Channel" që nuk shkuan për ngushëllim

Telefonata e fundit e Entela Hyskos dhe pengu i nënës së saj, Nazimesë

Rexhep POLISI

Shtëpia e Entela Hyskos, vajzës 28-vjeçare që humbi jetën para katër ditësh në aksidentin tragjik bashkë me pronarin e "Top Media", ndodhet në katin e parë të një pallati në hyrje të Tiranës, poshtë varrezave "Dëshmorët e Kombit". Të afërmit e saj na thonë se prindërit e saj kanë ardhur para dy vjetësh nga Skrapari dhe e kanë blerë këtë shtëpi për të jetuar bashkë me vajzën e tyre, Entelën. Dhimbja dhe pikëllimi ka përfshirë të gjithë familjarët që vazhdojnë të presin njerëz për ngushëllime. Lotët ende nuk janë tharë në sytë e nënës së saj, Nazimesë, që ende nuk e beson ikjen në botën tjetër të vajzës së saj. Ajo përkëdhel një fotografi të Entelës që e mban në prehër dhe lotët i rrjedhin papushim. Pranë ka bashkëshortin, Bariun, djalin e vetëm që ka ardhur nga Anglia ku jeton si emigrant, dhe vajzën tjetër, e cila ndodhet në Greqi me familjen e saj. Disa gra veshur me të zeza i qëndrojnë pranë për t'i lehtësuar dhimbjen. "Më iku vajza, më iku drita e syve", flet ngadalë nëna e Entelës dhe përkëdhel portretin e saj në një kornizë të madhe. Ajo thotë se tani jeton vetëm me kujtimet e Entelës dhe të gjitha ato gjëra që ajo ka lënë në shtëpi.

Më pas, nënë Nazimeja nis e tregon për çastet e fundit kur ishte ndarë me Entelën. "Një natë para se të më ikte përgjithmonë, kam fjetur në një shtrat me të. Burri kishte ikur në Skrapar dhe ne fjetëm bashkë nënë e bijë. Gjithë natën nuk e zinte gjumi dhe më puthte duart. Nuk e di, por sikur ndjente diçka. Në mëngjes iku në punë, si gjithmonë. Më tha se, do të vij vonë në shtëpi, sepse do të shkoj për urim në një dasmë, por t'i mos u mërzit se do të vij në shtëpi në darkë. Në drekë, Entela më mori në telefon dhe më pyet se çfarë po bëja. Unë e pyeta, a hëngre drekë, e ajo më tha se, "tani po ha atë që më përgatite ti". Më mori në telefon edhe një herë pasdite dhe më tha mos u mërzit se do të vij në darkë. Në fakt kjo ishte dhe telefonata e fundit e Entelës dhe ishte hera e fundit që dëgjova zërin", thotë e ëma e Entelës, Nazimeja, duke shpërthyer në të qara.

"Pastaj nuk më mori më në telefon. Në mbrëmje unë u bëra merak, dhe mezi po prisja që të vinte në shtëpi. Të premten në mëngjes rreth orës 6:00 vjen vëllai i një shoqes së saj dhe më thotë se, Entela ka pësuar një aksident dhe është plagosur, e kanë çuar në Spitalin numër një. Dy kushërinj më morën me makinë dhe më çuan në spitalin numër një, por atje na thanë se nuk dinin gjë. Atëherë u nisëm për në Spitalin Ushtarak. Dy kushërinjtë u futën para në spital, dhe unë atëherë e ndjeva se vazjës i kishte ndodhur diçka e rëndë. Nuk mbaj mend asgjë më shumë, sepse më kishte rënë të fikët", tregon nëna e Entelës, Nazimeja.

Tragjedia e madhe kishte tronditur të gjithë banorët e lagjes ku banonte familja Hysko. Të gjithë njerëzit e pallatit u janë gjendur pranë, duke ndihmuar për ta përballuar dhimbjen e thellë. Ata kanë njoftuar menjëherë babain e saj që ndodhej në Skrapar, djalin që ndodhej emigrant në Angli dhe vajzën në Greqi. Të shtunën në orën 11:00, Entela është përcjellë për në banesën e fundit në varrezat e Shish Tufinës nga njerëzit e saj të afërt dhe qindra e qindra qytetarë.

Pasioni

Entela Hysko ka lindur më 5 korrik 1980 në Çorovodë të Skraparit. Shkollën fillore dhe 8-vjeçare i mbaroi në vendlindje. Shkollën e Mesme të Përgjithshme e mbaroi në gjimnazin "Arben Broci" në Tiranë. Ka përfunduar Fakultetin e Akademisë së Arteve për aktrim dhe më pas Specializimin për regjizurë.

Në dhjetor të vitit 2007, Entela Hysko ka qenë e ftuar nga fotografi me famë botërore Fadil Berisha në SHBA për një album fotografik. Atje është takuar edhe me shkrimtarin e shquar shqiptar Ismail Kadare, ku ka pozuar edhe me bashkëshorten e tij, Elena Kadare. Gjithashtu, ka qenë e ftuar edhe në Itali ku ka pozuar në një nga studiot më të njohura italiane.

"Entela ka qenë e dhënë pas artit që kur ishte e vogël, 5-vjeçe. Kishte pasion kërcimin dhe të bëhej aktore. Ajo merrte fëmijët e tjerë dhe i organizonte për koncerte imagjinare. Unë i kam qëndruar pranë gjithmonë dhe për t'ia realizuar dëshirën e dërgova në Tiranë për të mbaruar edhe shkollën e mesme.

Shkollën e mesme e kreu në gjimnazin "Arben Broci" në vitin 2000. Gjatë asaj kohe është marrë edhe me aktivitete kulturore. Më pas, vazhdoi shkollën e lartë për aktore dhe pasi e përfundoi atë, filloi specializimin për regjizore. Të dyja shkollat e larta i ka mbaruar me rezultate të shkëlqyera", tregon nëna e saj. Ajo thotë se kur vinte në shtëpi Entela vetëm lexonte libra. "Fli, ti mami, se unë këtë punë kam", më thoshte.

Puna

Nëna e saj, Nazimeja tregon se, Entela ka punuar më shumë se dhjetë vjet në "Top Albania Radio" dhe "Top-Channel". Ajo thotë se, ka punuar me përkushtim dhe pasion në këto media, por njëkohësisht shpreh keqardhje se nuk i kanë shkuar për ngushëllim drejtuesit e këtyre mediave dhe shoqëria e punës. "Vajza ime ka punuar në "Top-Channel", që kur ishte në shkollën e mesme, "Arben Broci" në Tiranë e deri në ditën e fundit të jetës, por ata nuk erdhën për ngushëllim", thotë nëna e Entelës. Ajo thotë se ka pritur me shpresë se do të vinin për ngushëllim njerëzit e punës ku ajo punoi për më shumë se dhjetë vjet, por nuk ndodhi kështu. "Më ka mbetur peng se, vajza ime ka punuar për dhjetë vjet me korrektësi, bile ka qenë në poste drejtuese, por nuk u vlerësua prej tyre", thotë nënë Nazimeja. Mbesa e saj thotë se, ka qenë për ngushëllim Arbana Osmani, drejtuesja e emisionit "Big-Brother" dhe nuk ka pushuar asnjë çast së qari.

Nazimeja tregon se, Entela kishte në plan për të bërë një film vetë, por nuk na tregoi se çfarë filmi. "Do t'ua bëjë surprizë, më thoshte, dhe lexonte dhe shkruante deri natën vonë. Shumë dorëshkrime të saj janë aty në sirtar", thotë ajo. Njerëzit e saj të afërt tregojnë se, Entela ka qenë anëtare e komisionit të përzgjedhjes së anëtarëve që po marrin pjesë në spektaklin "Big Brother", që po transmetohet nga "Top-Channel". Gjithashtu ajo ka organizuar disa spektakle në këtë televizion. "Entela ishte e dashur me të gjithë njerëzit që nga të vegjëlit e deri tek të moshuarit", thotë nëna e saj.

Ministri i Kulturës ngushëllon familjen e Entelës

Ministri i Kulturës, Rinisë dhe Sporteve, Ylli Pango, ishte dje për ngushëllim në familjen e Entela Hyskos. Ministri Pango u shprehu prindërve ngushëllimet më të sinqerta për humbjen e vajzës së tyre të dashur. Ai tha se, "vdekja aksidentale e Entelës është një humbje e madhe për prindërit e saj, por edhe për artin, pasi u prenë në mes ëndrrat e saj për artin". Prindërit e Entelës falenderuan ministrin Pango për ngushëllimin.

Marjeta Zaçe: Vdekja e Entelës, humbje e madhe për familjen

Të dielën në familjen e Entela Hyskos ishte për ngushëllim edhe zëvendësministrja e Punës, Çështjeve Publike dhe Shanseve të Barabarta, Marjeta Zaçe. "Erdha për të ngushëlluar familjen e vajzës, që humbi jetën në aksidentin tragjik", u shpreh zëvendësministrja Zaçe. Ajo tha se, vdekja e vajzës Entela Hysko ishte një humbje e madhe për familjen e saj dhe për të afërmit. Zonja Zaçe shoqëruar edhe nga një përfaqësi nga Lidhja Demokratike e Gruas i shprehu ngushëllimet më të sinqerta familjes së Entelës

-----------------------------

Ah nenat e shkreta...me vjen shume keq per keto dy nena, si e Dritanit ashtu dhe e kesaj vajze ..Shpirti i tyre gjithmone do te jete prane.tyre..Le ti leme rehat te prehen ne qetesi..tek e fundit ..nuk qenka gje kjo jete..si te pasur dhe te varfer atje do perfundojme....Prandaj o  cuna mos u hani me njeri tjetrin.. se kjo gje dihet ..ne shqiptaret jemi te vetmit ne bote per thash e theme ..

Respekte





--

Zhduken nga interneti fotot e Entela Hyskos, virusohet video me Dritan Hoxhën

Bledi KASMI

……..Ata që censuruan në mënyrë barbare vdekjen e të ndjerës Entela Hysko, janë hedhur në aksion për të fshirë nga faqja e dheut edhe çdo gjurmë të saj. Ata që tremben nga emri i mirë i Entelës, kanë nxituar të fshijnë me urgjencë nga interneti të gjitha fotografitë e saj artistike. Jo vetëm kaq, por ata po gërmojnë të zbulojnë se me kë shoqërohej Entela, me cilin ka bëshkëpunuar dhe me kë ka pozuar ajo që të fshijnë çdo kujtim të saj, pa ditur se gabohen rëndë. Ata e kanë humbur betejën për fjalën e lirë.

……..Ata që fshihen pas këtij skandali kanë arritur deri aty sa të përhapin mjegullnajë se, gjoja Entela Hysko nuk ka punuar fare në “Top Media”.

…….Individë të njohur edhe në botën e gazetarisë u angazhuan me të gjitha mjetet që të censurohej vdekja tragjike e Entela Hyskos. Ata kërcënuan një pjesë të mirë të gazetarëve dhe fotoreporetëve që të mos botonin as inicialet e Entelës na lajmet e dhëna për aksidentin tragjik. Mesazhet dhe telefonatat kanë qenë të qarta. “Po i marrim të gjithë në telefon dhe aksush nuk do të botojë qoftë edhe inicialet e Entelës”, ishte mesazhi telefonik që shoqërohej sa në njërën media në meidan tjetër.

……Çmenduria e këtyre telefonatave për të bllokuar dhënien e lajmit për vdekjen e 28 vjeçares krahas atij të Dritan Hoxhës ka arritur deri atje, sa të tentohej deri edhe tek ndonjë drejtues institucioni shtetëror që ta censuronin duke mos dhënë madje as inicialet e emrit të Entelës. Po kështu, porosia ka qenë e qartë për të gjithë fotoreporterët që dispononin fotografi të Entelës, që të mos guxonin të shpërndanin të tilla foto.

…….Në disa pika, si tek “Piazza” apo tek “Flora”, gazetashitësit kanë marrë një shpërblim të majmë për të mos e nxjerrë gazetën e RD-se në treg. Persona jo shumë të dyshimtë i kanë blerë të gjitha gazetat me një dorë, për të fshehur të vërtetën, që gazeta të mos shkojë tek lexuesi…..[/BLOCKQUOTE]Pike se pari, nga reagimt e sotme te shumices se diskutanteve ne forum, nuk e mohoj, jam shume i kenaqur qe kane arritur te emancipohen nga bindjet e tyre politike dhe nga paragjykimet e rastit, dhe jane bashkuar ne mbrojtje te fjales se lire. Sali Berisha ka te keqijat e tija, qe asnje nuk ja fsheh dot dhe nuk i zbut dot; por ama ne kete rast ka te drejte kur krahason veprimet e TCH dhe simotrave, (mund te thosha, Bashkepunetoreve), me ato te MAFIOZEVE !

Dje morem vesh nga bashkebiseduesit tane, se Ballkan WEb paska fshire tere komentet “kompromentuese”, po ashtu kane vepruar edhe media te tjera elektronike e te shtypit; kot sa te shkosh tek forumi i vete TCH, atje s’gjen veçse librin e ngushellimeve …

Nese lajmet e siperpermendura jane te verteta, ateher keto medota duhej quajtur me emrin e tyre : MAFIOZE, MAFIOZE dhe VETEM MAFIOZE !

TURP e faqja e zeze, nese kane bere dhe vazhdojne te bejne keto POSHTERSI te ndryra, keta kelysh te keqinj !

................................................

C`fare morali ...te punosh 10 vjet me njeri tjetrin dhe te mos i shkosh as ne varim... tamam si ne kohen e Enverit.. mbaj mend se as gjyshit tim nuk i shkuan ne varim... per te vetmen aresye se ishte kulak ...kishin frike se mos ju prishej biografia...Demokraci Enveriane...e sa sa te tjera...

Pershendetje Saranda

Po e postoj une nje foto te Entela Hyskes, marre nga Gazeta 55, ku dhe saranda kishte marre kete material

Sa vajze e bukur!!!!

Shpirti ju prehte ne paqe, c'rendesi kane tani te gjitha keto, jo homazhet nga politikanet, jo u permend jo nuk u permend.

Ajo ka nje familje qe do ta permendi, nuk ishte edhe ndonje deputete!!!!

burdulles

ihaa

Po te lexosh RD 55 e Temen normale qe do i vesh faj Tanit te Topit,kur si dini gjerat mso flisni ne hava kot,jeni bere si puna e shejtanit qe kur ska ca ben tund deren dhe ju thashetheme mjes drek dark..Harroni qe TANIN E TOPIT 1 BOTE e tere e ngushelloi dhe than per te krijoji PERANDORI e qe eshte i vetmi TV qe vertet i ka standartet per ne NATO e BE.Mos u beni si grate e liga dhe pergojoni njerzit aq me keq kur sjan me ne kete bote.Flm

Meso sikur do jetosh gjithmon,e shijo jeten sikur te jet dita e fundit...

me vjen keq qe po shkruaj ne kete menyre por me duhet ta them sinqerisht qe Entela ndoshta e genjente te jemen qe punonte te tch. e me vjen keq qe e them kete se ndoshta duket e rende por me mire te thuhen gjera reale se sa lloj lloj hipotezash te cilat vetem po i trazojnz si shpirtrat e atyre qe kane vdekur ashtu edhe trondisin akoma me shume familjet e tyre. ajo vajze e cila ishte shume bukuroshe mund te ket qene dhe vajze shume e talentuar dhe e lexuar po ju a them me siguri te plote qe ajo nuk ka punuar asnjehere ne Top Chanel.

une e njihja personalisht dhe sinqerisht me vjen keq shum per vdekjen ragjike te saj e nuk e di a ka thene e jema e saj ate cka lexova me lart apo eshte nga ato shkrimet e Fari Balliut i cili ka nxjerre mllefin e zakonshem  me ata qe ngushelluan Tanin apo dhe vet mediat qe spublikuan nje homazh per entelen dhe dhane vetem lajmin e vdekjes se saj ne aksident. Enteles se ndjere nuk mund ti bente njeri homazhe te transmetuara ne tv pasi nuk ishte nje person publik dhe i bie qe te gjithe ata qe vdiqen neper aksidente rrugore ate nate ( sepse ishin 11 te vdekur neper rruget e shqiperise po ate nate)tu beheshin homazhe te tilla. i perjetshem qofte kujtimi i Enteles dhe Z. Dritan Hoxha ju prehte shpirti ne paqe se ne shqiptaret po sbeme skenare me jetet e tet jereve nuk gjejme rehat.

Po ky Fahriu pse nuk kerkoi homazhe dhe per te tjeret qe humben jeten ne aksidente po ate dite,por vetem per Entelen ?Cfare e bente ate me te vecante nga te tjeret?Duhet te vdisnin dhe ata me Dritanin qe tu kerkohej homazh?

Shume qesharak jane bere keta gazetaret.