Forumi Horizont (http://www.forumihorizont.com/index.php3)
- Mediat Shqiptare (http://www.forumihorizont.com/forumdisplay.php3?forumid=129)
-- Kur lajmet behen prekese (http://www.forumihorizont.com/showthread.php3?threadid=8819)

Sot ne mengjes: Burri vret gruan dhe vajzën 17 vjece

------------------
Lajmet shqiptare jane katastrofe çdo dite xhanem. Per shembull, kete jave ra nje autobus, nje 25 vjeçar u vra ne lezhe, nje 16 vjeçar u vra ne konflikt me policine, ndersa nje burre sapo u gjet i vrare ne Shkoder.
Megjithate krimet ne familje fitojne gjithmone rekordin. Kjo me poshte ka ndodhur sot ne mengjes gjithashtu ne Shkoder.
------------------


SHKODER-Një krim i dyfishtë brenda familjes ka ndodhur sot në një fshat të Shkodrës.

Ngjarja e rende u shënua rreth orës 05:30 minuta të mëngjesit të sotëm në fshatin Samrish të Komunës Dajc në familjen Rrjolli. Mësohet se kryefamiljari Pjetër Rrjolli qëlloi me armë zjarri për vdekje vajzën e tij 17 vjece Kristina Rrjolli dhe bashkëshorten Mina Rrjolli, 40 vjec.


Krimi për motive të dobëta
Ka qënë një sherr mes gruas dhe burrit heret ne mengjes ku vajza më e madhe e shtëpisë, Kristina është mundur ta zbusë. Gjithcka ndodhi në dhomën e gjumit të ciftit. Dyshohet se Pjetër Rrjolli ka qëlluar gruan e tij, Minën dhe e ka kërcënuar atë me armë. Në moment ka ndërhyrë vajza që është munduar ti marrë babait armën nga duart. Por, tepër vonë, arma shkrehet dhe mbetet e vdekur Mina dhe plagoset rëndë dhe gjen vdekjen pas disa minutave, vajza Kristina. Ngjarja e rëndë ndodhi para syve të dy fëmijëve të tjerë të familjes Rrjolli, më të vegjël në moshë se Kristina.
Ka qënë vetë Pjetri që telefonoi policinë për cfare ndodhi në banesën e tij.

Nga informacionet që ka marrë policia, u mësua se cifti grindej vazhdimisht për motive xhelozie dhe për gjendjen e rëndë ekonomike ku ndodhej familja.
Policia e konsideroi vrasjen e ndodhur për motive të dobëta, ndërsa babai dhe njëkohësisht bashkëshorti vrasës ndodhet në arrest në gjendje të rëndë psikologjike. Ndërkohë dy fëmijët e vegjël të familjes janë marrë nga të afërmit qe po perpiqen ti qetësojne pas tragjedisë së ndodhur në banesën e tyre.

(d.b/BalkanWeb)

--------------------------

Ky eshte i disati lajm me te njejten skeme. Babai rref gruan, vajza nderhyn ti qetesoje, burri i vret te dyja. Ndonjehere vajza arrin te vrase babain (para disa muajsh), por ky eshte lajm i rralle. Nderkaq djemte i vrasin baballaret per konflikt direkt, jo per shkak te nenes, gje qe tregon per unitetin e çelikte femeror ne sofrat shqiptare.