Po citoj ato që tha Vizioner
Grupi Parlamentar i Partisë Demokratike ka bërë të ditur se do të padisë penalisht Prokuroren e Përgjithshme, Ina Rama. Deputeti i kësaj force politike, Aldo Bumçi në një deklaratë për mediat është shprehur se kjo është ndërmarrë pasi sipas tij znj. Rama, po shkatërron procesin e hetimit të ngjarjes së "21 janarit".
"Çdo ditë Prokurorja e Përgjithshme Ina Rama, nxjerr në pazar dosjen e hetimit të puçit të organizuar nga Edi Rama më 21 Janar. Me gjithë kërkesën e prerë dhe të përsëritur të paraqitur nga qeveritë e Shteteve të Bashkuara të Amerikës dhe Bashkimit Europian për një hetim të pavarur, të gjithanshëm dhe transparent Prokuroria e Përgjithshme, Ina Rama duke dëshmuar se e ka shndërruar prokurorinë në një repart të Partisë Socialiste boton në shtypin e opozitës dëshmi dhe dokumenta duke faktuar se vazhdon rolin që ka marrë përsipër në skenarin për përmbysjen me dhunë të maxhorancës legjitime të Shqipërisë",- u shpreh Bumçi.
Ai shtoi se "shoqja e bulevardit është në kontakt të vazhdueshëm me organizatorët e puçit".
"Ne po ndjekim me shqetësimin më të madh vazhdimin e skenarit të puçit fytyrën e shëmtuar të të cilit qytetarët Shqiptarë e panë dje në Kuvend dhe e shohin çdo ditë në mediat e Edi Ramës që botojnë dokumentat e dosjeve duke dëshmuar se kjo zonjë nuk ndalet me rolin që ka marrë përsipër",- tha deputeti i PD-së.
Sipas Bumçi të gjitha këto janë "përpjekje për të rrëzuar një shumicë legjitime me dhunë".
