Policia ka arrestuar katër të rinj me akuzën e fyerjes së kryeministrit, për shkak të detyrës
Katër të rinjtë, studentë të shkëlqyer dhe aktivistë të shoqërisë civile. Kishin dalë të protestonin për mungesën e drejtësisë
Patrullat e policisë së komisariatit nr.3 të kryeqytetit arrestuan katër të rinj adoleshentë, studentë dhe nxënës të shkollës së mesme që u kapën duke ngjitur disa postera satirikë që ngjanin si lajmërime vdekje, ku ironizohej me kryeministrin Sali Berisha. Të arrestuarit janë Arlind Kote 22 vjeç, Klevis Bejleri 22 vjeç, Dritan Broka 20 vjeç dhe Geraldo Durdaj 17 vjeç. Katër të rinjtë ishin pjesë të një forumi të quajtur “Rinia Aktive”, si edhe të Parlamentit Rinor.
Berisha: Traktet për vdekjen time, skenar i Ramës
Duke iu drejtuar Prokurorisë, kryeministri është shprehur se të rinjtë duhet të lirohen,
duke u munduar ta kalojë çështjen nga shoqëria civile sërish te politika, Berisha tha se kjo është një “sëmundje” që e ka përhapur kryetari i opozitës.
Katër të rinjtë Arlind Kote 22 vjeç, Klevis Bejleri 22 vjeç, Dritan Broka 20 vjeç dhe Geraldo Durdaj 17 vjeç mësohet se janë liruar pas 48 orë të mbajtur të shoqëruar në komisaritatin nr. 3 të policisë në Tiranë. Ndalimi i të rinjve dhe akuza për “fyerje për shkak të detyrës” solli një reagim të madh në opinionin publik.