Forumi Horizont (http://www.forumihorizont.com/index.php3)
- Mediat Shqiptare (http://www.forumihorizont.com/forumdisplay.php3?forumid=129)
-- Kur lajmet behen prekese (http://www.forumihorizont.com/showthread.php3?threadid=8819)

Perdhunim me grup!!!!

Katër shokë kanë përdhunuar një 20-vjeçare, e cila më pas i ka denoncuar në polici. M.Z., 20-vjeçe, banuese në lagjen “Allias” të Tiranës.

Ngjarja ka ndodhur në orët e vona të së enjtes kur, Ervis Meshi, 20 vjeç, banues në Laprakë, Shkëlzen Tafa, 30 vjeç dhe Klodian Sulçe, 22 vjeç banues në Kamëz e kanë marrë 20-vjeçaren në rrugën “Niko Avrami” me një taksi që drejtohej nga shtetasi Behar Rexha, banues në Kamëz.

Prej pak kohësh ishte lidhur me njërin prej katër djemve, të cilët e përdhunuan. Dy netë më parë, 20-vjeçarja M.Z. pranë rrugës “Niko Avrami” në kryeqytet, ka takuar të dashurin e saj bashkë me dy shokët e tij. Një mashtrim i çastit ka futur në “grackë” 20-vjeçaren, e cila ka pranuar të shkojë me të dashurin e saj dhe shokët e tij. Tre të rinjtë, Ervis Meshi, Shkëlzen Meshi dhe Klodian Sulçe, kanë lajmëruar shokun e tyre Behar Rexha, i cili ka mbërritur menjëherë me taksinë e tij të palicencuar pranë vendit ku ndodheshin të rinjtë bashkë me vajzën. Taksia është nisur drejt Fushës së Aviacionit ku dhe ka ndaluar. Për më shumë se tri orë 20-vjeçarja M.Z. ka rënë pre e epsheve seksuale të katër djemve të cilët nuk kanë ngurruar ta përdhunojnë. Katër të rinjtë kanë ushtruar dhunë ndaj vajzës, dhe më pas e kanë përdhunuar të gjithë me radhë. Pasi kanë përfunduar aktin, katër shokët janë larguar duke e lënë vajzën në mes të rrugës në orët e vona të natës. E dëmtuara është drejtuar menjëherë për t’i kërkuar ndihmë policisë.