Forumi Horizont (http://www.forumihorizont.com/index.php3)
- Bota e re e prozes (http://www.forumihorizont.com/forumdisplay.php3?forumid=338)
-- Tregim nga jeta reale:"Ja si rashe ne dashuri me Bleten..." (http://www.forumihorizont.com/showthread.php3?threadid=14115)

..
.......Papritur Bleta u ngrit nga vendi i saj dhe me nxitim u drejtua për tek qoshja ku ishte vendosur një pjano e madhe koncertesh. U ul atje dhe pa asnjë përgatitje filloi të luante një pjesë të komplikuar nga Moxart, ishte pikërisht “Sonata e katër duarve”, pjesë që ajo vazhdimisht e ekzekutonte me partnerin e saj.
.......Misteri e ndali vështimin atje dhe po e ndiqte me vëmendje, se si ajo po mundohej që të plotësonte boshllëqet e krijuara nga mungesa e partnerit…Ishte gati që të shkonte atje dhe ta nxirrte miken e vjetër nga ajo situate e vështirë, por nuk kuptonte se pse, një pjaniste si ajo, i ishte future, kështu si padashur, një loje aq të pakuptimtë. Sonata e Moxartit kërkonte pikërisht katër duar dhe dy duart e tjera atë natë mungonin. Enya, ishte padyshim një violiniste klasi, por në pjano ai nuk e kishte parë që të luante asnjëherë. Mos vallë Bleta, po ftonte dikë tjetër në pjano në këtë mënyrë dhe e kishte bërë këtë veprim me paramendim? Gluk ishte zhdukur nga salla dhe nuk dihej se ku kishte shkuar me vajzën e tij. Deni ishte pak a shume e re në atë lokal dhe ai nuk e kishte idenë që edhe ajo mund të luante në pjano. Ai vetë kishte luajtur dikur, shumë kohë më parë, por askush aty në sallë nuk e dinte këtë. Oh, po e lodhte kokën me arsyetime të kota. Para tij ishte një vajzë e bukur dhe ai po tregohej i pavëmëndshëm sa duhej.

.......Deni mbasi e kishte marrë veten mirë nga e papritura e këndëshme, filloi që të shkëmbente shënja me Enya-n. Misteri, bëri sikur nuk po shihte, pikërisht për të mos krijuar një situatë jo të këndëshme. Vajza, mendoi me vete, gjithmonë kanë diçka për të thënë.

 

DXP