Forumi Horizont (http://www.forumihorizont.com/index.php3)
- Arkiva (http://www.forumihorizont.com/forumdisplay.php3?forumid=356)
-- Mendime te castit... (http://www.forumihorizont.com/showthread.php3?threadid=18213)

''Qeveria hedh valle mbi kufoma!''- (Arben Duka)


Me kujë dhe me lot,
Po qan dhe flamuri
Shqipëria ime,
Ç ’e keqe të zuri?

Këngët e mjerimit
Në buzë të mbetën,
Ata që të vodhën
Të morën dhe jetën.

Në goglën e fundit
Ta shtrënguan lakun,
Ata që të vodhën
Të derdhën dhe gjakun.

Dëshmorët dhe varret
Liri po thërrasin,
Kusarët e shtetit
Popullin e vrasin.

Janë zhytur kaq thellë
Në llumë e batak,
Kolltuqet e zeza
Po kullojnë gjak!

Vampirët me gjak
S ’janë ngopur akoma,
Qeveria hedh
Valle mbi kufoma!

Të gjithë morëm plagë
Nga ai tërmet,
Qeveria vrau
Popullin e vet!

Popullin e mbyti
Në gjak dhe në lot,
Dhe në jetë të jetëve
Duart s ’i lan dot!!