Forumi Horizont (http://www.forumihorizont.com/index.php3)
- Diskutime te ngjarjeve nga Shqiperia (http://www.forumihorizont.com/forumdisplay.php3?forumid=307)
-- Lajmet e fundit... (http://www.forumihorizont.com/showthread.php3?threadid=15860)

Citim:

---

Po citoj ato që tha Ignatius
Fajtori,

2. FH eshte forum shqiptar qe menaxhohet nga staf pergjithesisht shqiptar,

Kush jane te hujat qe drejtojne forumin?

---

Citim:

---

Po citoj ato që tha Ignatius
E kutpje, prandaj ky forum i vjeter nuk ka shume antare dhe nuk ka debate interesante.

---

Citim:

---

Po citoj ato që tha Roi



Kjo eshte e forte fare...shikojeni deri ne fund

---

Piktor,

Ju ftoj

http://www.forumihorizont.com/showt...?threadid=17747

me ngeli hatri .... ftove vetem piktorin lol

Te gjithe jane te ftuar. Te gjithe jane te mirepritur.

Çfarë fshihet pas ndërtimit të varrezave greke të vitit 1940-1941?!
Written by Gazeta SOT
E Diele, 28 Mars 2010 00:00
Nga Arben LLALLA

Skandali i ndodhur në paradën greke në Athinë më 25 mars me thënie raciste nuk qe rastësi, as incident, por ka prapavijë serioze,

kjo është paralajmëruar para disa ditësh nga qarqet nacionaliste greke. Më 25 mars Kuvendi i Shqipërisë me 66 vota pranoj që në Shqipëri të ndërtohen dy varreza gjigante greke në kujtim të ushtarëve grek të vrarë në luftën italo-greke 1940-1941. Të gjithë ata deputetë që votuan kanë bërë tradhti kombëtare, njëri nga këta është deputeti Dritan Shehu i cili ka lidhje të forta me grupet nacionaliste greke. (Këtë e dinë të gjithë emigrantët shqiptar në Selanik sepse Dritan Shehu ka bërë disa lëvizje të dyshimta në vitet 2000-2004). Kuvendi i Shqipërisë e aprovojë këtë ligj në ditën e pavarësisë së Greqisë (25 mars 1821-2010) dhe në të njëjtën kohë kur kryetari i Fondacionit grek për Amerikën Michalis Servos i shkroi Kryetarit të Republikës së Shqipërisë z. Bamir Topit më 15 mars një letër të hapur ku kërkonte autonominë e Vorioepirit. Prandaj nuk është e rastësishme edhe kënga e trupave speciale greke në ditën e festës së 25 marsit për hakmarrje ndaj shqiptarëve. Kush ka jetuar në Greqi i njeh mirë grekët në zakone dhe psikologjinë primitive që udhëhiqen. Për të qenë më i qartë, kush ka dëshirë të mësojë rreth karakterit grek le të lexojë librin e shkrimtarit grek Nikos Dhimu “Fatkeqësia të jesh grek”, një libër që është botuar për herë të parë më 1975 dhe deri më sot është ribotuar 23 herë. Shkrimtari grek Nikos Dhimu në 19 qershor të 2009 deklaroi për gazetës e madhe amerikane Neë York Times se “Ne kemi folur gjuhën shqipe dhe vet thirreshim romei, por pastaj Ëinckelmann, Gëte, Victor Hugo, Delacroix, ata të gjithë na thanë, “Jo, ju jeni grek, pasardhësit e drejtpërdrejtë të Platoni dhe Sokrati”.
Komentet ua kam lënë të tjerëve të merren me librin dhe thënien e studiuesit dhe publicistit grek Nikos Dhimu. Greqia kur ka probleme të brendshme ekonomike gjithnjë nxjerrë në dukje çështjen me fqinjët e saja që vëmendja e popullit grek të mos përqendrohet në problemet e brendshme, por në mbrojtjen e çështjeve të tyre nacionaliste.
***
Letër e hapur
Nr. Prot. 1503-2010, drejtuar Presidentit të Republikës së Shqipërisë, Shkëlqesisë së tij z. Bamir Topi.
I nderuar z. President, Siç e njeh dhe Shkëlqesia juaj, Akademia e Shkencave, përbën institucionin më të rëndësishëm shkencor të çdo vendi. Synimet kryesore të çdo akademie janë: ndërmarrja e studimeve dhe hulumtimeve në fusha të ndryshme të shkencës, publikimi i tyre, bashkëpunimi me rrjetin e institucioneve të saj dhe me institucione të tjera si dhe me universitetet në Shqipëri, pjesëmarrja e potencialit shkencor të saj në veprimtari të ndryshme, si dhe krijimi dhe përforcimi i lidhjeve dhe i bashkëpunimit me Akademi të huaja. Me ndryshimin e regjimit në Shqipëri, kur ra sistemi i Partisë së Punës, besuam se Akademia do t’i përkushtohej një vepre të pavarur, pa u ndikuar nga idetë nacionaliste dhe duke qëndruar gjithmonë brenda kuadrit te bashkëpunimit dhe të miqësisë së sinqertë. Viti 1998 solli botimin e Akademisë me titull: “Platforma për zgjidhjen e çështjes Shqiptare”, një botim i cili karakterizohet prej një shovinizmi të pa fre, përderisa mbron “bashkimin e gjithë shqiptarëve në një shtet etnik”, dhe “hapësirën etnike shqiptare historikisht”, e shtrin shumë më tej krahinave që banohen prej shqiptarëve, në ish Jugosllavinë, ose duke përfshirë edhe Prevezën, Kosturin dhe Follorinën. E njëjta taktikë ndiqet edhe në botimin e ri të Akademisë që është “Fjalori Enciklopedik Shqiptar”. Në të dy vëllimet që qarkulluan prej tij, “Fjalori Enciklopedik Shqiptar”, përsërit të njëjtat gjëra dhe këmbëngulë për prejardhjen etnike shqiptare të Artës, të Janinës, të Prevezës dhe Igumenicës, krahina të cilat i përkasin Greqisë të paktën që me vendosjen e vijës kufitare midis Greqisë dhe Shqipërisë. Gjithashtu, shpesh bëhet falsifikimi dhe përvetësimi i historisë helene, sidomos e pjesës që ka lidhje me Epirin. Shpifës dhe shpërfolës është gjithashtu Fjalori në fjalë, për Minoritetin Etnik Grek. Ai nuk përmban trajtime të ndryshme lidhur me përcaktimin e Minoritetit Etnik Grek dhe as për rolin që luan në shtetin shqiptar. Në pikën që i referohet termit “Dropull”, (një krahinë me popullsi greke, që edhe regjimi i E. Hoxhës e njihte si krahinë minoritare, qoftë për propagandë, mbahej si simbol i përfaqësimit të gjithë Minoritetit Etnik Grek), popullsia greke e saj nuk konsiderohet autoktone dhe as përcaktohet periudha historike e vendosjes së grekëve aty. Gjithashtu Fjalori cilëson banorët e dy fshatrave të Dropullit: Frashtan dhe Lugar si shqiptarë. Për treva të tjera me popullsi greke, siç janë Vurgu, krahinat e Delvinës, Theologo, Livadhja nuk përmendet kombësia e banorëve tyre, ndërkohë thekson se kjo popullsi i përket minoritetit Grek. Për popullsinë e Livadhjasë nuk përmendet kombësia greke e saj, po ashtu edhe për popullsinë e krahinës së Himarës, e cila është gjithmonë në shënjestër të politikës nacionaliste shqiptare. Gjithashtu bëhen përpjekje që të krijohet imazhi se në krahinat me popullsi greke mbizotëron elementi shqiptar me prezencë historike. Fshatrat përmenden me emrat që imponoi shteti shqiptar ose i kishte vënë arbitrarisht Partia e E. Hoxhës.
Në Fjalor nuk përmenden personalitetet e Minoritetit Etnik Grek, ndërsa tek referimet e pakta që bëhen në figurat e tij, thuhet se kanë prejardhje nga prindër me kombësi greke, ose thjesht janë shqiptarë.
Të nderuar zotërinj!
Letra ime ka për synim të publikojë një çështje që ka lidhje me veprimtarinë e Akademisë suaj të Shkencave, që ka për qëllim t’u kundërvihet fakteve historike të cilat vërtetojnë prezencën e lashtë në trojet e veta të Grekëve të Shqipërisë. Nacionalizmi është një këshilltar i keq, veçanërisht në trevat e Ballkanit, përderisa gjithmonë ka shtyrë popujt që jetojnë këtu, në luftëra të përgjakshme dhe shumëvjeçare. Prandaj, në kuadrin e kompetencave tuaja, do t’ju luteshim të ndërmerrni iniciativa konkrete për heqjen e fakteve absurde nga faqet e Fjalorit Enciklopedik Shqiptar, me qëllim që t’u vihet fre njëherë e përgjithmonë qëndrimeve nacionaliste.
Me respekt
Michalis Servos

***
Kryetari i Fondacionit Grek në Amerikë

Ndërtimi i varrezave kushtëzim dhe nënshtrim i Shqipërisë

Nënshkrimi i marrëveshjes mes Shqipërisë dhe Greqisë për ndërtimin e dy varrezave të ushtarëve grekë në vendin tonë tregoji edhe njëherë se politikanët, ministrat, deputetët shqiptar u gjunjëzuan përpara presioneve greke për disa varre. Sot ndërtimi i këtyre varrezave na duket si diçka normale dhe e shenjtë, por grekët kanë arritur të ngrenë tezën për edukimin e brezave të ardhshëm grek se Shqipëria ka pushtuar Voriepirin(jugu i Shqipërisë) në luftën italo-greke. Të gjithë e dimë që po realizohen skenarë të tillë dhe heshtim, heshtim përpara tragjedisë që po na troket në derë. Nënshkrimi i marrëveshjes mes Shqipërisë dhe Greqisë për ndërtimin e dy varrezave të ushtarëve grekë në vendin tonë ishte vënë si kusht për ratifikimit nga ana e Kuvendit të Republikës Greke të MSA-së mes Shqipërisë dhe Bashkimit Evropian. Aprovimi për dy varrezat mund ti ishte kushti që Greqia të pajtohet për lëvizjen e lirë të shqiptarëve në vendet e Shengenit ku bëjnë pjesë disa vende të BE. Duke qartë që Greqia për çdo votë pro Shqipërisë kërkon diçka jashtë çdo ligji Ndërkombëtare.
Lind pyetja: Çfarë kushti do të verë Greqia për anëtarësimin në BE Shqipërisë?
Mos po përgatitet terreni për shpalljen e autonomisë së Vorioepirit?!
E pra, Shqipëria sot udhëhiqet nga njerëz pa shtyllë kurrizore, pa dinjitet kombëtare sepse vetë faktet flasin. Shqipëria sot nuk paska burra, por meshkuj që pas pesë minutash kthehen në lavire. Por opinioni duhet të pyes pse Greqia nuk kërkon ndërtimin e varrezave të Ushtrisë Demokratike Greke (DSE) që udhëhiqeshin nga komunistët të vrarë në luftën qytetare 1946-1949 në territorin e Shqipërisë, në Mali Gramoz?!
Rreth 10 mijë komunistë grek mund të jenë vrarë në Mali Gramoz
Në vitin 1946-1949 u zhvillua lufta qytetare në Greqi për pushtet midis forcave të djathta (IDEA) që ndihmoheshin pa rezerva nga Britania e Madhe, SHBA dhe forcave të majtat të njohura Ushtria Demokratike Greke(DSE) Në përfundim të kësaj luftës qytetare (1946-1949), u vranë 41.970 ushtarë të Ushtrisë Demokratike Greke që udhëhiqej nga komunistët, u dorëzuan 24.300, u kapën rob 23.950. U larguan nga Greqia për në vendet e Evropës, 70 mijë njerëz , pleq, gra dhe fëmijë. Edhe pse të përçarë nga grindjet e brendshme, ushtarët e Ushtrisë Demokratike Greke(DSE) bënë një qëndresë heroike, por pa rezultat në malet e Vicit e të Gramozit, pak më në jug të kufirit me Shqipërinë. Edhe sot e kësaj dite, Gramozi ka një ngastër pa bimësi në terrenin e tij të pyllëzuar, ku ushtria mbretërore(IDEA) pati përdorur napalm, e para herë që ushtarët amerikanë mundën të vlerësonin efektet e kësaj lënde djegëse. Ushtria e majtë, DSE e izoluar kishte përfituar ndihmë nga Shqipëria dhe vendet e tjera komuniste disa mushka me pushkë dhe dhjetëra topa. Strategjia e izolimit të forcave të Ushtrisë Demokratike Greke në male ishte e gabuar dhe fatale. Ndërhyrja e aviacionit amerikan për asgjësimin e forcave të qëndresës ishte vendimtare. Forcat e djathta (IDEA) të mbretërisë greke kishin marrë nga aleatët e tyre Anglia dhe SHBA ndihma ushtarake me vlerë 353, 6 milionë dollarë, ku hynin 159.922 armë të vogla dhe 4.130 mortaja e topa...
Pra, duke parë që gjatë luftës qytetare greke 1946-1949 janë vrarë në tokën shqiptare qindra apo mijëra ushtarë grek, atëherë pse qeveria greke nuk kërkon të ndërtohen varreza edhe për këta ushtarë që u vranë për ideologji dhe luftë për pushtet?!
Varrezat shqiptare të zhdukura në Selanik
Në shekuj, Selaniku ka qenë i banuar nga shumë raca njerëzish si grekë, shqiptarë, turq, çifutë, sllavë etj. Të cilët kishin edhe varrezat e tyre në këtë qytet. Ligji grek përcakton që të vdekurit duhet të kenë varr të paguar nga familjarët e tyre. Kështu bashkësia shqiptare që për shekuj kishte jetuar dhe punuar në qytetin e Selanikut kishin varrezat e tyre në një kodër. Por në vitet 1974-1976 qeveria e asaj kohe greke urdhëroi që të zhdukeshin varrezat shqiptare dhe mbi ato varre të ndërtohej një lagje me banorë të gjallë. Sot ajo lagje quhet “TRIANDRIA”. Për çudi, ende sot e kësaj dite nuk ka interesim nga qeveria shqiptare se ç’u bë me eshtrat e të vdekurve. Gjatë kërkimeve të mia historike në Selanik nuk gjeta asnjë dokumentacion që lagja Triandria kishte qenë varrezë e shqiptarëve. Në vitin 2003 ndesha në librin e Artë të Adresave të Selanikut një hartë ku si varrezë të shqiptarëve përcaktohej qendra Maqedoniko në lagjen e Neapolit. Por nga dëshmitë e njerëzve mësova se përpara kjo qendër kishte qenë varrezë e rumunëve dhe jo e shqiptarëve. E cila edhe kjo varrezë e rumunëve ishte prishur në vitet 1974-1976, me urdhër të qeverisë greke. Për përcaktimin e saktë të varrezave të shqiptarëve në Selanik më ndihmoi djali i motrës së atdhetarit Avni Rustemit i cili në ato varreza kishte pasur varrin e prindërve. Në varrezat shqiptare në Selanik ka patur varrin edhe ish-kryeministri i Shqipërisë Hasan Bej Prishtina, eshtrat e të cilit u kthyen në Shqipëri në vitin 1976. Janë të vetme eshtra që nuk i zhdukën grekët gjatë prishjes së varrezës shqiptare. Po kështu një dokument për ekzistimin dikur varrezë e shqiptarëve lagja Triandria është botuar në Gazeta e Athinës në shtator të vitit 2002. Ku Shahin Qenan Mesareja nipi i gjeneralit turk me kombësi shqiptare Hasan Tahsin Pasha deklaron se varri i Hasan Tahsin Pashës ka qenë në varrezat shqiptare në Triandria në Selanik të cilat janë zhdukur. Gjenerali Hasan Tahsin Pasha ka shërbyer si komandat i ushtrisë turke në Greqinë e Veriut. I cili më 26 tetor të vitit 1912 u dhuroi grekëve qytetin e Selanikut midis pretendimeve edhe të ushtrisë bullgari. Shteti grek mund të zhduki varrezat e çdo kombi jogrek, ndërsa Shqipëria duhet të nderojë ushtarët grek që janë vrarë në Shqipëri si pushtues në luftën italo-greke të vitit 1941.

Last Updated on E Diele, 28 Mars 2010 08:19

Interneti, rreziku kryesor për humbjen e kujtesës

Interneti ofron mundësi të pafundme informacioni por nga ana tjetër Ka një kosto të madhe edhe për ndryshimet sociale të njeriut.
Bashkë me leximin, ndryshon edhe mënyra se si i analizojmë gjërat sepse duke kaluar nga letra në ekran, humbasim kapacitetin e përqëndrimit dhe zhvillojmë një mënyrë të të arsyetuari shumë sipërfaqësore.

Dy vjet më parë, revista “The Atlantic” turbulloi ujërat pasi publikoi një shkrim me titullin “Google po na bën më budallenj?”. Studiuesi Nicholas Carr është një nga kundërshtarët më të mëdhenj të botës virtuale dhe ai konsiderohet nga njerëzit e internetit si “armiku i teknologjisë” pasi publikoi këtë shkrim.

“Në të vërtetë deri në vitet ’80 kam qënë një konsumator i teknologjise dixhitale duke filluar nga Mac Plus. Kam qënë përherë një teknofil jo teknofob. Por me kalimin e kohës kam ndryshuar mendje pasi u zbulua se përvec avantazheve, interneti na sjell edhe disavantazhe”, shprehet Carr nga Kolorado ku tashmë shkruan libra.


Një debat mjaft të madh ka ngjallur edhe “Cushing Academy”, një shkollë elitare në Massachusetts, biblioteka e pasur e së cilës u zëvendësua brenda pak kohësh me kompjutera. Nga ana ekonomike kjo bibliotekë kushton më pak, por pa libra në dorë është shumë e vështirë të përqëndrohesh. Humbja e kujtesës për një kohë të gjatë është rreziku më i madh që të ofron luksi i përdorimit të internetit dhe ky është një debat që sapo ka marre jetë në SHBA.


per ne qe jeni gjithe diten ne internet pas ca vitesh do harrojme dhe nga kemi ardhur sipas ktyre

Humbja e kujteses nuk vjen nga interneti, por nga bombardimi i trurit me informacion. Nderkohe dihet qe kompjuteri dhe ineterneti nuk te ben dot supermen, je ti qe duhet te kesh aftesine te zgjedhesh informacionet.

Te thuash se interneti te heq kujtesen eshte si te thuash se bakllavaja vret. Normal qe po hengre bakllava pafundesisht edhe vdes.

Koret raciste, paradë e turpit

Pothuajse të gjtha mediat televizive dhe gazetat e fundjavës në Greqi kanë transmetuar dhe publikuar reagimet për britmat e urrejtjes në fundin e paradës së 25 marsit nga një togë ushtarake që i përkiste një brigade kufitare të marinës greke.

“Është pezulluar nga detyra togeri i misioneve nënujore të marinës detare, pas reagimeve të krijuara nga thirrjet raciste të marinsave në paradën e 25 marsit”, njofton televizioni grek “Mega”.

Përveç deklaratës për shtyp nga ministri i Mbrojtjes së Qytetarit kanalet greke kanë transmetuar edhe qëndrimin e prerë të numrit dy të kësaj ministrie, Spiro Vujas nga qyteti i Selanikut.

“Është e papranueshme ashtu siç theksoi edhe vetë ministri. Përveç urdhërit për një hetim, është kryer edhe pezullimi nga detyra e oficerit në fjalë. Unë besoj se këta persona nuk kanë vend në trupën e marinës detare e cila po ndryshon e po organizohet në mënyrë të ndryshme nga këto sjellje”, deklaroi zv/ministri Vujas.

TCH

Përkujtohet tragjedia e Otrantos

Tragjedia e Otrantos është përkujtuar pas 13 vjetësh nga miqtë, shokët dhe të afërmit e atyre që humbën jetën në det.

Ata vijojnë të kërkojnë drejtësinë e munguar në këto 13 vjet, ndërkohë që apeli i është drejtuar shtetit shqiptar, me qëllim dëmshpërblimin e familjeve të këtyre viktimave dhe vënien në vend të drejtësisë.
Familjarët e viktimave duke i bërë apel shtetit kanë theksuar se, strukturat përkatëse duhet t’i orientojnë drejt zgjidhjes.

Ne 28 mars të vitit 1997 rreth 115 shtetas shqiptar po udhëtonin me anijen “Katri i Radës” drejt Italisë. Pas rreth 4 orësh lundrim në det, kanë mbërritur në Kanalin e Otrantos, aty ku dhe u godit nga anija luftarake italiane “Sibila”. 57 persona humbën jetën, 24 u deklaruan të humbur dhe vetëm 34 arritën të mbijetonin.

TCH