Forumi Horizont (http://www.forumihorizont.com/index.php3)
- Boks (http://www.forumihorizont.com/forumdisplay.php3?forumid=223)
-- Luan Krasniqi (http://www.forumihorizont.com/showthread.php3?threadid=4203)

Boksi.

Se kush nga ne ndoshta e njeh se kush eshte Luan Kransniqi.
Luan Krasniqi ka lindur më 10 Maj 1971 në fshatin Junik të Kosovës. Ai rrjedh nga një familje e thjeshtë kosovare dhe është fëmija më i vogël prej 8-të fëmijëve të familjes Krasniqi. Ai ka kaluar një fëmijëri të bukur në Junik, deri në vitin 1987, ku ai përfundoi shkollën fillore dhe 8-të vjeçare. "Kur unë dëgjova që ne do t´a shihnim përsëri babanë, i cili kishte emigruar në Gjermani që në viti 1970-të, u gëzova pa masë. Unë kisha ëndërruar të jetoja në një qytet të madh dhe kjo ëndërr mu realizua." Luan Krasniqi u stacionua në qytetin e Gjermanisë Rottweil, ku ai aty hodhi hapat e para në ringun e boksit duke përfunduar njëkohësisht abiturën dhe shkollën e tregëtisë. Ai merr pjesë në shoqatën e boksit BSV Rottweil duke u stërvitur nga një trajner i lartë boksi si Theo Korekesch.

Puno e palodhur dhe bashkëpunimi i mirë me trajnerin, bëri që ai t`i futej i sigurt karrierës së boksit, si një boksier i peshës së rëndë. Puna e fortë e tij dhe bashkëpunimi i ngushtë me trajnerin nuk ka rreshtur edhe në ditët e sotme. Ai së bashku me familjen e tij gëzoi të drejtën e shtetësisë gjermane. Për hërë të parë ai përfaqëson Gjermaninë në boks në turneun ndërkombëtar në Liverpool ku ai aty arriti të fitojë medaljen e artë. Në të njëjtin vit, ai vazhdon rrugën e fitoreve duke fituar përsëri një tjetër medalje të artë në Kampionatin e Boksit gjerman në Berlin. Po në qytetin e Berlinit ai në Kampionatin Botëror, mbajtur në vitin 1995, arriti të vitonte kuner wladmir Kliçko dhe morri medaljen e argjëndit. Më pas ai humbi me pikë me boksierin e famshën kubanez Felix Savon por po atë vit ai e mbylli me marrjen e medaljes së artë në Kupën ndërkombëtare Chemi në Halle.

Pas tre fitoreve të shkëlqyeshme ai i drejtohet Lojrave Olimpike ne Atlanta në vitin 1996. Ai me shpejtësi kaloi deri në gjysëmfinale kur aty pasi ishte lënduar poshtë syrit të djathtë, i këshilluar edhe nga mjeku, u detyrua të mos diltë në ring, gjë që ndikoi në mos realizimin e ëndrrës të tij për të luftuar për medaljen e artë. Ai kthehet në Gjermani duke i dhuruar asaj për herë të parë, që prej vitit 1976, një medalje bronxi për peshën e rëndë në Boks. Atlanta per Luanin ka edhe nje mbrese tjeter. Ai aty takohet me idhullin e tij, boksierin më të madh të të gjitha kohrave. "Muhamed Ali ishte dhe mbetet idoli im. Askush nuk ka arritur atë që ka arritur ai. Një fenomen i tillë nuk vjen më në jetë".

"Takimi me Muhamed Ali ishte per mua një nder i madh, gjë që unë nuk do ta harroj kurrë." Pasi hodhi hapat e parat plot sukses ai kalon tek ekipi i boksit Panix Promotion ku në këtë ekip ishte edhe Lennox Lewis. Më 2 shtator te vitit 1997 ai fiton për këtë ekip kundrejt boksierit Harry Senior vetëm me anën e një gjysëm pike. Kjo ishte koha kur ai konsolidohet si boksier dhe cilësitë e tij ngriheshin dita - ditës duke ecur gjithmonë drejt rrugës së profesionalistit dhe progresit. Muskujt e tij vinin duke u zmadhuar pa humbur atë shkathtësinë dhe refleksivitetin e tij. Më pas ai ftohet në Angli nga Big Bear Lake duke ushtruar mo boksierin e famshëm botëror Lennox Lewis, i cili përgatitej njëkohësisht për dyluftimin ndaj boksierit Golota. Aty Luani tregoi se mund t`i përshtatej atij niveli dhe kjo ishte edhe arsyeja që ai ka qënë edhe tre herë atje.

Ndërkohë që Lewis përgatitej për dyluftimet me Briggs, Mavroviç und Holyfield, ai ishte njëkohësisht sparring-partner më i mirë për Luanin. Kështu kapërceu Luani pengesat e para për të hyrë si "fillestar" në gjirin e boxierëve profesionalistë. Ai zhvilloi 15 dyluftime për Panix Promotion dhe në vitin 2000, kur Lennox Lewis u largua nga ky ekip, Luanit i duhej të shikonte tjetër alternativë. Në muajin Shkurt 2000 kaloi në Hamburg pranë Universum Box-Promotion, ku ai aty fitoi disa dyluftime. Ne Janar 2001 ai nënshkruan një kontratë 3-vjeçare me Universum Box-Promotion. Pika kulminante e karrierës së tij ishte data 5 Janar 2002 ku ai në Magdeburg te Gjermanisë fitoi titullin Kampion i Evropes kunder Rene Monse. Ai ishtë kampioni i parë i Evropës për Gjermaninë, që prej 29 vitesh.

Ja keshtu yjesh kerkon Shqiperia jone, qe te ket ,qe te marri fame.

E ndiqni ju Anetar Boksin?

Luan Krasniqi

LUAN KRASNIQI !!!!

Luan krasniqi po pergatitet me 14 shkurt ne shtutgart ne nje ndeshje boksi per titullin kampion evrope ne peshat e renda - kundershtari i tij nje i panjohur i quajtur sinan samil sam!!!

I urojme fat boksierit shqipetare krasniqit dhe shpresojme te mos na shgenjej............ forca luan

luan krasniqi!!!

Forca luan !!!

luani the best !!!!

ec aty luan !!!!

Boksieri kosovar kthen titullin e kampionit të Evropës në kategorinë e rëndë.

Pas përfundimit të meçit, Krasniqi u ka falur një "Ju dua" për festën e të dashuruarve tifozëve shqiptarë në sallë, pastaj ka puthur disa herë flamurin kuqezi dhe në fund ka përshëndetur nëpërmjet kamerave të gjithë shqiptarët anembanë botës
Dy nga gjyqtarët kanë vlerësuar se Krasniqi ka qenë më i mirë se turku, ndërsa gjyqtari i tretë e kishte vlerësuar meçin të barabartë.
Boksieri kosovar nga Juniku, me shtetësi të Gjermanisë, për herë të parë titullin e kampionit e ka fituar në janar të vitit 2002, duke mposhtur francezin Monse, por në mbrojtjen e parë ka pësuar humbje me dorëzim në raundin e nëntë nga polaku Saleta. "Çdokush mund të bëjë një gabim, sikurse unë gabova me Saletën. Humbja ndaj Saletës vërtet ishte e keqe, por tani jam më shumë i gëzuar me këtë fitore. Jam i gëzuar se tani ajo i takon së kaluarës dhe e kam kthyer titullin tim. Një meritë e madhe i takon trajnerit tim të ri," - ka thënë Krasniqi në deklarimin e tij të parë si kampion i Evropës, duke eliminuar përfundimisht kritikat dhe dyshimet rreth vendosmërisë së tij.
Kur kishte marrë vesh se duhet patjetër të kryqëzojë dorëzat me Samin, Luani kishte pësuar edhe një goditje tjetër: trajneri i tij, Michael Timm, sërish i ktheu shpinën. Duke e parë këtë si rastin e fundit për t'u zgjuar nga ankthi që kishte aq kohë që po e ndiqte, ai ishte mbyllur në palestrën e tij personale në Rotveil. Trajneri i ri, Torsten Shmitz, i ishte bashkuar stafit të Krasniqit vetëm katër javët e fundit.
Rauni i nëntë, më i vështiri për Luanin
Kanë qenë 12 raunde dhe mjaft grushte ndërmjet dy boksierëve.
Epërsia e Krasniqit ishte evidente në çdo raund, përveç atij të nëntit, që u quajt nga mediat gjermane kulminacion i forcës së turkut.
Dueli i parashikuar si emocional përfundoi me vlerësimet 114:114, 115:113 dhe 116:113 për boksierin e veshur kuqezi, të cilit gjyqtari Richard Davies i ngriti dorën në shenjë triumfi.
Kjo shkaktoi edhe reagime në kampin turk. Kjo është pasuar me një incident, ku përkthyesi dhe ndihmëstrajneri i Samit kapi për jake menaxherin, Claus Peter Kohl. Kohli, vitin e kaluar, është shpallur promotori më i mirë në botë nga versionet WBO dhe WBA. Incidenti, sigurisht, do të vërë në pikëpyetje edhe qëndrimin e boksierit turk pranë menaxherit gjerman. "Unë nuk e kuptoj reagimin e ekipit të Samit. Ai i ka pasur të gjitha mundësitë të përgatitet sa më mirë në palestrën tonë dhe me trajnerin e tij, ndërsa Luanit i është dashur të largohet dhe ta ushtrojë në kushte më të vështira stërvitjen e tij,"- ka deklaruar në ZDF menaxheri Kohl.

Kampi turk konteston gjykimin
Një gazetar gjerman, menjëherë pas përfundimit të duelit, pyet nëse stafi i Samit do të kërkojë ripërsëritje të dyluftimit. Zëdhënësi i këtij të fundit, Öner, u shpreh: "Jo këtu. Jo në këto kushte. Jo më këta gjyqtarë. Ky nuk ishte gjykim i drejtë. Që para një jave, të gjithë janë munduar që ne ta humbasim këtë dyluftim. Të gjithë. Kanë manipuluar testet mjekësore. Ata janë përpjekur që sot ta anulojnë këtë dyluftim. Luani këtu nuk ka faj, por organizatori. Luani ka bërë sot një dyluftim të mrekullushëm."
Lidhur me këtë, trajneri i Samit, Michael Timm, u shpreh më pas: "Kjo është pak emocionale. Ai ishte kampion evropian dhe është normale që kjo humbje i dhemb."

Ndërsa i akuzuari, organizatori H.P. Kohl, për këto akuza u përgjigj: "Kjo nuk është e vërtetë. Askush nuk i ka falsifikuar testet. Problemi është se Sinani ka Hepatitis B dhe ka vlera të larta të gjakut. Kjo ka ndodhur edhe para 4 muajsh, kur boksuam në Amerikë. Këtë mund ta vërtetojnë mjekët. Gjendja shëndetësore ka qenë në rrezik. Ne nuk duam të rrezikojmë jetën e askujt. Mjekët gjermanë donin të ishin të sigurt që para dyluftimit çdo gjë të ishte në rregull. Ishte një dyluftim madhështor. Luani fitoi.

Deklaruan:
Luan Krasniqi: "Falënderoj publikun madhështor, që më mbështeti fort.
Nuk e kam pasur të lehtë këtë duel. Por përfundimisht besoj se humbja me Saletën ishte e vështirë. Natyrisht, më mirë që erdhi ky dyluftim rikthyes, ku unë fitova ndaj një boksieri me nam botëror, i cili vetëm falë fatit u bë kampion. I falem zotit që kjo përfundoi dhe riktheva titullin. Tani mendoj se gabimi i 20 korrikut është zhdukur sonte, aq sa përfundimisht nuk dua të dëgjoj më për atë ditë. Kurse trajneri Shmit është një trajner i shkëlqyer. Falënderoj edhe atë që më ka përgatitur kaq mirë. Torsten, të dua! Torsten, je i përkryer!"

Sinan Samil Sam: "Luani nuk e meritoi fitoren. Gjatë tërë ndeshjes bëri çmos t'i shmangej dyluftimit të afërt."

Trajneri i Krasniqit, Shmitz: "Ne kishim vetëm 4 javë për t'u përgatitur. Nuk mund të parashikonim se ç'mund të ndodhte pas 4 javësh. E rëndësishme është që fituam. Kisha disa pikëpyetje, pasi gjatë kësaj periudhe Luani ka lëvizur disa herë nga pesha e tij. Por vura re se ai ishte në gjendje të mirë dhe i ishin rikthyer energjitë e duhura për ta fituar dyluftimin."

Trajneri i Samit, Mishael Timm: "Ishte një dyluftim madhështor. Ata boksuan në linjën e tyre teknike dhe arritën fitore minimale. Ia uroj Torstenit dhe Luanit këtë fitore me gjithë zemër."

Luan Kresniqi pas fitores

- Luan, urime per fitoren mbi Sinan Samil Sam. Si ndjehet kampioni i ri i Europes?

- "Ndjehem super. Eshte vertet nje ndjenje shume e mire. Une jam duke e marre veten ne shtepi, po lundroj ne internet dhe po lexoj letrat e tifozeve te mi. Une kam marre ne menyre te papritur kaq shume letra. Por gjithashtu une jam stervitur shume dhe e ndjej veten se vlej per kampion te Europes".

- A ishte kjo fitorja me e rendesishme e karrieres tuaj?

- "Padiskutim ishte suksesi me i madh imi deri me tani. Per mua ishte edhe me shume se nje sukses. E dija se do te ishte e veshtire

- Puna juaj ne Rotteeil bashke me skuadren tuaj duket se u shperblye mire.

- "Teresisht. Une isha shume i qete ne ring per shkak te punes qe kisha bere. Trajneri im me ndihmoi shume. Une u perpoqa edhe ne ring te mbaja kontakt me te, ndonese nuk ishte e lehte".

- A do te mbeteni serish me trajnerin Torsten Schmitz dhe a do te vazhdoni te sterviteni ne Rotteeil?

- "Ne Rotteeil ishte parashikuar te stervitesha vetem 3 jave. Tani une do te kthehem ne Hamburg dhe do te jem prane menaxhereve te mi. Me pas ne do te vendosim se ku, kur dhe me ke do te stervitemi. Por eshte e qarte se une dua te vazhdoj te punoj me po ata njerez qe kam pasur deri tani".

- Ekspertet kane thene se ndeshja juaj ishte me terheqesja per titullin e kampionit europian ne dekadat e fundit.

- "Ishte vertet shume e ashper, por edhe shume e paster. Se pari une duhet te falenderoj Sinan sepse ai boksoi shume paster. Ishin te gjitha kushtet qe ajo te ishte nje ndeshje shume e mire, sepse ne ishim te dy te paster si boksiere dhe dhame maksimumin tone. Se si renditet ky luftim, kete duhet ta bejne te tjeret".

- Por kjo ndeshje perfundoi shume keq me sjelljen josportive te Oner (menaxherit te Samil Sam).

- "Kjo la nje shije te keqe. Gjithkush mund ta shihte sesa paster luftuam ndaj njeri-tjetrit une dhe Sinan. Sidoqofte, njerezit thone vetem fjale te mira per kete ndeshje".

- A shkoi ndeshja ashtu sic e kishit parashikuar?

- "Ne menyre te papritur po. Une isha pergatitur vendosmerisht per ate menyre luftimi. Trajneri me dha forcen e duhur ne menyren e duhur. Ai me dha shume energji. Ky ishte nje sukses i madh edhe per te. Ne u beme gati vetem ne 4 jave. Askush nuk do ta kishte besuar kete'.

- A ishte ajo qe pame, me e mira e Luan Krasniqit apo ju mund te permiresoheni?

- "Une e pashe ndeshjen ne video, me pas, dhe mendoj se isha mire. Por une mund te boksoj me mire, ndersa ne ate ndeshje u ruajta jo pak. Kjo sepse ndeshja ishte aq shume e rendesishme saqe une nuk doja te rrezikoja me kot. Gjithkush qe e pa ate ndeshje mund te thote se Luani mund te jape me shume. Une thjesht duhet te vazhdoj te punoj qe te jem me i persosur".

- Si shpjegohet se ju nuk iu kishin leshuar nervat ashtu sic kishin parashikuar shume vete?

- "Une dua te them se une u bera shume i forte vetem nga vullneti per te fituar. Humbja ime me Saleten beri qe une te rrezohesha shume. Nuk dija si te kerkoja falje per ate qe kisha bere. Por une isha vetem 4 jave i stervitur dhe doja te perfundoja gjithcka ne 8 raunde. Une, ndoshta, isha ne kushtet me te keqija ne te gjithe karrieren time. Disa nga partneret e mi ne stervitje u larguan dhe me keshilluan qe te mos boksoja ndaj tij. Por une u ndesha ne Dortmund. Ne mendonim se Saleta nuk ishte nje kundershtar i vertete per mua dhe se une mund ta shtrija ne toke per 4 raunde. Por ai u tregua me i forte dhe ndeshja zgjati me shume. Por une nuk desha te dorezohesha. E dija se nje dite do te isha une ai qe do te qeshte. Dhe sot une mund ta beje kete, sepse e di se cilat jane mundesite e mia. Ne ate kohe nuk isha aq i pergatitur per nje ndeshje per titull europian. Me pas ne e dime se c'gjera negative u shkruan per mua dhe nese nuk do t'i kisha nervat e forta, nuk do ta kisha marre dot veten. Por une u ktheva, fitova pese ndeshje radhazi dhe te shtunen e shkuar e rifitova titullin europian. Tani une i kam bindur edhe kritiket me te medhenj. Ne jemi njerez dhe ne mund te gabojme. Por duhet te ngrihesh, te vazhdosh, te kthehesh aty ku e ke lene. Jo gjithkush e arrin kete".

- Sinan nuk pranon se e ka humbur ndeshjen. A e prish kjo fitoren tuaj?

- "Jo, kjo nuk mund ta hijezoje fitoren time. Ne fillim une nuk e kuptova se cfare po ndodhte. Vetem ne video degjova se cfare kishte thene Oner. Kjo me habiti, sepse Oner menjehere pasi une u shpalla fitues, hyri ne ring dhe me ngriti ne ajer. Kjo tregonte respektin e tij. Por sjellja tjeter ishte josportive dhe e papranueshme".

- Ndaj kujt do ta mbroni titullin?

- "Nuk e di ende se kush do jete sfidanti im. Une do te ndeshem me keto qe menaxheret e mi do te me vene perpara. Timo Hoffmann do te ishte interesant".

- Sinan Samil Sam do te doje nje revansh. A do ta kete ai kete?

- "Une kur u ndesha me Sinanin isha sfidanti i tij i pare. Por kur humba, une zbrita ne vend te 9-te ne renditje dhe punova per nje kohe te gjate qe ta rifitoja pozicionin tim. Edhe ai duhet te perpiqet shume. Sportivisht ai e meriton nje ndeshje tjeter, ndonese une nuk dua te kem te bej me humbes te keqinj".

- A mund ta imagjinoni nje ndeshje per titull boteror?

- "Patjeter. Une e kam thene gjithnje, une dua t'i fitoj titujt. Sinan i perkiste elites boterore dhe une e provova se mund te ndeshem me kete nivel. Per tre vjet jam stervitur me Lennox Leeis. Une kam besim ne vetvete dhe e mendoj me te vertete nje ndeshje per titull boteror. Por do te duhet kohe dhe kjo duhet arritur ndeshje pas ndeshjeje".

- Me cilin kampion bote do te doje te ndesheshe?

- "Do te ishin te gjithe njelloj per mua. Te gjithe kampionet jane te mire. Ne ate nivel askush nuk te fal ndonje gje. Por une mendoj se une mund t'ia dal me te gjithe".

- Cfare do te beni ne javet e ardhshme?

- "Une do te pushoj ne shtepine time ne Rotteeil, por edhe do te shkoj per ski e me pas ndoshta ne ndonje vend me diell. Me pas une do te kthehem ne stervitje si zakonisht".

The European Heavyeeight Ratings (Feb 04)

C Luan Krasniqi

1 Eladimir Klitschko
2 Vitali Klitschko
3 Andree Golota
4 Henry Akineande
5 Attila Levin
6 Timo Hoffman
7 Audley Harrison
8 Nicolay Valuev
9 Sinan Samil Sam
10 Stefen Nielsen

Krasniqi: Do ta mbroj titullin në korrik

Data 30 korrik do të risjellë në ringun profesionist Luan Krasniqin për të mbrojtur titullin e kampionit të Evropës në kategorinë e rëndë. Këtë e kanë bërë të ditur zyrtarë të stafit të tij. "Data 30 korrik është muaji që do të kthejë në ring boksierin Luan Krasniqi për të mbrojtur titullin EBU,"- ka bërë të ditur Kristof Ribarçik, zëdhënës i kompanisë që promovon duelet e kampionit të Evropës, Universum Box Promotion (UBP). "Data e sigurt është caktuar në fakt nga kanali televiziv ZDF, i cili do të transmetojë drejtpërdrejt duelin e ardhshëm të Luanit,"- ka thënë Ribarçik. Sipas tij, Krasniqi në fillim duhet të bëjë një mbrojtje vullnetare të titullit, ndërsa më vonë do të ndeshet me sfiduesin zyrtar, Timo Hofman. Hofmani, aktualisht është kampion i versionit ËBO Intercontinental në kategorinë e rëndë dhe ka një rekord prej 30 fitoresh (17 me nokaut) dhe tri humbje. Versioni evropian i boksit profesionist, European Boxing Union (EBU) ka caktuar datën 14 qershor si të fundit kur duhet të përfundonin bisedimet për caktimin e duelit Krasniqi-Hofman. Një rimeç të mundshëm me turkun Sinan Samil Sam, zëdhënësi Ribarçik e ka mohuar për momentin. "Largimi i tij nga kompania jonë nuk është arsye e rimeçit, sepse një rimeç mund të ndodhë vetëm pas duelit me Hofmanin dhe nëse dëshiron Luani t'i japë atij rimeç,"- ka thënë ai. Një performancë e mirë ndaj Hofmanit do të mund t'i hapë dyert boksierit kosovar me shtetësi gjermane për të sfiduar titullin e botës. "Në qoftë se paraqitet mirë në mbrojtje ndaj Hofmanit, që do të shënonte dhe ngritje të emrit të tij në rang-listat botërore, Luani do ta ketë të hapur rrugën për të sfiduar ndonjë titull bote. Aktualisht, gjërat nuk janë shumë të qarta në duelet e peshave të rënda, por një gjë është e sigurt: Luani akoma nuk e ka treguar gjithë potencialin që ka dhe, sigurisht, këtë do të ketë mundësi ta tregojë edhe në duele të tjera, që do të zhvillojë në të ardhmen,"- ka përfunduar Kristof Ribarçik. Hofmani 29-vjeçar, pas deklarimeve se do të jetë sfidues zyrtar i Krasniqit, ka shënuar dy fitore, ndaj Korei Sandërsit (partner i Luan Krasniqit në duelin e fundit) dhe Kuin Navarres. Luan Krasniqi e kishte fituar titulliun EBU për herë të parë në janar të vitit 2002, ndërsa e ka dorëzuar në mbrojtjen e parë më 20 korrik të dy vjetëve më parë ndaj Pzhemislav Saletës. Dita e të Dashuruarve e këtij viti, 14 shkurti, ka qenë data kur Krasniqi 32-vjeçar ktheu titullin, duke mposhtur turkun Sinan Samil Sam pas 12 raundave në bazë të vendimit të gjyqtarëve. Deri tani, ai ka shënuar 29 fitore (12 me nokaut) dhe një humbje. Dueli Krasniqi-Hofman është zhvilluar gjatë vitit 2001, kur Hofmani mbante titullin e kampionit të Gjermanisë në boksin profesionist. Ai kishte hequr dorë nga titulli për t'i ikur një ballafaqimi me junikasin, i cili më vonë e fitoi duke mposhtur Rene Hanlin.

pershendetje

nuk ekam ditur se ka edhe rubrik te s[portit por tash e gjeta dhe dua te shprehem per te madhin luan krsniqi jo qe eshte shqiptar por ai eshte edhe nje njeri i madh ne shpirt. tash ne jemi edhe me te njohur se dikur se luan krasniqi beri hapin me te madh per titulin boteror ne baks ne kategorin e rende
urime urimeeeeeeeeeeeeeeeeeeeeeeeeeeeeeeeeeee

ti hirushe te pergezoj per te,men te fala

luan krasniqi

perseri ne duel botrore sonte drejperdrejte tv ZDF i deshirojme sukses luan krasniqit ok mir undegjovshemi mbase lojes te dashura shqiptare dhe sh.tung

Luan Krasniqi, shuhet ëndrra për titull bote

Pas 9 raundeve amerikani Lamon Brewster ka mposhtur "luanin shqiptar"





Shuhet ëndrra për titullin kampion bote në versionin ËBO (World Boxing Organisation) e boksierit shqiptar Luan Krasniqi. Një duel që ka dhuruar emocione deri në raundin e fundit.
Janë dashur 9 raunde që amerikani Brewster të mposhte Luanin shqiptar. Por pavarësisht fitores, një boksier i pabesë është treguar amerikani Brewster në duelin e mbrëmshëm ndaj Krasniqit. Strategjia e tij për të nevrikosur kosovarin Luan Krasniqi, me gjuajte të parregullta, ka dështuar. Shumë i qetë boksieri junikas ka treguar vërtet klasin e një kampioni bote në ringun e Hamburgut. Krasniqi ka dominuar fuqishëm deri në raundin e 7-të. Në raundin e 8-të disa gjuatje të forta të Brewster, e në fund një e majtë e fortë e tij, lëkundin e Krasniqin dhe nokdauni i parë për të. Një nokdaun, që ka ndikuar në formën fizike të Krasniqit, të treguar në raundin e fundit. Në raundin e 9-të Krasniqi ka shfaqur shenja lodhjeje dhe ka boksuar krejt i pambrojtur ndaj kundërshtarit. "Fitova me një prej boksierëve më të mirë në botë,"- ka thënë në fund të duelit amerikani Lamon Brewster, duke vlerësuar paraqitjen në ring të shqiptarit Krasniqi.
Luan Krasniqi nuk e ka ndier mungesën e shqiptarëve të mërkurën mbrëma në "Color Line Arena", kur sfidoi titullin e kampionit të botës në kategorinë e rëndë të boksit profesionist të versionit WBO (World Boxing Organisation) ndaj amerikanit Lamon Brewster. Në 16.000 vendet e "Color Line Arena" të Hamburgut kanë qenë edhe shumë shqiptarë. Shqiptarëve, largësia drejt Hamburgut prej disa qindra kilometrave thonë se i është dukur shumë e afërt, duke pasur parasysh se ata ndoqën nga afër idhullin e tyre.
Qerim Balaj, nga Mynih, thotë se ka kërkuar leje nga puna vetëm sot dhe se nesër do t'i kthehet detyrës, duke shpresuar në fitoren e junikasit. "Një fitore e Luanit do të ndikonte edhe te ne shqiptarët që jemi me punë të përkohshme në Gjermani. Prandaj kam edhe një mesazh për të: "Luan, fito edhe për ne shqiptarët, që jetojmë në Gjermani dhe kudo tjetër ne Europë, që së paku një ditë të ndihemi krenarë kur të shkojmë në punën tonë të lodhshme përditë,"- tha Balaj. Ka mjaft që kanë ardhur edhe nga vendet tjera, sidomos skandinave, për të përcjellë duelin.
Fatmir Hyseni, një 38?vjeçar i cili është me punë të përkohshme në Suedi, kishte udhëtuar me disa shokë të tij vetëm për të parë duelin. "Nuk desha ta shihja duelin i qetë në shtëpi, desha të mos e lë rastin dhe ta përcjell duelin nga afër,"- tha Hyseni në momentin që po merrte biletat për duelin. Gjermanët, po ashtu, janë në përkrahje të idhullit të tyre.
Përkundër kësaj, edhe Brewster nuk mbeti mbrapa me shikues. Së paku 1000 trupa amerikane kanë qenë në mbështetje të kampionit të tyre. Ndërsa shikueshmëria nga transmetimi i duelit pritet të ketë shkuar deri në 10 milionë shikues, që nuk e ka arritur as vetë Bajerni i Mynihut, kur ka arritur suksese në kupat e Europës. Shqiptarët në orët e mbrëmjes drejtoheshin vetëm drejt një rruge, ajo që të çonte te Palestra "Color Line Arena", ku ngjyrat kuqezi të flamurit që i mbart gjithmonë Luani në veshjen e tij në ring, nuk munguan as rreth tij. Por ata nuk arritën t'i gëzohen fitores. Dëshira dhe synimi i Krasniqit për të rrëmbyer brezin e artë të kampionit të botës, mbeti thjeshtë një ëndërr...

Ishte nje ndjenje e krenari e papershkruar te shohesh nje shqiptar, i cili permes sportit arriti ne kulminacionin e vemendjes boterore. Kjo meriton cdo lavdate e cdo respekt.


Luan te prifte e mbara, edhe pse "humbe" por nuk ke humbur moralisht, mbreme i prezentove botes nje kulture sporti fascinuese.


shume te fala, suksese e shendet

tangerlleku te con ne tapet vella


tung!

Fajin për humbjen e Luanit e ka stafi i tij sepse në momentin qe ai u dorëzua duhet ta kishin lajmeruar se per 30 sekonda mbaronte Raundi i 9,sepse po të kishte duruar edhe per mbylljet e këtij raundi fitorja e tij do ishte e sigurte,pasi siç e patë Amerikani mbaroi krejt,dhe nuk mund te çohej me ne kembe,biles edhe kur fitoi,doren ja ngrinin te tjeret.
Ndersa Luani vinte verdalle neper ring me kembet e veta(e admiroj jasht mase kete njeri!)
Do doja ta peruroja Luanin per ndeshjen e mire qe beri dhe suksese ne te ardhmen!

keshtu

eshte sporti me fitore por edhe me humbje

por luan krasniqi eshte shum fere per ate edhe e simatizoi shum shpresoje se herav tjera dote fitoi se e meritone fitoren

........ dhe sonte na gëzoi pa mase ................

 

Fitore e shkelqyer e Luan Krasniqit .... !!!

Junikasi qe na i coi zemrat peshe

Nje fitore e bukur e Luan Krasniqit ne kete mbremje te 17 Marsit 2007.Trimi kosovar i ka cuar peshe gjithe zemrat e shqiptareve kudo ata ndodhen.Ne Kosove,Shqiperi,USA,Europe apo Australi,gjithandej pra.
Faleminderit Luan,qe me forcen e krahve te tu i tregove Brian Mintos se ketu ke te besh me nje burre qe nuk eshte kollaj ta mposhtesh.
Ai ka nje zemer te madhe,zemer shqipetari.Emocionet e mia ishin te papershkrueshme kur referi ngriti doren tende lart dhe te shpalli kampion te WEO.Une te uroj fitore te reja edhe me te medha!Ngrije lart i dashur Luan Flamurin Kuq e Zi.Zemrat tona jane aty ne ring me ty.
Faleminderit se na ke gezuar.I kemi harruar per pak kohe streset e jetes.
Fitorja jote u pasofte nga nje fitore me permasa me te medha kombetare,me pavaresine e Kosoves.

FORCA

               LUAN

                           KRASNIQI

                                               FORCA......

Bravo i qoftë! Hallall!!!

Marre nga gazeta Shekulli
Krasniqi mposht "bishën" amerikane
Aida Tuci
18-03-2007
Luan Krasniqi fiton titullin kampion Interkontinental për versionin WBO ndaj amerikanit Brian Minto dje në Shtutgart të Gjermanisë. Kjo fitore i hap rrugën Krasniqit drejt tiutllit kampion bote në versionin WBO në një duel të mundshëm me boksierin Sulltan Ibrahomovin. Vetëm raundi i fundit i ka dhënë fitoren Krasniqit me një nokdaun të pastër ndaj "bishës" amerikane. Strategjia e Krasniqit për të lodhur kundërshtarin e për t'i dhënë në fund goditjen fatale ka dhënë rezultat vetëm në raundin e fundit duke mbajtur kështu në ankth të gjithë sportdashësit. Brian Minto nuk ishte aspak një kundërshtar i lehtë dhe këtë Krasniqi e dinte. I shkathët, teknik dhe ai vetëm lëshonte gjuajte nga poshtë shpesh herë të parregullta ndaj Krasniqit që vetëm mbrohej.
Në raundin e katërt Krasniqi zgjohet për një moment dhe gjuan me të djathën e tij. Minto lëkundet dhe tregon se nuk është i pamposhtur. Duket se goditjet e Krasniqit në këtë raund ishin nje test që doli i sukseshëm vetëm në raundin e 12-të. Deri në fund të takimit Krasniqi nuk bën gjë tjetër veçse toleron, mbyllet tërësisht në mbrotje. Shtatlartësia e Krasniqit duket se nuk ishte në favor të tij. Minto vazhdon të gjuajë vetëm nga poshtë dhe shpesh bën gjuajte të parregullta, sa gjyqtari i ringut i tërheq disa herë vëmendjen. Dhe vjen më së fundmi, raundi i fitores së papritur për të gjithë. Sportdashësit kishin filluar të humbisnin shpresat për një fitore të Krasniqit. Por Luani, tregoi se kishte zhvilluar një duel të studiuar deri në hollësi. Që nga raundi i 10-të ai nis të "studiojë" lodhjen e kundërshtarit, madje një raund më pas e provokon me disa gjuajte të lehta, për t'i dhënë goditjen fatale me të djathën e tij. Ai i shkakton "bishës" amerikane të parin nokdaun në karrierën e tij në boksin profesionist, pikërisht në raundin e fundit.
Krasniqi: Tani jam gati për titull Bote
Menjëherë pas përfundimit të duelit, Luan Krasniqi është shfaqur i qetë. Si një xhentëlmen i vërtetë ai ka përshëndetur kundërshtarin e tij, madje ka shkëmbyer dhe batuta me të. Ndërsa, ka përshëndetur në shqip të gjithë shqiptarët dhe u ka dhënë premtimin se shumë shpejt do të synojë titullin kampion Bote të versionit WBO.
"I përshëndes gjithë shqiptarët ku janë. Tani besoj se e kam rrugën e hapur drejt titullit kampion Bote"- u shpreh, menjëherë pas duelit Luan Krasniqi.
Çfarë është titulli WBO Interkontinental?
Titulli WBO Interkontinenal, të cilin fitoi Krasniqi ka qenë pronë e rusit Aleksandër Dimitrenko (24 fitore), i cili e ka mbrojtur pesë herë. Meqenëse mbrojtja e titullit nga Dimitrenko nuk është shfaqur me interes, ai ka hequr dorë nga titulli. Fitorja i hap rrugën Krasniqit e sfidimit të titullit WBO në një duel të mundshëm me Sulltan Ibrahimovin, nëse kampioni Shanon Brigs tërhiqet zyrtarisht nga boksi.
Luan Krasniqi
Datëlindja: 10.5.1971
Vendlindja: Junik, Kosovë
Rezidenca: Rottweil, Gjermani
Gjatësia:192 cm
Bilanci:30 fitore, 2 humbje, 1 barazim
Profesionist prej vitit 1997
Sukseset në ring:Kampion i Europës (EBU)
Renditja në WBO:Vendi i 6-të
Renditja në versionet e tjera: IBF‑15, ËBC nuk është i ranguar, ËBA nuk është ndër 15 të parët
Trajner: Torsten Schmitz
Menaxher: Klaus‑Peter Kohl
Brian Matthew Minto
Datëlindja:27.1.1975
Vendlindja:SHBA
Rezidenca:Butler, SHBA
Gjatësia:180 cm
Bilanci:27 fitore (16 me nokaut), 2 humbje
Profesionist prej vitit 2002
Sukseset në profesionizëm:Kampion i shtetit Virgjinia në SHBA
Renditja në WBO:Vendi i 15-të
Renditja në versionet e tjera: IBF‑nuk është ndër 15 të parët, ËBC‑ 35, ËBA nuk është ndër 15 të parët
Trajner: Tommy Yankello
Menaxherat Nelson

na ben te ndihemi krenar .....susksese te metejshme Luan kraniqit....

me beri te qesh lajmi Aida tuci e paska shkruar qenka femer e apasionuar mbas boksit hahahahhahaha....