Forumi Horizont - testoni njohurite politike

Forumi Horizont

Forumi Horizont (http://www.forumihorizont.com/index.php3)
- Arkivi i Politikes (http://www.forumihorizont.com/forumdisplay.php3?forumid=322)
-- testoni njohurite politike (http://www.forumihorizont.com/showthread.php3?threadid=7599)

Postuar nga Klodel datë 04 Mars 2005 - 18:27:

testoni njohurite politike

Cfare sistemi zgjedhor ka Shqiperia?

Postuar nga marsholi datë 05 Mars 2005 - 02:14:

Shqiperia ka sistem zgjedhor me vota.
Kandidues si person ne emer te partive ose i pavarur.

Mazhoritar apo proporcianal nuk kane kuptim si pergjgjie per pytjen tande te cunguar.

Postuar nga Perendia datë 05 Mars 2005 - 02:18:

Më duket se e ke gabim. Populli nuk zgjedh drejtpërdrejt të gjithë personat, por partitë (s'e di është ndryshuar ligji a jo) dhe partitë paraqesin listat e tyre...

Neni 64

1. Kuvendi përbëhet nga 140 deputetë. 100 deputetë zgjidhen drejtpërdrejt në zona njëemërore me numër të përafërt zgjedhësish. 40 deputetë zgjidhen nga listat shumemërore të partive dhe/ose koalicioneve të partive sipas renditjes në to.

2. Numri i përgjithshëm i deputetëve të çdo partie dhe/ose koalicioni partish përcaktohet në raport sa më të afërt me votat e vlefshme të marra prej tyre në të gjithë vendin në raundin e parë të zgjedhjeve.

3. Partitë që marrin më pak se 2.5 për qind dhe koalicionet e partive që marrin më pak se 4 për qind të votave të vlefshme në të gjithë vendin në raundin e parë të zgjedhjeve, nuk përfitojnë nga listat shumemërore përkatëse.

Postuar nga i/e paregjistruar datë 05 Mars 2005 - 07:45:

teme informatike shum e bukur, pershendetje analiste

do doja te dija, cilat parti kane perfaqesues ne zgjedhjet e ardhshme?
Dmth cilat jan opsionet e zgjedhesit?

Postuar nga Admirali datë 05 Mars 2005 - 15:56:

Re: testoni njohurite politike

Citim:
Po citoj ato që tha analistja
Cfare sistemi zgjedhor ka Shqiperia?

Sistemi zgjedhor ne Shqiperi eshte i tipit mazhoritar plus proporcional. Dmth nga 140 perfaqesues ne kuvendin popullor, 100 zgjidhen drejtperdrejte nga votat e popullit(mazhoritar),, kurse 40 te tjeret, zgjidhen ne baze te perqindjes se votave qe kane fituar subjektet politike ne shkalle vendi(proporcional).

P.S.

Kane tentuar te kalojne teresisht ne sistemin proporcional, por nuk ka ecur si projekt.

Postuar nga X-File datë 05 Mars 2005 - 16:01:

Re: testoni njohurite politike

Citim:
Po citoj ato që tha analistja
Cfare sistemi zgjedhor ka Shqiperia?

Sistem me Lista te Mbyllura--- Populli voton per Partine, e partia i dergon ne parlament njerzit qe i duhen.

Postuar nga amor alucius datë 06 Mars 2005 - 01:16:

Cfare eshte politika?

Cilat jane funksionet kryesore te nje partie?

Postuar nga Perendia datë 06 Mars 2005 - 02:59:

Citim:
Po citoj ato që tha amor alucius
Cfare eshte politika?

Sipas Reganit, zanati i dytë më i vjetër në botë dhe shumë i ngjashëm me të parin.

Citim:
Po citoj ato që tha amor alucius
Cilat jane funksionet kryesore te nje partie?

Kryesori, të merren me politikë.

Postuar nga caio datë 06 Mars 2005 - 03:53:

Paskemi ide te ndryshmme rreth fjales test

Postuar nga amor alucius datë 06 Mars 2005 - 17:10:

Citim:
Po citoj ato që tha Perendia

Sipas Reganit, zanati i dytë më i vjetër në botë dhe shumë i ngjashëm me të parin.

Kryesori, të merren me politikë.

Ka noj version me bindes? Pastaj Regan eshte vone cuno ne linjen historike

Postuar nga Perendia datë 07 Mars 2005 - 05:23:

S'besoj ta gjejmë ne, se jemi më larg se Regani në linjën historike.

Postuar nga amor alucius datë 07 Mars 2005 - 15:11:

Natyrisht qe do e gjejme ne shqiptaret duke pare qe jemi te paret qe me lecka e kocka flasim per politiken,madje dhe jemi gati te vritemi...dhe pastaj ti mendon qe dikush do ngrinte zerin per dicka qe s'di as se cfare perkufizimi ka? Oh jo mik,do ishte non-sens!

Postuar nga Klodel datë 07 Mars 2005 - 19:37:

politika vjen nga fjala greke politikos qe do te thote shkence e qeverisjes. ka lindur ne Greqine e Lashte ne lulezimin e qyteteve shtete dhe Aristoteles mbahet si babai i politikes si shkence.

Postuar nga Klodel datë 07 Mars 2005 - 19:38:

Re: Re: testoni njohurite politike

Citim:
Po citoj ato që tha unforgivable

Sistem me Lista te Mbyllura--- Populli voton per Partine, e partia i dergon ne parlament njerzit qe i duhen.

JO ky sistem eshte ne KOsove jo ne Shqiperi.

Postuar nga Klodel datë 07 Mars 2005 - 19:45:

Partia politike eshte nje grup njerezish i organizuar me qellim marrjen dhe ushtrimin e pushtetit politik.
partite formale politike kane lindur ne formen e tyre moderne ne Evrope dhe Shtetet e BAshkuara gjate shekullit te 19. te gjitha partite kane programin e tyre politik qe percakton ideologjine e tyre dhe agjenden qe duhet te ndjekin per marrjen e pushtetit. pra funksioni kryesor i partise politike eshte formulimi i politikave dhe agjendave politike, zgjedhja e kandidateve, realizimi i fushatave zgjedhore, me qellim marrjen e pushtetit.

Partite politike lidhin qytetaret me qeverisjen, duke paraqitur nje mjet permes se cilit njerezit munden te kene zerin e tyre per qeverisjen.

sa per sistemin e shqiperise te drejte kane admirali dhe perendia. quhet maxhoritar i korrektuar.

Postuar nga Klodel datë 07 Mars 2005 - 20:11:

Citim:
Po citoj ato që tha keila
teme informatike shum e bukur, pershendetje analiste

do doja te dija, cilat parti kane perfaqesues ne zgjedhjet e ardhshme?
Dmth cilat jan opsionet e zgjedhesit?

mendoj qe kete informacion do mund ta marresh vetem kur te jete mbyllur regjistrimi i partive politike qe do marrin pjese ne fushaten zgjedhore- diku nga maji-qershori.

Postuar nga Klodel datë 07 Mars 2005 - 20:11:

pyetje tjeter

sa mandate jep zgjedhesi shqiptar ne kutine e votimit?

Postuar nga Perendia datë 08 Mars 2005 - 00:17:

Citim:
Po citoj ato që tha analistja
Partia politike eshte nje grup njerezish i organizuar me qellim marrjen dhe ushtrimin e pushtetit politik.
te gjitha partite kane programin e tyre politik qe percakton ideologjine e tyre dhe agjenden qe duhet te ndjekin per marrjen e pushtetit. pra funksioni kryesor i partise politike eshte formulimi i politikave dhe agjendave politike, zgjedhja e kandidateve, realizimi i fushatave zgjedhore, me qellim marrjen e pushtetit.

Në Shqipëri duket shumë qartë se sundon ky mentalitet i të bërit politikë. Dhe për mua pikërisht aty qëndron GABIMI!
Marrja e pushtetit nuk duhet të jetë qëllim, por mjet. Qëllimi, për mendimin tim, duhet të jetë rritja e vazhdueshme e: mirëqënies së popullit, nivelit kulturor, edukimit shoqëror, të ndjerit i sigurt (si popull) në vendin tënd -fizikisht, ekonomikisht dhe në shprehjen e mendimeve-, përkrahjes dhe ndihmës së bashkëkombasve kudo që ndodhen, etj.
Në thelb, ky duhet të jetë edhe qëllimi i Shtetit, dhe jo ruajtja me çdo kusht e ekzistencës së vet (kjo rrjedh vetvetiu duke patur si qëllim ato më lart)!

Kjo për mendimin tim arrihet vetëm me sakrifica! Ka shumë që sakrifikojnë vehten (dhe interesat vetjake) për hir të Kombit në kohë lufte, pasi është e lehtë. Por të paktë janë ata që e bëjnë në kohë paqeje, sepse është shumë e vështirë!
Demokracitë perëndimore e kanë arritur duke i vënë kufij dhe kontrolle ligjore e morale pushtetit dhe marrjes së tij, dhe me kalimin e kohës është arritur që ligji të ndërhyjë pak ose hiç ndaj moralit. Ndërsa me politikën shqiptare ka të paktën 60 vjet që ndodh e kundërta, sakrifikohet Kombi për interesa vetjake -të lidhura me pushtetin dhe marrjen ose mbajtjen e tij- dhe jo anasjellas. Aty hyn edhe "ngatërrimi" që bëhet midis Shtetit dhe qeverisë (që në Shqipëri mendohet se duhet të jetë personi). Qeveria (personi) duhet t'i shërbejë Shtetit (dhe rrjedhimisht popullit), dhe jo Shteti qeverisë (personit)!

Postuar nga Perendia datë 08 Mars 2005 - 00:22:

Citim:
Po citoj ato që tha analistja
pyetje tjeter

sa mandate jep zgjedhesi shqiptar ne kutine e votimit?

Direkt 140, indirekt shumë më tepër.

Postuar nga Klodel datë 08 Mars 2005 - 00:23:

perendia ky konfuzion egziston sepse nuk ka ndarje pushtetesh ne shqiperi. normalisht qe qeveria konsiderohet si shteti kur ministrat jane dhe deputete dhe vete i hartojne ligjet e vete votojne per po ato ligje dhe vete i zbatojne- duke u bere te plotfuqishem.

nuk egziston koncepti i kontrollit dhe balances qe parlamenti te kontrolloje qeverine.

PS: mos dil jashte teme.- komentet diku tjeter

Postuar nga Klodel datë 08 Mars 2005 - 00:24:

Citim:
Po citoj ato që tha Perendia

Direkt 140, indirekt shumë më tepër.

????

pse ti kur shkon ne kutine e votimit jep 140 mandate? ncncncnc

per cfare voton cfare zgjedh?

Postuar nga amor alucius datë 08 Mars 2005 - 00:24:

Citim:
Po citoj ato që tha analistja
politika vjen nga fjala greke politikos qe do te thote shkence e qeverisjes. ka lindur ne Greqine e Lashte ne lulezimin e qyteteve shtete dhe Aristoteles mbahet si babai i politikes si shkence.

Une pyeta se cfare eshte politika dhe jo per etimologjine e fjales politike e cila mesiper ne pershkrimin tend ishte mjaft e varfer.Ketu po e zgjeroj,nderkohe qe po pres nga te tjeret nje perkufizim te asaj qe eshte politika ne ditet e sotme

Fjala politike vjen nga greqishtja "polis"(qytet) dhe lindi kur Greqia,ne shekullin 6-5 para Krishtit,perbehej nga nje seri shoqerish politike te pavarura.Te lidhur me fjalen politike jane dhe fjalet polités(qytetar) dhe politikos(ajo cfare ka te beje me qytetarin,ajo qe eshte e pershtatur per shoqerine...)Polis ishte per nje shoqeri te organizuar pasi vetem ketu njerezit mund te zhvillonin kapacitetet e tyre.Njeriu ishte pjese e kesaj shoqerie te organizuar dhe si i tille duhet te merrte pjese ne jeten publike te saje.Kush qendronte jashte polis ishte idiotès.Qe nga lindja kuptimi konceptual i fjales "politike" eshte i shumefishte.Nje prove me teper ishte Politikon i Aristoteles.

Harrove dhe Platon

Postuar nga Klodel datë 08 Mars 2005 - 00:30:

politika eshte shkenca e qeverisjes. ajo qe solle ti eshte si lindi kjo fjale .
platoni eshte marre me shume me cilesite e udheheqesit ne librin kushtetuta, ndersa Aristoteli ne librin politika ishte i pari qe beri klasifikimin e qeverisjeve te mira dhe qeverisjeve te keqija.

gjithsesi faleminderit per plotesimin e informacionit.

Postuar nga amor alucius datë 08 Mars 2005 - 00:41:

Citim:
Po citoj ato që tha analistja
Partia politike eshte nje grup njerezish i organizuar me qellim marrjen dhe ushtrimin e pushtetit politik.
partite formale politike kane lindur ne formen e tyre moderne ne Evrope dhe Shtetet e BAshkuara gjate shekullit te 19.

Ne fakt forma te partive politike kemi qe ne Lashtesi,por mund te flasim per parti moderne vetem qe nga shekulli i 19.
Forma e pare partiake ne shekullin e 19-te ishte ajo e aristokracise,Partite Kader,me pas vijuan, Partite e Mases,Catch-All party,Partite e Mases Burokratike vs Partive Elektorale Profesionale,Cartel Parties.(Termat angleze qe perdora,perdoren dhe ne literaturen e shume vendeve jo-anglisht folese).Por duhet te kemi kujdes(nje ndryshim themelor): Cartel Parties(me C),nuk jane njesoj si Partite Kartele (me K).
Po pati kush nevoje per spjegime per llojet e partive mesiper BUJRUM.

Citim:
Po citoj ato që tha analistja
te gjitha partite kane programin e tyre politik qe percakton ideologjine e tyre dhe agjenden qe duhet te ndjekin per marrjen e pushtetit. pra funksioni kryesor i partise politike eshte formulimi i politikave dhe agjendave politike, zgjedhja e kandidateve, realizimi i fushatave zgjedhore, me qellim marrjen e pushtetit.

Partite politike lidhin qytetaret me qeverisjen, duke paraqitur nje mjet permes se cilit njerezit munden te kene zerin e tyre per qeverisjen.

sa per sistemin e shqiperise te drejte kane admirali dhe perendia. quhet maxhoritar i korrektuar.

Dhe spjegimi ketu eshte mjaft i varfer duhet thene:
Cdo parti ka FUNKSIONE dhe DISFUNKSIONE.

FUNKSIONET pastaj ndahen ne:
1.funksione programuese
2.Funksionet pozicisionale te partive
3.Funksionet qe kane te bejne me qytetaret

1.funksione programuese(ne literature perdoren shume terma angleze,keshtu i perdor dhe une ndaj po i le keshtu)

-Interest articulation
-Interest aggregation
-Brokerage
-Mbeshtetje qeverisjet
-Design
-Formulim i pikave "te nxehta"

2.Funksionet pozicisionale te partive

-Rekrutimi i personelit politik
-Seleksioni
-Dhenia e instruksioneve
-Marrja e pushtetit
-Kontrolli i realizimit te planit
-Organizimi i sistemit funksional

3.Funksionet qe kane te bejne me qytetaret

-Komunikim
-Socializim
-Integrim
-Mobilizim
-Demokratizim
-Legjitimim

DISFUNKSIONET ndahen ne:
-Dis-integrim
-renie pluralizmi
-Ngecje e zhvillimit shoqeror
-Oligarkizim i bordit drejtues te partive
-Politizim dhe partikratizim

Dhe plotesimi vazhdon!!Po patet nevoje per spjegime jam ketu si perhere

(ketu permbledha ate qe em ra ne koke tani,mund te kem harruar gje,nese po me thoni se ku pls.)

Postuar nga Klodel datë 08 Mars 2005 - 00:48:

informacioni qe i duhet dhene audiences duhet te jete i kuptueshem nga masa e cila nuk e ka idene e ketyre informacioneve qe solle ti. eshte e njejta gje si te shpjegosh informacionin mjekesor ne latinisht, njerezve qe nuk e kane idene e terminologjise e funksioneve te organeve.

Postuar nga Perendia datë 08 Mars 2005 - 00:53:

Ishte keqkuptimi im, mendova se pyetja ishte për zgjedhësit në përgjithësi (popullin).
Në këtë rast vetëm 1, deputetin. Mgjs shqiptarët ngatërrojnë deputetët me partitë, përsëri ngelet 1 (partinë).

Postuar nga Klodel datë 08 Mars 2005 - 00:53:

Postuar nga Admirali datë 08 Mars 2005 - 01:03:

Hmmm

Analistja

Zgjedhesi shqiptar jep 2 mandate

1 per kandidatin per deputet (akoma mazhoritari )
dhe 1 per subjektin politik qe ai deshiro (ja ku e ke dhe proporcionalin )

Nuk eshte e thene qe te dyja mandatet te jene per kandidatin dhe subjektin politik qe ai perfaqeson, se kandidati psh mund te jete dhe i pavarur, dhe ti e voton, kurse si subjekt te terheq e djathta ose e majta.

Ciao

Admirali
D.V.

Postuar nga Perendia datë 08 Mars 2005 - 01:06:

Në fakt aq sa relative është masa është edhe politika. Nuk i jepet dot 1 përkufizim i saktë, pasi përmbledh shumë hapësira.
Duket sikur me përkufizimin (dmth formulën) që ke dhënë mbi politikën dhe partitë, politika është shkencë ekzakte. Mjafton të dish përmendësh atë formulë dhe pak histori politike e je i gatshëm të merresh me politikë.

Postuar nga Klodel datë 08 Mars 2005 - 01:07:

Re: Hmmm

Citim:
Po citoj ato që tha Admirali
Analistja

Zgjedhesi shqiptar jep 2 mandate

1 per kandidatin per deputet (akoma mazhoritari )
dhe 1 per subjektin politik qe ai deshiro (ja ku e ke dhe proporcionalin )

Nuk eshte e thene qe te dyja mandatet te jene per kandidatin dhe subjektin politik qe ai perfaqeson, se kandidati psh mund te jete dhe i pavarur, dhe ti e voton, kurse si subjekt te terheq e djathta ose e majta.

Ciao

Admirali
D.V.

shume e sakte admirali

Postuar nga tresh datë 08 Mars 2005 - 01:36:

Me saktesisht fjala politike vjen nga fjala greke politikos rrenja e se ciles eshte fjala polis, pra qytet-shtet.
Nga fjala polis vjen fjala politis=qytetar te cilet ishin e vetmit te cilet mund te ushtonin te drejtat dhe kjo ishte si nje vlere e atehershme e qytetarve ne qytet shtetet e vjetra per tu dalluar nga skelleverit.
Mqs politis-politikos (qytetare) ishin ata qe ushtronin qeverisjen ne qytet dhe qyteti perkonte me nje shtet mori kuptimin e saj te drejtave e vlerave e te qeverisje etj etj qe ka te bejne me shtetin ne kuptimin e fjales qe kemi ne sot.
Baza e fjales eshte ajo qe u tha me siper pak a shume,po kalimet nga fjala polis ne politike e ne kuptimin qe ka sot nuk i mbaj edhe aq mire mend..

Postuar nga Perendia datë 08 Mars 2005 - 02:04:

Citim:
Po citoj ato që tha analistja
nuk egziston koncepti i kontrollit dhe balances qe parlamenti te kontrolloje qeverine.

Nuk ka si të ekzistojë. Biles, sipas Kushtetutës 1 veprim i tillë do ishte i jashtëligjshëm në 1 farë mënyre, përderisa askush s'mban përgjegjësi për çka bën dhe thotë.

Për mendimin tim ajo Kushtetutë (e hartuar dhe miratuar qëllimisht) është krim ndaj të bërit dhe të mbajturit Shtet! Si mund të ndërtosh apo të mbash 1 Shtet, kur askush nga drejtuesit e tij s'mban përgjegjësi ligjore dhe morale për ato që bën?!
Dhe nga ana tjetër është krim ndaj Kombit shqiptar! Si mund t'i edukosh brezat e rinj me ndjenjën e përgjegjësisë, apo si mund të kërkosh përgjegjësi dhe detyrime nga populli, kur "elita" s'duhet t'ia dijë për diçka të tillë?!
Thjesht po na çojnë drejt zhdukjes si Shtet e si Komb pa harruar ndërkohë të na mjelin mirë.

Postuar nga Fajtori datë 08 Mars 2005 - 04:10:

Mua me duket normale ajo mosmbajtja e pergjegjesise. Ne fund te fundit populli i jep besimin deputetit dhe me kete mandat nuk ka cfare pergjegjesie te mbaje. Psh cfare pergjegjesie do mbaje deputeti kur voton apo propozon nje ligj? Ai ashtu e mendon dhe ashtu e ben. Ka prapa popullin qe e ka zgjedhur. Per me teper kjo kufizohet ne rregullore vetem me "funksionet e tij si deputet". Pra nuk me vjen ne mend nje rast qe deputeti duhet te jape llogari. Eshte tjeter pune thyerja e ligjit normal, i cili eshte i njejte per te gjithe dhe deputeti duhet te paguaje pasi ti hiqet mandati.

Gjithashtu (dicka qe lexova ne temen tjeter) edhe venia e ndonje ministri qe eshte shtetas i huaj nuk eshte kaq terribel. Perkundrazi, ka persona te huaj qe jane me te pergatitur se profesionistet shqiptare dhe ndoshta mund te sherbenin me shume sesa shqiptaret ne nje fushe. Kjo nuk eshte shitje e Shqiperise sepse populli, parlamenti dhe presidenti jane ne gatishmeri per te hedhur qeverine nese shikojne dicka antishqiptare ne rast se do ndodhe.

Postuar nga Perendia datë 08 Mars 2005 - 09:35:

Për mendimin tim, në çdo vend të botës duhet të mbajë përgjegjësi ligjore (me Kushtetutë) dhe morale, sepse megjithëse e ka zgjedhur populli, deputeti (ose mazhoranca) duke u mbështetur tek Kushtetuta shumë bukur mund të shkelë premtimet e dhëna (atyre që e zgjodhën) dhe të propozojë e miratojë ligje për interesa vetjake apo antikombëtare. Por të flasim për situatën (e sotme) shqiptare...
Mos vallë politikës shqiptare i mungojnë deputetët (politikanët) që përdorin "fuqinë" e përkohshme për interesa vetjake?
Mos vallë përgjegjësia e shqiptarit është virtyt, që nga lindja, dhe 1 ligj i tillë nuk mund të keqpërdoret lehtë?
Mos vallë populli në përgjithësi (masat) dhe shqiptarët në veçanti gjykojnë me objektivitet kë do zgjedhin -pa u ndikuar nga propaganda, sim(/anti)patitë (e theksuara) politike (në rastin konkret) dhe interesat e ngushta-, në mënyrë që "besimi i popullit" t'i japë të drejtën e papërgjegjësisë deputetit?
Duke parë situatën e sotme shqiptare, mos vallë ata deputetë që i kanë miratuar ato ligje (në mënyrë të përgjegjshme) e kanë bërë duke menduar në të mirën dhe të ardhmen e Kombit?

Jam i sigurt që ka persona të huaj më të aftë se shqiptarët për shumë funksione, por cili i huaj do të merrte përsipër cilindo funksion qeveritar duke parë mish-mashin e sotëm shqiptar (luftën (në kuptimin e plotë) politike shqiptare) dhe pa patur interesa më të "larta" se rimëkëmbja e Shqipërisë ose interesa direkt antishqiptare? Apo Shqipëria është e aftë dhe e gatshme të paguajë ato shërbime nqs do të jenë pa qëllim të keq?
Kur e ka treguar gatishmërinë Presidenti dhe Kuvendi (se popullin s'e ka pyetur kush) në rastet antishqiptare të qeverisë?
Kur u votua kundër Çamëve? Kur u tha "Kosovarët kanë kryeqytet Beogradin"? Kur u nënshkrua rishkrimi i Historisë shqiptare duke ditur se në shkollat fillore greke ende mësohet që Skënderbeu është grek?
...

Për mua në këto çështje (për mendimin tim Kombëtare) duhen ligje sa më subjektive dhe pak objektive, se pikërisht aty është kufiri i sovranitetit dhe pavarësisë së 1 Kombi.

Postuar nga Klodel datë 09 Mars 2005 - 02:10:

cfare kuptoni me zgjedhje te lira?- pyetje qe me lindi duke lexuar spartacus per zgjedhjet e lira ne 45.

do me pelqente te jepje mendimin tend spartacus.

Postuar nga Admirali datë 12 Mars 2005 - 00:14:

Hmmm

Citim:
Po citoj ato që tha analistja
cfare kuptoni me zgjedhje te lira?- pyetje qe me lindi duke lexuar spartacus per zgjedhjet e lira ne 45.

do me pelqente te jepje mendimin tend spartacus.

Zgjedhje demokratike?

Sipas percaktimit te Jeane Kirkpatrick, ish ambasadore e ShBA ne OKB, zgjedhje demokratike jane:
Zgjedhjet demokratike nuk jane simbolike...Ato jane kompetitive,periodike,gjitheperfshirese, zgjedhje perfundimtare ne te cilat personat vendimarresh ne qeveri jane zgjedhur nga qytetaret te cilet shijojne nje liri te pakufizuar per te kritikuar qeverine, per te publikuar kritikat e tyre si dhe per te ofruar alternativa te tjera

Gjithashtu mund te thuhet qe zgjedhje demokratike ka:
Zgjedhje ne te cilat kujdes i madh tregohet per te parandaluar cdo paragjykim te fshehte ose te hapur ndaj cdo kandidati, pervec atyre paragjykimeve perfituese qe dalin natyrshem nga elektorati i cili eshte barazisht i informuar mbi pronat dhe pergjegjesite e secilit kandidat
Democracywatch.org

Postuar nga Klodel datë 12 Mars 2005 - 00:23:

Re: Hmmm

Citim:
Po citoj ato që tha Admirali

Zgjedhje demokratike?

[b]Zgjedhjet demokratike nuk jane simbolike...Ato jane kompetitive,periodike,gjitheperfshirese,

shume e sakte admirali.

atehere pyetja tjeter a mund te thuhet qe ne vitin 1945 ka patur zgjedhje te lira demoraktike kur te vetmet kandidatura ishin anetaret e partise komuniste? - kjo pyetje eshte per spartacus i cili nuk e dha mendimin e tij mbi zgjedhjet e lira.

Postuar nga Admirali datë 12 Mars 2005 - 22:11:

Hmmm

Dakort, une nuk po pergjigjem, mgjs ti Analistja ti e ke te qarte pergjigjen time .

Nderime
Admirali

Postuar nga Ami- datë 04 Maj 2005 - 22:39:

Nuk eshte e vertete qe ne zgjedhjet e vitit 1945 kandidatet ishin anetare te Partise Komuniste. Kur te informoheni me mire mund te vazhdojme diskutimin

P.s. Analiste urime per ate gjene (sinqerisht)

Postuar nga Klodel datë 30 Maj 2005 - 23:19:

cili eshte ndryshimi mes monarkise kushtetuese dhe republikes?

Postuar nga Admirali datë 31 Maj 2005 - 01:48:

Hmmm

Citim:
Po citoj ato që tha analistja
cili eshte ndryshimi mes monarkise kushtetuese dhe republikes?

Nuk besoj se mund te jem shume i sakte ne te diferencuar, por ja ku po jap ato qe mendoj se jane ndryshimet rrenjesore:

Ne monarki kushtetuese eshte mbreti, i cili ka nje post te trashegueshem, forma e shtetit kuptohet qe eshte monarki, zakonisht monarku eshte i paanshem, nuk nderhyn ne dhenie opinioni per ceshtje qe i perkasin qeverise (te pakten ketu ne Danimarke do te konsiderohej nje gabim i rende dhe njerezit do te protestonin nese familja mbreterore do te nderhynte ne ceshtjet e shtetit).

Ne republike eshte presidenti, i cili zgjidhet zakonisht 1 here ne 4 vjet me te drejte rizgjedhje dhe 1 mandat me shume zakonisht. Zgjedhja e tij behet ose nepermjet parlamentit (Shqiperi, Itali, etj) ose votes se popullit (ShBA dhe France). Ne varesi te kushtetutes se vendit ku ai zgjidhet, funksionet e tij mund te jene te kufizuara ose jo.

Si mbreti dhe presidenti presin perfaqesues diplomatike te akredituar ne vendet e tyre, miratojne ambasadoret ose kane dhe funksione te tjera te percaktuara ne kushtetute.

Qe te dy jane figura nderi te shtetit qe perfaqesojne ne rang te larte takimesh, mgjt kjo varion nga protokolli qe ndiqet.

Vlen te theksohet fakti se ne te dy rastet pushtetin me te madh e gezon kryeministri (perjashto ShBA ku vete presidenti eshte dhe ne pozicionin e kryeministrit si dhe ne France ku mgjs ka kryeminister, presidenti ka shume funksione te nje kryetari qeverie).

Besoj se kaq mund te them une, jam i sigurte se ka me teper, Thy Shall Google

Postuar nga dafinoli datë 14 Shtator 2005 - 12:07:

Çfar nenkuptojm me politike?

Me politik nenkuptojme menagjimin me njerëz

Postuar nga Niqua datë 29 Shtator 2005 - 08:49:

The necessity of politics arises from the collective character of human life.....Personalisht when i think of politics i think of power, state, society, etc....

Postuar nga dafinoli datë 06 Tetor 2005 - 16:07:

Politics as an arta or as a craft

Some of the people think that Politics is an art, the art of living, managing with people and leading people.

others think that politics is a craft to lie, cheat and to steal. In order to be a politician you first must be an outlaw.

Trego 44 mesazhet në një faqe të vetme

Materialet që gjenden tek Forumi Horizont janë kontribut i vizitorëve. Jeni të lutur të mos i kopjoni por ti bëni link adresën ku ndodhen.