sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Topi dekreton ligjin për dëmshpërblimin e ish të dënuarve politikë
Presidenti Bamir Topi ka dekretuar dje shpalljen e ligjit nr. 9831, “Për dëmshpërblimin e ish të dënuarve politikë të regjimit komunist”. Dekreti është në mbështetje të neneve 93 dhe 84, pika 1 të Kushtetutës. Ligji u miratua në Kuvend në seancën parlamentare të datës 12 nëntor. Në këtë seancë, gjatë debateve për këtë projektligj, deputetë të PS-së në fjalimet e tyre kërkuan një faturë financiare për realizimin e dëmshpërblimit. Në përgjigje të pretendimeve të deputetëve të PS-së, Kreu i grupit parlamentar në PD, Astrit Patozi tha se “fakti që disa kolegë të opozitës patën kurajon të provokojnë jo thjesht këtë sallë, por edhe ish-të përndjekurit politikë që presin dëmshpërblimin duhet t’i themi ca të vërteta”. “Ky projektligj nuk synon ekuivalentimin e dhimbjes së madhe njerëzore, ekuivalentimin e dënimeve të rënda kolektive, ekuivalentimin e 100 mijë viteve burg. Ne nuk mundemi kurrë edhe sikur të kemi në dispozicion buxhetin e BE apo SHBA të ekuivalentojmë krimet e regjimit gjakatar, por ne përpiqemi të bëjmë aq sa kjo shoqëri mundet të bëjë në këtë kohë”, tha Patozi. Më tej, ai vuri në dukje se “ky ligj nuk është një borxh që PD-ja i ka ish- të përndjekurve, por është një borxh që shteti ligjor i ka këtyre njerëzve, që janë vrarë, burgosur, internuar me gjyqe qesharake. “Nëse kjo do të trajtohej kështu, atëherë do të mungonte retorika qesharake”. “Ish-të përndjekurit politikë kërkojnë sot drejtësi dhe jo mëshirë, kërkojnë sot dinjitet dhe jo lëmoshë. Ky ligj përpiqet të harmonizojë mundësitë tona me nevojat e tyre të jashtëzakonshme, dhe sidomos me dëmin e pallogaritshëm që i është shkaktuar ndër vite. Ata më mirë se kushdo tjetër na mirëkuptojnë me mundësitë tona që kemi sot”, nënvizoi Patozi.
Gazeta Shqip
-------------------------------------------
Ja dhe me ne funde mbas 17 vjeteve Presidenti Bamir Topi e dekretoi...Kur ishte Fatos Nanua ju dha 30000 ne dite per te perndjekurit por nuk donin.. tani 20000 ne dite...Hajt mo sa pa gje dhe kaq mire jane..T e pareve qe do filloi ndarja e lekeve do te jene Te moshuarit dhe te semuret..Une nuk do ti mare do ti le ne bange ..ti kete djali per pleqeri....
Denonco këtë mesazh tek moderatorët | IP: e regjistruar
|