Vizioner
...ne Timon
Regjistruar: 23/11/2007
Vendbanimi: Frankfurt
Mesazhe: 6857
|
Standardet e kryeministrit për Familjen dhe opozitën
4 Janar, 2013
Nga Mero Baze
Në fund të vitit 2007, për herë të parë Partia Demokratike në pushtet hapi debatin rreth standardeve që do të vendoste në jetën publike për ata që akuzoheshin për korrupsion. Një vëlla i ish- Ministrit të Drejtësisë, Ilir Rusmali, kish biseduar diku për të hyrë në garë në një tender, që nuk u bë kurrë, dhe kish kërkuar t’i jepej shansi nëse ishin në kushte të barabarta me dikë tjetër. Biseda, që ngjante më shumë e kërkuar për të prodhuar një “dosje” ndaj njeriut që kish refuzuar t’i firmoste për projektin e Gërdecit, iu përdor atij publikisht dhe ai dha dorëheqje duke kërkuar të hetohet. Berisha e shpalli këtë si standardin më të lartë të luftës kundër korrupsionit në PD. Në të vërtetë dukej si një standard i lartë, por siç u pa më vonë, ishte një pisllëk i lartë. Sali Berisha nuk e hetoi kurrë “skandalin” dhe nuk e ktheu më kurrë në qeveri ministrin.
Pas atij “standardi”, plasi Gërdeci. I biri i kryeministrit, i cili shante korridoreve të partisë ministrat që nuk i firmosin projektin, ishte i përfshirë kokë e këmbë jo vetëm në fabrikën vdekjeprurëse, por dhe në biznesin e armëve kineze që po shiteshin në Afganistan, siç e provoi dhe New York Times.
Standardi Rusmali në këtë rast kërkonte që kryeministri jo vetëm të ikte nga detyra, por të shkonte në burg.
Ai në të vërtetë e harroi standardin që e vendosi jo për transparencë, por për të shpëtuar nga ata që e kishin marrë seriozisht luftën e tij kundër korrupsionit. Edhe pse në Gërdec mbeti i vrarë baxhanaku i kryeministrit, edhe pse i biri i tij ka gjurmë konkrete që provojnë autorësinë e tij, njeriu që duhet të paguante, kryeministri i vendit, nuk i hyri një gjemb në këmbë. Ai shkatërroi procesin gjyqësor dhe u shpalli luftë gjithë institucioneve që kërkuan ta hetojnë atë. Për shkak të këtij skandali, ai hyri në luftë me presidentin, kryeprokuroren, KLD dhe figura politike në PD.
Më pas shpërthyen një sërë skandalesh. E bija e tij doli se lobonte kontrata koncesionesh dhe kërkonte tre përqind të investimit vetëm për firmën e babait të saj kryeministër. Sali Berisha e quajti këtë gjest publikisht normal dhe nuk denjoi as ta pranonte si vjedhje dhe kapje të shtetit.
Një dosje e kopsitur e prokurorisë së Tiranës, që akuzonte Ministrin e Transportit për një dëm ekonomik prej 220 milion euro, sërish kaloi pa u gjykuar dhe i akuzuari për superhajdut është sot kryetar i bashkisë së Tiranës, po ashtu duke vjedhur vota.
Më pas një video me zë dhe figurë ku zëvendëskryeministri Ilir Meta fliste për miliona dollarë, u shfaq publikisht dhe Sali Berisha nuk u cenua nga standardi anti-korrupsion. Ai vazhdoi të hedhë poshtë ekspertiza angleze e amerikane për të vendosur me gjyqtarët dhe ekspertët e tij. Doli më në fund që kjo video nuk ekziston.
Një institucion nga më prestigjiozët në botë deklaron se nga Shqipëria kanë dalë jashtë në rrugë ilegale 1.3 miliard euro qyshkurse Berisha ka ardhur në pushtet dhe shifra kulmon me grafikun e skandaleve financiare të Berishës, dhe Berisha sërish nuk reagon. Pas tetë vitesh në pushtet, me një histori të zezë vjedhjesh dhe abuzimesh, me një superpushtet politik të Familjes dhe metastaza të saj në gjithë ekonominë kombëtare, me një pushtet gjyqësor që është kthyer në gardian të Familjes së tij, ai sot është më larg se kurrë përpjekjes së tij tinëzare për të hequr qafe një ministër në emër të vendosjes së standardeve kundër korrupsionit. Me atë standard sot jo vetëm gjithë qeveria, por shumica e administratës publike duhet të ishte në burg.
Kryeministri për fat u kujtua sot për një standard anti-korrupsion. Kosta Barjaba me gruan dhe vajzën e tij janë ndaluar nga policia lokale në Kaliforni dhe akuzohen për vjedhje të 286 dollarëve mall. Ngjarja është e shëmtuar dhe tragjike njëkohësisht, sidomos për vetë viktimat, të cilët dhe do ta përjetojnë rëndë për arsyen se kanë qenë të angazhuar politikisht në nivele partiake të opozitës. Po të ishin qytetarë të thjeshtë, ndoshta as do ta kishim botuar si lajm.
Por kryeministri u bë i gjallë. U bë i gjallë dhe i kërkoi opozitës llogari për dikë që është kontributor vullnetar i saj. Opozita para tij e kishte marrë një vendim, por Sali Berisha nuk pati turp dhe foli. Foli si babai i Shkëlzenit, që ka vrarë për të vjedhur, si babai i Argitës, që ka gjobitur në emër të tij, si burrë i Lirisë, që përdhunon publikisht biznesin të paguajë për të, foli si kryeministër i Ilir Metës Fatmir Mediut, Lulëzim Bashës, Ridvan Bodes, Genc Rulit e Arben Imamit, që u ka shkuar fatura e vjedhjeve dhe shpërdorimeve sa gjithë këto 20 vite pluralizëm së bashku. Foli dhe nuk pati turp. Foli sipas parimit se hajdutët e xhepit janë të rrezikshëm, kurse hajdutët e miliardave janë qeveritarë. Vetëm një njeri që ndjehet i pushtuar nga vjedhja dhe hajdutllëku familjar, një njeri i dorëzuar para mungesë së moralit për të qenë një familje dinjitoze, mund të ndjehet i çliruar që gjeti dhe një familje “opozitare” që ka vjedhur 286 dollarë për ta barazuar me veten.
Nuk të shpëtojnë dot Barjabajt Sali Berisha! Nëse ti do të ishe turpëruar, sa ç’janë turpëruar dhe terrorizuar ata për 286 dollarë, sot do ishe në varr i vdekur nga turpi. Ti do të vdesësh me turp, por pa u turpëruar për së gjalli. Si gjithë njerëzit e pacipë!
__________________
I am the author of my life;
unfortunalty, I'm writing in pen & can't erase my mistakes.
Denonco këtë mesazh tek moderatorët | IP: e regjistruar
|
18 Gusht 2012 12:02
mi griti nervat. 
ajo e ben te duket me pasion and funny, somekinda cool aproachable funny.
Forumi Horizont > Media dhe Politika > Politika Shqiptare > Shenjat e "lindjes" te nje Diktatori
