Regjistruar: 07/01/2003
Vendbanimi: Durrës
Mesazhe: 2298

Gazeta Korrieri


Bashkim Hoxhës i jepet titulli i lartë i qytetit me rastin e 50 vjetorit

Nesër, duket se e gjithë dita durrsake, do t'i kushtohet intelektualit Bashkim Hoxha. Në kuadër të 50 vjetorit të ditëlindjes, ai, do të marrë titullin e lartë si "Qytetar Nderi ", propozuar nga Shoqata "Durrësi". Ndërkohë, një koncert në drejtimin e Mirush Kabashit dhe me pjesmarrjen e Manjola Nalbanit, Kastriot Tushës, Anjeza Shahinit dhe Eranda Libohovës, do të nderojë kontributin e tij qytetar. Orkestrina e këtij koncerti do të drejtohet nga Fatos Qerimi, ndërsa do të jetë dhe një grup baleti nën drejtimin e Eno Birkos. Burime të Televizionit të Teutës, konfirmojnë se të hënën në orën 11.00 do të promovohet libri i tij i ri "Sakrifica", ndërsa në orën 18.00, kryebashkiaku i qytetit, Koka, do t'i dorëzojë titullin e lartë të "Nderit të qytetit".

Durrësi duket se është mësuar me Bashkim Hoxhën, në kuadër të një simbioze, që fillon që nga mëngjezi ditor. Aty qahen hallet e përditshme materiale dhe ideale të Durrësit dhe ai si një administrator, mundohet që t'u kthejë një përgjigje inkurajuese bashkëqytetarëve të tij. Pothuaj e ka bërë për ditë atë punë, që nga viti 1997, ku në ekranin e tij, durrsakët, e ndjejnë të nevojshme që të shfryjnë gjithshka. Ajo që duhet të veçohet për autorin, është se: Nuk ka rreshtur dhe të shkruajë dhe prozë cilësore. Nga dora e tij, kanë dalë me rradhë: "Dëshmitari i Shkretëtirës", "Hotel Ballkan", "Mbreti i Vesës", "Mot i keq për dashuri", "Fjalë të ndyra dashurie", "Njeriu tjetër", "Një lolo dhe një mbret", "Unë dhe Mefistofeli" (dramë), "Ftesës për gjyq", "Këngë dashurie dhe korba", "Qyteti pa dashuri". Hoxha është në kulmin e krijimtarisë së tij dhe një emër, që nuk i mungon asnjëherë publikut. "Sakrifica" është sprova e fundit e tij në letrat shqiptare.

__________________
Quis custodiet ipsos custodes?

Denonco këtë mesazh tek moderatorët | IP: e regjistruar