Roneo
I dashuruar
Regjistruar: 14/02/2005
Vendbanimi: Mu ke guri qe bon xixa.
Mesazhe: 88
|
ja edhe disa te tjera prej meje.
Mos e mbani laptopin në gjunjë!
Tërë koha të cilën e kaloni para kompjuterit kur jeni në rrugë ju dëmton më shumë sesa mund të mendoni. Ekspertët për reproduksion tërheqin vërejtjen për rezultatet e hulumtimit mbi dëmshmërinë e kompjuterëve bartës në frytshmërinë e meshkujve. Rezultatet janë të këqija. Hulumtimi është publikuar në revistën Human Reproduction, kurse tregon se temperatura e testiseve, po qe se laptopi mbahet në gjunjë, për vetëm një orë rritet për 4,6 deri 5 gradë. “Kompjuterët bartës arrijnë temperaturat e brendshme të punës deri 158 gradë. Përveç se prodhojnë ngrohtësi direkte, njerëzit duhet t’i mbajnë këmbët mbledhur, ashtu që mos t’u bijë kompjuteri. Edhe kjo rrit temperaturën e testiseve”, ka thënë dr. Yefim Shenykin, profesor i urologjisë dhe shef i repartit për frytshmëri mashkullore dhe mikrokirurgji në Universitetin në New York. Ai bashkë me kolegët e tij bëri eksperimentin te 29 vullnetarë në moshë prej 21 deri 35 vjet, duke matur temperaturën e testiseve para dhe pas përdorimit njëorësh të laptopit. Duke marrë parasysh se deri në fund të vitit të ardhshëm në botë do të përdoren rreth 150 milionë kompjuterë bartës, këto të dhëna duhet kuptuar seriozisht.
Netsky-P në kulmin e viruseve
Sipas matjeve të kompanisë Sophos, në majen e listës së virusëve më të këqinj gjatë vitit 2004 është Netsky-P. Ky vit karakterizohet për nga rritja e numrit të dëmtuesve të rinj të kompjuterëve madje për 52% në raport me vitin e kaluar, kurse virusit Netsky-P i takuan 22,6% të të gjitha problemeve virusale të lajmëruara në Sophos. Gjithsej janë detektuar më shumë se 30 versione të ndryshme të krimbit origjinal Netsky i cili për herë të parë u zbulua në shkurt, përderisa Netsky-P është vetëm versioni më i suksesshëm i atij krimbi, për herë të parë i zbuluar në mars.
Vendin e dytë e ze krimbi Zafi-B, të cilit i takuan 18,8% të të gjitha infektimeve të zbuluara, përderisa me hise prej 14,2% është në vendin e tretë krimbi Sasser. Në Sophos sidomos e theksojnë moskujdesin e shfrytëzuesve prej shkaktarëve kryesorë të përhapjes së viruseve. Në të vërtetë, në kompani theksojnë se edhe mëtej numri më i madh i paraqitjeve të shfrytëzuesve është lidhur me krimbat sikurse Netsky-P dhe Zafir-B, pa marrë parasysh se sendërtimi i programeve antivirusale janë të nxjerrura para më shumë se gjysmë viti, sepse është i madh numri i shfrytëzuesve që nuk sendërton aspak softverin e vet antivirusal.
Arriti Thunderbird 1.0
Mozilla mundësoi marrjen e open-source programit të vet për leximin e e-mailave të versionit Thunderbird 1.0, i cili do të duhej të rrezikojë mbifuqinë e Outlook Expressit të Microsoftit. Thunderbird që nga viti 2003 është në zhvillim, kurse ky version përmban opcione të ndryshme të dobishme siç janë filtrimi i avancuar i mesazheve, personalizimi i ballinës sipas vullnetit të shfrytëzuesit dhe implementimit të RSS teknologjisë.
Mozilla thekson se Thunderbird 1.0 është shumë më i sigurt se konkurrenca, sepse nuk lëviz automatikisht skriptat dhe datotekat e ofruara të e-mailave të arritura, si dhe se shfrytëzon engine të Mozillës për shfaqjen e HTML mesazheve, e jo Internet Explorer me krimba të Microsoftit.
Thunderbird 1.0 momentalisht mund të zbritet vetëm në gjuhën angleze, edhe atë për sistemet operative Windows, Linux i OS X, kurse mund ta gjeni në këtë web faqe: www.mozilla.org/products/thunderbird/.
Spectra Systems MediaCoat
Kompania Spectra Systems, e specializuar për zgjidhjet e destinuara për shënimin, përcjelljen dhe kontrollimin e autenticitetit të dokumenteve dhe prodhimeve, ka zhvilluar teknikën për shkrim në mediat CD/DVD në anën në të cilën është incizuar përmbajtja. Teknologjia e quajtur MediaCoat sipas pohimeve të përfaqësuesve të kompanisë është kompatibile me të gjitha llojet industriale “të shtypura” të mediave CD/DVD, përfshirë këtu mediat e bazuara në laserin e kaltër, HD-DVD dhe Blu-ray. Në kompani gjithashtu theksojnë se ajo teknologji siguron kohëzgjatje më të mirë të mediave sepse i bën më rrezistuese ndaj gërvishtjeve.
IBM-ja shet PC afarizmin?
Sipas disa informatave, IBM-ja shqyrton shitjen e departamentit për prodhimin e PC kompjuterëve. Kompania e cila në vitin 1981 ka prezentuar PC kompjuterin e parë, kahjet bazë disenjuese të të cilit janë mbajtur sot e kësaj dite, për shkak të shitjes gjithnjë e më të dobët do të mundej që plotësisht të tërhiqet nga ai segment i afarizmit.
Në vend të afarizmit me kompjuterë personalë, IBM-ja në të ardhmen plotësisht do të duhej t’i përkushtohet afarizmit dukshëm më profitabil lidhur me shërbimet. Vlerësohet se vlefta e punës së përgjithshme lidhur me shitjen PC afarizmit të IBM-it do të mund të jetë ndërmjet një dhe dy miliardë USD, kurse do të përfshijë linjën komplete të kompjuterëve të tavolinës dhe atyre bartës. Në mesin e kandidatëve më seriozë për blerjen e PC afarizmit të IBM-it përmendet kompania kineze Lenovo.
HP-ja dhe Veritasi do të shpeshtojnë zhvillimin e shërbimeve virtualizuese në sistemin HP-UX 11
Kompanitë HP dhe Veritas kanë paralajmëruar zgjerimin e partneritetit të tyre afatgjatë, në suaza të të cilit HP prodhimet e kompanisë Veritas i emëroi si zgjidhje preferente për drejtimin e sistemeve të datotekave dhe drejtimin e ngarkimit të shërbyesve. Në kuadër të kontratës disavjeçare HP bashkë me prodhimet e veta do t’i ofrojë edhe prodhimet e Veritas Storage Foundation dhe me këtë do të zgjerojë mundësinë për virtualizimin dhe disponimin e lartë me sistemin operativ HP-UX 11i, si dhe pajisjes programuese HP Serviceguard. Kompanitë në zgjidhjen e HP Serviceguard-it do të integrojnë prodhimet kyç siç janë Veritas Storage Foundation Cluster File System dhe Storage Foundation for Oracle RAC. Pajisja progamuese HP Serviceguard mbron aplikacionet kyçe prej paletës së gjerë të prishjeve të ndryshme të pajisjes programuese. Veritas Storage Foundation numrit më të madh të shërbyesve u mundëson kyçje të njëkohësishme deri te aparati për grumbullimin e të dhënave, gjë që mundëson optimizimin e përdorimit të aparateve dhe ndarjen e ngarkesës ndërmjet shërbyesve.
__________________
Demokrat deri ne palce te kockes.
Denonco këtë mesazh tek moderatorët | IP: e regjistruar
|
25 Korrik 2004 16:38
Forumi Horizont > Shkenca > Interneti dhe Shqipëria > Arkivi i Internetit > Lajme kompjuterike
