Regjistruar: 02/05/2009
Vendbanimi:
Mesazhe: 14611

Objektivi kryesor i kompanisë hollandeze Philips Electronics është t’iu vijë në ndihmë atyre që nuk kanë mundësi të furnizohen me energji elektrike që të vijojnë aktivitetin e tyre edhe pas rënies së errësirës. Por sistemi i ri i lëvizshëm i cili furnizohet me energji diellore mund të gjejë zbatim edhe në vende të cilat duan ta ulin nivelin e dioksidit të karbonit në ajër.
Philips ka përllogaritur se rreth 1.6 milion njerëz, rreth 500 milion e të cilëve jetojnë në Afrikë, nuk kanë mundësi të furnizohen me energji elektrike. Në zonat ekuatorial errësia nis rreth orës 6:30 me orën lokale dhe zgjat thuajse 12 orë.
Ky sistem mund të ndriçojë një sipërfaqe prej 40 metrash e deri në një lartësi prej 20 metrash. Bateritë e tij, të cilat ushqehen me energji diellore sigurojnë furnizim pa ndërprerje përgjatë tetë orësh. Ai është gjithashtu i pavarur falë furnizimit me energjki diellore të baterive të tij. Administratori i Philips për Afrikën e Jugut, Jan Hoogstra tha se ky fakt është mjaft i vlefshëm kur bëhet fjalë për përdorimin e tij në zona të thella. "Jemi tepër të ngazëllyer nga fakti që më në fund shohim dritë në vendin tonë" tha Albertina Manole, një banore e rajonit Lansaria në Afrikën e Jugut.
Afrika e Jugut do të mirëpresë vitin e ardhshëm Kupën e Botës në futboll ndaj adhuruesit e këtij sporti në mbarë afrikën shpresojnë që të kenë mundësi ta ndjekin këtë aktivitet në shtëpitë e tyre. "Kjo paisje punon me një burim të pavarur energjie ndaj mund të përdoret pa asnjë problem në çdo zonë sado të thellë të vendit" tha Jan Hoogstra.
Philips e paraqiti për herë të parë sistemin ekologjik të ndriçimit në qytetin hollandez të Eindhoven të hënën e kaluar në stadiumin e ekipit të futbollit PSV. Ylli nigerian i futbollit Kanu ishte i pranishëm për të promovuar sistemin e ri të ndriçimit i cili sipas tij do t’iu ndryshojë jetën miliona afrikanëve.
Afrika do të përfaqësohet nga plot 6 ekipe në Kupën e Botës 2010. Kanu tha se ky sistem ekologjik e njëkohësisht ekonomik ndriçimi mund të bëjë të mundur arritjen e rezultateve pozitive nga ekipet afrikane. "Ky sistem mund të përbëjë një ndryshim mjaft pozitiv për ne pasi na mundëson stërvitjen e gjatë natës, gjë kjo e pamundur deri më sot. Kështu ne kemi mundësi të jemi më të përgatitur për përballjen me ekipet kundërshtare" tha ai.

(Balkanweb)

__________________
.

Denonco këtë mesazh tek moderatorët | IP: e regjistruar