Regjistruar: 03/01/2003
Vendbanimi: Today
Mesazhe: 1498

Astrofizikanti i njohur 62 vjeçar Stephen Hawking (Stifën Houking), ai që i hapi rrugën kuptimit të gropave të zeza nga mesi i viteve 1970-të, paraqiti në Konferencën e 17-të Ndërkombëtare mbi Relativitetin e Përgjithshëm dhe Gravitetin një mendim të ri rrënjësor sipas të cilit Gropat e Zeza, vorbullat e mistershme masive të mbrujtura nga yjet e shembura brenda vetvehtes, nuk shkatërrojnë çdo gjë që gëlltitin por në vend të kësaj së fundi vjellin jashtë lëndë dhe energji "në një trajtë të sakatuar".

Hawking tha se Gropat e Zeza e ruajnë brendinë e tyre në përjetësi por vetë keqësohen dhe vdesin. Ndërsa Gropat e Zeza shpërbëhen, ato e kthejnë brendinë e tyre të shndërruar, mbrapsht, jashtë në horizontet e pafundme të Gjithësisë prej nga kanë ardhur. Ai arsyeton se mund të mirren disa të dhëna mbi vetë gropën e zezë prej nga se çfarë nxjerr.

Më parë Hawking kishte pasur mbrojtur mundësinë që lënda e zhdukur udhëton përmes Gropës së Zezë në një gjithësi të re paralele, gjë që i ka dhënë lëndën e parë pjesës më të madhe të veprave vegimtare trillueso-shkencore. Kjo binte ndesh me teorinë ndënatomike.


Gropë e zezë tepërmasive duke thithur gazra

"Nuk ka ndonjë gjithësi foshnjore rrjedhonjëse, si ç'kam menduar dikur. Të dhënat mbesin patundshëm në Gjithësinë tonë... Më vjen keq të zhgënjej ithtarët e trillimeve shkencore, por nëse të dhënat mbeten, nuk ka ndonjë mundësi për të përdorur Gropat e Zeza për të udhëtuar për në Gjithësitë e tjera," tha Hawking. "Nëse kërcen brenda në një Gropë të Zezë, energjia e masës tënde do të kthehet në gjithësinë tonë, por në një trajtë të sakatuar, e cila i ruan të dhënat mbi se si ke qenë, por në një gjendje që nuk mund të njihet sërish."
Hawking thotë gjithashtu, "Shumë njerëz kanë dashur të besonin se mund të ishte e mundur që të dhënat arratiseshin nga Gropa e Zezë por nuk e dinin se në çfarë mënyre".

Si përfundim ai thotë, "Është diçka e shkëlqyer që kam arritur të zgjidh një andrallë që më ka shqetësuar për rreth 30 vjet, ndonëse përgjigja është më pak magjepsëse nga mundësia që kisha sugjeruar më parë".


Veç kësaj, Hawking humbi një bast 29 vjeçar të vënë me astrofizikantin John Preskill (Xhon Preskill), i cili këmbëngulte në 1975 se lënda e gëlltitur nga Gropat e Zeza nuk mund të shkatërrohej.

Hawking që është profesor matematike në Universitetin Cambridge (Kembrixh), fitoi famë ndërkombëtare me librin e tij më të shitur "A Brief History of Time" (Një histori e përmbledhur e kohës), i cili përpiqej t'i shpjegonte një publiku të përgjithshëm pikëpamjet më të ndërthurura mbi se si funksionon Gjithësia.

Hawking është i paralizuar dhe i mvarur nga një karrocë invalidësh me sklerozë anësore amiotrofike që nga mosha rreth 25 vjeçare. Ai komunikon duke përdorur një pajisje që mbahet në dorë përmes së cilës zgjedh fjalët në ekranin e kompjuterit të karrocës së invalidit, të cilat dërgohen më pas në një gjenerator të foluri.

RRUZULL

(space.com)

Denonco këtë mesazh tek moderatorët | IP: e regjistruar

Regjistruar: 10/10/2004
Vendbanimi: From Beyond
Mesazhe: 982

shume interesante...! Vertete te jete ashtu? Kete do ta shohim mbase pas 30 vjeteve te tjera

Denonco këtë mesazh tek moderatorët | IP: e regjistruar

Regjistruar: 03/01/2003
Vendbanimi: Today
Mesazhe: 1498

Keto jane vecse teorira, dhe jane shume te tilla dhe do te dalin me shume.

Nje gje eshte e sigurt dhe e vertetuar, se gropa te zeza ka ne universe por se cfare bejne ato, ate nuk e dime.

Denonco këtë mesazh tek moderatorët | IP: e regjistruar

Regjistruar: 14/09/2004
Vendbanimi: mbi kete planet
Mesazhe: 4934

Gropa e zeze.................mos eshte fjala per Vrimen e Zeze?

Denonco këtë mesazh tek moderatorët | IP: e regjistruar