Regjistruar: 14/10/2004
Vendbanimi: England
Mesazhe: 2498

Zëvendësministrja e Mbrojtjes, Zana Zhuka,

konfirmoi sërish dje se pengjet që thuhen se

janë shqiptarë në Afganistan, nuk janë pjesë e

efektivëve ushtarakë. Duke qenë në kontakt të

vazhdueshëm me çështjen, zëvendësministrja

e Mbrojtjes dha garanci të plota për pjesën

ushtarake të misionit shqiptar në Afganistan,

duke theksuar se nga të gjitha kontaktet e

nevojshme me palët, nuk është konstatuar që

pengjet të jenë nga forcat e armatosura. Nga

ana tjetër, Ministria e Mbrojtjes nuk mund te

thote me saktesi se kush jane 4 personat e

rrëmbyer që përmenden si shtetas shqiptarë.

Pas një komunikimi me drejtues të Ministrisë

së Jashtme, është mësuar se nuk mund të

mësohet diçka më shumë për identitetin e

pengjeve, duke rritur kështu ankthin dhe

konfuzionin për ata që u morën peng. Nuk ka

asnjë të dhënë zyrtare se cilët mund të jenë

personat që ushtrojnë aktivitet në Afganistan

dhe zonat përreth, për të kaluar më pas në

identifikimin e pengjeve te mundshëm. Të

dhëna të tilla nuk mund të merren as nga

institucionet e tjera, për shkak të pamundësisë

së kontrollit të lëvizjes së lirë të njerëzve.

Gjithsesi, karakteristik mbetet edhe

moskonfirmimi i lajmit nga agjencite e njohura

ndërkombëtare, ndërsa informacioni është

transmetuar si i vërtetë nga rrjeti "Al

Xhazira", duke iu referuar një zëdhënësi të

talebanëve, që është shprehur se për fatin e

pengjeve përgjigjet vetëm Mullah Omari.

Kryeministri Berisha, pas informimit në rrugë

zyrtare, vazhdon të mbajë kontakte, si me

Ministrinë e Mbrojtjes, ashtu edhe me atë të

Jashtme, si dhe shërbimin informativ, për të

qenë i gatshëm në perceptimin e situatës dhe

për të bërë lëvizjet e duhura në garantimin e

sigurisë fizike, në këtë rast, të shtetasve

shqiptarë që janë në Afganistan, për arsye të

ndryshme. Gjithsesi, nuk bëhet i ditur asnjë

detaj për problemin, kurse mundësitë e shtetit

shqiptar për të ndërmarrë hapa konkretë nga

territori i Afgansitanit, mbeten të kufizuara.

Edhe kontigjenti ushtarak shqiptar që është në

Afganistan nuk ka dërguar, deri më tani,

ndonjë informacion më të hollësishëm për

ngjarjen, duke mbetur në gatishmëri, gjithsesi,

për çdo vendim të shtetit shqiptar, të paktën në

mbledhjen e informacionit për konfirmimin

ose jo të pengjeve shqiptarë.

Gazeta ''55''

__________________
Ja fute kot

Denonco këtë mesazh tek moderatorët | IP: e regjistruar