Regjistruar: 05/02/2003
Vendbanimi: Rio
Mesazhe: 2547

Laçi "amnisti" për Rexhën dhe Hysenajn.

Laçjanët përgatiten për sfidën me beratasit. Rikthehen në ekip të larguarit.

"Eshtë kohë për të bërë autokritikë." Kështu ka deklaruar para fillimit të fazës së tretë të kampionatit trajneri laçian, Luigj Doda. Të shtunën, Laçi pret ekipin e Tomorit, me të cilin janë pretendentë për t'u ngjitur në A1. Siç dihet, dy takimet e luajtura mes tyre në dy fazat e para kanë përfunduar në barazim. Kohët e fundit, të dy ekipet janë "armatosur" me lojtarë cilësorë dhe me përvojë. Te grupi beratas ka një kontigjent futbollistësh të rrezikshëm, ndërkohë që ditët e fundit te laçianët ra në sy largimi i dy lojtarëve cilësorë, Alban Rexha dhe Renato Hysenaj, vendim që e mori presidenti Agim Myrtja. Por mësohet se pardje u mblodhën drejtuesit e klubit, nën drejtimin e presidentit, dhe vendosën që të dy futbollistët të afrohen përsëri në ekip. Me këtë zgjidhje, trajneri Doda është optimist për takimin në Lezhë, në përballjen me Tomorin. "Ne do të kërkojmë që në fillim të zhbllokojmë rezultatin, sepse kështu mund të jemi më të qetë. Megjithatë, kam kërkuar nga ekipi që të ruajë qetësinë deri në fund dhe të ketë impenjim maksimal. Tomori është një nga ekipet më të mira të këtij grupi, kështu që, përveç mbrojtjes një për një, do të ndërtojmë sipas situatave edhe mbrojtjen në bllok. Ndërsa për zëvendësimin e Rexhës dhe Hysenajt, i kemi marrë masat." Mësohet që, pas përfundimit të ndeshjes me Apoloninë, ekipi i Laçit po mban një "regjim gazerme". Megjithatë, stërvitja s'është ndërprerë, duke sfiduar edhe ditët e ftohta dhe me reshje. Pritet që këtë javë, pas një dëmtimi të gjatë, të rikthehet futbollisti Shkoza. Ndërsa Leonard Perloshi po vazhdon mjekimin intensiv.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Trajneri i ekipit laçian është i bindur se investimi i kryer shumë shpejt do të justifikohet .

Pasi ka krijuar një diferencë në renditje me ekipet e tjera të minigrupit të parë në A2, Laçi duket se është më pranë se kurrë kalimit në A1. Kur kanë mbetur për t'u luajtur edhe katër ndeshje, dy jashtë dhe dy brenda, ekipi i drejtuar nga Luigj Doda është më entuziast se kurrë. Fitorja me Naftëtarin bëri që t'u rriteshin akoma më shumë shpresat për kalimin në A1 laçinëve, pasi ishte një 3-pikësh i marrë në trasfertë dhe që u arrit pikërisht në momentin e duhur. Lidhur me ecurin e ekipit, trajneri Doda jep këtë intervistë për "Sportin shqiptar".
- Jeni në krye të grupit A2. A mendoni se me diferencën e pikëve të grumbulluara deri tani, keni kaluar në Grupin A1?
- Ende jo, sepse rruga është shumë e gjatë dhe mendoj se ekipet rivale, si Tomori dhe Egnatia, nuk do të dorëzohen aq lehtë. Ato, përveç kualiteteve, kanë edhe financa të fuqishme. Megjithatë, më 15 maj, besoj se Laçi do ta shohë veten në A1. Madje për këtë festë i kemi marrë tashmë të gjitha masat.
- Si keni arritur t'i ngjitni kaq shpejt shkallët e renditjes?
- Me shumë vështirësi, pasi ishte një ngjitje vërtet e vështirë, ku përveç kundërshtarëve, kemi përballuar edhe veprimet dashakeqe të manipulatorëve të ndryshëm. Megjithatë, falë sinqeritetit të drejtuesve të FSHF-së dhe të njerëzve të ndershëm që e duan sportin, kemi arritur të marrim frytet e punës sonë, shpeshherë të nëpërkëmbur padrejtësisht. Nejse, të shkuara e të harruara, sepse të tilla gjëra ndodhin edhe në vendet e tjera dhe jo vetëm te ne.
- Në cilat aspekte bën diferenca Laçi me ekipet e tjera rivale?
- Unë dhe skuadra ime jemi si të gjithë të tjerët. Për ta stërvitur ekipin e Laçit më është dashur shumë punë shkencore, sepse kam dashur të realizoj një stërvitje bashkëkohore. Mendoj se suksesi ka në bazë përshtatshmërinë e lojtarëve më njëri-tjetrin dhe ndeshjet e shumta miqësore që kemi zhvilluar në fazën përgatitore.
- Nga futbollistët e skuadrës suaj, cilin mund të veçoni?
- Jo, nuk mund të veçoj asnjë prej tyre, por mund të them që të gjithë kanë qenë dhe janë në lartësinë e duhur. Ata gjithnjë kanë dhënë maksimumin. Lider të skuadrës do të konsideroja Perloshin, i cili ka bërë sakrifica ekstreme për Laçin. Ai ka luajtur edhe me fraktura në njërin krah, sepse ishte shumë i nevojshëm në sfida të tilla, me Egnatian dhe Naftëtarin. Me këtë rast dua ta falënderoj atë për shpirtin e garës, sakrificën dhe profesionalizmin që ka treguar. Perloshi, pavarësisht viteve, mbetet sërish një lojtar i madh.
- Jeni afër kalimit në A1. A keni menduar për infrastrukturën sportive të ekipit tuaj?
- Për këtë po mendon bashkia, klubi dhe biznesmenët laçianë. Konkretisht është menduar të bëhet një projekt rehabilitimi i fushës ekzistuese, sipas parametrave që kërkon rregullorja e aktivitetit kombëtar. Po kështu, do të nisë puna për ndërtimin e një stadiumi të ri modern, i cili do t'i shërbejë së ardhmes.
- Ku mendoni t'i luani ndeshjet në periudhën kur stadiumi do të rikonstruktohet?
- Ne do t'u përmbahemi kritereve të licensimit, ku kërkohet që klubet që marrin pjesë në A1, të marrin stadiumin me kontratë deri në plotësimin e kushteve. Siç dihet, Laçi edhe ndeshjet e këtij sezoni i ka luajtur jashtë fushës së tij, në stadiumin "Besëlidhja". Lezha nuk është larg as për ne, as për tifozët e mrekullueshëm laçianë, që e kanë ndjekur ekipin e tyre në çdo rreth ku ka luajtur.
- Po me financat, si jeni?
- Në vend të përgjigjes së kësaj pyetjeje po bëj një falënderim të veçantë për presidentin e ekipit, zotin Agim Myrtja, i cili na ka qëndruar vazhdimisht afër. Ai e ka krijuar këtë ansambël futbollistësh dhe po vazhdon të japë mbështetjen e tij të pakursyer financiare për Laçin.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Drejtuesit e skuadrës laçiane do ta kërkojnë 3-pikëshin me Bylisin në KAS-in e KOKSH.

Heqja e tripikëshit të dhënë në tavolinë nga disiplina për ndeshjen me Bylisin, veprim ky i komisionit të apelit, i ka irrituar pa masë drejtuesit e futbollit në Laç. Kjo ka bërë që edhe shoqata e tifozëve laçianë të mblidhet dje urgjentisht dhe ta përcjellë shqetësimin e saj pranë FSHF-së, për persekutimin e padrejtë dhe të qëllimshëm, sipas tyre, që vazhdon t'i bëhet Laçit. Presidenti i ekipit, Agim Myrto, në një dekalartë për shtyp ka pohuar: "Ky është një vendim qesharak, dashakeqës, i cili mban vulën e shkelësve të ligjit. Vendimi i fundit i apelit injoron djersën tonë, ndjenjat e sportdashësve laçianë dhe njëkohësisht tenton të shkatërrojë jo vetëm skuadrën e Laçit, por edhe futbollin në Shqipëri. Papërgjegjshmëria e anëtarëve të këtij komisioni arrin deri atje sa të shkelin edhe rregulloret e nxjerra nga vetë FSHF-ja, në vend që t'i mbrojnë dhe zbatojnë ato. Ata që kanë falsifikuar dokumentet (drejtues të sektorit të garave), me sa duket kanë aq fuqi sa të implikojnë edhe zbatuesit e ligjit dhe kontrolluesit e tyre, por jo KAS-in, të cilit i jemi drejtuar tashmë. Me vendimin e tij të pardjeshëm, apeli tregoi se në të është krijuar një rreth vicioz, ku më shumë se për futbollin shqiptar mendohet për xhepat e tyre. Ky është një absurd, që përbalt jo vetëm punën tonë, por edhe të FSHF-së."
Nga ana tjetër, trajneri i ekipit të Laçit, Luigj Doda, në lidhje me këtë çështje ka shtuar: "Është vendimi më qesharak që kam njohur në jetën time si trajner. Megjithatë, ne do të vazhdojmë ta kërkojmë tripikëshin e vjedhur nga apeli dhe të tjerët pas tij, që kanë bërë federimet e Mërtirit dhe të Muçës të premten para ndeshjes dhe kanë falsifikuar listën e federimeve të Bylisit, në KAS-in e Komitetit Olimpik Shqiptar. Pas këtij rasti, po e them me bindje të plotë se kampionati i futbollit në Shqipëri po degjeneron nga disa njerëz të papërgjegjshëm dhe të korruptuar që e drejtojnë atë në qendër. Eshtë për të ardhur keq që njerëz të tillë mediokër vazhdojnë të marrin rrogat dhe të shkatërrojnë djersën dhe mundin e futbollistëve e të trajnerëve. Nuk e kuptoj sesi drejtuesit e lartë të FSHF-së, konkretisht presidenti Duka dhe sekretari Starova, të cilët janë njerëz të nderuar dhe me reputacion në jetën publike shqiptare, vazhdojnë të heshtin para këtyre absurdeve të komisioneve të tyre juridike. Ne do ta kërkojmë sërish tripikëshin e mohuar nga apeli, pavarësisht se nuk na kushton shumë në kalimin në A1, pasi jemi të vendosur për ta realizuar këtë objektiv. Po kështu, dënimi i Hysenajt është i padrejtë dhe tendencioz, sepse ai s'ka bërë asgjë, përveçse ka replikuar brenda rregullave me gjyqtarin anësor për një pozicion jashtë loje të paqenë. Nëse për ndonjërin nga drejtuesit e sektorit të garave, qimja bëhet tra kur është fjala për Laçin, ai gabohet rëndë. Koha do ta tregojë këtë dhe do t'i japë ndëshkimin e merituar atij që ka shkelur rregulloret e garës."

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Zgjidhja e "qeses" nga bashkia dhe njëkohësisht bisedimet me presidentin kanë dhënë frytet e para, për sa u përket lojtarëve të afruar te Laçi. I pari që ka mbërritur te Laçi, pas bisedimeve me presidentin e ekipit, Agim Myrtja, është futbollisti Julian Gjeloshi, i cili do të jetë tashmë përkrah Beqirit, duke qenë një nga konkurrentët e tij për t'i zënë vendin në portë. Gjeloshi vjen pas një eksperience njëvjeçare me një ekip grek. Po ashtu, është kthyer sërish në Laç futbollisti nigerian Osusi, i cili me vete ka tërhequr një tjetër futbollist me ngjyrë nga vendi i tij. Bëhet fjalë për një mbrojtës, edhe ky nga Nigeria, i cili pritet të mbërrijë në Laç këto ditë. Burime pranë klubit bëjnë të ditur se vazhdojnë bisedimet edhe me disa futbollistë të tjerë, të cilët kanë luajtur në Grupin A1 para një viti dhe që pritet të veshin për herë të parë fanellën e Laçit. Ndërsa tashmë është lënë që 1 korriku të jetë dita e fillimit të stërvitjes së ekipit, ku do të mësohen emrat e më shumë se 80 për qind të futbollistëve që do të luajnë me Laçin në këtë sezon. Presidenti i ekipit i ka lënë kompetenca të plota trajnerit Luigj Doda, për "krasitjen" e futbollistëve që nuk përmbushin parametrat e kërkesës së tij dhe të ekipit, për të synuar një vend të mirë në klasifikimin e ekipeve të elitës. Ndërsa akoma nuk është vendosur se ku do të luajë ekipi i Laçit, edhe përse drejtuesit e klubit kanë shprehur dëshirën për të luajtur në Lezhë, në stadiumin "Besëlidhja".

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar