Regjistruar: 30/12/2005
Vendbanimi: london
Mesazhe: 4

Të nderuar lexues të gazetës “ALBANIAN”

Pas përpjekjeve të shumta redaksia e gazetës ALABNIAN ka vendosur që në numrat e ardhshëm të bëhet me 40 faqe.
Duke kërkuar që të jemi sa më pranë jush të nderuar lexues, do të ishim shumë të interesuar për mendimin tuaj në lidhje me gazetën.
Kjo besojmë se do të shërbente më së miri si një barometër për të orientuar më mirë politikën tonë editoriale.

1. A mendoni se trajtohen sa duhet problemet e emigracionit?
A mendoni se ka akoma tema dhe probleme në lidhje me emigracionin që mund të trajtohen, në mënyrë që ju të nderuar lexues të jeni sa më të qartë për çfarë po ndodh në këtë fushë?

2. A mendoni se duhet zgjeruar aktualiteti, pra duke pasqyruar më shumë çfarë ndodh me shqiptarët këtu, apo në diasporë?

3 .A mendoni se janë përfshirë sa duhet problemet me të cilat përballen mërgimtarët shqiptarë ne diasporë, konkretisht në Angli?

4. A mendoni se ka informacione të mjaftueshme nga Shqipëria, Kosova apo trojet e tjera shqiptare?

5. A mendoni se është trajtuar mjaftueshëm tema mbi “ambasadorët” më të mirë që na nderojnë në Mbretërinë e Bashkuar, përfshirë në rubrikën profil?

6. A besoni se do të ishte e rëndësishme shtimi i faqeve për rubrikën opinion?

7. Çfarë mendoni për dosierët, copëzat e panjohura të historisë sonë?

8. A mendoni se janë të mjaftueshme 6 faqe në gjuhen angleze?

9. Çfarë do të donit të lexonit më tepër në gazetë?

10. Çfarë mendoni se mund të hiqet?

Të nderuar Lexues!
Jeni të lutur që të kontaktoni me redaksinë e gazetës ALBANIAN për të shfaqur mendimet tuaja. Çdo mendim i juaji do të jetë i mirëseardhur.
Ne kërkojmë që të jemi sa më afër jush.
Na ndihmoni që t’ju ndihmojmë

Me konsideratë
Redaksia e gazetës “Albanian”



Albanian Newspaper
Newspaper in English and Albanian Language
164 Fonthill Road London N4 3HP
www.gazetaalbania.co.uk
gazetaalbania@yahoo.co.uk
Tel/fax:0207 2633661

Denonco këtë mesazh tek moderatorët | IP: e regjistruar