RIP Gibbs
Victim at Finnegans Wake
Regjistruar: 14/05/2006
Vendbanimi: Bitchfield
Mesazhe: 2637
|
Renia e Mitit te Narcizit!?
Rënia e mitit të Narcizit Erald Gibbs
Në kapitullin e 4 të librit “Instrumentat e Komunikimit” që titullohet “Për mekanizmat” (Narcizi si narkozë), McLuhan hedh poshtë domethënien e vjetër të mitit të Narcizit duke i dhënë atij një domethënie të re të lidhur ngushtë me një aspekt të përvojës njerëzore .
Siç thotë McLuhan narcosis vjen nga gregjishtja dhe do të thotë mpirje , topitje . Këtu fillon edhe argumenti logjik që shtron McLuhan . Narcizi i ri e ngatërroi shëmbëlltyrën e tij për atë të një personi tjetër. Kjo lidhet me zgjatimin e vetvetes me anë të pasqyrës që solli një mpirje të perceptimit deri në atë masë sa u shndërrua në një servomekanizëm i shëmbëlltyrës së zgjatuar.
Narcizi i ishte përshtatur zgjatimit të vetvetes duke u shndërruar kësisoj në një qark të mbyllur. Pra domethënia e këtij miti sipas McLuhanit është se qëniet njerëzore ndjehen të magjepsura para çdo zgjatimi të vetvetes , të riprodhuar me çfarëdo materiali tjetër , mjafton që të mos jetë vetja .
Pra miti i Narcizit s’ka të bëjë fare me idenë se ai ra në dashuri me diçka që e pandehu si veten e vet . Natyrisht që ai do të qe ndjerë krejt ndryshe sikur ta dinte që ajo shëmbëlltyrë që shihte s’qe gjë tjetër veçse një zgjatim apo përsëritje e atij vetë . Fakti që prej kohësh ne e interpretojmë historinë e Narcizit si historinë e një njeriu që bie në dashuri me veten , meqë pandeh se pasqyrimi që shihte ishte ai vetë , ka mundësi të jetë një dëshmi e paragjykimeve që karakterizon kulturën tonë , intensivisht teknologjike dhe narkotike.
Studiues të mjekësisë si Hans Seyle dhe Adolphe Jonas e përforcojnë idenë e McLuhanit kur argumentojnë se çdo zgjatim i vetvetes , si kur jemi të sëmurë dhe kur jemi të shëndetshëm , s’janë veçse përpjekje për të ruajtur ekuilibrin . Ata e shohin çdo zgjatim si një vetamputim dhe thonë se trupi e përdor aftësinë apo strategjinë e vetamputimit atëherë kur aftësitë e tij perceptuese s’arrijnë dot të zbulojnë apo të shmangin shkakun e irritimit . Me fjalë të tjera gjatë tensionit fizik që vjen si pasojë e çdo ngacmimi apo stimuli të tepërt sistemi nervor qendror për t’u vetëmbrojtur reagon duke zbatuar një strategji vetamputimi apo duke izoluar organin , shqisën ose funksionin e prekur .
Shëmbëlltyra e Narcizit përbën një lloj vetamputimi apo zgjatim që ndodh si rezultat i një trysnie irrituese që ushtrohet ndaj tij . Si i tillë ai prodhon një mpirje të përgjithshme ose një shok që nuk të lë të njohësh gjërat ashtu siç janë . Shoku shkakton një mpirje të përgjithshme ose rrit vështirësitë e çdo lloj perceptimi . Viktima duket sikur ka fituar imunitet ndaj dhimbjes ose ndjenjave .
Këtë domethënie të re të mitit të Narcizit McLuhan e përdor për të analizuar efektet që patën te njeriu media të tilla si radio , televizioni apo kinemaja , madje edhe paraja , e cila me shfaqjen e saj rriti trysninë e ngarkesës dhe përshpejtimin e shkëmbimeve të mallrave . Kjo çoi në shpikjen e rrotës si një zgjatim i këmbëve , që qe shkak i drejtpërdrejtë i trysnisë dhe përshpejtimit të shkëmbimeve si pasojë e shfaqjes së parave dhe shkrimit .
McLuhan kundërshton gjithashtu dhe Paul Lazersfeld në lidhje më natyrën dhe efektet e radios . Ai shprehet se injoranca e profesor Lazersfeld për këto >ështje nuk përbën një të metë të tij personale , por një paaftësi tejet të përhapur .
__________________
Si nuk u bera njehere moderator...
Denonco këtë mesazh tek moderatorët | IP: e regjistruar
|
05 Dhjetor 2010 17:34
))
P
Forumi Horizont > Tema Shoqërore > Filozofia > Renia e Mitit te Narcizit!?
