Regjistruar: 30/09/2003
Vendbanimi: SHBA
Mesazhe: 83

Nga EDUARD ZALOSHNJA

Në thelb të teorisë së revolucionit komunist të Marksit qëndronte parashikimi se kapitalistët në vëndet e industrializuara, të udhëhequr nga dëshira për të maksimizuar fitimet e tyre, do ta varfëronin aq shumë proletariatin saqë atij nuk do t’i mbetej alternativë tjetër veç shkatërrimit të sistemit kapitalist nëpërmjet revolucionit. Siç tregoi historia, ky parashikim i Marksit doli i gabuar. Kapitalistët, ku më shpejt e ku më vonë, e kuptuan se shfrytëzimi maksimal i punëtorëve, ndërkohë që ishte i frytshëm momentalisht, mund të kthehej në një bumerang të rrezikshëm në qoftë se vazhdonte pafundësisht.

Si rezultat i këtij realizimi, kapitalistët në vendet e industrializuara u bënë gjithnjë e më të përgjegjshëm për mirqënien e punëtorëve, dhe më dëgjues ndaj kërkesave të sindikatave dhe partive politike të afërta me to. Ky evolucion i mënyrës se si ata e trajtuan klasën puntore ka bërë që sot, një shekull e gjysëm pasi u propozua nga Marksi, revolucioni komunist të futet përfundimisht në qivurin e historisë në këto vende.

Por e njëjta gjë nuk mund të thuhet edhe për vendet e tjera. Në Amerikën Jugore dhe Azinë Juglindore, ka grupe që teorinë marksiste të revolucionit, të modifikuar në shekullin e 20-të nga Lenini dhe Mao, akoma e konsiderojnë si biblën e tyre. Dhe këto grupe kanë mbështetje jo të pakët nga shtresat e varfëra, të cilat vazhdojnë të varfërohen nga shfrytëzimi makut i shtresave të pasura.

Më gjërë në botë, rreziku i virusit komunist, sado i vogël sot për sot, ngelet gjithnjë ekzistent në ato vende ku shtresat e pasura nuk kanë nxënë nga eksperienca e vendeve të industrializuara. Dhe, fatkeqsisht, në këtë grup, futet edhe Shqipëria.

Pavarsisht se shqiptartët kanë kaluar tashmë një formë të rëndë të sëmundjes që shkakton virusi komunist, nuk mund të quhen të imunizuar plotësisht ndaj tij për sa kohë që të pasurit synojnë maksimizimin e fitimeve personale në kurriz të varfërimit të mëtejshëm të bashkështetasve të tyre. Rritja e elektoratit të partive të vogla komuniste në zgjedhjet e fundit, sado e vogël në magnitudë, është një tregues i aftësisë që ka virusi komunist për të penetruar te njërzit që nuk shohin dritë në fund të tunelit.

Që një revolucioni të tipit komunist t’i vihet përfundimisht kapaku i arkivolit edhe në Shqipëri, duhet që shtresa e re kapitaliste të ndërgjegjsohet se përmirsimi i jetesës së shtresave të varfëra është në fund të fundit edhe në të mirën e saj. Deri më sot, kjo shtresë, e cila ose është pjesë e klasës politike, ose është e lidhur ngushtë me të, ka treguar një dritëshkurtësi që mund të ketë pasoja katastrofike në vitet që vijnë.

Kështu, politikanët që janë bërë kapitalistë, ose kapitalistët që janë bërë politikanë apo kanë lidhje të ngushta me politikanët, mendojnë si e si të maksimizojnë të ardhurat personale, qoftë edhe në mënyrë të paligjëshme, ndërkohë që nuk kujtohen të shohin ç’bëhet poshtë tyre. P.sh., ata nuk kujtohen të shohin se listat e blerjes së bukës veresie nga të varfërit rriten çdo ditë; nuk kujtohen të shohin se të varfërit nuk kanë me çfarë të ngrohen e ndriçohen; nuk kujtohen të shohin se në ç’shkolla shkojnë fëmijët e të varfërve; nuk kujtohen të shohin se sa katastrofik është për të varfërit një shtrim në spital; nuk kujtohen të shohin se shumë vajza shqiptare shtrëngohen të prostituohen nga varfëria; nuk kujtohen të shohin se… Dhe lista mund të vazhdojë gjatë.

Në qoftë se klasa aktuale politiko-kapitaliste shqiptare vazhdon edhe për ca kohë të mos kujtohet t’i shohë këto gjëra, nuk duhet të befasohet nga dalja eventuale e një force politike të aftë për të adresuar problemet e shqiptarëve të varfër. Po ta dojë fati, kjo forcë do të jetë me orientim liberal-demokrat. Dhe në këtë rast, Shqipëria do të ndiqte shëmbullin e vendeve europiano-perëndimore. Në të kundërtën, do të pësonte fatin e Venezuelës…

__________________
Mos i bej te tjereve ate qe nuk deshiron ta bejne te tjeret ty!

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Shume dakort me llogjiken me siper.

Desha te shtoj dicka. Une nuk e shoh te afert rrezikun e kthimit ne komunizem. Shqiperia eshte nje vend aq i vogel sa te mos jetoje dot pa miratimin nderkombetar ...dhe sigurisht qe nuk do te kishte miratim nderkombetar nese ka hapa kthimi ne komunizem.

Do doja ta shihnim problemin te azhornuar me kushtet qe jetojme sot dhe jo me kushtet qe ishin dikur. Ne kohen kur kapitalistet perendimore frenuan revanshin e fitimit ne favor te shtresave te varfra ekzistonte alternativa komuniste. Por politikanet dhe biznesmenet nuk donin te arrinin ne piken "e zjerjes" per ambjentin social. Kjo do rrezikonte vertet kalimin ne komunizem.

Ne nje fare menyre mendoj se ishte rreziku i kalimit ne komunizem qe ndergjegjesoi politikanet e vendeve perendimore per ndjekjen e politikave sociale. Por sot nuk ekziston me rreziku komunist. Sipas mentalitetit shqiptar ekziston vetem para si vlere. Ndaj dhe problemi yne qendron pikerisht se na mungon ekulibri qe bota perendimore ka patur atehere.

Paradoksalisht vendet qe sipas Marksit u nisen drejt anti-socializmit sot jane me sociale se vende si Shqiperia, qe socializmin e kreu per 50 vjet. Pa dashur te hyj ne saktesine e llogjikes se Marksit them se duhet te shikojme ne sy realitetin dhe te mundohemi te gjejme nje zgjidhje. Jemi ne vitin 2004 dhe nuk kemi sindikata ne Shqiperi, nuk ekziston nje kod pune dhe nuk firmosen kontrata ne shumicen e istitucioneve, perfshire ato shteterore. Personalisht nuk me frikeson komunizmi sa me frikeson kapaciteti i limituar qe kemi si popull per te nderruar regjim, mentalitet dhe politikane.

Denonco këtë mesazh tek moderatorët | IP: e regjistruar

Regjistruar: 30/09/2003
Vendbanimi: SHBA
Mesazhe: 83

Fajtor,

Nga fundi i artikullit shkruaja jo pa qellim : "Në qoftë se klasa aktuale politiko-kapitaliste shqiptare vazhdon edhe për ca kohë të mos kujtohet t’i shohë këto gjëra, nuk duhet të befasohet nga dalja eventuale e një force politike të aftë për të adresuar problemet e shqiptarëve të varfër. Po ta dojë fati, kjo forcë do të jetë me orientim liberal-demokrat. Dhe në këtë rast, Shqipëria do të ndiqte shëmbullin e vendeve europiano-perëndimore."

__________________
Mos i bej te tjereve ate qe nuk deshiron ta bejne te tjeret ty!

Denonco këtë mesazh tek moderatorët | IP: e regjistruar

Regjistruar: 09/01/2005
Vendbanimi: Tiranë
Mesazhe: 2

Edzaloshnja ne nje fare menyre ka te drejte.Komunizmi mund te jete nje sistem in marre fund sot por ne Shqiperi per ate periudhe ka qene shume perparimtr.Mos harroni se Shqiperia ishte nje vend super i varfer e i rrafshuar nga lufta.Enver Hoxha e ndertoi nga e para kete vend dhe sistemi kishte shume ane pozitve gjithashtu.Shkonte gruaja ne turn te trete dhe nuk i thoshte njeri"Mashallah"jo me ato qe ndodhin sot.
Idete e Marksit nuk jane komplet te deshtuara.Vertet qe parashikimi i tij per luften e klasave doli i gabuar por per periudhen e tij,ishte nje mendim gjeniu.Mos harroni se keta njerez kane jetuar ne nje periudhe ndryshe nga e jona,pa komjutera dhe internet dhe mbi te gjitha,pa idete perparimtare te kohes sone.Sepse bota u zhvillua vetem 150 vitet e fundit dhe tamam,tamam,60-70 vitet e fundit.Kjo vlen edhe per shqiptaret qe te mos perpiqen te bejne per 15 vjet ate qe te tjeret e bene per 150 vjet.Megjithate mbi disa nga idete e Marksit eshte i ndertuar kapitalizmi dhe kete e thote historia e filozofise,jo une.
Problemet e te varferve jane te renda the akute.Kjo do vemendje ne rradhe te pare nga ana e njerezve.Nese e shihnit emisionis SOS ne Vizion Plus,do te keni vene re se njerezit ndergjegjesoheshin vetem pasi kishin kuptuar vuajtjet e verteta te personazhit.Me kujtohet mire nje rast ne ate emision ku te gjithe pjesetaret e familjes ishin te semure mendore.Prej paragjykimeve ata perbuzeshin dhe keqtrajtoheshin,sidomos femijet ne shkolle kur keta te fundit ishin mese ne rregull menderisht. Prandaj them se ne rradhe te pare duhet ndergjegjesuar populli dhe me pas qeveria.Ne jemi si veshka ne mes te dhjamit,po mendoni pak,a jane te gjithe keshtu?

Denonco këtë mesazh tek moderatorët | IP: e regjistruar

Regjistruar: 05/01/2004
Vendbanimi: USA
Mesazhe: 218

"Klasa aktuale politike-kapitaliste" ne Shqiperi eshte e perbere nga shume anetare te nomenklatures se vjeter, ose nga njerez qe kane akumuluar kapital ne menyra ... le te themi thjesht ... te erreta. Eshte naive te presesh nga keta njerez nje evolucion koshience te nivelit te tille qe mund te krijoje kushtet e domosdoshme per zhvillimin politik dhe ekonomik te Shqiperise.

Jam e te njejtit mendim me Fajtorin qe presioni nga BE apo forca te tjera eshte katalisti me i mire per te cuar shoqerine shqiptare perpara.

__________________
Our country, right or wrong; if right, to be kept right; and if wrong, to be set right

Denonco këtë mesazh tek moderatorët | IP: e regjistruar

Regjistruar: 03/01/2005
Vendbanimi: k-pax
Mesazhe: 85

Me falni qe po e filloj ne kete menyre, por z.Zaloshja tha qe perndryshe shqiperia do te perfundoje me fatin e venezueles.Cfare logjike ? cfat te keq pate ne venezuele zoti Zaloshja ? ndoshta nuk jeni te informuar mire se cfar ndodhi atje.Po te jap disa informata te shpejta , sepse jam marre me kete pune , me deshiren se do te ndryshoni mendim.CIA e pranoi publikisht qe ka organizuar me shume se tre here revolucione ne venezuele per te permbysur socializmin e Hugo Chavez.Dhe publikisht e pranoi qe humbi , dhe e dini pse ? sepse kur vinte dita e votave rradha ne vendet me te varfera ne venezuele arrinte deri ne tre kilometra per te rivotuar Chavez , dhe edini pse ? sepse Chavez ndertoi shtepi per 100 mije familjet e pastreha ne venezuele , sepse ndau prona tek 150 mije familje fshatare pa pronesi ne menyre qe te punojne me ndihmen e kredive shteterore, sepse Chavez ngriti me mijera shkolla te reja duke e kthyer anafalbetizmin ne fshat nje fatkeqesi te te kaluares , sepse solli nga kuba me ndihmen e Fidel Kastros me shume se 10 mije doktore te punojne ne fshat ku semundjet po u merrnin jeten njerezve dhe te gjitha keto miq te dashur i beri te mundura vetem duke hequr nje perqindje te vogel nga fitimet kolosale te naftes .Venezuela eshte vendi i peste ne bote per eksportin e naftes.Prandaj nuk eshte cudi qe edhe vete SHBA-te e pranuan fitoren e Chavez-it dhe qe okb- ja u cudit me pergjigjen spektakolare te elektoratit te chavezit , edhe vete gazetaret e cnn dhe fox news i pranuan zgjedhjet e lira ne venezuele , te njejtet gazetare te cilet kur shkonin ne karakas para zgjedhjeve e benin fakt te kryer humbjen e chavez-it pa pare fare faktet ne terren.Tani nqs ju zoteri jeni kunder zgjedhjeve te lira dhe demokratike ne venezuele dhe jeni per nje diktature kunder deshires dhe vullnetit te popullit te venezueles atehere mbetet nje ceshtje per te diskutuar , por faktet jane si ti kam thene une me siper dhe zgjedhjet u pranuan nga te gjitha organet nderkombetare dhe nga vete shba-te.per me teper mund te vizitoni faqen e okb-se ne internet dhe ti konfirmoni keto qe u kam thene une.Gazet anembane botes perendimore kishin shkruajtur se sa bukur Hugo Chavez u dha nje mesim ne demokraci Demokracive me te medha.
(Me vjen keq por amerika latine nuk mund te vazhdoje te jete nje koloni e korporatave amerikane pafundesisht) Hugo Chavez
Une bashkohem me mendimin tend qe kur klasa kapitaliste ne shqiperi te mendoje pak me shume per shtresat e varfera atehere edhe shtresat e varfera do te dine si tu a shperblejne.Nje shembull i mire eshte ngritja e pencioneve per pencionistet , bashkevuajtesit e harruar ne shqiperi, dhe ndoshta heronjte e vetem te gjalle sot, por kjo nuk do te mjaftonte , duhet qe shteti te ul menjhere cmimin e naftes , dhe ne fakt te ti kushtoj teper rendesi kerkimeve shkencore per rezouset natyrore shqipetare ne vend qe te importoje gjithcka nga greqia me shoke, dhe te ngreje taksat per produktet e huaja ne menyre qe ta beje me te lehte per tregetarin e thjeshte ne shqiperi.Te ndaloje privatizimin e gjithckaje qe i perket te gjitheve , sepse kjo do te sjelle me teper varferi , te pakten tani per tani , por ndoshta eshte vone per ate.Kjo eshte demokracia e vertet , kur mendon per te gjithe dhe kur di qe te gjitha klasave te ndryshme tu japesh ate qe u takon , ne menyre qe te gjithe te jene te kenaqur , vetem keshtu evitohen revolucionet dhe kunder revolucionet , lufterat e klasave dhe fiseve .kam qejf ta lexoni dhe me deshire do te shkruaj perseri , por per sot kaq kohe kam , megjithese kisha shume per te thene.
flm.

__________________
VINI VIDI VICI

Denonco këtë mesazh tek moderatorët | IP: e regjistruar

Regjistruar: 30/09/2003
Vendbanimi: SHBA
Mesazhe: 83

spartacus:

Nga te dhenat e Bankes Boterore, rezulton se Prodhimi i Brendshem Bruto i Venezueles per fryme te popullsise u rrit mesatarisht 0.6% ne vit gjate periudhes 1983-1993. Ndersa ne periudhen 1993-2003 ai u ul mesatarisht 2.3% ne vit. Vetem ne vitin 2002 e 2003, renia ishte perkatesisht 10.6% dhe 10.9% (per me teper kliko ne lidhjen http://www.worldbank.org/data/count...aag/ven_aag.pdf ).

Nga ana tjeter, inflacioni mesatar vjetor ne tre vitet e fundit ishte ne nivelin 25%. Pra Venezuela pati ulje te prodhimit nga njera ane, e rritje te cmimeve nga ana tjeter. Dhe ky fenomen quhet ne ekonomi stagflacion. Pra, si cdo eksperiment tjeter marksist paraardhes, edhe ai venezuelan premtimet i ka te medha, por bemat i ka shkaterrimtare per ekonomine.

__________________
Mos i bej te tjereve ate qe nuk deshiron ta bejne te tjeret ty!

Denonco këtë mesazh tek moderatorët | IP: e regjistruar

Regjistruar: 03/01/2005
Vendbanimi: k-pax
Mesazhe: 85

Perseri e keni gabim.Me siper kemi fol per anen politike te muhabetit dhe se sa demokratike eshte ,dhe ne prag te zgjedhjeve a do te ishte nje fatkeqesi qe shqiperia te perfundonte si venezuela ( dhe une ketu ju kundershtova) duke thene qe nqs te gjithe shqipetaret dalin dhe votoje ( fakti qe ne venezuele kishe edhe rradhe qe arrinte ne tre kilometra per te votuar ) dhe zgjedhjet do te jene po aq te lira sa ne venezuele atehere une nuk e kuptoj perse shqetesoheni ju nqs doni nje zgjidhje demokratike te problemit?ah po nqs ju doni qe ti beni popullit mire me dhune ,te vendosni nje pushtet kunder vullnetit te popullit qe do te bente mrekullira atehere sic ua kam thene edh eme lart kjo mbetet nje ceshtje per tu diskutuar, por atehere une do tju quaja nje fanatik te idealit marksist.

Saper pergjigjen tuaj mbi renien e prodhimit ne venezuele une mund tju jap disa shpjegime shkurt , megjithese na duhet te hapim teme posacerisht mbi kete subjekt qe ta trajtojme ne menyren qe i takon.

duke e filluar mund te them qe nuk eshte aspak eksperiment marksist, por reforma te nevojshme per te ndryshuar shoqerine nga nje shoqeri skllaverish analfabet te korporatave amerikane dhe mbreterve kapitalist te venezueles , ne nje shoqeri te lire dhe te edukuar.edhe ne cfaredolloj aspekti nuk eshte marksist , kjo eshte vetem nje tallje propagandistike qe behet nga kundershtaret e Chavez-it.Chavezi nuk ka persekutuar asnje pronar tokash ,apo kapitalist te majmur.

Ulja e prodhimit ,ngritja e cmimeve dhe stagflacioni nuk jane asgje tjeter vecse nje periudhe tranzicioni gjate reformave ,e nderthurur per dreq me perpjekjet e opozites dhe oligarkeve te naftes etj per te hedhur balte mbi reformat.Te gjith e kuptojne qe do te kete sakrifica ne transformimin e nje shoqerie ,sepse do te hiqen femijeve lopatat nga duart dhe do tu jepen libra,sepse fshataret duhet tja fillojne nga zeroja per te ngritur nje biznes te vogel,sepse do te ngrihen spitale dhe shkolla per popullin e varfer ne vend te fabrikave etj dhe per mendimin tim dhe besoj edhe per mendimin tuaj keto zgjasin te pakten 15- 20 vjet qe te jemi optimist.
le te shpresojme qe edhe politikanet shqipetare do te kene kete dashamiresi dhe vullnet per te ndermarr reforma per te luftuar anafalbetizmin, korupsionin,per rimekembjen e ekonomise , bashkimin e popullit te vogel dhe te percare,te kene vullnet ta shperblejne votebesimin dhe populli do te dij si tua shperblej.
flm

__________________
VINI VIDI VICI

Denonco këtë mesazh tek moderatorët | IP: e regjistruar

Regjistruar: 13/04/2004
Vendbanimi: ©
Mesazhe: 328

E ke idenë se ca do të thotë të jesh kundërshtar i Chavezit në Venezuelë, apo ca bën Chavezi cdo të Dielë, apo ku i con gjithë paratë e naftës¿ E ke idenë se ca bëri Fideli me ndihmat që idha BRSS për 30 vjet (që arrinin 100 miliardë dollarë)¿

Atë që bëri Enveri në Shqipëri...Financojnë (dhe financiuan) revolucione në botë dhe po ndërtojnë njeriun e ri të komunizmit (njeriu për të cilin Perëndia është Chavezi, apo Fideli, apo Enveri, apo...)

Do ja shikosh tymin Chavezit (tënd të dashur) për disa vjet, ose ik në Kubë dhe shiko sa të vërteta di mbi Kubën dhe revolucionin (Fidelin)!

Denonco këtë mesazh tek moderatorët | IP: e regjistruar

Regjistruar: 03/01/2005
Vendbanimi: k-pax
Mesazhe: 85

po ju perse merni flake miku im?
me vjen keq tua them por me duket se ato qe po flisni mbi gjendjen ne venezuele po i thoni nga injoranca.
aq me keq qe me kundershtoni mua me kaq zjarr kur nuk e keni idene fare.
Nqs eshte mire apo eshte keq sistemi i venezueles mua nuk me intereson hic fare , dhe nuk duhet te te interesoj as ty aq shume , eshte populli i venezueles ai qe eka te drejten e interesimit me ane te votes te lire , dhe voten e lire ja dha chavez-it me shume se nje here , dhe ne menyre aq te lire dhe demokratike sa e la gjith boten me goje hapur.Do zoti edhe ne ne shqiperi kemi zgjedhje aq te lira, kjo me intereson mua dhe per kete kam fol.
Dhe mos u ngatero , ne venezuele nuk ka sistem komunist dhe as diktature , dhe Chavez nuk eshte komunist dhe as diktator ,nuk mund te krahasosh kuben dhe kastron me venezuelen dhe chavezin.Nuk e kuptoj ku i more keto informata.Te jesh kundershtar i chavez-it ne venezuele do te thote te kesh te drejten ta bllokosh karakas sa here te te teket dhe te besh revolucione dhe referendume sa here te duash , as ne amerike nuk kam pare tolerance te tille perballe opozites.meso me teper mbi situaten ne venezuele dhe flasim pastaj, por mos merr zjarr kot me se koti.Kur te flasim mbi enverin mos harro qe po flasim per nje te vdekur dhe kur te flasim per fidelin mos harro qe po flasim per nje qe do te vdese shume shpejt.Nuk e kuptoj nqs i ke frike apo i urren , por me duket absurde ciladoqofte arsya.

__________________
VINI VIDI VICI

Denonco këtë mesazh tek moderatorët | IP: e regjistruar