Regjistruar: 28/12/2002
Vendbanimi: AL
Mesazhe: 251

Ministria Arta Dade ka inicuar nje ligj te ri per te drejten e autorit. Ne bashkepunim edhe me Ministrine e Financave, ky ligj do te disiplinoje jeten artistike tashme ne Shqiperi. Ndersa, do te frenoje nderhyrjen e pirateve te ndryshem dhe te pandalur te artit shqiptar qe te krijoje me shume mbrojtje per te gjithe ata qe bejne art te mirfillte.

Ky eshte nje nga prioritetet e Ministres se Kultures, Dade. Me ligjin e ri pritet te stabilizohet dhe jeta artistike ne vend. Sipas Ministres Dade, detyrimi i shtetit ndaj te drejtes se autorit eshte nje detyrim kushtetues dhe se te gjithe duhet te jene te angazhuar ne zbatimin e tij. Ka qene pikerisht nje takim i saj me Ministrin e Financave, Nendrejtorin e Pergjithshem te Tatimeve dhe Kryetarin e Keshillit Kombetar te Radiotelevizionit, ku eshte vendosur qe deri ne miratimin e nje ligji te ri per te drejten e autorit te punohet ne bashkepunim me Drejtorine e Pergjithshme te tatimeve per te identifikuar te gjitha subjektet qe nuk paguajne per te drejten e autorit apo ushtrojne veprimtari private nepermjet shfrytezimit pirat te te drejtes se autorit. Ligji aktual qe shkruan Ami- me siper nuk pengon asnje strukture te shtetit qe te gjobise te gjitha ato subjekte qe abuzojne me te drejten e autorit, pavaresisht se ai deri ne keto kohe nuk eshte vene ne zbatim dhe artistet nuk kane patur asnje mbrojtje nga ligji ekzistues. Per kete Ministrja Dade ka kerkuar mbeshtetjen e Ministrise se Financave dhe te Drejtorise se Pergjithshme te Tatimeve, ''e cila duhet te perdore te gjithe autoritetin e saj per zbatimin e ligjit per te drejten e autorit nepermjet strukturave tatimore ne varesi te saj''. Nga ana e Ministrise se Financave do te ndiqet me perparesi zbatimi i udhezimit nr 7714/1 i vitit 2001, si dhe caktimi i nje koordinatori per te drejten e autorit ne Drejtorine e Pergjithshme te Tatimeve (dhe ne deget rajonale neper rrethe), i cili do te ndjeke nga afer te gjitha rastet e shkeljeve te ketyre te drejtave.
Ky eshte vendimi i marre se fundmi mbi te drejten e autorit, pra jo vetem ligjet, por dhe veprimet konkrete per te frenuar piraterine ne fushen e letersise, kenges, etj.

Ne takimin e mesiperm, i eshte vene theksi domosdoshmerise se permiresimit te ligjit per te drejten e autorit, ligj i cili eshte drejt perfundimit. Ne fund te ketij muaji Ministria e Kultures Rinise dhe Sporteve do te organizoje nje konference Kombetare, ne fokus te se ciles do te jete debati per zgjidhjen e problemit te piraterise dhe i mbrojtjes se artisteve me te drejten e autorit.

Ami- mos te duhet te presesh ndryshimet ne ligj?

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Hapat e ndermarre nga ministrja Dade jane per tu vleresuar. Propaganda qe behet eshte gje tjeter. Ne Shqiperi nuk kane munguar ligjet, por zbatuesit. Dalja e ligjit te ri do te behet me shume per te rinovuar te drejten e autorit qe duhej te ekzistonte qe ne vitin 1992 sipas ligjit.

Problemi i shtepive diskografike dhe botuese eshte se ne Shqiperi nuk ka nje shoqeri te mire per mbrojtjen e te drejtave te autorit. Ajo qe eshte mohohet nga shumica e editoreve shqiptare. Kjo behet sepse Albautor nuk bashkepunon per te mbrojtur realisht te drejtat e autorit. Prandaj ndryshimet me rendesi do fillojne pasi te rinovohet stafi drejtues i AlbAutor.

Problemet qe Albautor ka me editoret shqiptare jane aq te mprehta saqe ka patur tentativa per te krijuar shoqeri paralele te manaxhuar nga vete editoret. Nje e tille u hap nga studio Jess dhe quhej AMA. Po shpejt Albautor e hodhi ne gjyq dhe fitoi gjyqin. Tashme AMA nuk ekziston me.

Takimi i Dades me police tatimesh dhe RTSH nuk ka asnje vlere. Ne drejtorine e tatimeve gjithmone kerkohet licensa nga Albautor per te hapur aktivitet qe ka lidhje me artin. Kjo behet te pakten ne periudha te egra, si kjo, kur tatimoret kujtohen nga Arta Dade se duhet te kerkojne licensen e Albautorit. Por perseri editoret gjejne shtigje ne ligj per te mos kaluar nga Albautor. Dhe kjo nuk behet sepse nuk duan te zhvillohet e drejta autorit por sepse Albautor eshte nje shoqeri e paafte te mbroje te drejtat ne Shqiperi dhe jashte saj.

Keto nuk i them nga mendja por nga takimet qe kam bere me shume personazhe te artit. Ne takimet me ta del se drejtori i albautor, z. Neshat Tozaj, eshte pengesa kryesore dhe pika ku ngecin te gjitha deshirat per zhvillimin e te drejtes se autorit.

Pra shkurtimisht, sipas meje, zgjidhja e te drejtes se autorit si problem do te behet kur te bashkepunohet me shtepite diskografike dhe botuese per te manaxhuar sic duhet nje shoqeri si Albautori. Dalja e ligjit te ri tregon deshiren e Arta Dades per te ndihmuar autoret por nuk zgjidh problemin kryesor ne Shqiperi. Mendoj se te dyja problemet do zgjidhen se shpejti, sepse kushtet jane pjekur, por duhet te kemi te qarte se e drejta e autorit duhet te manaxhohet nga autoret, jo nga biznesmene qe nuk kane pike interesi te zhvillohet. Ky do jete celsi i zhvillimit, jo nje ligj qe modifikon lehtesisht ligjin qe ekziston qe ne vitin 1992.

Denonco këtë mesazh tek moderatorët | IP: e regjistruar