Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: elbasani.gif
Ky file është shkarkuar 161 herë.

Elbasani mundësia më e mirë për të shprehur cilësitë e tij.
Portieri shkodran Arjon Mustafa ndonëse ka vetëm opak ditë në kampin portokalli është përhtatur mjaft mirë dhe beson se tashmë ka një mundësi të shkëlqyer për të shpalosur cilësitë dhe vlerat e tij më të mira.

Përballja e rradhës për portokallinjtë do të jetë me kuqeblutë e Vllaznisë dhe natyrshëm emocionet janë të pranishme tek portieri shkodran. Problemt që kalon Vllaznia dhe për më tepër forma optimale e portokallinjve krijojnë të gjitha premisat për një tjetër rezultat pozitiv të skuadrës që drejtohet nga trajneri Astrit Sejdini

__________________
s...._d._m... says: for nothing that happened this time...!!

Modifikuar nga qershor13 datë 09/02/2004 ora 16:01

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Një nga futbollistët me përvojë të Elbasanit beson te fitorja përballë peqinasve
Osmani: Do ta kalojmë me sukses Shkumbinin
Në kampin e portokallinjve ka disa ditë që po zhvillohen përgatitje serioze për të luajtur një ndeshje të bukur dhe sa më rezultative ndaj Shkumbinit. Këtë të shtunë, Elbasani do të ndeshet në fushën e stadiumit "Ruzhdi Bizhuta" me ekipin peqinas dhe dëshira e elbasanasve është që të sigurojnë tripikëshin. Oltion Osmani, një nga titullarët e Elbasanit, e mendon mjaft delikat këtë takim. Ai, si ish-lojtar i Shkumbinit, e vlerëson forcën e peqinasve, por mendon se Elbasani është më i fortë dhe duhet të triumfojë në fund të takimit.

- Të shtunën, përballë Elbasanit, do të jetë Shkumbini. Si e parashikoni këtë takim "derbi"?
- Përballjet me Shkumbinin e Peqinit janë kthyer në takime të traditës. Nga ekipit ynë janë duke u marrë të gjithë masat për të zhvilluar një ndeshje të bukur përballë sportdashësve tanë. Besoj se takimi, nisur nga pretendimet që kanë të dy ekipet, do të ketë nivel të kënaqshëm. Shpresoj që t'u dhurojmë spektatorëve një futboll të pëlqyeshëm dhe fitoren.
- Ndërsa Shkumbini nuk ka arritur ende ndonjë rezultat pozitiv, Elbasani i ka bërë një nisje të mirë kampionatit...
- Gjendja e Shkumbinit në fundin e renditjes, në këtë fillim kampionati, nuk do të thotë se ky ekip është i dobët dhe pa pretendime. Përkundrazi, unë mendoj se Shkumbini është ekip i fortë dhe së fundi është kompletuar me futbollistë cilësorë. Megjithatë, ne do të përpiqemi ta ruajmë ecurinë pozitive dhe të shënojmë një tjetër fitore në fushën tonë.
- Në dy takimet e para, Elbasani ka rënë në sy për lojën me gabime në mbrojtje. A ka ndryshime në këtë drejtim?
- Me thënë të drejtën, reparti i mbrojtjes nuk është paraqitur në nivelin e duhur. Kuptohet, me kalimin e dy javëve të para, janë bërë përmirësime të dukshme në lojën mbrojtëse. Gabimet e bëra në mbrojtje nuk kanë ardhur vetëm si pasojë e lojës jo të mirë të futbollistëve mbrojtës, por edhe nga niveli jo i kënaqshëm i skuadrës në kompleks. Në seancat stërvitore të ditëve të fundit, përmirësimet janë të dukshme dhe në ndeshjen me Shkumbinin mbrojtja do të përpiqet ta përballojë me sukses sulmin e kundërshtarëve.
- Atëherë, a është në gjendje Elbasani të arrijë një fitore ndaj Shkumbinit?
- Besoj se me punën që është bërë dhe gjendjen që ka ekipi, mund të arrijmë një fitore të çmuar ndaj Shkumbinit. Ne jo vetëm nuk e kemi nënvlerësuar forcën e kundërshtarit, por po përpiqemi të arrijmë formën më të mirë si skuadër. Si ish-futbollist i Shkumbinit, e njoh forcën e kësaj skuadre dhe jam i angazhuar në maksimum, së bashku me futbollistët e tjerë, që të luaj qartë e pa gabime.

----------------------------/////////////---------------------------

Elbasani stërvitet jashtë "Ruzhdi Bizhutës"
Ekipi i futbollit Elbasani edhe të martën nuk është stërvitur në fushën e stadiumit "Ruzhdi Bizhuta". Përkeqësimi i motit dhe shirat e shumtë të rënë në ditët e para të kësaj jave i kanë detyruar drejtuesit e klubit që ta zhvendosin stërvitjen e Elbasanit në terrene të tjera sportive, me qëllim ruajtjen e fushës së stadiumit. Të martën, portokallinjtë, të dyja seancat stërvitore i kanë zhvilluar larg stadiumit. Paradite, futbollistët kanë kryer një seancë të shkurtër stërvitore në ambientet e parkut "Rinia" në periferi të qytetit. Lojtarët kanë bërë një kros disaminutësh, si fillim, më pas kanë bërë një stërvitje të karakterit atletik. Pasdite, skuadra është stërvitur në fushën sportive "Shefqet Lamçe". Trajneri Sejdini, në këtë seancë e ka përqendruar stërvitjen në kryerjen e ushtrimeve të karakterit taktik dhe në aerobi. Pjesëmarrja në seancat stërvitore ka qenë e plotë, me përjashtim të mesfushorit Hajdari, i cili është i dëmtuar.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Kapiteni i Elbasanit kërkon të mbushë "Ruzhdi Bizhutën" për ndeshjen "derbi" me Shkumbinin
Stojku: Të shtunën dua përkrahjen e tifozëve
Kapiteni i Elbasanit, Gentian Stojku, është një ndër futbollistët më optimistë në radhët e portokallinjve, në prag të sfidës me Shkumbinin. "Skuadra jonë është në formën më të mirë të saj, që nga fillimi i këtij kampionati, dhe të shtunën do t'u dhurojë spektakël tifozëve që do ta ndjekin ndeshjen Elbasani-Shkumbini në shkallët e "Ruzhdi Bizhutës",- shprehet sulmuesi i shquar i portokallinjve. Për fatin e mirë të Elbasanit, të gjithë futbollistët janë në një gjendje të mirë, si në aspektin psikologjik, edhe në atë fiziko-teknik. Trajnerët Sejdini-Poloska i kanë kushtuar vëmendje eliminimit të boshllëqeve të konstatuara në dy ndeshjet e para. Me gjithë kushtet jo të favorshme të motit, ditët e fundit ekipi i Elbasanit është stërvitur normalisht. Synimi i portokallinjve në ndeshjen me Shkumbinin do të jetë arritja e një fitoreje nëpërmjet një loje sulmuese.
Kapiteni Stojku, i cili luan në vijën e sulmit së bashku me Memellin, ka bindjen se do të shënojë në portën e Shkumbinit. "Objektivi i vetëm i Elbasanit,- sipas kapitenit,- do të jetë vetëm fitorja. Ne jemi të ndërgjegjshëm që do të luajmë ndaj një kundërshtari të përgatitur, të cilin e kemi vlerësuar seriozisht. Në këtë ndeshje shpresojmë që të kemi mbështetjen edhe të sportdashësve. Skuadra pret një përkrahje më të madhe nga ana e tifozëve dhe u premton atyre një lojë të bukur dhe rezultative." Ndeshja e së shtunës, midis Elbasanit dhe Shkumbinit, do të tregojë nivelin në të cilin është ngjitur loja e portokallinjve në këto dy javë pushim të kampionatit.


------------------------------////////////////----------------------

"Akileda", strehë e "jabanxhinjve"
Hotel-restorant "Akileda", në periferi të qytetit të Elbasanit, është kthyer në shtëpi të dytë për futbollistët "jabanxhinj" që luajnë për ngjyrat e portokallinjve në këtë edicion futbollistik. Janë pesë futbollistë, dy prej të cilëve të huaj, ata që sivjet luajnë për Elbasanin, të cilët "jetojnë në "Akileda" në kushte mjaft komode. Dy afrikanët Ablade, Ayegba si dhe portieri Mustafa, mbrojtësi Brahja së bashku me sulmuesin Memelli, janë pjesëtarët e "familjes" së re të portokallinjve që qëndrojnë së bashku në "Akileda". Futbollistët e Elbasanit, të gjithë të rreshtuar për herë të parë te ky ekip gjatë këtij kampionati, ndihen të kënaqur për kushtet e afruara dhe janë ndër futbollistët kryesorë të kampit elbasanas në sezonin e ri futbollistik.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Kumuria u "zgjidh" gjuhën trajnerëve
Vitet e fundit, komunikimi i gazetarëve të medias së shkruar dhe asaj elektronike me trajnerët që kanë drejtuar ekipin e futbollit Elbasani thuajse ka qenë i pamundur. Shumica e trajnerëve kanë bërë "memecin" përpara gazetarëve, ose në ndonjë rast edhe "të fortin". Me gjithë këmbënguljen e gazetarëve, vetëm për një periudhë të shkurtër sezonin e kaluar, njëri nga trajnerët e Elbasanit ka qenë i gatshëm për të komunikuar me ta. Me fillimin e këtij kampionati, trajnerët aktualë filluan të sillen si të gjithë paraardhësit e tyre. Edhe pse kjo duket disi e pamoralshme përballë opinionit sportiv, sportdashësit elbasanas dhe të tjerë shumë rrallë kanë pasur fatin të lexojnë mendimet e shprehura prej tyre. Të ndodhur përballë presionit të vazhdueshëm të lexuesve të shtypit sportiv, gazetarët e mediave të ndryshme gjatë kësaj jave kërkuan ndërhyrjen e financuesve të ekipit të futbollit për t'ua "zgjidhur" gjuhën trajnerëve të Elbasanit. Përpara gazetarëve sportivë, dyshja Astrit Sejdini dhe Gjergji Poloska, që nga koha e marrjes së drejtimit të Elbasanit, nuk ka qenë e predispozuar për të prezantuar punën e kryer deri tani. Por këtë javë, presidenti i Elbasanit, Refik Kumuria, është shprehur se me ndërhyrjen e tij kjo çështje do të jetë zgjidhur përfundimisht. Ai e ka mohuar deklaratën e trajnerëve, që ata janë urdhëruar që të mos komunikojnë me mediat. Sipas Kumurisë, trajnerët do të komunikojnë normalisht me gazetarët, por për t'u bërë sa më institucional ky komunikim, një nga drejtuesit e ekipit do të jetë i disponueshëm në çdo kohë dhe për çdo problem. Po kështu, trajneri i ekipit është i detyruar që të japë deklarata përpara medias së shkruar dhe asaj elektronike pas çdo ndeshjeje zyrtare.

-----------------------/////////////////----------------------

Mustafa: Të shtunën, prova e parë
Arion Mustafa është portieri i ri që do të mbrojë portën e Elbasanit që nga kjo javë. Në dy ndeshjet e para, në këtë rol u aktivizua 21-vjeçari Spartak Gogunja, por trajneri Sejdini këmbënguli për ta zëvendësuar me një portier më me eksperiencë. Aftësitë dhe cilësitë e Arion Mustafës janë vlerësuar si garanci më e madhe sesa ato të paraardhësve të tij. Mustafa ka hyrë në javën e tretë të stërvitjes së tij me Elbasanin. Shtatlartësia e Mustafës dhe shkathtësia në ndërhyrjet energjike do ta mbrojnë portën e portokallinjve sivjet nga pësimi i gpolave më shumë sesa në edicionet e tjera. Ndaj Shkumbinit, Mustafa do të zhvillojë provën e parë me fanellën e portokallinjve. Të gjithë i urojnë fat me Elbasanin dhe sa më pak gola në kuadratin e mbrojtur prej tij.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Elbasani mundësia më e mirë për të shprehur cilësitë e tij.

Portieri shkodran Arjon Mustafa ndonëse ka vetëm pak ditë në kampin portokalli është përhtatur mjaft mirë dhe beson se tashmë ka një mundësi të shkëlqyer për të shpalosur cilësitë dhe vlerat e tij më të mira.Përballja e rradhës për portokallinjtë do të jetë me kuqeblutë e Vllaznisë dhe natyrshëm emocionet janë të pranishme tek portieri shkodran.Problemt që kalon Vllaznia dhe për më tepër forma optimale e portokallinjve krijojnë të gjitha premisat për një tjetër rezultat pozitiv të skuadrës që drejtohet nga trajneri Astrit Sejdini.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Takimi Elbasani-Partizani është mbyllur në barazim pa gola, megjithëse loja është zhvilluar me rivalitet të plotë, nga fillimi deri në fundin e 90 minutave. Vendësit e kanë kërkuar golin e epërsisë që në fillim, por mbrojtja e Partizanit është treguar mjaft e sigurt teksa ka neutralizuar disa sulme të shpejta e të rrezikshme në portën e Nallbanit.

Në minutën e 8-të, Memelli ka qenë fare pranë golit, por nuk ka qenë i saktë në goditjen e tij në drejtim të kuadratit të portës së Partizanit. Miqtë kanë reaguar shpejt me anë të Klodian Duros dhe Imerajt, por pa arritur ta mposhtin Mustafën. Vendësit janë më të qartë në lojë dhe rrezikojnë shpesh. Memelli e Stojku i krijojnë probleme mbrojtjes kundërshtare. Shpeshherë miqtë reagojnë me nervozizëm ndaj futbollistëve elbasanas. I tillë është edhe rasti i minutës së 37-të, kur gjyqtari Janku largon nga fusha e lojës me karton të kuq Ndrekën e Partizanit. Sidoqoftë, portokallinjtë, edhe pse në epërsi numerike ndaj Partizanit, nuk arrijnë ta dominojë lojën. Loja zhvillohet thuajse e barabartë deri në mbyllje të pjesës së parë. Pas pushimit elbasanasit bëjnë të gjitha përpjekjet për të shënuar, por në disa raste të pastra për gol sulmuesit Stojku-Memelli nuk arrijnë ta përcjellin topin në kuadratin e Nallbanit, i cili tregon aftësitë e shkëlqyera të tij. Sportdashësit e shumtë elbasanas të pranishëm në "Ruzhdi Bizhuta" e kanë pritur me padurim golin, por ai ka munguar. Elbasani ishte shumë pranë fitores. Nga ana tjetër, Partizani arriti të kundërpërgjigjej rrezikshëm, duke dashur të përfitojë nga ndonjë gabim i mbrojtjes vendëse. Me gjithë përpjekjet e Duros, të kuqtë nuk arritën të shkojnë më tej se barazimi, rezultat ky i pranueshëm për të dyja ekipet. Thanë pas ndeshjes Astrit Sejdini, trajner i Elbasanit: "Prisnim një fitore në këtë ndeshje, por, sikurse u pa, ngarkesa e madhe psikologjike i frenoi futbollistët që të dilnin në lojën karakteristike të tyre. Jam i pakënaqur për nivelin që treguan disa lojtarë në disa momente të ndeshjes, sepse dolën jashtë detyrave që u ishin ngarkuar. Përballë kishim një ekip të fortë si Partizani, që ka pretendime për titullin. Formën optimale sportive, ekipi i Elbasanit, me sa po tregon në ndeshjet e deritanishme, mund ta arrijë vetëm në fund të kësaj faze. Ilir Spahiu, trajner i Partizanit: "Falënderoj tifozerinë e Elbasanit për atmosferën e shkëlqyer që krijoi në stadium. Korrektësia e tyre u dha mundësi skuadrave të luanin mirë. Më pëlqeu ekipi i Sejdinit. Elbasani na krijoi situata të vështira në këtë ndeshje. Nga ekipi im jam i kënaqur deri-diku. Ardhja e Klodian Duros e ka ndryshuar tempin e lojës së Partizanit, por që veprimet e tij të jenë harmonike me lojën e skuadrës, duhet ende kohë. Në ndeshjet e ardhshme, patjetër që na duhen fitoret. Humbja e dy pikëve në "Ruzhdi Bizhuta" është shumë për ne". Të veçanta - Për herë të parë pas viteve '90, stadiumi "Ruzhdi Bizhuta" ka qenë i tejmbushur me spektatorë. - Emra të shquar të futbollit shqiptar kanë qenë të pranishëm dje, në Elbasan, për të ndjekur ndeshjen Elbasani-Partizani. Midis tyre binin në sy Panajot Pano, Miço Papadhopulli etj.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mesfushori veteran i portokallinjve thotë se skuadra e tij e ka dominuar ndeshjen me Partizanin
Shahini: Elbasanit i mungoi vetëm fati

Ekipi i Elbasanit, me gjithë volumin e madh të lojës që zhvilloi në ndeshjen me Partizanin, nuk shkoi më tej se barazimi. Portokallinjtë, megjithëse morën vetëm një pikë në këtë ndeshje, mbetën sërish në vendin e pestë të renditjes së përgjithshme të këtij fillimkampionati. Mirëpo ky rezultat nuk i kënaq shumë pretendimet e elbasanasve. Sipas mesfushorit veteran portokalli, Kastriot Shahini, loja e skuadrës së tij në ndeshjen me Partizanin ka qenë e pëlqyeshme, por nuk ka pasur brenda edhe fatin, nganjëherë vendimtar në një ndeshje futbolli. Shahini thekson se të gjithë futbollistët u përpoqën të çliroheshin nga emocionet e forta, të cilat i kishin mbërthyer në këtë ndeshje, por kjo qe mjaft e vështirë. "Përgjegjësia për të luajtur saktë në çdo sektor të fushës dhe përpjekjet për të realizuar në portën kundërshtare, nuk i lanë futbollistët të dilnin në lojën e tyre dhe të konkludonin në ato raste që na u krijuan. Ne u përpoqëm ta godasim shpejt kundërshtarin, por kjo mbeti kryesisht tentativë, deri në mbyllje të ndeshjes, sepse koordinimi i veprimeve mes reparteve nuk bëhej në kohën e duhur. Nga ana tjetër, sulmi ynë i fuqishëm, i përbërë nga dyshja Stojku-Memelli, hasi në një mbrojtje tepër solide të Partizanit. Megjithatë, rivaliteti që e karakterizoi këtë ndeshje e justifikoi interesimin e jashtëzakonshëm të tifozerisë, që e kishte tejmbushur stadiumin "Ruzhdi Bizhuta". Natyrisht, mungesa e golit nuk i ngrohu aq sa pritej spektatorët e zjarrtë elbasanas. Iu afruam disa herë golit, por fati nuk deshi që të shënonim në këtë ndeshje. Ndoshta mund ta kishim shënuar një gol, nëse gjyqtari Janku do të tregohej i vëmendshëm nga fundi i lojës dhe të jepte një penallti, sepse Memelli u pengua në mënyrë jo të rregullt në zonën e Partizanit." Më tej, duke folur për lojën e Elbasanit në këtë ndeshje, Shahini shton: "Në fakt, ne kishim epërsi numerike ndaj Partizanit, sepse, qysh nga minuta e 37-të Ndreka u përjashtua nga loja me të kuqe. Sidoqoftë, nuk arritëm ta shfrytëzonim këtë favor në të mirë të rezultatit. Ky është një tregues jo i mirë i gjendjes së Elbasanit. U bënë dy ndeshje radhazi që ky ekip luan ndaj kundërshtarëve duke pasur epërsi numerike në fushën e lojës, por pa e shfrytëzuar dot këtë privilegj." Për mesfushorin Shahini, barazimi i arritur në ndeshjen me Partizanin është një rezultat i kënaqshëm, po të merren parasysh vlerat dhe forca e kundërshtarit. "Elbasani, vërtet mund të mos ketë dhënë atë që pritej ndaj të kuqve, duke treguar se kanë ende për të bërë në të ardhmen, megjithatë, kam shumë besim se shumë shpejt do t'u rikthehemi fitoreve. Rëndësi ka fakti që në këtë kampionat Elbasani po shkon drejt përmirësimit të lojërave të tij," - e mbyll mendimin e tij mesfushori portokalli Shahini.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mungesën e golave në dy ndeshjet e fundit kapiteni ia "faturon" edhe meritës së kundërshtarëve
Stojku: Elbasani do t'u rikthehet fitoreve

Në pesë javët e para të kampionatit, Elbasani ka arritur të fitojë dy ndeshje, të barazojë po kaq dhe të humbasë një herë jashtë fushe. Me 8 pikët e grumbulluara gjatë këtyre ndeshjeve, portokallinjtë janë ngjitur në vendin e pestë të renditjes së përgjithshme, duke pasur një golaverazh pozitiv. Sulmuesi i shquar Gentian Stojku, i cili është njëkohësisht edhe kapiten i Elbasanit, mendon se skuadra e tij mund të kishte grumbulluar më shumë pikë, nëse ai, bashkë me shokët e tjerë, do të ishte treguar më i kujdesshëm. Stojku thotë se, në dy ndeshjet e fundit, portokallinjtë i kanë pasur mundësitë të marrin më shumë. Gjithsesi, pas humbjes me Vllazninë në Shkodër dhe barazimit me Partizanin të shtunën e fundit në "Ruzhdi Bizhuta", duket sikur Elbasani i ka "harruar" fitoret. Mirëpo nuk është i këtij mendimi kapiteni Stojku, i cili gjykon: "Elbasani do të rikthehet shumë shpejt te fitorja, ndoshta që këtë javë."
Më tej, Stojku shprehet se, qysh në fillimjavë, skuadra ka nisur përgatitjet për ndeshjen me Teutën. "Kjo ndeshje, për Elbasanin është ndër më të vështirat, jo vetëm për faktin se do të luhet jashtë fushe, por sepse durrsakët kanë një skuadër mjaft cilësore dhe janë të pozicionuar në kreun e tabelës me shumë meritë," - shton kapiteni portokalli. Në fakt, dëmtimet e pësuara në dy javët e fundit nga disa futbollistë të Elbasanit kanë sjellë efekt negativ në rezultatin e ndeshjeve. Fatmirësisht, kjo javë e gjen të shëndoshë skuadrën portokalli. Edhe lojtari i fundit i dëmtuar, mbrojtësi Taulant Bakiu, thuajse është riaftësuar plotësisht. Për drejtuesit e Elbasanit, ndeshja e mesjavës, e vlefshme për turin e dytë të kupës, me Devollin, do të shërbejë si test i gjendjes reale të skuadrës. I të njëjtit mendim është edhe Stojku. Sipas tij, skuadra do të bëjë gjithçka në stërvitjen e javës, për të eliminuar mangësitë e evidentuara në ndeshjet e fundit. "Mungesa e golit për Elbasanin në dy ndeshjet e fundit nuk vjen si pasojë e lojës sonë të dobët, por është edhe meritë e kundërshtarëve. Ndoshta forma jo shumë e mirë e skuadrës, për shkak të dëmtimeve, ka ndikuar disi negativisht edhe në rezultat," - mendon Stojku. Sidoqoftë, ai është optimist për të ardhmen, teksa deklaron: "Tre golave që kam shënuar deri tani do t'u shtoj edhe shumë të tjerë në ndeshjet e ardhshme. Të gjithë jemi të predispozuar për të mos neglizhuar në asnjë ndeshje gjatë këtij kampionati. E dimë se përpara na pret një garë mjaft e vështirë, por do të punojmë fort në stërvitje për të rezistuar si duhet deri në mbyllje të saj.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Elbasani vazhdon të mos fitojë që prej katër javësh, si brenda fushës së tij, në stadiumin "Ruzhdi Bizhuta", ashtu edhe jashtë tij. Dje, portokallinjtë janë mundur nga Dinamoja brenda në shtëpinë e tyre dhe kanë zbritur disa shkallë në renditjen e aktuale të kampionatit. Madje Elbasani mund të kishte humbur edhe më thellë ndaj Dinamos, nëse sulmuesit kundërshtarë do të ishin treguar më të saktë në disa prej aksioneve të rrezikshme të tyre. Vendësit këmbëngulën ta fitonin këtë ndeshje, por ndeshën në një Dinamo tepër të saktë në lojën e saj. Pas një fillimi më të mirë për vendësit, miqtë dolën në lojën e tyre. Me kalimin e minutave, loja e portokallinjve u zbeh përballë kundërsulmeve të shpejta e të rrezikshme të dinamovitëve. Mustafa u bë shpëtimtar i portës së Elbasanit, në 3-4 raste gjatë pjesës së parë, ndërkohë që mbrojtja lejoi hapësira të lira për sulmuesit e Dinamos. Nga fundi i pjesës së parë, te skuadra e Elbasanit filluan të duken edhe shenjat e lodhjes fizike, të cilat, në pjesën e dytë, u bënë të dukshme edhe te futbollistët titullarë. Në minutën e 57-të, miqtë, me anë të Ziambos, shënojnë golin e avantazhit me shumë lehtësi. Mustafa nuk ka asnjë mundësi për ta shmangur golin në portën e tij. Vendësit përpiqen të reagojnë, për ta baraspeshuar lojën, por nuk kanë saktësi në veprime. Dinamovitët, me anë të Qorrit, rrezikojnë përsëri dhe mund ta kishin dyfishuar rezultatin. Dyshja sulmuese elbasanase Stojku-Memelli nuk arriti ta vërë në provë portierin mik, sidomos në pjesën e dytë. Vetëm afrikani Ablade bëri përpjekje për të ndërtuar disa aksione për Elbasanin, por kundërshtari, i cili prezantoi nivel të mirë në këtë ndeshje, nuk i la hapësira. Sportdashësit vendës u larguan të zhgënjyer nga loja e skuadrës së tyre të zemrës, e cila, që prej disa javësh, nuk shënon fitore.

Të veçanta
- Me gjithë shiun e dëndur që e shoqëroi takimin Elbasani-Dinamo, rreth 5 mijë sportdashës e kanë ndjekur atë nga fillimi deri në fund.
- Presidenti Kumuria, i mërzitur nga humbja e skuadrës së tij, është larguar nga stadiumi pa mbaruar ende takimi.

Thanë pas ndeshjes:
Sulejman Demollari, trajner i Dinamos:
"Më vjen mirë që ekipi që unë drejtoj arriti ta fitonte këtë ndeshje. Dinamoja është një ekip që ka kualitete dhe do të ecë përpara. Sidoqoftë, në "Ruzhdi Bizhuta", ajo nuk dha maksimumin. Mund të them se futbollistët e mi dhanë maksimumin e tyre ndaj Elbasanit vetëm sepse realizuan objektivin. Lufta sportive në këtë ndeshje qe e fortë dhe mendoj se fitorja qe e merituar për Dinamon. Kundërshtari mori atë që dha në fushë gjatë këtij takimi."

Astrit Sejdini, trajner i Elbasanit: Nuk u prononcua për shtypin.

Sjell per Forumin Horizont nga AlbJuve

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Shahini: Të nxjerrim mësime nga humbjet

"Nuk e meritojmë të mbetemi vendnumëro në renditjen e përgjithshme, apo të zbresim më poshtë, sepse jemi ekip me futbollistë cilësorë," - u shpreh dje për "Sporti shqiptar" Kastriot Shahini, një nga veteranët e Elbasanit. Ai i konsideron dështime të portokallinjve ndeshjet e javëve të fundit, por kjo s'do të thotë se është bërë hataja. "Nga këto humbje duhet të nxjerrim mësimet e duhura për të ardhmen. Nëse nuk e bëjmë këtë, edhe pse mund të ndryshojë diçka në stafin drejtues, mund t'i shtojmë rezultatet negative," - shton Shahini. Sipas tij, veteranë e të rinj, te Elbasani, duhet të japin maksimumin në javët e ardhshme. "Elemeni i ri e ka mbështetjen e futbollistëve veteranë, eksperienca e të cilëve u shërben mjaft për t'u ingranuar si duhet në radhët e ekipit, - shton Shahini.
- Gjithashtu, mbështetja financiare dhe stafi profesionist që e drejton ekipin duhet të jenë garanci të mjaftueshme për arritjen e suksesit në këtë kampionat." Sikurse dihet, kësaj jave, Elbasani do të luajë në fushën e stadiumit "Ruzhdi Bizhuta" me Lushnjën, ekip ky që renditet dy shkallë poshtë portokallinjve. Shahini shprehet se ky takim do të shënojë kthesën vendimtare për ekipin e tij, që tashmë drejtohet nga trajneri Edmond Mustafaraj. "Jemi të përkushtuar maksimalisht në stërvitje, për të arritur formën më të mirë sportive. Puna e drejtuesve është përqëndruar në aspektin e një përgatitjeje fizike të nivelit të lartë, pa neglizhuar edhe përgatitjen tekniko-taktike. Realisht, kundërshtari i radhës, Lushnja, është i përgatitur, por ne do ta synojë fitoren përmes një loje cilësore dhe pa gabime. Suksesi në këtë ndeshje fillon nga mbrojtja e portës, për të përfunduar në finalizimin me sukses të aksioneve në portën e kundërshtarit. Tani nuk ka më vend për t'u justifikuar për rezultatet e dobëta. Për Elbasanin, edhe fitoret, për momentin, nuk janë ndonjë sukses i madh," - e mbyll deklarimin e tij futbollisti veteran i Elbasanit, Kastriot Shahini.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar