Regjistruar: 05/02/2003
Vendbanimi: Rio
Mesazhe: 2547

Tifozeria rrogozhinase shpreson që FSHF-ja t'i japë "ok"-in fushës vendëse
Egnatia, gati për startin e kampionatit
Në Rrogozhinë, gjithçka është tashmë gati për start të mbarë në përfaqësimin e saj të parë historik në A2. Të mësuar në gjithë këto vite të luajnë me ekipe inferiore dhe t'i kthejnë takimet në fushën e tyre në goleada, tifozët vendës mezi presin të shohin një futboll të vërtetë. Ata s'i kanë munguar ekipit jo vetëm në stërvitjet brenda, por e kanë ndjekur me makina deri në Golem e Divjakë, ku Egnatia kreu fazën përgatitore. Por vetë ekipi si ndihet? Asnjëherë më parë, në historinë e tyre, rrogozhinasit s'kanë pasur kaq lojtarë cilësorë dhe konkurrencë sa sot në ekip. Dëshmi e qartë e kësaj që themi janë dy takimet e zhvilluara në kupë. Golat e shënuar, plot 15, e vërtetojnë këtë më së miri, dhe jo vetëm kaq. Të mësuar tashmë me emra të tillë golashënuesish, si Jakupi, Bano apo Bilali, shohim se listës së tyre i janë shtuar edhe emra të tillë, si Kashari, Simaku apo Pustina. Gjithkush nga trajnerët do ta quante luks një mesfushë me lojtarë të tillë, si Bilali, Pushtina, Gaba dhe Zeneli. Ky optimizëm dhe ky besim ekziston jo vetëm te tifozët, por edhe te vetë lojtarët. Me çdonjerin prej tyre, po të bisedosh, do të dëgjosh përgjigjen tashmë standarde: "Ne jemi më të mirët." Gjithçka tek Egnatia është gati. Makineria "Egnatia" ka prodhuar qindra gola në stërvitje, si për të treguar se po përgatitet të nisë përsëri një goleadë të re. Dhe emra të tillë si Jakupi, Bilali, Gjyla, Simaku, Kashari, Bano, të kallin vërtet frikën. Ndoshta fati i keq i ka qëlluar Luftëtarit që të përballet i pari me ta. Ndërsa në ekip është gjithçka gati, nuk është saktësuar ende nëse do të plotësohet dëshira e tifozëve vendës për ta parë Egnatian në fushën e tyre. Pritet vetëm një "ok" nga FSHF-ja, që Egnatia të mos udhëtojë drejt Peqinit për të luajtur takimet. Sido që të ndodhë, tifozeria e zjarrtë rrogozhinase është e gatshme ta ndjekë skuadrën kudo, e bindur se sivjet ajo do të dalë fitimtare, duke u ngjitur në A1.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 02/02/2004 ora 16:37

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Trajneri i Egnatias mendon se forcën e laçianëve do ta provojnë edhe rivalët e tjerë
Branica: Barazimi në Laç s'është pak

Egnatia arrin të marrë vetëm dy pikë në dy takimet e para. E veçanta e këtyre dy javëve për të qëndron te golat e pakët të shënuar. Edhe pse me emra të shquar, sipas trajnerit Branica, disa prej tyre janë ende larg formës optimale fizike. Nëse ndaj Laçit u luajt mirë, kur dihen tashmë blerjet te Laçi, gjithsesi 2 pikët e deritanishme nuk janë një start që pritej. Në intervistën për "Sportin shqiptar", trajneri Branica analizon ecurinë e deritanishme të ekipit të tij.


- Dy pikë në dy takime. Një fillim zhgënjyes, apo jo?
- Vërtet që janë dy pikë, por mos harroni se, nëse ndaj gjirokastritëve gabuam, kjo s'mund të thuhet ndaj Laçit. E them këtë, pasi barazimin në Laç e quaj sukses dhe për këtë do të bindeni kur të shihni kundërshtarët tanë se ç'do marrin. Mos harroni se Laçi ka kryer një merkato të fuqishme.

- Mos vallë dëshironi të justifikoni dobësitë e ekipit tuaj?
- Çdo ekip ka dobësitë e veta, dhe asnjëherë s'e kam thënë se ne jemi pa asnjë gabim. Për shembull, unë jam i pakënaqur nga sulmuesit për formën e tyre fizike, të shfaqur në dy takimet e para. Më duhet gjithashtu të pranoj se kemi qenë pa fat me dëmtimet e futbollistëve. Konkretisht, ndaj Laçit, Simaku, Sufaj dhe Pipa luajtën me injeksione, shto këtu edhe Koten e Zenelin të dënuar. Me gjithë këto, nuk mund të justifikohem, pasi, po e përsëris, kishim përballë Laçin e përforcuar.

- Atëherë si e gjykoni konkretisht lojën e Egnatias ndaj Laçit, pavarësisht nga dëmtimet e deklaruara?
- Unë si trajner jam i kënaqur nga loja e ekipit. Nëse në pjesën e parë ishim të detyruar të frenonim vrullin e vendësve (kjo ndodh kudo) në të dytën reaguam dhe iu afruam dy-tre herë golit. Nëse nuk shënuam, kjo edhe për shkak të përgatitjes së pamjaftueshme fizike të sulmuesve. Ata erdhën me vonesë në ekip dhe janë pa fazë përgatitore, por shpresoj me stërvitje të kapin formën e kërkuar. Për repartet e tjera s'kam vërejtje, pasi ata kryen detyrat që u kisha ngarkuar.

- Flisni për sulmuesit, kur në stol keni 19-vjeçarin Kashari, autor i 5 golave në kupë. Ç'po ndodh me të?
- Mendoj se A2-shi dallon shumë nga ish-liga e dytë, ndaj më duhet t'u besoj lojtarëve me përvojë. Kashari është i ri dhe, që të jem realist, s'mund të aktivizohet para Jakupit, Ymerit e Simakut. Kampionati është i gjatë dhe Kashari do të ketë mundësi të luajë dhe kam besim te talenti i tij, përndryshe nuk do ta kisha rezervën e parë në sulm. Me Kasharin, Durin, Bilicën, etj., në stol, Egnatia ndihet më i sigurt.

- Përfundimisht, kur do ta shohim, sipas jush, fytyrën e vërtetë të Egnatias?
- Tifozët tanë duhet të kenë besim më të madh te ne. Unë dhe ekipi nuk do t'i zhgënjejmë. Egnatia do të luajë ndaj Tomorit në Rrogozhinë, ndaj shpresojmë të shënojë dhe fitoren e parë dhe bashkë me të edhe kthesën e shumëpritur. Ne kemi qenë, jemi e do të jemi pretendentët kryesorë për t'u ngjitur në A1. Ky është jo vetëm besimi im, por i gjithë stafit dhe i lojtarëve tanë.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 02/02/2004 ora 16:37

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Ish-futbollisti i Tepelenës shënon dhe i hap rrugën fitores së rrogozhinasve
Gaba, goli i parë me Egnatian

Roland Gaba, 29-vjeçari tepelenas, duket se tek Egnatia ka gjetur ekipin që i përshtatet më mirë ambicies së tij. Të shtunën, ai shënoi golin e parë ndaj Tomorit në fitoren e parë të kampionatit dhe ishte lojtari më i mirë në fushë për të dy ekipet. "Zidane" i Egnatias, siç e thërrasin fansët për shkak të ngjashmërisë fizike dhe mënyrës së lojës, shpreh për herë të parë në intervistën për "Sportin shqiptar" sesi ndihet në ekipin e ri.
- Shënuat në prezantimin tuaj të parë para sportdashësve në Rrogozhinë. Cili është komenti?
- Edhe pse kam shënuar shumë gola me Tepelenën, të them të drejtën ky gol më emocionoi shumë. Emocionet m'u shtuan kur kujtoja premtimin që u kemi dhënë sportdashësve, të cilët goli im çliroi qysh në fillim. E ndieja se publiku mezi priste që të shënonim. Goli shërbeu edhe për fitoren e krejt takimit, prandaj gëzimi është i dyfishtë. Kujdesi i sponsorit dhe përkrahja e publikut e meritonin një shpërblim të tillë.
- Ç'do të thotë për Egnatian kjo fitore?
- Që para takimit ne besonim te kjo fitore. Sinjalet e saj u dhanë qysh në lojën që bëmë në fushën e vështirë të Laçit. Gjatë gjithë javës punuam për këtë, por një faktor tejet stimulues ishte edhe kurajoja dhe besimi që na dha sportdashësi ynë i mrekullueshëm, jo vetëm gjatë 90-minutëshit, por gjatë gjithë javës në seancat stërvitore. Kjo fitore erdhi atëherë kur na duhej dhe riktheu besimin te ne se vetëm fitoret duhet të jenë objektivi ynë.
- Edhe pse fituat, kundërshtari pretendon se barazimi do të ishte rezultati më i drejtë. Ç'mund të shtoni rreth kësaj?
- Duhet të keni parasysh që Tomori është ekip me përvojë, pasi ka luajtur edhe në A1. Me këtë dua të them se fitorja jonë merr më shumë vlera. Ne e filluam me gol dhe, përveç kësaj, dominuam me raste dhe lojë pothuajse gjatë gjithë pjesës së parë. Normalisht, edhe Tomori reagoi dhe kjo pritej, duke ia shtuar bukurinë lojës. Ne e merituam fitoren, por, nëse do të ishim treguar më të qetë para portës, do të shënonim edhe gola të tjerë. Po ashtu, edhe miqtë patën rastet e tyre. Por ky është futbolli: kush gabon më pak, fiton. Sa për 11-metërshin, është detyrë dhe përgjegjësi e gjyqtarit. Unë mendoj se Çeka është ndër gjyqtarët tanë më të mirë.
- Kjo fitore ju ngjit në vendin e tretë. Do ta ruani apo do të synoni më lart?
- Ky kampionat, siç e dini, ka shumë ekipe të mira, si Bylisi, Laçi, Tomori, Luftëtari, Naftëtari etj. Të gjithë kanë realizuar blerje cilësore dhe kanë synimet e tyre. Me përbërjen që kemi, vendi i tretë është detyrimi ynë, njëkohësisht jemi të bindur se duhet të synojmë më lart, në dy vendet e para. Futja në A1 e kushtëzon këtë objektiv. Kampionati është i gjatë dhe i vështirë, por, pavarësisht nga ndonjë hap fals, synim të vetëm deri në fund ne do të kemi futjen në A1.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 02/02/2004 ora 16:47

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Në kampin e Egnatias, takimi me ballshiotët është vlerësuar si asnjëherë tjetër
Bano: Na duhet të ndalim Bylisin

Egnatia ishte ndër të paktat ekipe të A2-shit që përballë Teutës, me reputacion e ambicie, tregoi "dhëmbët". Duket se kupa u ka shërbyer rrogozhinasve si test në prag të takimit me Bylisin, që këtë javë mund të quhet kryendeshja e A2-shit. Një ndër protagonistët e kësaj sfide të ardhshme, veterani i Egnatias, Artan Bano, shpreh optimizmin e tij dhe të ekipit se në Ballsh do të udhëtojnë për një rezultat pozitiv. Ja si shprehet për "Sportin shqiptar" sulmusi i Egnatias, Artan Bano.
- A ju vjen keq që Egnatia u eliminua nga kupa vetëm me golin e pësuar në Rrogozhinë?
- Që të jem i sinqertë me lexuesit, ne e prisnim një eliminim nga Teuta për shumë faktorë, që tashmë të gjithë i dinë. E rëndësishme për ekipin ishte të maste realisht forcat ndaj durrsakëve më shumë për të besuar se ç'jemi në gjendje të bëjmë. Objektivi ynë nuk ishte kupa, pasi për ne ajo është "kafshatë e madhe". Synimi ynë tashmë i bërë publik është futja e Egnatias në A1.
- Cili është synimi juaj në takimin ndaj Bylisit?
- E kemi vlerësuar në maksimum këtë takim. Stërvitja e kësaj jave ka qenë e tëra në funksion të këtij takimi. E vlerësojmë kundërshtarin, i cili me meritë kryeson grupin, por edhe ne nuk jemi në asnjë komponent jashtë tyre. Synimi ynë në këtë takim është marrja e pikëve maksimale. Për këtë vlen edhe "pushimi" që na dha trajneri ne, titullarëve. Ky takim është shumë përcaktues edhe për pozicionin tonë në klasifikim deri në fund të fazës së parë. Pastaj, po nuk e thyem ne Bylisin, kush prisni ta thyejë? Veleçiku, Erzeni apo Besëlidhja?
- Jeni shumë optimist, por a e keni parasysh që përballë do të keni sulmues të tillë, si Bubeqi, Elezi, etj.?
- Ju e dini që unë jo vetëm kam luajtur sulmues, por i kam tundur me dhjetëra herë rrjetat kundërshtare dhe këto të gjitha në kategorinë e parë. Kam luajtur jo pak herë edhe përballë Bubeqit dhe Elezit. Me këto dua të them se e njoh deri në perfeksion lojën e sulmuesit dhe besoj se kjo eksperiencë do të më shërbejë për t'ua bërë sa më shumë të pamundur atyre që të shënojnë në portën tonë. Ky është angazhimi im, por nuk duhet harruar për asnjë çast se Bubeqi, gjëja që di të bëjë më mirë është të shënojë gola. 6 golat e shënuar nga ai e vërtetojnë këtë më së miri.
- Flitet për një shpërblim të lartë në rast fitoreje?
- Që shpërblimi është motiv më vete, kjo as që diskutohet. Veçse duhet ta keni të qartë se nuk mjaftojnë vetëm paratë, por duhet pasion, dëshirë, luftë e ndershme sportive dhe elementë cilësorë në ekip. Të gjitha këto Egnatias nuk i mungojnë.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 02/02/2004 ora 16:28

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Petrit Haxhia, trajneri i ri i Egnatias

Mbeti vetëm dy ditë bosh vendi i trajnerit të Egnatias, pas dorëheqjes së Sokol Branicës. Dje, para ekipit është prezantuar trajneri i ri, Petrit Haxhia, i njohur për ekipet e ndryshme që ka drejtuar, që nga A1 dhe A2, deri tek ekipet kombëtare të grupmoshave. Haxhia ka drejtuar më parë ekipet e Elbasanit, Erzenit dhe ekipin kombëtar të U-16. Pranë Haxhias do të vazhdojë të punojë zëvendëstrajneri Aliu. Në prezantimin para ekipit, ku ishin të pranishëm kryetari i bashkisë dhe presidenti Dranga, trajneri Haxhia u shpreh: "Erdha në respekt të sponsorit dhe presidentit, por pa mohuar dhe besimin që kam te ju. Vetëm duhet ta keni të qartë se puna nis nga disiplina dhe nuk do të toleroj askënd në procesin stërvitor." Vetëm kaq ka thënë dhe menjëherë ai së bashku me futbollistë i është drejtuar terrenit të stërvitjes. Në prezantimin e tij morën pjesë dhe një numër i madh sportdashësish.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 02/02/2004 ora 16:29

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Laçianët befasojnë dhe vënë në vështirësi rrogozhinasit.
Egnatia arrin fitoren më të vështirë
Egnatia i është rikthyer përsëri fitores. Këtë radhë, ekipit iu desh të djersitë më shumë për të mposhtur kundërshtarin. Rezistencën ia bëri pikërisht Laçi, ekipi që deri para fillimit të takimit u tha se do të vinte formalisht në Rrogozhinë, për të zhvilluar një takim stërvitor me Egnatian. Mendohej kështu kur vetëm 3 ditë para takimit, Rexha, Xhetani, por edhe lojtarë të tjerë të Laçit, kishin dalë në stërvitje me Egnatian dhe prisnin "ok"-in e sponsorit Ibrahimi për të veshur fanellën e rrogozhinasve. Këtu fillon surpriza, kur në fushë me fanellën e Laçit dolën në stërvitje pikërisht Rexha, Xhetani, Farruku etj. Kjo gjë e ngarkoi ende pa filluar takimin me një ngarkesë psikologjike të menjëhershme. Përkundër kësaj, Egnatia e filloi takimin e motivuar dhe me objektiv të vetëm, fitoren, edhe si kundërvënie e atij formacioni-surprizë të Laçit. Ky motivim dhe kjo ego u shfaq që në fillimin e lojës, kur Pustina dhe më pas Gjyla e kalojnë brenda 30 minutave Egantian në avantazh. Laçianët u përpoqën t'i kundërvihen edhe në pjesën e parë vendësve, por për vetë situtatën që kishin kaluar nuk patën forcën e duhur fizike. Pjesa e dytë do të tregonte një kundërshtar shumë më të motivuar dhe me një ngritje totale të lojës së tyre. Rexha, Xhetani dhe i sapofuturi Kalari filluan të shfaqen më shpesh para portës së Gjondedës, por pa arritur të finalizojnë aksionet. Në të kundërt, Haxhia udhëzon të tijtë që të përfitojnë nga kjo hapje e Laçit dhe të godasin në kundërsulm. Dhe rastet nuk munguan, kur Simaku dhe Ymeri disa herë u gjendën përballë portierit laçian, por gabuan në finalizim. Vetëm në fund Xhetani shënoi golin e nderit, si për të treguar se e meritonin të paktën një gol. Fundi i takimit solli acarim te laçianët, por presidenti laçian Myrto dhe ai i Egnatias, Dranga, kanë ndërhyrë dhe kanë shuar atë reagim sporadik dhe të shëmtuar të ndonjë futbollisti. Kryesorja është se takimi u zhvillua tejet korrekt dhe u gjykua po me kaq me korrektesë.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 02/02/2004 ora 16:29

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mesfushori i ekipit rrogozhinas vlerëson fitoren ndaj Bylisit kryesues.

Futbollistin e Egnatias, Gaba, të gjithë në Rrogozhinë e thërrasin "Zidane". Ata ndoshta nisen jo vetëm nga pamja e tij e ngjashme me Zidanen, por edhe nga mënyra e lojës së Gabës, ku spikat teknika. Mesfushori tepelenas Gaba po kalon një moment mjaft të mirë tek Egnatia, gjë që e shfaqi edhe në takimin e së shtunës ndaj ekipit kryesor të Bylisit. Në intervistën për "Sportin shqiptar", ky futbollist tregon klimën e mirë që po kalon ekipi i Egnatias nën drejtimin e trajnerit Haxhia.
- Përse u larguat nga Tepelena dhe zgjodhët pikërisht Egnatian?
- Të them të drejtën, nuk jam aq i ri dhe, për rrjedhojë, kisha kohë që dëshiroja të njihja një përvojë tjetër, për të cilën ofertat s'më kanë munguar. Thjesht për arsye personale pranova ofertën e Egnatias dhe jam munduar ta justifikoj me lojën time. Në Rrogozhinë ndihem i respektuar nga drejtuesit, por edhe nga tifozeria.
- Cili është pozicioni juaj i preferuar, sepse po ju shohim edhe në atë të qendërmbrojtësit?
- Si çdo futbollist, duhet t'i bindem trajnerit që ka besim tek aftësitë e mia. Nisur nga mungesa e Banos dhe e Sallatës, trajneri Haxhia, në takimin me Tomorin, më afroi rolin e qendërmbrojtësit. Falë përvojës, mendoj se ia dola mbanë dhe barazimi që arritëm në Berat na kënaqi të gjithëve. Nërsa në takimin e fundit me Bylisin u kthyen 3 mbrojtësit, Bano, Sufaj dhe Kote, dhe unë luajta në pozicionin tim të preferuar, në mesfushë.
- Cili është mendimi juaj pas fitores së arritur me ekipin ballshiot?
- Jo vetëm për mua, por për të gjithë ekipin, ky mund të quhet pa frikë takimi i vitit. Ne fituam dhe mendoj se plotësuam një dëshirë tonën dhe të sportdashësve. Tani që gjithçka ka përfunduar dhe tripikëshi u arrit nëpërmjet 1 goli, theksoj se jemi të kënaqur, sepse nuk ishte e lehtë fitorja ndaj ekipit të fortë të Bylisit, i cili qëndron me meritë në krye. Më tepër se kaq, ky ekip ka shumë kualitete brenda radhëve të tij. Takimi ishte një shfaqje e vërtetë që u përshkua nga emocione të shumta, sepse edhe Egnatia ka në përbërje futbollistë cilësorë. Gjatë gjithë javës u përgatitëm, duke pasur objektiv fitoren, dhe ia arritëm, sepse kapërcyem më së miri edhe ngarkesën psikologjike që bart një takim si ai Egnatia-Bylisi.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Largimi i futbollistit Xhani drejt Italisë krijon hapësira në mbrojtje
Egnatia në kërkim të mbrojtësve

Askush si Egnatia në Grupin A2 nuk është e mbushur me kaq shumë mesfushorë. Gaba, Pustina, Gjyla, Duri, Sallata, janë vetëm ajka e këtij reparti. Ardhja e Bajazitit e ka shtuar më tej numrin e mesfushorëve. Jo më poshtë, për sa i takon numrit, është edhe reparti i sulmit, ku spikat veçanërisht kavajasi Simaku, por edhe Fatjon Ymeri. Po a mund të thuhet e njëjta gjë për repartin e mbrojtjes? Mjafton të përmendim vetëm faktin se në qendër të këtij reparti luan veterani Bano për të thënë "jo". U besua se me ardhjen e shtatlartit kavajas Xhani diçka ishte përmirësuar, por edhe ky përforcim nuk ishte e thënë të bëhej fakt i kryer. Themi kështu pasi pas përfshirjes në formacion në disa miqësore, futbollisti që kishte ardhur nga Besa largohet drejt Italisë për probleme personale. Më parë, në këtë repart ishte aktivizuar edhe gjirokastriti Ciko, por pa lënë ndonjë gjurmë të veçantë. Aktualisht, në këtë repart, trajneri Petrit Haxhia vendos Banon, Sufajn e Koten, pavarësisht se ky i fundit për momentin është i dëmtuar. Nga sa thëmë më sipër, del qartë se çfarë i mungon Egnatias. Trajneri Petrit Haxhia nuk e mohon nevojën që ka ekipi i tij për t'u përforcuar në këtë repart. "Është e vërtetë që i kam kërkuar presidentit përforcime në këtë repart. Veçanërisht pas largimit të Xhanit bëhet emergjente një ndërhyrje e tillë. Mjafton t'ju kujtoj se ç'do të ndodhte nëse Bano apo Sufaj do të dënoheshin apo ndëshkoheshin me kartonë," - thekson trajneri Haxhia. Më tej, tiranasi Haxhia pranon se, që të ndihet më i sigurt drejt A1-shit, kjo kërkon vlerësimin si duhet të repartit të mbrojtjes. Duket se Haxhia sheh tej 4 takimeve të mbetura, pikërisht te faza e tretë finale, atëherë kur do të vendoset gjithçka. Nuk duhet të kënaqemi vetëm nga miqësoret. "Vërtet që jemi shumë mirë, por kjo do të duhet të vazhdojë gjatë. Këtë kërkoj nga ekipi, asgjë më tepër," - thekson Haxhia.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Ish-futbollisti i Besës s'e ka ende të qartë përse e larguan nga ekipi kavajas.

Tek Egnatia është afruar edhe qendërmbrojtësi me shumë përvojë, kavajasi Indrit Doka. Krahas tij, por edhe Banos, Sufajt dhe kavajasit tjetër Fosa, mbrojtja rrogozhinase mund të cilësohet pa e tepruar një repart i denjë për A1. Qendërmbrojtësi Doka, në intervistën për "Sportin shqiptar", tregon për shkakun e largimit nga Besa, si dhe për kushtet që gjeti tek Egnatia.
- U larguat papritur nga Besa, por ende nuk jeni deklaruar për shkakun. Pse?
- Edhe sot nuk mund ta them saktësisht se vërtet humbja me Elbasanin më është faturuar mua. Them kështu pasi kur të hënën po shkoja në stërvitje m'u komunikua se isha larguar nga ekipi, së bashku me Fosën e Lanajn. Më vjen keq vetëm për një fakt. Isha ndër të vetmit që nuk e braktisa Besën edhe kur ajo luante në kategorinë e dytë, gjë të cilën e bënë të gjithë të tjerët.
- Keni luajtur dy miqësore me fanellën e re të Egnatias. A ndiheni i kënaqur me kushtet e afruara?
- Menjëherë sapo u shkrua në shtyp, ende pa e ditur se presidenti Bizhdili më kishte larguar nga Besa, më erdhi oferta nga Egnatia. Nuk e refuzova, pasi unë dua të luaj, aq më tepër që rrogozhinasit i njoh mirë. Te ky ekip ka shumë lojtarë që kanë luajtur në A1 dhe kjo ma lehtëson ambientimin e shpejtë. Këtë e tregova edhe në dy miqësoret e fituara ndaj Flamurtarit dhe Partizanit U-19. Vërtet që ndihem më mirë sesa e prisja. Trajneri Petrit Haxhia, sponsorët Ibrahimi e Drunga më mirëpritën dhe kjo më mbush me besim e me obligim për të dhënë më të mirën.
- Pasi keni luajtur 180 minuta, a mund të na thoni se si e gjykoni ekipin e ri?
- E thashë edhe më lart. Të luash përkrah Banos, Simakut, Ymerit, Sufajt, Pustinës, etj., ndihesh i sigurt. Nisur nga përvoja ime e gjatë në A1, mund të them pa frikë se në grupin e futbollistëve që ka sot Egnatia ne jemi, për nga vlerat, fare pranë A1-shit. Këtë argument e mbështes edhe në aspekte të tjera, financiare, organizimi dhe drejtimi. Mjafton të shihni se qytete si Vlora, Peqini, Berati, Lezha etj., ekipe në A1 dhe A2, të cilët nuk e kanë sigurinë e Rrogozhinës, qoftë si staf të kualifikuar, presidencë etj.
- Bashkë me Simakun, Sufajn e Fosën bëheni 4 kavajas. A ju vjen keq që kontribuoni për Egnatian, kur Besa po merr "jabanxhinj"?
- Futbolli është i tillë që, aty ku të paguajnë dhe të mirëpresin, ke dëshirë të luash. Sa për Besën, sigurisht më vjen keq, por ka edhe paradokse të tilla që në rastin tonë nuk është faji ynë. Megjithatë, ju garantoj se së shpejti me siguri do të na shihni përsëri me fanellën tonë të shenjtë, atë verdhezi.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Egnatia kalon 1-0 edhe Flamurtarin

Egnatia nuk di të ndalet. Edhe përballë Flamurtarit, rrogozhinasit treguan se nuk pronojnë rezultat tjetër veç fitores. Tipar dallues i të gjitha këtyre miqësoreve është aktivizimi i lojtarëve të rinj, të cilit po shfaqin ego dhe dëshirë për cilësi në lojë. Kështu ndodhi edhe ndaj Flamurtarit, kur F. Ymeri, pa kaluar minuta e 8-të, arrin të kalojë në avantazh vendësit. I njëjti rezultat mbeti deri në fund të takimit, me gjithë përpjekjet e të dy ekipeve. Rastet më të shumta për shënim i patën vendësit në anë të nigerianit Dikson, Gabës etj. Megjithëse trajneri Petrit Haxhia nuk kishte në dispozicion Simakun, Banon e Sallatën, kjo nuk e ka zbehur aspak ambicien e lojtarëve rezervë që ta bindin se stoli mbetet një mbështetje e fortë. Vlen të theksohet se në këtë takim u aktivizuan edhe kavajasit Daka e Fosa që, siç mësohet, tashmë e kanë marrë "ok"-in e stafit rrogozhinas.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar