Regjistruar: 26/12/2002
Vendbanimi: Amerik
Mesazhe: 62

Presidenti i klubit të Lacios, Serxho Kranjoti, ka dhënë dorëheqjen, pas problemeve të shumta financiare që e kanë përfshirë këtë klub. Pritet vetëm firma formale më 3 janar, e Kranjotit, i cili ishte njeriu që krijoi Lacion e re. Klubi i Lacios, nën presidencën e Kranjotit, ka arritur mjaft suksese. Vështirësitë e klubit të Lacios u vunë re që në fillim të sezonit. Duke mos dashur që të shkatërrohet një klub prestigjoz, drejtuesit lacialë u munduan t'i fshehin problemet financiare, por duke parë gjendjen e bursës në muajin e fundit, nuk kishte asnjë rrugëdalje tjetër, përveç daljes në treg të klubit. Por, duke parë që Lacio kishte borxhe të mëdha, askush nuk guxoi ta blinte klubin, madje as i biri i Gadafit në Libi.

Sukseset
Serxho Kranjoti tashmë 62-vjeçar u bë president i Lacios në vitin 1992. Gjatë viteve të tij si president skuadra e Lacios fitoi 1 herë Kampionatin italian, në vitin 2000; 1 herë Kupën e Kupave dhe Superkupën evropiane, më 1999; 2 herë Kupën e Italisë, më 1998 dhe 2000; 2 herë Superkupën italiane, më 1998 dhe 2000. Gjatë dhjetë vjetëve Lacio ka ndërruar 5 trajnerë: Zdenek Zeman, Sven Goran Erikson, Dino Zof, Alberto Zakeroni dhe Roberto Mançini. Nën presidencën e Kranjotit, Lacio ka qenë ndër skuadrat më të forta jo vetëm në Itali, por edhe në Evropë. Kranjoti kujton momentet më të bukura që ka jetuar me Lacion: "Ndër momentet më të bukura që kujtoj, është shpallja e titullit kampion të Italisë, si dhe fitorja kundër Mançester Junajtedit në ndeshjen e Superkupës së vitit 1999.

Problemet
Situata jo e mirë financiare është akumuluar këto dy vitet e fundit. Presionet kanë qenë të vazhdueshme nga sistemi bankar jashtë Italisë. Klubi i Lacios hyri në bursë në vitin 2000, viti më i suksesshëm i Lacios. Por blerja e futbollistëve të kushtueshëm, humbjet e kompanisë "Cirio" (firma sponzorizuese e Lacios), presionet e tifozëve për lojëra të mira, si dhe pagesat e majme që duheshin për futbollistët e detyruan presidentin Kranjoti të tërhiqej nga detyra. "Unë u përpoqa me të gjitha mundësitë që ta nxjerr klubin nga kompania 'Cirio' dhe në fakt premtimet ishin, por burokracia dhe kohët e vështira financiare e çuan Lacion në këtë gjendje", pohon Kranjoti, duke treguar momentet e vështira të klubit.

Dorëheqja
Pas deklarimit publik të dorëheqjes së Kranjotit, tashmë pritet vetëm firma e 3 janarit dhe presidenti konfirmon dorëheqjen e tij. "Jeta është e krijuar me cikle dhe cikli im përfundoi tashmë. Megjithatë kam lënë një Lacio të madhe dhe largohem i qetë me ndërgjegjen, se kam kontribuar në formimin e këtij klubi të madh", ka deklaruar Kranjoti dje në mbrëmbje, pas mbledhjes së fundit. Avokati Ugo Longo mund të jetë zëvendësuesi i Kranjotit, deri në pronësinë e re të Lacios.

Marr nga Futbolli.com

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Presidenti i Çelsit, rusi Roman Abramoviç ka arritur të blejë edhe një yll tjetër të futbollit botëror, bëhet fjalë për argjentinasin Hernan Krespo, lojtar i Interit. Një lajm të tillë e ka bërë të ditur vetë presidenti i Interit, Masimo Morati, për “Gazzetta dello Sport”, por i cili nuk ka bërë të ditura detajet e marrëveshjes. Megjithatë sipas televizionit britanik “Sky Sports”, bëhet fjalë për një kontratë të vlefshme 25.7 milionë euro.

Menjëherë pas publikimit të këtij lajmi ka pasuar reagimi i ashpër i bashkëlojtarit të Krespos tek Interi, sulmuesit të kombëtares italiane, Kristian Vieri. “Nëse zyrtarët e Interit e shesin Krespon, atëherë do të mund të më shesin edhe mua. Për çka punohet në këtë skuadër? A thua do të luftojmë sërish për vendin e dytë apo të tretë në Serie A. Në vend se të përforcohemi, ne për çdo vit po i shesim lojtarët më të mirë. Një gjë e tillë u bë edhe me Ronaldon”, ka pohuar Vieri i irrituar me drejtuesit e Interit. Ndërkohë Masimo Morati, duke e komentuar deklaratën e Vierit, shkurtimisht para gazetarëve ka pohuar, se “e di, se ai është një djalosh me temperament”. Duhet theksuar se lajmi për blerjen e Krespos nuk është vërtetuar ende nga ana e klubit londinez.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Ekipi i presidentit Luka Kampedeli, që përfaqëson një lagje shumë të vogël të qytetit të Veronës, nuk rresht kurrë së habituri. Në fakt, Kievo ndodhet në vendin e pestë, vetëm një pikë larg Lacios, dhe i tremb shumë skuadrat me emër dhe vazhdon të shndërrojë në yje lojtarë të ardhur nga hiçi, i fundmi i të cilëve është Serxhio Pelisier. Trajneri rrëfen diçka për djemtë dhe ambiciet e Kievos së tij.
- Luixhi Del Neri, mos vallë tani po synoni lavdinë?
- Objektivi kryesor u arrit dhe tani synojmë të renditemi në një vend sa më të lartë në tabelë. Pra, edhe synofshim Evropën, UEFA-n apo Ligën e Kampioneve, më duket një ambicie normale, po të kihen parasysh pikët që kemi grumbulluar hëpërhë.
- Por edhe lojtarët, të cilët çdo të diel dhurojnë nga një surprizë...
- Më duhet t'i përgëzoj të gjithë, sidomos ata që vijnë nga stoli dhe janë të gatshëm në çdo moment.
- Legrotalie ka shfaqur cilësi që pakkush mund t'ia njihte në rolin e qendërmbrojtësit. Merita juaj apo e tij?
- Ai ka qenë gjithnji i zoti, vetëm se tani ka fituar më tepër siguri dhe qetësi në vetvete. Nuk më duket çudi që shënon vazhdimisht, edhe pse është mbrojtës, pasi në ekipin tonë shënojnë të gjithë.
- Sidomos Pelisieri, me 4 gola në 510 minuta. Ju e kishit thënë verën e shkuar: Shikojeni mirë këtë djalë...
- Ka qenë një profeci e lehtë, pasi bëhet fjalë për një futbollist tepër të dalluar. Ndryshe nga të tjeratë, ka ardhur menjëherë nga kategoria e tretë në të parën, por prej tij do të shihni magjira edhe më të mëdha, kur të ambientohet më mirë me Serinë A.
- Një Kievo në Ligën e Kampioneve do të ishte më shumë një mjet i madhë publicitar për futbollin apo një bezdi për skuadrat e mëdha?
- Pa dyshim, do të ishte një reklamë tepër e bukur për emrin tonë. S'besoj se do të ishte një bezdi për askënd, sepse në Evropë marrin pjesë vetëm skuadrat që e meritojnë. Ndoshta pak bezdi mund të ishte për presidentin, që do të detyrohej të fuste dorën në xhep për të investuar shuma më të mëdha. Jo, bëj shaka, sepse kreut tonë do t'i pëlqente shumë një gjë e tillë, të cilën të gjithë e dëshirojmë dhe e ëndërrojmë.
- Në këtë mënyrë, ju do ta vetëzgjidhnit problemin për të drejtuar një skuadër të madhe...
- Unë e kam thënë gjithnjë nga ana ime, se kam kohë që jam në një skuadër të madhe, në të cilën shpresoj të qëndroj sa më gjatë që të jetë e mundur.
- Gjithsesi, duket se Interi jua ka "ngulur" sytë. A ju kanë mbërritur telefonata nga zikaltrit?
- Deri tani s'më ka telefonuar askush. Interi ndodhet në vendin e dytë dhe nuk ka përse t'i telefonojë trajnerit të një ekipi që ndodhet tri shkallë më poshtë në renditje.
- Atëherë, i keni kërkuar Kampedelit ta zgjatë bashkëpunimin?
- Nuk kemi folur ende për këtë, por nuk ka asnjë problem, pasi ne, përfshi edhe drejtorin sportiv Sartori, e dimë shumë mirë se çfarë duhet të bëjmë. Nga Kievo mund të largohem vetëm në ndonjë rast të jashtëzakonshëm.
- Siç mund të ishte thirrja e Interit apo e Barcelonës?
- Po, është e kotë të hiqemi hipokritë. Këtu i kam të gjitha kushtet dhe kam arritur objektiva të mëdha, më mungon vetëm një skuadër e madhe, që të synojë fitimin e objektivave më madhore.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

E Premte, 22 Gusht 2003.
Milano- Presidenti i Interit M. Moratti shpjegon situaten mbi kontraten, qe po perpiqet te arrije me Celsin per transferimin e Hernan Krespos. "Kemi gjashte sulmues dhe vetem nje sulmues te trete, me mire duhet te bleme atje ku kemi pikat e dobeta..." Por pse Morrati zgjedh Krespon? Kesaj pyetjeje te drejtuar presidentit te Inter nga gazetaret e shume ai i pergjigjet: - Ne sulm jemi shume te fuqishem. Eshte i vetmi repart ne fushe, qe s'kemi problem. Kjo zgjedhje i perket nje lojtari qe ka ngulm per vendin fiks ne fushe e duke pare lojtaret qe Inter ka ne dispozicion ne ate repart nuk mund te flasim per nje vend fiks te lojtarit gjithmone. Lojtare fiks? Vetem Vieri eshte i tille ne sulm, - duke insistuar vazhdon presidenti: - Le te shohim rreth e rrotull. Une preferova nje zgjedhje te ketij tipi, sesa te merrja zgjidhje te tjera. Pergjigjes, se cfare do beje Inter tani ne treg i pergjigjet: - S'kam folur akoma me njerezit qe merren me kete pune, - duke vazhduar nder te tjera ka thene: - Trajneri i Inter, Hector Cuper, s'ka te beje fare me kete zgjedhje, eshte gjithcka vendim personal i imi.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Miqesore, Napoli-Juventus 1-3
Dy gola nga Miccoli, Nedved dhe Bernin.
Juventus korr fitore kundra Napolit te Agostinellit ne stadiumin San Paolo. Ne min '20 me nje top ngjiturazi me barin e fushes Nedved sherbet mjaft mire, qe mposht portierin me nje nga gjuajtiet tipike te tij. Ne minuten '27 Romario i Salaventos i sherbyer ne thellesi nga Maresca shenon me saktesi. Me pas ne minuten '31 vijne shenon Miccoli: Di Vaio kerkon topin e dyte, Sogliano nuk kontrollon dhe sulmuesi shenon. Ne minuten e '18 te pjeses se dyte, vendasit shkurtojne rrezultatin me Bernin, gjuajte e forte me te djathten.


Miqesore, Kievo fiton kundra Bilbao 2-1.

Gol i Zancheta(pen), Sculli dhe Etxeberria.
Ndeshja e luajtur ne fushen e Spanjolleve fitohet nga ekipi i surprizave. Golat jane shenuar ne minuten e '34 nga Zancheta ne piken e bardhe te penalltise, per ta perfunduar pjesen e pare ne rrezultatin 1-0 per italianet. Rikthimi ne fushe i lojtareve ka bere qe prap te jene italianet ne shenim te golit me ane te Sculli ne minuten e '35. Vetem ne minuten e pare shtese spanjollet munden te shenojne golin e nderit me ane te Etxeberria ne minuten e '46.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Entuziazmi i tij është i madh, kurse instinkti për gol i pabesueshëm. Kur topi në zonën e rreptësisë vie deri tek ai, portieri “e di” se do të jetë i mposhtur. Për “Pipo” Inzagin, edicioni i kaluar ndoshta ishte më i miri gjatë gjithë ka rrierës, me 30 gola të shënuar dhe me fitimin e dy trofeve - Ligës së Kampionëve dhe Kupës së Italisë. Presidenti i klubit, Silvio Berluskoni, ka deklaruar ditë më parë se Inzagi është bërë shenjë mbrojtëse e Milanit. Pas kthimit nga pushimi veror, Inzagi rizgjati kontratën me “rosonerët” deri në vitin 2008, ndonëse kontrata e vjetër i skadonte vetëm në verën e vitit 2006.


Për çfarë gjithë ky ngut?
Inzagi: “Edicioni i kaluar ishte më i miri në jetën time. Një edicion jashtëzakonisht i suksesshëm për mua personalisht, por edhe për klubin në tërësi. Kur do të më skadojë kontrata me Milanin, do t’i kem 35 vjet, që do të thotë se sipas të gjitha gjasave do të më plotësohet dëshira që ta përfundojë *censored*rierën në këtë klub”.

Shkove gjurmëve të Gatuzos dhe nënshkrove kontratë blanko. A nuk është paksa e çuditshme kjo?
Inzagi: “Kjo nuk duhet të duket e çuditshme. Nuk është vështirë të kesh besim në një klub serioz, siç është Milani. Me rëndësi është që kontrata është zgjatur. Na janë dashur vetëm 5 minuta që të mirremi vesh për të gjitha. Ndërsa rreth shumës së të hollave do të flasim më vonë”.

Si e komentoni të dhënën se në afatin kalimtar të futbollistëve, Milani ka blerë vetëm Kafun dhe Panka Ron?
Inzagi: “Më e rendësishmja është që është ruajtur përbërja e skuadrës nga edicioni i kaluar dhe kjo do të jetë baza mbi të cilën do të arrijmë sukseset e reja. Në këtë mënyrë iu është dëshmuar lojtarëve se në këtë klub më të vërtetë çmohen. Po ashtu, Markos Kafu është një përforcim i duhur. Ai do të jap një kontribut të çmuar në harkimet e topit si dhe në dëpërtime”.

Të rikthehemi në gushtin e vitit 2002, kur “Old Trafordi” ishte larg, shumë larg. A të kujtohet gjithçka që ka ndodhur që nga ajo kohë?
Inzagi: “Si do të mund ta harroja gjithë atë çka kemi bërë? Ishte kjo një rrugë e shkëlqyeshme. Mendoj se ndeshja ndaj Liberecit, kur u kualifikuam për në Ligën e Kampionëve, ishte vendimtare për edicionin tonë të suksesshëm. Pas asaj ndeshje na u bashkuan Kostakurta dhe Nesta, të cilët dhanë një kontribut të madh për skuadrën dhe ishin ndër lojtarët kryesorë. Po të mos kualifikoheshim, kush e di se çfarë do të ndodhte. I kemi zhvilluar edhe tri ndeshje vendimtare, kundër Deportivos, Bajernit dhe ajo kundër Realit të Madridit në ‘San Siro’, kur Shevçenko na e solli një fitore të madhe. Në ato momente e kemi njohur fuqinë tonë dhe e kuptuam se mund të arrijmë deri në finalen e madhe në Mançester”.

Keni shënuar 12 gola në Ligën e Kampionëve. Cilin gol e kujtoni më me ëndje?
Inzagi: “Të tre golat kundër Deportivos. Atë mbrëmje e pata thyer rekordin e Altobelievit. Nuk mund ta harrojë kurrë atë mbrëmje, meqë atëherë kam ndier dashuri për tërë skuadrën. Në përgjithësi sekreti i suksesit qëndron në bashkëpunimin tonë. Ka pasur momente të vështira, por gjithmonë kemi qenë të bashkuar”.

Në fund arritët deri te finalja e madhe. Si jeni ndier në mbrëmjen e 28 majit, pas penalltisë vendimtare?
Inzagi: “Në atë moment festimi shpërthei. E gjithë bota ishte e jona. Më të ‘çmendurit’ ishim Gatuzo, Broki dhe unë. Ishte kjo një mbrëmje e paharrueshme”.

Mançesteri tashmë i takon së kaluarës, tash fillon edicioni i ri garues. Cilin trofe do të kishit më së shumti dëshirë ta fitoni?
Inzagi: “Para se gjithash Kupën Interkontinentale në Tokio. Do të ishte një gjë e shkëlqyeshme që të ngadhënjejmë edhe ndaj Portos në Monte në Superkupën e Evropës, pasi asnjëherë nuk kam luajtur atje. Synimi ynë është që të jemi kampion të botës, të Evropës dhe të Italisë. Besoj se nuk është shumë, a?”

A mendon se Ançeloti do të ndryshojë diçka në edicionin e ri. Do të duhej që të kishte më shumë bashkëpunim mes teje dhe Shevçenkos?
Inzagi: “Nuk ka nevojë të ndryshojë asgjë. Në periudhën e fundit të edicionit të kaluar, Shevçenko dhe unë kemi arritur rezultate të lakmueshme. Njihemi mirë dhe bashkëpunojmë për mrekulli”.

Po, por a e sheh atë si konkurrent, meqë ka pasur shumë tregime rreth marrëdhënieve tuaja?
Inzagi: “Ky është një rast i mirë që të sqaroj marrëdhëniet tona. Të gjithë e dinë se Kristiano Vieri është shoku im më i mirë. Dhe tani të gjithë do të duhet ta dinë se tashmë Andrej Shevçenko, është afër tij. Së bashku shikojmë filma, i ndërrojmë DVD-it, i japim njëri-tjetrit këshilla për jetë etj. Thjesht kam gjetur përkrah vetës në fushën e gjelbër, jo vetëm një lojtar të madh, por edhe një person të posaçëm dhe një mik të mirë jashtë fushës së futbollit. Për këtë arsye gjithmonë them se Milani do të fitojë falë golave të mi dhe të tij”.

Kush mendon se do të jenë konkurrentët më të mëdhenj të Milanit në edicionin e ri?
Inzagi: “Është paksa e vështirë të përcaktohem, meqë të gjitha klubet janë përforcuar dukshëm. Është e mjaftueshme të mendoj në Juven, por mendoj se punën më të mirë e ka bërë Roma, me blerjen e Çivus”.

Ky do të jetë edicioni i tretë në skuadrën e Milanit. Pse pas Juventusit zgjodhët pikërisht klubin milanez?
Inzagi: Përgjigja ime e saktë në këtë pyetje është – nuk e di. Kjo është një dashuri që lindi dhe ngadalë u rrit.

Mjaft folëm për Milanin, cilat janë raportet tua me kombëtaren italiane?
Inzagi: “Nuk kam luajtur në ndeshjet miqësore, por më mungon shumë fanella e kombëtares. Nuk më vjen aspak keq që ta pranoj faktin, se gjithmonë rrënqethem kur e dëgjoj himnin kombëtar. Shpresoj se së shpejti do të kem mundësi ta përjetoj sërish një ndjenjë të tillë”.

Në futboll tashmë ke arritur shumë, a ke menduar ndërkohë se çfare do të punosh kur ta përfundosh karrierën si futbollist. A dëshiron të bëhesh trajner?
Inzagi: “Do të dëshiroja të jem trajner i djemve të ri, në mënyrë që t’ua mësoja sekretet e këtij sporti. I adhuroj fëmijët, ata janë tifozët e mi më të mëdhenj. Që nga viti i kaluar i jam bashkangjitur organizatës, e cila brengoset për fëmijët me probleme të zemrës. Dëshiroj që të jap kontributin tim, që t’iu ndihmoj aq sa mundem”.

Tashmë kur përmendët fëmijët, kur mendon të martohesh dhe të krijosh familje?
Inzagi: “Për t’u martuar, fillimisht duhet të gjesh një femër të vërtetë. Është një fjalë që e përdorim ne në Itali: ‘një ditë do ta takosh princeshën e ëndrrave”. Kur ta kem këtë fat, do të martohem. Natyrisht e dëshiroj krijimin e familjes, por nuk do të ngutem”.

Mirë, për fund, a mund ta përshkruash më detajisht Filipo Inzagin?
Inzagi: “Unë jam një njeri i lumtur. Nga futbolli kam fituar dhe ende fitoj të gjitha të mirat që mund t’i dëshirojë një njeri, fillimisht në Juventus e tash në Milan. Kam vetëm dy dëshira. Dëshira e parë është që të kem shëndet unë dhe familja ime, kurse dëshira e dytë që të kem sa më shumë suksese me Milanin. Nëse më plotësohen këto dy dëshira, do të jem në parajsë”.

__________________
s...._d._m... says: for nothing that happened this time...!!

Modifikuar nga i_lire datë 23/08/2003 ora 20:43

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Fiton, por nuk tregon nivel loje. Pa Totti ne fushe fiton 2-0 ne miqesoren kundra Tivoli (seria C2). Ndeshje kjo e kerkuar nga trajneri Capello per nje test te skuadres, qe lojtaret te mesohen me klimen e nxehte, qe ka perfshire gjithe Evropen. Ka shenuar Cassano me nje gol ne diagonale ne min '20 te pjeses se dyte dhe Agostino ne piken e bardhe te 11 metershin ne min '30.
Lojtaret e Romen jane impenjuar me shume se nje ore per te zhbllokua rrezultatin me kundershtarin, qe ne pjesen e pare ka gjuajtur ne shtyllen e skuadres se kryeqytetit. Ne kete ndeshje nuk kane marre pjese Lupatelli, Candela, Bombardini, Sartor, Panucci.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Pak loje dhe shume fishkellima per Guidolin dhe per Bolonjen, qe duket se eshte larg nga nje nivel i kenaqshem. Mezi marrin barazimin 1-1 kundra Rexhines perballe 3 mije shikuesve. Goli i bolonjezeve vjen nga Nervo qe shkemben me Rossini. Rexhina ka shume topa te luajtur ne zonen e Bolonjes. Edhe ne pjesen e dyte ben nje loje me te mire, se Bolonja. Gjithashtu rikthehen te valeviten neper shkallet e stadiumit te shkruajturat e tifozeve emilian te drejtuar trajnerit te tyre.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Parma ka bere publike blerjen e mbrojtesit Marcello Castellini, sezonin e fundit i impenjuar me bluzen e Bolonjes. Castellini, qe eshte 30 vjec, ka firmosur kontraten me shoqerine e Parmes sot me date 23 Gusht 2003 dhe do te prezantohet perpara gazetareve te Henen ne qendren sportive te Collecchio. Castellini po e rivesh bluzen e Parmes edhe pse kur luante me te nuk mori pjese ne shume lojra. Ai ka luajtur edhe per Peruxhen dhe Sampdoria perpara, se te transferohej tek Bolonja ku ka luajtur 3 sezonet e fundit te kampionatit. Francesco Guidolin nuk e ka marre mire shitjen e mbrojtesit dhe i ka kerkuar shoqerise bolonjeze menjehere perforcimin e sektorit mbrojtes: mundesia e diskutueshme tani eshte, qe ne Bolonja te arrij Emiliano Moretti.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Leshimi i Hernan Crespo ka lene gjurme ne shoqerine e Interit. Pas nje mali me pergjigje midis Vierit dhe presidentit Moratti, ka nderhyre kapiteni i skuadres Javier Zanetti duke u perpjekur te sjell qetesine ne ambientet e Inter. "Edhe pa Krespon jemi kompetitiv dhe do vazhdojme te luftojme ne te gjitha frontet. Morali i skuadres eshte i mire, edhe pse na vjen keq per largimin e Hernan sepse eshte nje lojtar i madh. Jam i sigurte, qe ne Londer do beje nje pune te mrekullueshme." ka thene argjentinasi sot perpara gazetareve. Obiektivat e Inter edhe pas leshimit te Krespos nuk ndryshojne, eshte i bindur edhe kapiteni i skuadres, qe mbyllen duke thene: "Duam te jemi protagoniste dhe mbase arrin nje perforcim tjeter".

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar