lule
at this moment in time...
Regjistruar: 28/10/2010
Vendbanimi: Dans tes rêves..
Mesazhe: 8269
|
Dhuratat e Kryeministrit për vajzat e “haremit”
Në haremin e tij, Silvio Berluskoni ka pasur pikë të dobët mbi të gjitha Iris Berardin. 29-vjeçarja nga Guaratinga, Brazili duket se ka qenë vajza që është shpërblyer më mirë nga Kryeministri italian. Në 31 pjesëmarrjet e saj në rezidencën në Arkore, Porto Rotondo, Lesmo dhe në pallatin Grazioli në Romë, Iris ka marrë 12 byzylykë, dhjetë unaza, dy varëse, dy ora dhe shumë shaje që mbanin emrat e stilistëve më të mëdhenj. Për të mos folur për zarfet e fryra me para (gjithmonë në kartëmonedha 500-euroshe).
40 mijë euro para në dorë
Në apartamentin në rrugën “Olgettina”, në Milano, 2 policë, 14 janarin e kaluar, gjetën vetëm 4 mijë euro të shpërndara në 2 zarfe të ndryshme. Vajza braziliane specifikoi se i kishte marrë me rastin e vizitës së saj në Arkore, në datën 6 janar. Zarfet, sipas dëshmisë që dha, i dorëzoheshin nga një punonjëse e vilës në Arkore, pasi Berardi pak më parë i kishte kërkuar direkt një ndihmë ekonomike Kryeministrit Silvio Berluskoni. Iris, ndërkaq, ka bërë me dije se gjatë gjithë vitit 2010, nga pjesëmarrjet e saj nëpër festat me drita të kuqe, kishte marrë plot 23 500 euro. Por, nëse i shtojmë pagesën e qerasë së apartamentit në Milano dhe paratë në dorë, vajzës bukuroshe Kryeministri i ka dhënë plot 40 mijë euro. Ndërkaq, është e pamundur të gjesh vlerën e bizhuterive të gjetura në apartamentin e saj. Sigurisht që vlera e tyre kap shifrën e mijëra e mijëra eurove, duke qenë se të gjitha kanë në përbërjen e tyre gurë të çmuar si diamante, safirë, perla. Për të mos folur pastaj për bizhuteritë me ar të bardhë të prodhuara nga firmat më në zë italiane. Sigurisht që në këtë rast shifra e saktë nuk mund të vlerësohet, por ajo që mund të gjendet kollaj është donatori i tyre.
Bizhuteritë e personalizuara
Bizhuteritë shumë shpesh ishin të personalizuara, ndoshta për të kënaqur egon e Kryeministrit. Pothuajse të gjitha vajzat që shkonin në festat e tij në Arkore, të përbashkët kishin orën “ACMilan”, që Kryeministri ua dhuronte e që ato e ruanin me fanatizëm në apartamentet e tyre. Pak më ndryshe materiali i gjetur ne banesën e binjakeve napolitane, Imma dhe Eleonora de Vivo. Në shtëpinë e tyre prokurorët gjetën një numër të madh bizhuterish. Imma, mes ditëve të fundit të dhjetorit dhe fillimit të janarit ka marrë plot 8600 euro, ndërsa të motrës, Eleonore që mbante foton e saj ngjitur me atë të Berluskonit, iu gjet një orë “Rolex Oyster” me perla dhe më vlerë 6500 euro.
Ishin të ndryshme mënyrat se si Silvio Berluskoni shpërblente vajzat që kalonin mbrëmjet në Arkore. Njëra prej tyre, për shembull, u ka treguar shoqeve se kishte marrë prej tij një byzylyk me vlerë 2 mijë euro. Nga ana tjetër, spanjollja Aris Espinoza thotë se ka marrë një CD brenda të cilës ndodheshin katër kartëmonedha nga 500 euro. Por, jo gjithmonë vajzat kënaqeshin nga ato që Kryeministri u jepte. Në 29 shtator, Barbara Faggioli i ankohej Franceska Ciprianit: “Më dha njëlloj si vajzat e tjera, sa Ludovica dhe Elena. Më dha një byzylyk me një diamant të vogël, por unë preferoja më mirë të më jepte para”. Pastaj janë edhe apartamentet në rrugën “Olgettina 65”. Këshilltarja rajonale e tij, Minetti ishte ajo që shpesh u rregullonte vajzave apartamentet. I zhvendoste nga ndonjë më i vogël në ndonjë ndërtesë më të madhe. Shpesh apartamentet ishin shkak pakënaqësie mes vajzave. Në fund, për më besniket dhe ato që i pëlqenin më shumë, nuk mungonin as paratë në dorë apo çeqet.
Parat e fshehura nën jastëk.
Në banesën e Aris Espinozës u gjetëm vetëm disa bizhuteri, në atë të Barbara Faggioli vetëm tre zarfe “AC Milan” me tre bileta për ndeshjen Milan-Real Madrid në nëntor të vitit 2009 dhe 4500 euro. Bukuroshja tjetër, Barbara Guerra nuk kishte shumë besim tek banka dhe i kishte fshehur rreth 18 mijë euro në një jastëk ‘Luis Vuitton’. Paratë ishin të gjitha në kartëmonedha nga 50 deri në 500 euro.
“Cartier” dhe para Sorcinellit
Dihet që Berluskoni i dha dy çeqe Alessandra Sorcinellin, që kapnin shifrën e dhjetë mijë eurove secili. Por, prokurori ka zbuluar të tjera dhurata, mes të cilave: një orë ‘Cartier’, një unazë ‘Chanel’ dhe disa çeqe bankare. Në shtëpinë e Elisa Totit, me profesion modele, vetëm një orë me logon e Milanit. Vajzës rumune, Ioana Visan iu gjet një orë e vendosur në një kuti ku shkruhej: “Sa mirë që kemi Silvion”. Përveç të tjerave, një seri bizhuterish, mes të cilëve një byzylyk flori i bardhë me smeralde, diamante dhe një varëse me diamante të kuq.
Shqip.
__________________
"Tmerrohem kur e mendoj boten pa mua!!"--Jean-Paul Sartre
Denonco këtë mesazh tek moderatorët | IP: e regjistruar
|
31 Janar 2011 14:23
Forumi Horizont > Nen-forumet e lira > Kuriozitete > E dini se.....
