Regjistruar: 05/02/2003
Vendbanimi: Rio
Mesazhe: 2547

Trajneri i ri i skuadrës durrsake paralajmëron "revolucion" në radhët e të tijve.

Trajneri i ri i Teutës, Starvri Nica, pas dështimit të skuadrës që drejton me Besën, humbje që i largoi edhe më tepër "djemtë e detit" nga pretendimet për një vend në zonën evropiane, është shprehur: "Një nga objektivat strategjike të skuadrës që drejtoj do të jetë rifreskimi i saj me elementë të perspektivës." Në lidhje me këtë rifreskim që kërkohet prej tij, Nica ka shtuar se ka kontaktuar dhe ka marrë edhe miratimin e drejtuesve të klubit dhe të presidentit Hasanbelliu. Sipas Nicës, futbollistët e perspektivës duhen inkurajuar, pasi janë e ardhmja e Teutës. Mes këtij grupi futbollistësh të rinj, trajneri i skuadrës bregdetare ka evidentuar në ndeshjen e fundit Vojën, Lorjen etj. "Teuta ka në përbërje të saj futbollistë të perspektivës, të cilët janë të aftë të mbajnë mbi shpatulla kampionatin kombëtar. Është detyra jonë që t'i mbështesim këta futbollistë të rinj, të cilët do të hapin një epokë tjetër të futbollit durrsak," - ka nënvizuar Nica.
Për sa i përket humbjes së Teutës në kampionat me Besën, humbje që erdhi menjëherë pas eliminimit nga kupa, trajneri durrsak, Nica, ka shtuar: "Në lojën e skuadrës sonë ndikoi edhe ngarkesa psikologjike e eliminimit nga kupa. Humbja e ndeshjes paraardhëse me Dinamon u pasqyrua edhe në trasfertën e Kavajës. Po kështu, na penalizuan shumë mungesat e Toshkollarit, Kotomelos dhe dëmtimi i Daniel Xhafës. Për sa i përket fazës së katërt dhe të fundit të kampionatit kombëtar, Teuta do të vazhdojë të luftojë deri në fund për të zënë një vend në kupat e Evropës. Përpara na pret një ndeshje tjetër delikate. Shkumbini po tregon rritje në lojën e tij, prandaj duhet vlerësuar maksimalisht. E rëndësishme është të ngremë nivelin e lojës dhe të fillojmë që tani të aktivizojmë elementët e rinj, që do të jenë e ardhmja e Teutës."

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Bashkangjitje: _teuta-vllaznia_2-2.jpg
Ky file është shkarkuar 28 herë.

31 -> 10 Prill 2004 : Shqiperia - Futboll - Grupi A1 : Teuta-Vllaznia 2-2

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Vlonjati i Teutës shprehet optimist për ndeshjen e radhës me të kuqtë dhe pjesëmarrjen në kupat e Evropës.

Daniel Xhafa, një nga titullarët e Teutës, vazhdon të jetë njeriu-gol në formacionin durrsak. Vlonjati ka shënuar në pjesën dërrmuese të takimeve plot 14 gola, nga më spektakolarët e këtij kampionati. Veçanërisht dopieta e fundit ndaj Vllaznisë së Shkodrës do të mbetet gjatë në mendjet e tifozëve durrsakë. Vlonjati i ardhur nga Flamurtari te Teuta vazhdon të besojë se skuadra ku luan aktualisht mund ta zërë një vend për në kupat e Evropës, nëse nuk do të gabojë në 7 ndeshjet e mbetura të kampionatit. Sipas tij, Teuta, duke filluar nga ndeshja e radhës me Partizanin, duhet të marrë maksimumin e mundshëm që të shpresojë për në Evropë.
- Daniel, si e prisni sfidën e radhës me Partizanin?
- Me qetësinë e zakonshme. Personalisht parashikoj një ndeshje tepër të fortë dhe vendimtare për Teutën, sepse nuk na lejohet asnjë hap i gabuar, nëse duam të shkojmë në Evropë. Do të zhvillohet një 90-minutësh i hapur, ku mund të fitojë secila skuadër. E respektojmë në maksimum kundërshtarin, i cili është realisht i fortë, por ne jemi përgatitur gjatë javës për ta kaluar me sukses. Duhet të dalim në lojën tonë kolektive, të kujdesemi për mbrojtjen dhe të mos gabojmë në rastet që do të na krijohen, sepse vetëm kështu mund t'ia dalim mbanë.
- Si është gjendja morale e ekipit pas barazimit të fundit me Vllazninë?
- Përgjithësisht e mirë. Në ndeshjen me Vllazninë kemi qenë shumë pranë fitores, por nuk e arritëm dot. Ishin dy pikë të humbura, të cilat na duheshin shumë për momentin, por mendoj se i kemi shanset për t'i rikuperuar ato. Kanë mbetur për t'u luajtur edhe 7 ndeshje, në të cilat duhet të tregohemi tepër të kujdesshëm dhe të mos gabojmë më.
- A e ka forcën Teuta ta bëjë këtë?
- Mendoj se po. Të paktën unë besoj shumë te forca e ekipit.
- Si e ndien veten Daniel Xhafa, kur e konsiderojnë njeriun-gol të Teutës?
- Është vërtet kënaqësi e madhe kur e udhëheq skuadrën tënde drejt suksesit të një ndeshjeje, por jo e tillë kur nuk realizohen objektivat sezonalë. Goli, më tepër se lojtarit, i shërben ekipit. Me Vllazninë shënova dy herë dhe do të isha shumë i lumtur nëse do ta fitonim ndeshjen, por nuk ia arritëm. Nejse, futbolli kështu e ka.
- Në cilin aspekt i druheni më shumë Partizanit?
- Unë mendoj se këtu nuk ka vend për frikë, por për respekt. Partizani ka një ekipi kolektiv, të cilin mund ta përballosh vetëm me lojë kolektive. Nëse ia duam të mirën vetes, duhet të jemi tepër të kujdesshëm me këtë ekip. Të mos harrojmë se të kuqtë, pavarësisht disa problemeve të kohëve të fundit, pothuajse e kanë eliminuar Vllazninë që në gjysmëfinale të kupës. Kjo tregon se çfarë janë në gjendje të bëjnë ata.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Bashkangjitje: din1-1teu.jpg
Ky file është shkarkuar 20 herë.

32 -> 26 Shtator 2003 : Shqiperia - Futboll - A1 : Dinamo-Teuta 1-1

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mesfushori durrsak nuk shpreson shumë te vendi i tretë, edhe pse do t'i jepte Teutës vendin në Intertoto.

Mesfushori i Teutës, Babamusta, i rikthyer tashmë në formën e tij më të mirë pas një dëmtimi të gjatë, bën një prognozë për ndeshjen e radhës me Lushnjën, si dhe flet për gjendjen aktuale në të cilën ndodhet ekipi durrsak. Sipas Babamustës, humbja me Partizanin i ka frenuar pretendimet e ekipit për të siguruar një vend në Intertoto, por nuk i ka shuar plotësisht. Ja si e shpjegon Babamusta opinionin e tij, duke folur për "Sportin shqiptar":
- A mendoni se humbja me Partizanin ishte fatale për Teutën?
- Ishte një humbje që na ka dëmtuar shumë, por derisa mundësitë matematike ekzistojnë, kjo do të thotë se ne do të vazhdojmë të shpresojmë në hapa të gabuara të kundërshtarëve. Sigurisht, nëse arrijmë të kapim pikët maksimale në këto ndeshje. Do ta respektojmë kampionatin deri në fund.
- Me ç'gjendje psikologjike shkoni në ndeshjen me Lushnjën?
- Në dy ndeshjet e fundit, me Vllazninë dhe Partizanin, fati nuk na ka buzëqeshur. Nga gjashtë pikë të mundshme kemi humbur pesë, në një kohë që me pak kujdes mund t'i kishim marrë që të gjashta. Futbolli kështu e ka. Megjithatë, futbolli nuk t'i shuan shpresat deri në çastet e fundit. Në ndeshjen me Lushnjën do të përpiqemi të marrim maksimumin, ndonëse do të kemi përballë një kundërshtar të fortë, të cilit i nevojiten pikët ashtu si ne. Ata do të luajnë për fitore, pasi kërkojnë të inagurojnë stadiumin e ri.
- Si e shpjegoni faktin që Teuta në këtë sezon nuk arrin asnjë trofe?
- Kjo është një çështje që nuk mund ta analizoj unë. Ne, futbollistët, duhet të japim maksimumin në fushën e lojës dhe në ndeshjet që na kanë mbetur të luajmë me moral të lartë.
- A besoni te një Teutë e rinuar?
- Teuta ka në gjirin e saj futbollistë me eksperiencë, ashtu siç ka edhe futbollistë të rinj me perspektivë. Mendoj se kjo ndërthurje është e ardhmja e Teutës.
- Në cilin repart mendoni se çalon më tepër ekipi?
- Kjo nuk është detyra ime për ta përcaktuar. Sigurisht, ka gjëra për të korrigjuar, por besoj se Teuta ka një grup të mirë futbollistësh.
- Si është forma aktuale e Babamustës?
- Ndihem mirë dhe po përpiqem të jap maksimumin për ekipin.
- A shpreson Babamusta për një grumbullim nga Brigeli?
- Detyra ime është që të paraqitem sa më mirë. Çdo futbollist e ka ëndërr ekipin kombëtar, por është detyra jonë të luajmë sa më mirë dhe e drejtë e trajnerëve që të zgjedhin.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Skuadra durrsake vazhdon t'i besojë vendit të tretë në kampionat, që do të thoshte Intertoto.

Ndeshja e radhës për Teutën në kampionat mund të përkthehet ndryshe edhe si karta e fundit që do të luajnë "djemtë e detit" për një vend të mundshëm në Intertoto. Barazimi i Teutës në përplasjet direkte me Vllazninë dhe humbja me Partizanin, gjithsesi nuk ua kanë shuar shpresat durrsakëve, të cilët do të kërkojnë të rikuperojnë terrenin e humbur. E vetmja mungesë e rëndësishme në kampin durrsak në prag të ndeshjes me Lushnjën, është ajo e mbrojtësit Zëre, i cili është dhe një nga pikat kyçe në formacionin e Teutës. Kartonët e verdhë do të pezullojnë aktivizimin e mbrojtësit energjik, duke krijuar një problem për mbrojtjen, e cila ka treguar edhe herë të tjera se ka vuajtur kur ka munguar veterani i Teutës. Pas pezullimit të Begejës, Shehit, Xhait, si duket është vënë re aktivizimi i disa futbollistëve të rinj, të cilët duke pasur ndihmën e titullarëve si Mancaku, Babamusta, Toshkollari dhe Kotomelo, mund të përshtaten më së miri me ekipin. Për sa u përket futbollistëve të tjerë, burime nga stafi durrsak bëjnë të ditur se i gjithë kontigjenti i futbollistëve do të jetë i gatshëm për këtë ndeshje, ku dhe do të luhet karta e fundit e Teutës për në Evropë. Një rezultat pozitiv i "djemve të detit" në këtë ndeshje do të hapte dhe dritën jeshile për Teutën, e cila është në kërkim të të vetmit objektiv të mundshëm në këtë sezon futbollistik. Trajneri Nica e ka vazhduar intensivisht stërvitjen me ekipin gjatë të gjithë javës, duke u shprehur se e kanë vlerësuar këtë takim. Ndërkohë, opinioni sportiv durrsak, pas gjykimeve të fundit që i janë bërë Teutës, është tepër i ndjeshëm ndaj mënyrës sesi do të gjykohet ndeshja me Lushnjën, ku Teuta nuk do të kërkojë gjë tjetër veçse të zbatohet rregullorja dhe të fitojë më i miri në fushë. Një pjesë e mirë e futbollistëve të Teutës nuk dëshirojnë të shprehen para këtij takimi të rëndësishëm, duke i kushtuar rëndësi vetëm asaj që do të luhet në tapetin e blertë të stadiumit të Lushnjës, i cili do të jetë plotësisht i gatshëm për ndeshjen me Teutën.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mbrojtësi i Teutës, edhe pse skuadra e tij ka shumë pak shanse për Intertoton, nuk i humb shpresat.

11-metërshi i dhënë kundër Teutës, në ndeshjen e fundit me Lushnjën, përcaktoi fatin e atij 90-minutëshi të luajtur në fushën e stadiumit të sapo rikonstruktuar "Roza Haxhiu". I këtij mendimi është njëri prej protagonistëve të ekipit durrsak, Kotomelo, i cili, sipas gjyqtarit, shkaktoi dhe 11-metërshin e minutave të fundit. Korçari i Teutës komenton për "Sportin shqiptar" golin fatal të pësuar nga skuadra e tij, e cila pothuajse i ka humbur të gjitha shanset për një vend në kupat e Evropës.
- Si e keni përjetuar humbjen e radhës me Lushnjën?
- Sigurisht, jemi të mërzitur, jo vetëm për faktin se humbëm një ndeshje, por u bënë disa takime që marrim po një rezultat, që nuk e meritojmë. Minimumi në këtë ndeshje duhej të merrnim barazimin. Jam i mërzitur dhe për faktin se jemi ndëshkuar me një 11-metërsh pas një prekje të topit me dorë që bëra unë.
- A keni kontestime për këtë 11-metërsh?
- Siç e thashë më lart, e pranoj se e kam prekur topin me dorë, por jam i bindur se e kam bërë në mënyrë të pavullnetshme. Sipas rregullores, kur topi preket në mënyrë të pavullnetshme, nuk mund të ketë 11-metërsh apo dhe goditje dënimi. Mendoj se gjyqtari ishte në një pozicion të favorshëm që ta dallonte këtë.
- Teuta po vazhdon një serial humbjesh. Pse kjo ecuri kaq e dobët?
- Eshtë për të ardhur keq që po ndodh kështu, pasi kemi luajtur futboll të bukur, por fati nuk na ka buzëqeshur dhe gjykimet deri diku na kanë dëmtuar. Sigurisht që dhe ne kemi gabimet tona.
- Sipas jush, a i ka humbur Teuta përfundimisht shpresat për Intertoto?
- Mendoj se kjo humbje na ka larguar shumë nga ky objektiv, por nuk mund të them se nuk kemi shpresa. Matematikisht jemi akoma në këtë lojë, kështu që s'ka pse të mos shpresojmë.
- Kotomelo vjen pas disa dëmtimesh. A keni probleme me formën fizike tani?
- Problemet shëndetësore dhe dëmtimet më kanë penguar disi në
këtë sezon, por tani ndihem mirë. Sa të mundem, do të jap maksimumin për Teutën deri në fund, pavarësisht nga ecuria e skuadrës.
- Sipas jush, a mund të quhet ky një sezon i dështuar për Teutën, meqë nuk ka arritur asnjë objektiv?
- Deri diku ndoshta. Personalisht nuk dorëzohem lehtë, madje do të shpresoj deri në fund. Le të shpresojmë edhe në ndonjë hap të gabuar të kundërshtarëve tanë dhe të mos gabojmë në ndeshjet që kemi përpara. Unë nuk mund të them për momentin që Teuta është krejt e dështuar.
- Si e shpjegoni faktin që në ndeshjet e fundit Teuta pëson shumë gola?
- Teuta është një ekip që luan në grup, kështu që meritat apo gabimet na takojnë të gjithëve. Nuk mund t'u vë faj reparteve të veçanta, por duhet të them që të mos i dorëzojmë armët deri në minutën e fundit të kampionatit.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Presidenti i klubit durrsak akuzon "bluzat e zeza" dhe personat që i caktojnë ata për ndeshjet e kampionatit.

Presidenti i klubit të Teutës, Edmond Hasanbelliu, i cili zakonisht nuk është marrë me gjykimet dhe gjyqtarët e ndeshjeve, më së fundi, në një koment për "Sportin shqiptar", ka akuzuar "bluzat e zeza" dhe konkretisht njerëzit që caktojnë gjyqtarët e ndeshjeve, Canaj dhe Kotherja, si shkaktarët kryesorë të gjykime tendencioze që po bëhen ndaj Teutës, veçanërisht në dy fazat e fundit të kampionatit. Sipas Hasanbelliut, gjyqtarët po përcaktojnë rezultatet e ndeshjeve, duke e dëmtuar Teutën. "Rasti më i fundit, - shprehet Hasanbelliu, - në ndeshjen me ekipin e Lushnjës, u vuri kapak të gjithave, pasi pikërisht në ndeshjen e fundit Teuta synonte një fitore, që do t'ia rriste shpresat për pjesëmarrje në Kupën Intertoto. Gjyqtari kryesor i ndeshjes i mohoi në mënyrë flagrante një 11-metërsh Teutës, kur rezultati ishte 2-2, një gol që ndoshta do të na jepte fitoren, në një kohë që ai nxitoi të akordonte një 11-metërsh kundër saj për një top të prekur në mënyrë të pavullnetshme nga Kotomelo. Në përgjithësi, nuk është mirë të shprehemi për gjykimet, - vijon presidenti i Teutës, - por kur këto janë në këtë nivel, madje po përcaktojnë dhe rezultatet e ndeshjeve, sigurisht që duhet ngritur zëri. U bënë disa ndeshje ku gjykimet na kanë dëmtuar dhe përgjegjësia kresore bie mbi ata që caktojnë gjyqtarët dhe nuk marrin masa në këtë drejtim."
Për sa u përket objektivave të Teutës, pas humbjes me Lushnjën, Hasanbellu deklaron se ajo do të luftojë deri në fund për një vend në Intertoto dhe do ta respektojë kampionatin. Duke filluar nga sfida e radhës me Dinamon, Hasanbelliu pohon se Teuta do ta vlerësojë maksimalisht këtë ndeshje dhe do të kërkojë vetëm fitoren. Për sa i përket së ardhmes së Teutës, jo vetëm në këtë kampionat, por edhe në perspektivë, Hasanbelliu është shprehur se Teuta ka një grup futbollistësh me të ardhme dhe se pikërisht te ky grup futbollistësh të rinj do të mbështetet struktura e saj në sezonin e ardhshmëm.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mesfushori beson se Teuta do të dalë e fituar në sfidën e radhës, duke prishur rekordin e bluve.

I rikthyer në formën e tij më të mirë, mesfushori i Teutës dhe i Shpresës shqiptare, Dritan Babamusta, nuk ka arritur t'i gëzohet një fitoreje në fazën e katërt me ekipin e Teutës, ku "djemtë e detit" në katër ndeshje kanë grumbulluar vetëm një pikë, të marrë në ballafaqimin me Vllazninë e Shkodrës. Por, pavarësisht nga ky bilanc negativ i Teutës, mesfushori durrsak shprehet optimist në lidhje me ndeshjen e radhës me Dinamon, e cila, sipas Babamustës, nuk mund të jetë gjithmonë "macja e zezë" për Teutën.
- Dritan, si e komentoni rënien e Teutës në fazën e katërt të kampionatit?
- Nuk dua të bëj komente në lidhje me faktorët që kanë ndikuar në këtë drejtim, por mund të them se as fati nuk ka qenë në anën tonë. Jo vetëm në ndeshjen e fundit me Lushnjën, por në të gjitha ndeshjet e fazës së katërt kemi merituar më shumë.
- Si është ana psikologjike në kampin durrsak para sfidës me Dinamon?
- Sigurisht që rezultatet negative kanë ndikuar deri diku në anën psikologjike, por unë jam optimist, se me Dinamon do të luajmë si në një ndeshje finale. Me Dinamon nuk kemi arritur të fitojmë në tri fazat e para të kampionatit, madje jemi eliminuar në Kupën e Shqipërisë. Besoj se kësaj here fati do të na buzëqeshë neve, pasi Dinamo nuk mund të jetë gjithmonë "mace e zezë" për Teutën.
- Cila do të jetë arma, me të cilën mund ta mposhtni Dinamon?
- Dalja në lojën tonë tradicionale të grupit dhe gjetja sa më shpejt e rrugës së golit.
- Mendoni se Bici, si ish-trajner i Teutës, jua di tashmë pikat e dobëta?
- Kjo ka pak rëndësi. Për mua, çdo ndeshje ka sekretet e veta. Rezultati i ndeshjes do të varet nga loja që do të zhvillojnë ekipet në fushën e blertë dhe jo nga variantet taktike që do të zgjedhin trajnerët. Për fatin tonë, pjesa më e mirë e formacionit do të luajë në këtë ndeshje dhe jam i bindur se edhe kësaj here tifozeria do të na mbështesë, pavarësisht se rezultatet tona nuk kanë qenë të mira.
- Një Teutë e fortë në fillim të sezonit, ndërsa në fund e dobët. Pse ndodhi e gjithë kjo?
- Pak a shumë, arsyet dihen. Mendoj se mund të shkonim më lart, por futbolli kështu e ka. Gjithsesi, jam i bindur se perspektiva i përket Teutës. Pavarësisht se do të luftojmë deri në fund të kampionatit me impenjim maksimal, është e rëndësishme fakti se që tani po mendohet për sezonin e ardhshëm, ku Teuta do të ketë më shumë gjak të ri. Ndërthurja e këtij elementi me futbollistët me eksperiencë janë një garanci për perspektivën. Megjithatë, tani për tani po mendojmë për ndeshjen me Dinamon dhe jemi përgatitur seriozisht për të. Një fitore do të ishte një ngushëllim i mirë për sportdashësit tanë të mrekullueshëm.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Në dy javët e mbetura do t'u jepet mundësia të luajnë shumë lojtarëve të rinj në skuadrën durrsake.

Pas ndeshjes me Tiranën, vëmendja kryesore e stafit të Teutës është përqendruar te futbollistët e së ardhmes, të cilët do të jenë pjesë organike e saj në sezonin e ardhshëm futbollistik, në një kohë që futbollistët e tjerë, të cilët nuk përfshihen në planet perspektive të ekipit, do të ngrohin stolin e ekipit durrsak. Burime të sigurta nga stafi i Teutës bëjnë të ditur se në ekip do të ketë ndryshime esenciale, qëllimi i të cilave do të jetë ruajtja në ekip e futbollistëve, të cilët në këtë sezon bënë një paraqitje cilësore, treguan shpirt gare dhe impenjim maksimal në çdo ndeshje, në një kohë që do të largohen të gjithë ata që nuk treguan vlerat e tyre në këtë kampionat. Nuk bëhen të ditur emra konkretë futbollistësh, të cilët nuk do të jenë pjesë e Teutës apo ata që do të vazhdojnë të jenë pjesë e ekipit, të paktën deri në përfundimin e kampionatit. Seleksionimi i futbollistëve, të cilët do të duhet të marrin valixhet, pritet që të përfundojë në dy javët e ardhshme, në një kohë që prioritet do t'u jepet futbollistëve të rinj të talentuar apo edhe futbollistëve të tillë, si Danial Xhafa, që dhanë maksimumin në këtë kampionat, ku Teuta deri në tri fazat e para ishte një ndër pretendentet për zonë evropiane apo për fitimin e titullit, për t'u ndjekur më pas nga një fazë e katërt shkatërruese, ku durrsakët s'e mbajnë mend kur e kanë fituar tripikëshin e fundit. Edhe vetë trajneri i Teutës, Stavri Nica, ka paraqitur para presidentit dhe stafit idetë e tij për ndryshime në ekipi, në një kohë që edhe presidenti Hasanbelliu është shprehur se do të qëndrojnë vetëm ata futbollistë që e meritojnë fanellën e Teutës dhe japin maksimumin për të. Presidenti Hasanbelliu ka kritikuar mosimpenjimin e disa futbollistëve, gjë që ka ndikuar në mosarritjen e objektivave dhe në largimin e spektatorëve nga stadiumi. Duke filluar që në ndeshjen me Flamurtarin, Teuta pritet që t'u japë më tepër hapësira futbollistëve të rinj, të cilëve ky fund kampionati do t'u shërbejë si një eksperiencë për sezonin e ardhshëm.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar