qershor13
Vagabonding
Regjistruar: 05/02/2003
Vendbanimi: Rio
Mesazhe: 2547
|
 Teuta arrin fitoren më të thellë të sezonit.
Tri dopietat e durrsakëve kanë shkatërruar përfundimisht Besën e rënë në kategorinë e dytë.
Teuta - Besa 6-1
Shënues: Daniel Xhafa 21', 44', Godinje 25', 28', Mancaku 89', 91', Kapllani 63'
Teuta:
Dafa 7
Rada 7
Kotomelo 6
Voja 7
Larja 7
Babamusta 6,5
Bërzezi (Beshiri 75') 7
Daniel Xhafa 8
Shima (Tetova 46') 7
Mancaku 7
Godine (A. Halili 60') 7
Trajner: S.Nica
Besa:
Bytyçi (Guma 46') 6
Qerolli 6
Krasniqi 6
D.Xhihani 6,5
E.Xhihani (Hoxha 46) 6
Vrapi 6
Tabaku (Curri 46) 6
Bajaziti 6
Bërhani 6
E. Kapllani 6,5
Barameta 6
Trajner: B.Hushi
Gjyqtarë: Lulzim Guzja, Sokol Avdo, Kreshnik Hakrama (Tiranë)
Karton i verdhë: Krasniqi
"Radiografia"
4' - Godine shfaqet përballë portierit të Besës, gjuan, por portieri kavajas tregohet në lartësinë e detyrës.
10' - Goditje dënimi për Teutën, gjuan Mancaku, por topi kalon mbi traun e portës së Bytyçit.
18' - Mancaku ekzekuton përsëri një goditje dënimi nga 20 metra, por pa gjetur përsëri kuadratin e portës.
21' - Kros i Mancakut në zonë për Daniel Xhafën, që në një pozicion të përshtatshëm godet me të parën. Topi pasi përplaset në trupin e një mbrojtësi të Besës dhe gjen rrugën e rrjetës, duke kaluar Teutën në avantazh, 1-0.
25' - Gabim në zonë i mbrojtjes së Besës, atje nuhat bukur Godinje, që godet me forcë, duke e përplasur topin në rrjetën e portës së Bytyçit. 2-0 për Teutën.
28' - Pa kaluar tre minuta, Godinje shënon dhe golin e tretë për Teutën dhe të dytin e tij personal, pasi ka shfrytëzuar një top brenda zonës dhe ka goditur fuqimisht në rrjetë. 3-0 për Teutën.
35' - Babamusta gjuan nga distanca, por topi kalon mbi traun e portës së Bytyçit.
38' - Kapllani futet bukur në zonën e Teutës, gjuan në formë kthese, por pa arritur të shënojë golin e parë për kavajasit.
44' - Gjuajtje e Mancakut në një pozicion të prirët, por topi në formën e një krosi gjen Daniel Xhafën, që vetëm 2 metra larg portës nuk e ka të vështirë të adresojë topin në drejtim të rrjetës. 4-0 për Teutën.
55' - Godinje shfaqet përballë portierit të Besës, gjuan fort, por topi përplaset në shtyllën e portës.
57' - Lëmsh në zonën e rreptësisë së Teutës, gjuan Kapllani, por topi devijohet nga mbrojtësit.
63' - Kapllani në zonë, rreth 8 m larg portës së mbrojtur nga Dafa, tregon arsenalin e tij teknik duke gjuajtur në gjysmëkthesë në drejtim të portës dhe shënuar golin e parë dhe të nderit për Besën e Kavajës. Besa shkurton distancën, 4-1.
65' - Mancaku gjuan nga distanca, por pret portieri i ri kavajas.
80' - Mancaku vetëm për vetëm me portierin Guma, gjuan, por grushton ky i fundit.
83' - Eshtë sërish Kapllani që shfaqet përballë Dafës, por dhe portieri i Teutës grushton, pa lejuar që topi t'i drejtohet rrjetës.
85' - Merhori godet fuqimisht brenda zonës, grushton portieri.
85' - Daniel Xhafa gjuan nga distanca, por topi jashtë kuadratit të portës.
89' - Mancaku shfaqet para portierit, godet qetësisht, duke e kaluar topin në rrjetë. 5-1 për Teutën.
91' - Eshtë përsëri Mancaku që përsërit aksionin e dy minutave më parë, duke e nxjerrë jashtë loje daljen e portierit dhe duke shënuar golin e 6-të për Teutën.
Komenti
Në një kohë të bukur për të luajtur futboll dhe në terren të shkëlqyer, por në një mjedis të akullt sportiv, për shkak të mungesës së spektatorëve, është zhvilluar derbi tradicional mes Teutës dhe Besës së Kavajës. Të dyja ekipet kanë zbritur në fushën e lojës me futbollistë të rinj, duke treguar dhe një herë faktin se të dyja këto ekipe i kishin humbur motivet në këtë kampionat, Besa duke dalë nga grupi A1 dhe Teuta me një pozicion, që nuk i shërben për dalje në Evropë. Gjithsesi, bukuria e këtij takimi kanë qenë golat e shënuar, ku Teuta ka shënuar tri dopieta me anë të Daniel Xhafës, Godine-s dhe Mancakut, në një kohë që kavajasit kanë shënuar golin e nderit me anë të E. Kapllanit. Një derbi i cili iu shërbeu trajnerëve më tepër për të evidentuar futbollistët e rinj në ekip. Teuta e dominoi nga fillimi deri në fund takimin, gjë që u shpreh dhe në rezultatin e takimit me shifra tenistike, ku Teuta realizon fitoren më të thellë në këtë kampionat. Daniel Xhafa me 21 gola ka treguar dhe një herë që ka qenë emblema e Teutës në këtë kampionat. Në radhët e Teutës kanë spikatur futbollistët e rinj, si: Rada, Voja, Larja, Shima, Bërzezi, të cilët do të jenë dhe kontingjenti i Teutës për sezonin e ardhshëm futbollistik, në një kohë që në një ditë të mirë ka qenë dhe Mancaku, Godinje, Lorja etj. Besa nga ana e saj ka treguar vetëm që ka një futbollist klasi si E. Kapllani, të cilin vështirë se mund ta mbajë në gjirin e saj dhe në sezonin e ardhshëm futbollistik, për shkak të ofertave që tashmë kanë filluar për të përzgjedhurin e Brigelit. Gjithsesi, ata pak tifozë në stadium kanë shijuar 7 gola në këtë ndeshje, që përmbajnë vlera emocionale dhe statistikore.
Thanë pas ndeshjes :
Stavri Nica, trajner i Teutës: "Mendoj se ishte një ndeshje e cila na shërbeu në radhë të parë për evidentimin e futbollistëve të rinj. Mendoj se ekipi luajti mirë dhe i impenjuar, duke fituar me meritë. Pas këtij takimi duhet të mendojmë për sezonin e ardhshëm futbollistik, ku sigurisht ka nevojë për ndryshime. Gjatë gjithë ndeshjes futbollistët i zgjidhën drejt detyrat taktike, duke e konkretizuar këtë dhe me shënimin e golave. Pavarësisht se ishte një fitore që nuk na shërben për ndonjë objektiv, mendoj se ka vlerat e saj."
Bajram Hushi, trajner i Besës, nuk u prononcua.
Të veçanta:
- Teuta ka shënuar 6 gola, nga dy për çdo futbollist (Daniel Xhafa, Julian Godine dhe Bledar Mancaku).
- Teuta ka arritur fitoren më të thellë të saj në këtë sezon futbollistik, 6-1 me Besën, në një kohë që pikërisht me këtë ekip në fazën e dytë kish fituar 4-1
- Takimi midis Teutës dhe Besës është ndjekur nga numri më i vogël i sportdashësve në 10 - vitet e fundit në një ndeshje zyrtare.
- Daniel Xhafa, duke shënuar 21 gola, renditet golashënuesi më i mirë i Teutës dhe ndër golashënuesit më të mirë të këtij ekipi në vitet e fundit.
__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.
Denonco këtë mesazh tek moderatorët | IP: e regjistruar
|
24 Maj 2004 11:45
Forumi Horizont > Sporti > Futboll > Kampionati Shqiptar > Kategoria e parë > Grupi A1 > FK Teuta
