Gjergj Kastrioti
Veritas Odium Parit
Regjistruar: 22/10/2004
Vendbanimi: God is busy, me too...
Mesazhe: 2957
|
Ky eshte nje artikull qe gjeni te "Gazeta Shqip"
Sean Paul: Muzika është gjithçka
Ylli i muzikës "reggae" më 4 korrik koncert në stadiumin "Qemal Stafa"
Muzika është një ndjesi e cila mund të jetojë me ty gjithë jetën. Djaloshi i shpenguar, i njohur për veshjet ndryshe, dhe stilin tepër interesant të të jetuarit, Sean Paul, rrëfente pak kohë më parë se e shihte jetën e tij përjetësisht të lidhur me këtë art. Gjithçka në fillimin e ditës kishte lidhje me muzikën. Edhe atëherë kur vendoste t‘i hipte makinës dhe të udhëtonte larg, kasetofoni apo radioja gjithnjë e ndillnin drejt pasionit të tij të madh. "Nuk mundem pa këngën", rrëfen ai.
Nëse dikur e trembte fakti se pas të 30-ve mund të ndryshonte diçka në mënyrën e tij të të kënduarit, tashmë që është në prag të 35-vjetorit, ndjehet mirë që asgjë nuk ka ndryshuar. Ndoshta ritmet dhe të ndjerit janë të njëjta në çdo moshë. Ajo çfarë ka ndryshuar është ndoshta vetëm koncepti i këndvështrimit të gjërave. Sigurisht, që tashmë nuk mund të bëjë më "aventura" muzikore, apo të hyjë drejt një rruge nëse nuk është i sigurt, si atëherë kur nisi të eksperimentonte vetë muzikë, duke i shkruar po vetë tekstet. Djaloshi i ritmeve, përtej natyrës që shfaq në klipe, është tepër i ndjeshëm. Ndoshta nuk ka si të ndodhë ndryshe, për një djalosh që i pëlqen piktura dhe e sheh atë si një nga format që secili prej nesh ka në jetë për t‘u ndjerë mirë. Nëse dikur kërkonte t‘i ngjante së ëmës dhe të bëhej një piktor, tashmë që është në kulmin e karrierës së tij si këngëtar, piktura vijon të jetë si një ndër pasionet e heshtura, por më të dashurat.
Sean Paul, një nga yjet e muzikës "reggae", duket se ndjehet mirë nga jeta që bën. Udhëtimet dhe koncertet në vende të ndryshme të botës, letrat e pafundme të fansave, e kanë bërë të mësohet me këtë ritëm jete, aq sa nuk mund ta mendojë se si mund të ishte ndryshe.
Më 4 korrik, ai do të udhëtojë bashkë me stafin që kujdeset për të, drejt Tiranës. Kjo është eksperienca e tij e parë në një vend si Shqipëria, ku ashtu si në të gjitha vendet ku ai interpreton ka shumë fansa. Paul nuk është aspak i panjohur, mjafton të shohësh portretin e tij, për të kujtuar performancat e këngëve më të njohura të mbetura në mendjet e secilit prej nesh. Më 4 korrik, në orën 18:00 në stadiumin "Qemal Stafa" të gjithë adhuruesit e muzikës së tij do të kenë mundësi ta shohin "live" këngëtarin e njohur të muzikës "reggae".
Pasditja e 4 korrikut, e cila pritet të vazhdojë deri në orët e vona të mbrëmjes, është konceptuar nga organizatorët në formën e një feste të vërtetë vere, ku krahas Paul-it do të ngjiten në skenë dhe emra të tjerë të njohur të muzikës shqiptare.
Dj Blunt, "Tingulli 3NT", STINE, Kastro Zizo, janë artistët e tjerë që do të ngjiten në skenë pas interpretimit të yllit të muzikës Paul.
Organizatorët e këtij koncerti shprehen se zgjodhën këngëtarin Sean Paul, duke qenë se ai është një nga yjet e muzikës "reggae", si dhe shumë i suksesshëm aktualisht me albumet "Stage One", "Duty Rock", "The Trinity", ku vetëm me albumin e tij të dytë ka arritur një rekord shitjesh prej 6 milionësh në botë. Këngët "Baby girl", "Don‘t cry", "Get busy", "One more try", "Deport them" "Excite me", "Infiltrate", "Strategy" etj., vazhdojnë të jenë hite botërore.
San Paul shënon në karrierën e tij edhe shumë bashkëpunime të suksesshme si me Beyonce, Mariah Carey, Sting, Carlos Santana, me çmime prestigjioze si "Grammy Award", "American Music Awards" etj.
Për shumë njerëz të muzikës ai ka lindur për të qenë artist. ///////////Ndërsa kujtohet kohët e para kur ai kërkonte me ngulm një karrierë muzikore në Xhamajkë, ata ndjehen të sigurt se vetëm pasioni e bëri të kalonte të gjitha kufijtë. Djaloshi që ka provuar të jetë një Dj, apo që vazhdon të pikturojë sa herë është i lirë, e sheh muzikën si botën ku mund t‘u japë kuptim shumë gjërave. Gjithçka është si në pikturë. Nëse në telajot e së ëmës (edhe mamaja e tij pikturonte), ai mundohej të kuptonte kur ishte ende fëmijë, përrallat që fshiheshin përtej ngjyrave, në këngë ai kërkon të tregojë historitë e vërteta, ato histori që e kanë bërë të gjunjëzohen para një femre, apo që i kanë ngjallur trishtim dikur. Muzika nuk mund të jetë gjë tjetër veçse një përjetim i thellë i asaj çfarë ndjejmë të gjithë. Ndoshta kjo i bën këngët e tij të jenë më të dëgjuarat, ndoshta se depërtojnë aq thjeshtë brenda secilit prej nesh.
San Paul i pëlqen të flasë gjatë për muzikën, ndoshta se në pjesën më të madhe të rasteve, ai është edhe vetë krijues i teksteve të tij. Për të është më e lehtë të interpretosh një këngë të krijuar vetë. Gjithnjë pasionant, ai rrëfen se i pëlqejnë gjërat e bukura dhe të provojë. Emri i tij i vërtetë është Sean Paul Ryan Henriques dhe ka lindur në 8 janar të vitit 1973 në Kingstone (Xhamajkë), ku jeton edhe sot. Xhamajka vazhdon të mbetet vendi ku ylli i muzikës kthehet pas çdo turi dhe ndjen se i pëlqen ende të mos e braktisë për të vendosur të jetojë diku tjetër. Origjina e tij është multi-etnike, babai, një hebre-portugez, dhe e ëma, një afrikano-kineze, kanë ndikuar në shpirtin e tij artistik dhe në ritmet e ngrohta muzikore.
Mbrëmja e 4 korrikut pritet të jetë një mbrëmje plot surpriza për të gjithë ata që e adhurojnë Sean Paul dhe muzikën e tij. Përfaqësuesit e "Charl‘s Entertainment" dhe "Media Art", Zotërinjtë Gëzim Agolli dhe Arben Tasellari, që bënë të mundur prezencën e tij në Tiranë, besojnë në suksesin e artistit në Shqipëri.
Për ta këngëtari është vetëm fillimi i një turi për të sjellë në Tiranë emra të tjerë të njohur të muzikës. Në muajin gusht ata kanë planifikuar të sjellin në Shqipëri edhe Joe Cocker, për të gjithë nostalgjikët e "You can leave your hat on" dhe "Unchain my heart".
www.gazeta-shqip.com/artikull.php?id=21446
__________________
It is in truth not for glory, nor riches, nor honours that we are fighting, but for freedom - for that alone, which no honest man gives up but with life itself.(Declaration of Arbroath)
Denonco këtë mesazh tek moderatorët | IP: e regjistruar
|
, donte me doemos te merrte nje bilete dhe me ne fund sot e kishte marre ...
28 Qershor 2007 04:05
Forumi Horizont > Arti & Kultura > Muzika > Video Muzikore > ^ Koncerte Live, Data e Informacione rreth tyre ^
