Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: tase.jpg
Ky file është shkarkuar 152 herë.

Ela Tase fiton Medaljen e Bronxit në Kampionatin Ballkanik në Athinë (1980) dhe është gjysmefinaliste në Kupën e Kampioneve të 1980-81 dhe 1982-83. Martesa, në 1983, dhe sidomos Iindja e fëmijës, e shtrëngon të ndahet për 15 muaj nga stërvitja. Por trajneri i klubit tiranas, Kreshnik Tartari (lojtar finalist me Dinamon në Kupën e Kampioneve përmeshkujt, 1971-72), e bind të vazhdojë të luajë (ishte hera e dytë, pas një traume në këmbë në 1980).
Ç’mbeti nga vitet ’80 u mbush me kënaqësi të mëdha: përveç titujve ballkanikë, dhe Medaljes së Bronxit dhe Argjendit, respektivisht në Kampionatin Ballkanik të Artës (Greqi, 1986) dhe Tiranë (1988). Tase e drejton Dinamon në finalen e Kupës së Kupave (1986-87) duke i nxjerrë nga radha qipriotet e Olympiakos-it Nikosia (0-3 dhe 0-3), zviceranet e Uni-t të Lozanës (3-0 dhe 3-0) dhe jugosllavet e Mladost Zagabrias (0-3 dhe 1-3 në Tiranë). Porse Federata shqiptare heq dorë nga finalja për të mos u ndeshur me sovjetiket e Kommunalnik Minskut. Gjithmonë në 1987, Ela Tase quhej frymëzuesja e vërtetë e Medaljes së Artë shqiptare në Lojërat e X të Mesdheut të Latakias, duke triumfuar në të gjitha ndeshjet: Shqipëri-Itali 3-1, Shqipëri-Turqi 3-0, Shqipëri-Greqi 3-0 dhe Shqipëri-Siri 3-0.
Mbërrijnë vitet ’90. Ela Tase i kalon të tridhjetat, por jo vetëm e mban veten në formë, por shton edhe triumfet. Dhjetë vjet pas, Dinamo kthehet nëfinale në Kupën e Kampioneve të 1989-90, duke eliminuar polaket e Stal Bielsko-Bialas (1-3 dhe 2-3 në Tiranë), gjermano-lindoret e Dynamo-s së Berlinit (3-1 dhe 0-3 në Tiranë) dhe rumunet e Dinamo-s së Bukureshtit (3-1 dhe 1-3 në Tiranë, pika: 92-98). Në finalën e Ravenës, Ela Tase dhe Dinamo sjellin Medaljen e parë shqiptare në një garë volejbollistesh mes klubeve. duke u renditur të tretat falë fitores ndaj francezeve të Racing Parisit (3-1), pas kampioneve sovjetike lë Uralochka Sverdllovskit dhe italianeve të Teodora-s së Ravenës. Sërish në 1990, kapitenia e udhëheq Shqipërinë drej triumfit ne Kampionatin Ballkanik të Praveçit (Bullgari): Shqipëri-Jugosllavi 3-0, Shqipëri-Bullgari 3-0, Shqipëri-Rumani 3-0, Shqipëri-Greqi 3-0, Shqipëri-Turqi 3-0. Një Medalje e Artë e fituar për herë të parë duke u shquar në të gjitha kuptimet.
Por nuk mbaron me 1990! Një vit më pas Ela Tase, me Shqipërinë. është gjysmëfinaliste në Lojërat e XI të Mesdheut në Athinë, dhe – ç'është më e rëndësishme – pas kualifikimit historik në ndeshjet eliminatore të Salisburgut, del për herë të parë në fazën finale të Ravenës në Kampionatin e XVII Europian për Kombëtaren e femrave.
Ela Tase është një simbol, jo vetëm i volejbollit shqiptar dhe evropian, por e sportit në pergjithësi: kafituar 15 tituj në Shqipëri, 13 Kupa Republike dhe 3 Spartakiada, pa llogaritur trofetë e panumërta ndërkombëtare per përfaqësueset dhe klubet. Sot, zonja Ela Tase është zv. Presidente e Komitetit Olimpik Kombëtar Shqiptar (KOKSh) dhe Presidente e Komisionit Femrat dhe Sporti.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Volejbolli i femrave në prag të ndeshjeve elemoinatore në grupe për kupën e federatës, ka rritur intensitetin e seancave stërvitore për skuadrat pretendente për të kaluar në fazën gjysëmfinale.

Një atmosferë e tillë ndihet edhe në skuadrën e Tiranës e cila nën drejtimin e teknikut Adrian Gorenca përgatitet intensivisht për të qënë e gatshme për sezonin e ri që sapo fillon . Sipas teknikut Gorenca skuadra është e gatshme për të marrë pjesë në sfida të tila pavarësisht nga mosha tepër e re e skuadrës dhe nga largimet e pësuara në fund të sezonit që sapo përfundoi.

Skuadra bardhe eblu bën pjesë në grupin që i zhvillon ndeshjet ne qytetin e Peshkopisë . Trajneri i badhe ebluve Gorenca thekson se ky grup është mjaft i fortë pasi bëjnë pjesë tre skuadra që e synijnë kualifikimin si Studenti Kampione në fuqi, Teuta e Durrsit dhe Korabi vëndas .

Me gjithatë ekipi i Tiranës do të shkojë në Peshkopi për tu kualifikuar. Ndeshjet fillojnë nesër dhe skuadra e Tiranës do të ndeshet me Korabin Vëndas

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Volejbolli i femrave do të ngrejë nesër siparin e kampionatit kombëtar për sezonin e ri sportive 2003- 2004. i p0lanifikuar për tu zhvilluar diëtn e djelë për arsyetë zgjedhjeve lojale federata e volejbollit e ka afruar aktivitetin e femrave duke i zhvendosur ditën e premte. Ndeshjet e javës së parë të kampionatit kombëtar të femrave startojnë pas përfundimit të ndeshjeve finale të kupës së federatës ku Teuta e Durrësit është fituesja e trofeut të parë të sezonit trë ri pasi ka mundur në finale skuadrën dinamovite.

Ndërkohë kalendari i javës së parë të kampionatit të femrave vë përballë në Rrëshen dy skjuadrat finaliste te kampionatit të sezonit të kaluar Minatorin vëndas dhe Studentin kampionen në fuqi të vëndit.

Dinamo e Kreshnik Tartarit do të udhëtojë drejt Korçës ku do të ndeshet me Skëndërbeun vëndas të rikthyer në grupin e skiadrave më të mira të vënditpas një mungese të gjatë e që drejtohet nga trajnerja e vetme femër në këtë sport Tatjana Marashi.

Takimi tjetër i grupit A1 është dhe ai midis Tiranës dhe Teutës që pa dyshim është dhe më i forti dike u nisur nga përbërja e të dy skuadrave që kanë në gjirin e4 tyre vajza të reja e të talentuara si dhe dy ukrainase që luajnë në rradhët e Teutës.

Ndërkohë edhe grupi A2 ngre siparin e kampionatit me takimet Aulona Volej – Korabi dhe Kruja - Partizani.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: volejboll-me-ngjyre.jpg
Ky file është shkarkuar 139 herë.

Volejbolli i femrave nesër nisën pjesën e dytët të fazës së parë ku ekipet më të mira ato të grupit A1 fillojnë raundin e dytë. Në qëndër të vëmëndjes është takimi që zhvillohet në pallatin e sportit "Ramazan Njala" të qytetit të Durrsit ku Skuadra vëndase Teuta do të presë Tiranën. Dy skuadra këto që në rënditje i ndan vetëm fitorja në takim direkt pasi takimin e parë e kanë fituar vajzat e detit. Tirana vjen në këtë takim pas dy humbjeve rradhazi, por humbje dinjitoze ku në takimin e fundit me Dinamon ka paraqitur një skuadër të denjë për të rivalizuar. Ndërsa Teuta pas një humbje të pësuar në fushën e saj me Dinamon do të kërkojë patjetër të reflektojë para fansave të saj.
Kryesueset e kamopionatit volejbollistet dinamovite që nuk e kanë provuar ende shijen e humbjes do të ndeshen me Studentin e vëndit të fundit ku padyshim nuk do të ketë asnjë nënvleftësim, ndërkohë që Skëndërbeut i jepet një shans për të provuar skuadrën e re debutuese në A1.
Kampionet në fuqi volejbollistet e Studentit do të presin në fushën e tyre Minatorin e Rrëshenit . Ndonese në Rrëshen takimn e parë e kanë fituar kampionet ne fuqi në Tiranë në "Asllan Rusi" skuadra mirditore gjithnjë ka paraqitur një skuadër kompetitive dhe të aftë për të konkuruar me kryesueset e kampionatit

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Ekipi privat Aulona Volej në volejbollin e femrave pasi ka mbyllur fazën e parë pa asnjë humbje nuk i ka ndërprerë seancat stërvitore edhe në këtë periudhë pushimi. Sipas kapitenes së kësaj skuadre Olina Mato të gjitha vajzat janë të mobilizuara dhe të gatshme për të përballuar me sukses Kupën e Shqipërisë si dhe fazën e dytë.Volejbollli i femrave tashmë edhe në grupin A2 është çfaqur me nivel dhe cilësi gjë që i shërben rritjes së këtij sporti në vënd.Ekipi privat Aulona Volej i drejtuar nga mjeshtri i madh Kreshnik Tartari ka arritur ta mbyllë fazën e parë pa asnjë humbje dhe të jetë një pretendente serioze për titullin kampion në kategorinë inferiore.Sipas kapitenes së kësaj skudare Olina Mato skuadra është tejete e mobilizuar për të mbyllur fazën e dytë pa asnjë humbje dhe njëkohësisht për të konkuruar denjësisht në kupën e Shqipërisë.Ndërkohë skuadra vazhdon sencat astërvitore rregullisht në pallatin e sportit Asdllan Rusi në kryeqytet duke patur si objektiv hyrjen në finale të kupës së Shqipërisë.Ndërkohë që merkasto e dimrit është e hapur përsëri kapitenia Mato mendon se skuadra edhe mund të përforcohet.Grupi eleminator i çerekfinaleve të kupës së shqipërisë e vë skuadraën modeste te Aulona Volejt përballë ekipeve si Dinamo, Teuta e Skëndërbeu.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealt�_ le Sue creature.Questo significa amore,che dovrebbe sostituire l'odio che si vede ovunque.

Modifikuar nga qershor13 datë 01/03/2004 ora 20:46

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Kane perfunduar te premten eleminatoret e Kupes se Shqiperise ne volejboll per femra. Rezultatet jane:

Grupi A (Tirane). 11 shkurt:
Tirana - Minatori 3-2
Studenti - Krutja 3-1
12 shkurt:
Krutja - Minatori 2-3
Studenti - Tirana 3-0
13 shkurt:
Studenti - Minatori 3-0
Tirana - Krutja 3-0
Renditja:
Studenti 6 pike
Tirana 5
Minatori 4
Krutja 3

Grupi B (Durres). 11 shkurt:
Dinamo - Aulona 3-0
Teuta - Skenderbeu 3-0
12 shkurt:
Aulona - Skenderbeu 3-0
Teuta - Dinamo 0-3
13 shkurt:
Dinamo - Skenderbeu 3-0
Teuta - Aulona 3-1
Renditja:
Dinamo 6 pike
Teuta 5
Aulona 4
Skenderbeu 3
Takimet gjysmefinale e finale do luhen ne pallatin e sportit "Asllan Rusi" ne Tirane me 25-26 shkurt, sipas ketij kalendari:
25 shkurt:
Studenti - Teuta
Tirana - Dinamo
26 shkurt: Finalja e madhe dhe e vogel.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealt�_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Ekipi i Studentit në volejboll për meshkuj, fiton Kupën e Shqipërisë, duke mundur në finale rivalët e Dinamos në takimin e luajtur dje pasdite. Nën drejtimin e teknikut Ylli Tomori, Studenti ka zhvilluar një lojë shumë të mirë, duke mos i lënë mundësi Dinamos për asgjë. Studenti i përforcuar nga ardhja e dy volejbollistëve bullgarë, është shfaqur tepër kompetitiv në përballjen me Dinamon. Trofembajtësit janë përpjekur shumë për të ndryshuar rrjedhën e lojës, por janë izoluar mirë nga blloku dysh i Studentit. Tekniku i Dinamos, Arben Sako, ka provuar të gjithë kartat, por Studenti ka arritur të imponohet në lojë, duke fituar krejt takimin me rezultatin 3-0. Ndeshje tepër e mirë për kapitenin e Studentit, Roland Tarja, ndërkohë që përfaqësim të mirë ka bërë edhe Klodian Kasa, i cili ka rezultuar tepër deçiziv nga ekzekutimi i shërbimeve. Kjo është hera e tretë që ekipi i Studentit fiton Kupën e Shqipërisë në volejboll për meshkuj.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealt�_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Thyhet tabuja Dinamo në volejboll për femra. Pas një ndeshje pa shumë histori, por tepër impresionuese, vajzat e Studentit kanë triumfuar dje 3-1 ndaj mitit të volejbollit shqiptar, Dinamos. Një lojë e cila ka folur totalisht për ekipin e drejtuar nga Artan Pogoni, të cilat pasi kanë fituar setin e parë e kanë humbur aksidentalisht të dytin, kanë vendosur vulën në dy të fundit, duke shënuar përfundimisht shifrat 3-1 dhe njëkohësisht edhe emrin e Studentit për herë të parë në librin e artë të kupës së Shqipërisë. Një fitore, e cila ka brenda saj shumë emra, të 12 lojtaret që u aktivizuan, por mbi to qëndron tekniku Pogoni, i cili ka ditur të harmonizojë lojën e kësaj skuadre. “Fitorja nuk ishte rastësi” – ka shpieguar trajneri më i ri në moshë në ekipt tona, por sipas tij është një fillim për një fund të mrekullueshëm, shpalljen kampion të Stundetit”. Kemi përmendur një emër, i cili ka drejtuar skuadrën nga jashtë, ndërkohë që në fushë më i spikaturi e njëkohësisht edhe strumbullari i fitores ka qënë ai i pasueses Edlira Huqi. “Kemi luajtur mirë, kemi qënë të mobilizuara në të gjithë lojën dhe tashmë nuk ka arsye të mos fitojmë edhe titullin kampion, të cilin e dëshirojmë kaq shumë”. Kanë qënë këto dy opinione të skuadrës mbajtëse të trofeut, ndërkohë që yni rezulton në një pikë. Ndeshje e bukur, por më shumë se kaq, rikthim i tifozerisë për një sport i cili deri dje ka qënë thuajse i harruar.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealt�_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Bashkangjitje: vol_f_din_stu.jpg
Ky file është shkarkuar 110 herë.

Dinamo në volejboll për femra është shpallur dje pasdite kampione e Shqipërisë për të 19-n herë në historinë e saj. Dinamovitet kanë fituar dje 3-0 finalen e katërt të play-off-it ndaj Studentit, duke korrur suksesin e tretë, që i shpall ato kampione. Një sukses i merituar i bluve, që kurorëzuan me sukses një kampionat të gjatë e të vështirë, një triumf i merituar i Dinamos, që rikthehet në majën e volejbollit të femrave. Një grup i shkëlqyer vajzash, që u drejtua mjaft mirë nga trajneri Ilir Cirinaku. Një sukses i kapitenes Amarilda Prenga, shutereve Çollaku e Luca, pasueses Huqi, qendrave të suksesshme Alla e Shatku, liberos Arjola Prenga, duke përfunduar te Meçollari, Sallaku, Berberi e Macukulli, lojtare gjithnjë në rritje. Një skuadër e suksesshme, që diti t'i menaxhojë mirë forcat e saj, duke mposhtur të gjitha rivalet. Por fjalë të shkëlqyera edhe për Studentin, një rivale e denjë në të gjitha aspektet, një skuadër me lojtare mjaft të mira, që gjithnjë dhuroi lojëra të bukura e me nivel. Sfida e djeshme nuk u ngrit në një nivel mjaft të lartë, kjo e kushtëzuar nga emocionet e shumta që kishin volejbollistet në fushë, të cilat ishin shpeshherë nervoze. Kjo u duk në fushë, ku asnjëra nga skuadrat nuk arrinte të shkëputej, madje dhe kur kjo ndodhte gjithçka rikuperohej shpejt. Por merita e Dinamos është në pikët e fundit të çdo seti, duke krijuar avantazhin që e lejoi të fitonte ndeshjen.
Kështu, seti i parë flet vetëm me gjuhën e barazimeve, ndërkohë që herë pas here është Studenti që tenton të shkëputet 9-6, 17-15, por gjithnjë arrihet nga Dinamo. Kështu ndodhi edhe në avantazhin e fundit, kur shifrat ishin 19-17 për Studentin. Dinamo shënon 5 pikë radhazi dhe shkëputet 22-19, duke fituar setin e parë 25-22. Barazimet vijojnë edhe në setin e dytë, por këtë herë avantazhi kalon sa nga njëra skuadër te tjetra. Pas barazimit 16-16, Dinamo shkëputet 20-17, por këtë herë është Studenti që shënon 5 pikë, duke udhëhequr 22-20, por pa mundur ta ruajë avantazhin. Sërish del në pah loja e mirë e Dinamos në pikët e fundit, që është më e qetë. Tri pikë radhazi të bluve dhe 23-22 për Dinamon. Studenti barazon 23-23, por dinamovitet shënojnë dy pikët e fundit dhe fitojnë 25-23.
Studenti e nis mirë setin e tretë, duke udhëhequr vazhdimisht në gjysmën e parë të tij 6-3, 14-10, 17-13, por çuditërisht Studenti lëshon në lojë dhe Dinamo arrin të përmbysë gjithçka, duke udhëhequr 18-17, madje shkëputet 22-18, 24-20. Çaste paniku te blutë, teksa pika e fundit "mungon" të vijë, ndërsa Studenti afrohet 24-23 dhe ka shansin ta çojë gjithçka në barazim. Por një bllok i suksesshëm i dinamoviteve dhe 25-23 për Dinamon, që fiton krejt ndeshjen 3-0.
Gjithçka mbyllet këtu dhe më pas fillon festa, mes fishekzjarreve dhe brohoritjeve të tifozëve. Volejbollistja e mirënjohur Ela Tase i dorëzon kupën e kampiones kapitenes së Dinamos, Amarilda Prenga, që tashmë është kthyer sërish kampione e Shqipërisë në volejboll për femra.


Thanë pas ndeshjes
Artan Pogoni, trajner i Studentit: "I falënderoj të gjitha vajzat për gjithçka dhanë dje dhe gjatë gjithë këtij sezonit, duke konkurruar denjësisht. Gabuam ndoshta në momentet decizive, duke mos dalë në lojën tonë. Gjithsesi, zhvilluam një ndeshje të mirë dhe urime Dinamos për titullin."
Ilir Cirinaku, trajner i Dinamos: "Një ndeshje e vështirë, por një sukses mjaft i bukur i skuadrës, i vajzave dhe i të gjithë atyre që na mbështetën. Nuk ishte e lehtë të fitoje sot (dje) pas humbjes së fundit, por vajzat treguan gatishmëri dhe gjetën forca për të përmbysur gjithçka, duke mos përsëritur gabimin e kaluar. Jam i kënaqur që kurorëzuam me sukses një sezon të gjatë, por mendoj se titulli është plotësisht i merituar."
Amarilda Prenga, kapitene e Dinamos: "Një triumf i vështirë, por i merituar, pasi kurorëzuam me sukses një punë të gjatë. I falënderoj të gjitha vajzat për gjithçka kanë dhënë, pasi treguan dëshirë për fitore. Me këtë titull treguam edhe një herë se jemi ekip i fortë, duke e rikthyer Dinamon në lavdinë e saj."
Marsela Çollaku, lojtare e Dinamos: "Ishte një sukses i merituar, pasi kemi qenë vazhdimisht superiore karshi rivaleve tona këtë sezon. Treguam një lojë më të mirë, duke fituar titullin kampion, që na shpërbleu për punën e bërë."
Liliana Luca, lojtare e Dinamos: "Më së fundi, kurorëzuam me sukses një sezon të gjatë. Për mua është një kënaqësi e veçantë, pasi kudo që kam luajtur kam fituar trofe. Më mungonte vetëm titulli me Dinamon. Urime skuadrës, pasi e meritoi plotësisht titullin."

Dinamo dhe Studenti ndërrojnë vendet Një vit më parë, Studenti fitonte titullin kampion në volejboll për femra dhe dy javë më pas Dinamo fitoi Kupën e Shqipërisë. Por këtë sezon gjërat kanë ndryshuar. Studenti ka fituar në shkurt Kupën e Shqipërisë, ndërsa Dinamo fiton titullin kampion. Pra, ashtu si një vit më parë, dy skuadrat më të mira në volejbollin shqiptar ndajnë dy trofetë më të rëndësishme të vitit. Kjo për të vërtetuar edhe një herë se Dinamo dhe Studenti janë dy ekipet më të mira të volejbollit shqiptar të femrave të viteve të fundit.

Renditja përfundimtare
1. Dinamo
2. Studenti
3. Teuta
4. Tirana
5. Minatori
6. Aulona Volej
7. Krutja
8. Skënderbeu
9. Korabi
10. Partizani

Shënim: Gjashtë ekipet e para do të luajnë në grupin A1, të tjerat në grupin A2.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealt�_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Ekipet kampione shqiptare të volejbollit, Studenti për meshkuj dhe Dinamo për femra, kanë mësuar dje kundërshtarët e tyre në kupat e Evropës, në turneun e Top Teams Cup. Të dy ekipet shqiptare ndodhen në grupin e tetë (të fundit). Studenti dhe Dinamo do të luajnë në turin eliminator dhe më pas mund të kërkojnë kualifikimin për turin pasardhës. Rivalët e Studentit janë: Azernjeft Baku (Azerbajxhan), Tehnopribor Mogilev (Bjellorusi) dhe Zirat Bankasi Ankara (Turqi). Ndërsa kundërshtaret e Dinamos janë: Dinamo Moskë Region (Rusi), Belbusinesbank Minsk (Bjellorusi) dhe Ekzacibashi (Turqi). Më së fundi, pasi shumë vitesh kërkesë, skuadra e Studentit do të ketë shansin që të jetë ajo organizatorja e këtij grupi, pasi ndeshjet do të luhen në pallatin e sportit "Asllan Rusi" në Tiranë. Federata Evropiane e Volejbollit sërish vendos që një ekip shqiptar të organizojë ndeshje të Top Teams Cup-it dhe këtë herë është radha e Studentit për meshkuj. Pa dyshim, një shans i mirë për kryeqytetasit, për të treguar vlerat e volejbollit shqiptar. Trajneri i Studentit, Ylli Tomorri, pas hedhjes së shortit u shpreh: "Në rast se do të bëjmë përforcimet e duhura, them se do të jetë një short i pranueshëm për ne. Fakti që organizohet në Shqipëri, na jep mundësinë që të tregojmë vlerat tona dhe të synojmë për më tej," - ka deklaruar trajneri i kampionëve të Studentit. Ndërsa Dinamo për femra do t'i zhvillojë ndeshjet e saj në Rusi dhe rivalet e saj duken tepër të forta. Kampionet dinamovite do të përballen me skuadra të nivelit të lartë evropian, fakt të cilin e konfirmon edhe trajneri i bluve Ilir Cirinaku. "Do të luajmë në Rusi ndaj skuadrave mjaft të forta. Mendoj se shanset nuk janë të shumta për ne, por Dinamo do të kryejë detyrën e saj," - kanë qenë fjalët e trajneri Cirinaku për shortin e Topt Teams Cup-it. Ndeshjet në grupe pritet që të fillojnë në muajin tetor.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealt�_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar