Regjistruar: 05/02/2003
Vendbanimi: Rio
Mesazhe: 2547

Trajneri i Partizanit mendon se kampionati është i gjatë, ndaj ka kohë për të korrigjuar

Të kuqtë, pas tri fitoreve radhazi, kanë barazuar të shtunën në Peqin ndaj Shkumbinit, duke ia lënë kështu kreun e klasifikimit Teutës së Durrësit. Ekipi i Partizanit tregoi edhe një herë se ka vështirësi për të arritur tripikëshin jashtë fushës së vet. Trajneri i Partizanit, Ilir Spahiu, pas ndeshjes, theksoi se loja e ekipit të tij, në përgjithësi, ishte e kënaqshme, por, nisur nga terreni i vështirë i fushës, ndonjëherë goli nuk vjen, duke u bërë pengesë për të arritur tri pikët. "Të gjithë jemi të pakënaqur me rezultatin ndaj Shkumbinit, sepse kërkonim fitoren. Por, në përgjithësi, jam i kënaqur me lojën, sepse lojtarët u përpoqën deri në minutën e fundit për të marrë tripikëshin. Kundërshtari ishte i rreshtuar me forca të shumta në mbrojtje, por edhe terreni na pengoi shumë për të realizuar golin. Duke qenë se kryesonim kampionatin, kishim nevojë për pikë maksimale edhe në Peqin, sepse e kisha theksuar edhe me parë që çdo hap i gabuar ndihmon rivalët, të cilët na ndiqnin shumë afër. Por në Peqin lamë dy pikë tepër të vlefshme, pra ndodhi ajo prej së cilës kishim frikë," - thekson trajneri i Partizanit. Më pas, trajneri Spahiu arsyeton se në një kampionat të gjatë dhe të vështirë, si ky i sivjetmi, nuk është e thënë që të fitohen të gjitha ndeshjet, aq më tepër ta mbash kreun me çdo kusht. "Gjatë fazës së parë, Partizani ka luajtur në përgjithësi mirë dhe më e rëndësishme është që deri tani nuk ka humbur asnjë ndeshje. Nisur nga ky fakt, besoj se në ditët e ardhshme ka vend për të bërë korrigjime. Në Peqin nuk mundëm dot të merrnim pikë maksimale, kështu që do të analizojmë disa nga të metat tona, që në javët e tjera të mos i përsëritim. Ka përfunduar vetëm faza e parë dhe janë plot tri të tjera deri në fund. Teuta është shkëputur vetëm dy pikë, por shumë pranë janë edhe Dinamoja me Tiranën. Kampionati ka ndeshje të tjera tepër të rëndësishme, kështu që, nëse i analizojmë me kujdes gabimet e fazës së parë, do të jemi më superiorë në pjesën tjetër të kampionatit," - vijon më tej Spahiu, i cili kujton se kreun e ka humbur edhe Tirana, e cila së bashku me Dinamon do të luftojnë deri në fund për të parakaluar dyshen e momentit.
Në fund, trajneri i Partizanit komenton edhe gjestin e Skerdi Bejzades, që vonoi pak minuta ndeshjen në momentin që Spahiu e zëvendësoi me brazilianin Karioka: "Bejzade ishte i acaruar edhe para fillimit të lojës. Por, duke qenë se gjatë ndeshjes Partizani nuk po dilte te goli, jo vetëm Bejzade, por të gjithë lojtarët ishin tepër të ngarkuar nga ana psikologjike. Ishte pikërisht ngarkesa psikologjike e lojtarit në fjalë që ndikoi në veprimin që bërë në pjesën e dytë. Megjithatë, sulmuesi e pranoi gabimin pas ndeshjes dhe kërkoi falje. Pra, nisur nga efektet psikologjike, edhe pse gjithçka ishte në dëm të ekipit, të tilla veprime janë të tolerueshme në futboll," - thekson trajneri i Partizanit. Kështu, kryeqytetasit e kuq, pasi kanë qëndruar vetëm dy javë në krye, kanë kaluar në vend të dytë, po kaq pikë larg kryesueses, Teutës. Gjatë fazës së parë, ekipi i Spahiut, ashtu si edhe sezonin e kaluar, ka treguar se jashtë fushës së vet e ka shumë të vështirë të fitojë. Partizani, në katër ndeshje që ka luajtur nëpër rrethe, ka fituar një dhe barazuar tri herë.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mesfushori i Partizanit mendon se ekipi i tij është në rrugë të mbarë drejt arritjes së objektivave.

Klodian Duro është futbollisti i vetëm i formacionit të parë të Brigelit që luan në kampionatin shqiptar. Mesfushori elbasanas ka firmosur një kontratë me të kuqtë e kryeqytetit pak javë pas fillimit të sezonit, duke u bërë njëkohësisht edhe futbollisti më i paguar në Shqipëri. Partizani, menjëherë pas ardhjes së Duros, ka fituar bindshëm me lojë dhe është ngjitur në krye të kampionatit. Por në dy javët e fundit, kryeqytetasit kanë marrë vetëm një pikë, duke lënë jo vetëm vendin e parë, por rrezikojnë tashmë edhe të dytin. Në një intervistë për "Sportin shqiptar", Duro flet për ecurinë e deritanishme të Partizanit, marrëdhëniet me lojtarët dhe trajnerin, si dhe synimet e tij me të kuqtë:
- Klodi, cili është mendimi juaj për ecurinë e deritanishme të Partizanit?
- Përgjithësisht, e mirë. Mendoj se Partizani është në rrugën e duhur për të arritur synimet që ka në këtë sezon futbollistik. Ekipi ynë ka luajtur mirë përballë kundërshtarëve, edhe pse momentalisht ndodhet në vendin e dytë. Ky kampionat, për fat të mirë, është shumë i gjatë dhe ne mund t'i realizojmë fare mirë synimet tona. Rivaliteti është i hapur për të gjitha skuadrat, prandaj nuk ka më vend për të thënë se ndonjë ekip e ka të sigurt titullin. Në fund do të fitojë më i miri. Ne ishim ata që e ndalëm Tiranën, e shpallur kampione që në javën e parë, duke i dhënë kështu më tepër bukuri kampionatit.
- Loja e Partizanit, në dy javët e fundit, ka pasur rënie, sepse ekipi ka marrë vetëm një pikë. Si e gjykoni këtë?
- Unë mendoj nuk ka ndonjë gjë për t'u shqetësuar shumë, sepse nuk është e thënë që ekipi ynë t'i fitojë të gjitha ndeshjet në kampionat. Në futboll janë të pranueshëm të tri rezultatet e mundshme dhe këtij rregulli i bindet edhe skuadra që ka fituar Ligën e Kampioneve. Në Peqin, Partizani ka luajtur shumë mirë, por në fund nuk ka dalë te goli dhe barazimi ishte i pranueshëm. Ndërsa në Shkodër ka ndikuar më tepër euforia e rezultateve të mëparshme dhe e lojës sonë, ndoshta këto të fryera më shumë se ç'duhej nga shtypi. Pra, nuk duhet të pranojmë vetëm fitoret.
- Vetëm kjo ishte arsyeja?
- Jo, ka edhe të tjera. Për shembull, në Shkodër mungonte një nga lojtarët e formacionit të parë, Beqiri, ndërsa disa lojtarë titullarë kishin ndryshuar rolet në fushë, gjë që solli mospërshtatjen e tyre. Ndërkohë, nga ana tjetër, Vllaznia fitoi ndaj Partizanit për arsye se ka disa futbollistë "të klasit të lartë", që mund të luajnë kudo nëpër Evropë me çfarëdo ekipi qoftë. Në fund, një meritë të madhe në fitoren e Vllaznisë pati edhe gjykimi i ndeshjes.
- Pse, keni vërejtje për gjyqtarët?
- Jo vetëm për gjykimin. Shoh që disa gjyqtarë "perëndimorë", si ata që gjykuan në Shkodër, njohin dhe aplikojnë disa rregulla në futboll që vetëm ata i dinë dhe askush tjetër.
- Të kalojmë tek e ardhmja. Cilat janë marrëdhëniet tuaja me lojtarët dhe trajnerin e Partizanit?
- Deri tani kam marrëdhënie të shkëlqyera me të gjithë pjesëtarët e ekipit. Natyrisht, e vlerësoj punën që është bërë që në fillim të kampionatit, por jam i mendimit se vetëm me punë e vullnet mund të arrijmë suksese.
- Përpara është ndeshja me Lushnjën. Duke qenë se keni hasur pengesa jashtë fushës suaj, a e mendoni të vështirë fitoren?
- Unë kam besim se ekipi ynë, në ndeshjen e radhës, do të japë maksimumin dhe në bazë të lojës do të marrë atë që do të meritojë. Momentalisht, jemi në gjendje të mirë, kështu që edhe mundësitë janë që të bëjmë më të mirën e mundshme. Unë e respektoj Lushnjën si të gjitha ekipet e tjera të kampionatit dhe mendoj se do të luhet një ndeshje e bukur.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: refik_resmja.jpg
Ky file është shkarkuar 28 herë.

Historia e skuadres se futbollit "Partizani" e ka fillimin fill pas Clirimit te vendit. Baze per krijmin e saj ishin te rinjte partizane te divizioneve, te brigatave te ushtrise Nacional Clirimtare. Ne vitet e mevonshme shkolla "Skenderbej" dhe "Shkolla e Bashkuar e Oficerave" si dhe futbolliste te skuadrave te tjera do te ishin furnizuesit kryesor te saj. Ne kampionatin e pare te kategorise se pare te pasluftes, ne viin 1945 do te merrnin pjese dy divizione te ushtrise njera ne qender ne Shkoder "Ylli" dhe tjetra me qender ne Korçe "Liria". Keto dy skuadra ushtarake do te merrnin pjese vetem ne kampionatin e pare, pasi ne vitin 1946 dy skuadrat e mesiperme me futbollistet me te mire krijuan berthamen e ekipit kryesor te skuadres ushtarake e cila mori emrin "ushtria" . Me 13 janar 1946 ekipi zhvilloi takimin e pare miqesor ndaj kampiones se vendit te vitit 1945 "Vllaznia". Ndeshja u zhvillua ne Tirane. Ne nje shi te dendur dhe qe u mbyll me rezultatin 0-0. Skuadra ushtarake dallohej nga inicialet e germave qe ishin vendosur ne gjoksin sejcilit futbollist. Formacioni i pare historik i saj ne kete kete takim ishte: Bonati, Luga, Tepelia, Demneri, Fagu, Rexhepi, L.Hoxha, Teliti, Kavaja, Bakalli, Bylyku. Ndersa ne 7 prill 1946 skuadra e cila kishte luajtur nen emrin "Ushtria" , ne kete takim kunder "17 Nentorit" te Tiranes, per here te pare ne bluzat e tyre ishte shkruajtur "Partizani". Takimin e fitoi ekipi i "Partizanit" me rezultatin 2-0. Shenuesit ishin futbollistet: O. Pengili dhe Q. Teliti . Ja dhe formacioni qe luajti per fanelat e kuqe: Çobani, Tepeli, Dibra, Fagu, Kavaja, Pengili, Hoxha, Sakiqi, Bylyku, Demneri. Ne kampionatin kombetar te kategorise se pare te vitit 1946, skuadra ushtarake "Partizani" nuk ishte pjesmarrese. Por per te mos qendruar pasive, skuadra ndermorri nje turne te gjate ne shume qytete te Shqiperise per konsolidimin e ekipit por dhe per te pare futbolliste cilesore te ketyre qyteteve. Zhvilloi 9 ndeshje miqesore, duke shenuar 26 gola e pesuar 9. Shenuesi me i mire ishte Qamil Teliti me 11 gola. Viti 1947, per here te pare ne historine e saj merr pjese ne kampionatin kombetar te vendit dhe per here te pare shpallet kampion kombetar, titull qe do ta mbronte dhe ne kampionatet e viteve 1948 dhe1949. Partizani fitoi dhe 2 kupa republike ne vitet 1948 dhe 1949. Skuadren e ka drejtuar traineri i shquar, Sllave Llambi qe gjithashtu dhe futbollist i skuadres. Historia e skuadres se futbollit "Partizani" gjate nje periudhe 55 vjecare ka qene vazhdimisht ne rritje, me fitimin e 15 titujve kampion kombetar te 14 kupave te Republikes e te shume takimeve nderkombetare, por per te theksuar eshte fitimi i 2 medaljeve te argjendi ne Laipcig dhe Hanoi ndaj skuadrave me ne ze te Europes Lindore. Skuadra e Partizanit me futbollistet cilesore ka perbere bazen e skuadres kombetare. Ne 55 vjet ne skuadren, kane dhene kontributin e shquar qindra futblliste. Skudra e Patizanit per shume vite jo vetem ka fituar tituj kampion, kupa republike, por ajo i ka paraprire futbollit shqiptar. Jane shume mjeshtra te merituar, dhjetra mjeshtra sporti qe kane fituar kete titull sportiv.


Kampionatet Kombetare
1947
1948
1949
1954
1957
1958
1959
1961
1962-63
1963-64
1970-71
1978-79
1980-81
1986-87
1992-93

Kupat e Shqiperise
1948
1949
1957
1958
1961
1964
1966
1970
1973
1980
1991
1993
1997


Refik Resmja:

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: 1.jpg
Ky file është shkarkuar 26 herë.

Tifozat e Partizanit!!!

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: 2.jpg
Ky file është shkarkuar 22 herë.

Skuadra e Partizanit!!!

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: panajot_pano.jpg
Ky file është shkarkuar 22 herë.

I madhi Panajot Pano!!

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Bashkangjitje: 3.jpg
Ky file është shkarkuar 20 herë.

Festa e te kuqve!!

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 02/08/2003
Vendbanimi: ^^__^^
Mesazhe: 1610

Sulmuesi i skuadrës së Partizanit është kërkuar nga drejtuesit e skuadrës qipriote të Ael të Limasolit, për t’u bashkuar me ta dhe për të respektuar kontratën e nënshkruar në fillimin e këtij edicioni.Kërkesës së bërë sulmuesi i spikatur në dy edicionet e fundit në kampioantin tonë, nuk i ka kthyer ende një përgjigje. Fillimisht do të bisedojë me menaxherion e tij Qirjako Evagou, i cili do të mbërrijë sot në vendin tonë i shoqëruar nga trajneri i ri i të kuqve gjermani Ditlhemth Ferner. Në bisedimet që pritet të zhvillohen Bejzade do t’i kërkojë siguri dhe trasparencë absolute në lidhje me kontratën që ai ka nënshkruar. Një arsye e këtij frenimi janë edhe kushtet shumë të mira, korrestesa dhe objektivat që kanë në skuadrën e Partizanit. Skerdi Bejzade pas largimit nga Vllaznia zhvilloi një periudhe prove në ishullin e Afërditës, tek skuadra e Aelit të Limasolit dukë lënë menjëherë përshtypje shumë të mira, të cilat u konkretizuan me kontratën e nënshkruar. Sipas saj Bejzade do të bashkohej me skuadrën duke filluar nga data 25 Nëntor, pasi në atë periudhë ishte i plotësuar numri i ekstrakomunitarëve dhe në këtë mënyrë pritej largimi i senegalezit të njohur Ndiaje. Orët mëpasme do të sqarojnë edhe të ardhmen e sulmuesit të Partizanit Skerdi Bejzade.

__________________
s...._d._m... says: for nothing that happened this time...!!

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Sulmuesi i të kuqve vlerëson ish-ekipin e tij, por shprehet optimist për fitoren e Partizanit.

Pasi kanë mposhtur brenda tri ditëve dy ekipe pretendente për titull dhe pas formalitetit në kupë, nesër të kuqtë do të zbresin në fushë për të siguruar fitoren e radhës. Partizani, me vetëm dy pikë larg kreut, do të bëjë përpjekje maksimale për të marrë tripikëshin ndaj Elbasanit, pse për të përfituar ndoshta edhe nga gabimet e kryesuesve të kampionatit. Fitoret e fundit i kanë ngritur disi nga ana morale të kuqtë e kryeqytetit, të cilët, nën atmosferën e ngrohtë shpresojnë te fitorja e tretë radhazi. Por Dorian Bylykbashi, ai që e njeh ekipin e Elbasanit më mirë se cilido tjetër në kampin e kuq, thekson se fitorja nuk do të jetë edhe aq e lehtë, sepse kundërshtari ka futbollistë me eksperiencë dhe mund të na shkaktojë probleme. "Pa dyshim, nesër ndeshja duhet fituar nga Partizani, por nuk besoj se do të jetë aq e lehtë sa duket apo flitet. Elbasani luan fort dhe kjo mund të na shkaktojë probleme në lojën tonë. Madje sulmi ynë nuk do ta ketë të lehtë të depërtojë në mbrojtjen e tyre. Osmani dhe Shahini janë futbollistë që luajnë prej shumë sezonesh në kategorinë e parë dhe kjo nuk është pak. Gjithashtu, edhe Stojku është një futbollist i mirë, që mund të shënojë në portën tonë. Pra, e vlerësoj maksimalisht ekipin e Elbasanit, por mendoj se Partizani duhet të impenjohet maksimalisht për të dhënë maksimumin në fushë, sepse vetëm kështu mund të marrim tripikëshin," - shprehet futbollisti, që la Elbasanin në fillim të këtij sezoni për të veshur fanellën e kuqe. Bylykbashi ka shënuar deri tani 4 gola me Partizanin. Por ai shpreson të shënojë sërish ndaj ish ekipit të tij, Elbasanit, madje është opimist se do t'ia arrijë qëllimit. "Partizani synon titullin kampion, ndaj duhet ta fitojmë patjetër ndeshjen e radhës ndaj Elbasanit. E njoh mirë lojën dhe mbrojtjen e tyre, ndaj edhe për këtë arsye shpresoj që të shënoj në portën e Elbasanit. Do të ishte diçka emocionuese për mua që t'ia arrija këtij qëllimi. Kam luajtur dhe kam shënuar shumë herë për ngjyrat e Elbasanit. Nesër, që do të luaj kundër ish-ekipit tim, duke u nisur nga vetë synimet serioze të Partizanit në këtë sezon futbollistik, nuk do të ishte keq të shënoja të paktën një gol. Siç e theksova, Partizani kërkon titullin dhe për këtë duhet të fitojë ndeshjen," - thotë Bylykbashi, që do të vihet për herë të dytë në këtë sezon përballë ekipit të tij të vendlindjes. Bylykbashi ka luajtur edhe në takimin e fazës së parë në Elbasan, që është mbyllur me rezultatin e barabartë 0-0. Por nesër të kuqtë do të luajnë me dy mungesa të formacionit të parë, Muzaka dhe Ndreka, të cilët janë larguar për në Poloni.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Ish-trajneri i Tiranës del mbi paragjykimet. Sot, në orën 13.00, bën prezantimin te Partizani.

Pas shumë "baticash dhe zbaticash", të përfolura gjatë edhe në shtyp, Sulejman Mema i ka thënë "po" Partizanit. Madje, që mbrëmë në darkë, pasi është takuar edhe me drejtorin e klubit të kuq, Gjergji Thaka, ish-trajneri dhe futbollisti i Tiranës konsiderohet zyrtarisht trajner i skuadrës së kuqe. Në fakt, mësohet se gjithçka, bashkë me detajet e marrëveshjes, është saktësuar nga një bisedë përfundimtare (e fundit në radhë) mes Memës dhe presidentit Xhani, i cili dje nuk ka qenë në Shqipëri. Sipas drejtorit të klubit "Partizani", Gjergji Thaka, përfundimisht Mema do të jetë trajneri i të kuqve. Kësisoj, duke nisur që sot, trajneri në fjalë do të marrë në dorë frenat e skuadrës së vendit të dytë në renditje. Paraprakisht, sot, në orën 13.00, Mema do të bëjë prezantimin me futbollistët dhe stafin e tij në skuadrën e re, të cilën do ta drejtojë për herë të parë. Nuk merren vesh detaje të tjera rreth kësaj lëvizjeje të ish-shefit të sektorit të garave në FSHF, qoftë për ndihmësit e tij, apo edhe për shumën financiare që do të përfitojë gjatë kohës që do të qëndrojë në krye të Partizanit. Gjithsesi, duket se kjo lëvizje e tij ishte e pritur, sepse bashkëpunëtorët e tij te Tirana, trajneri i portierëve Astrit Nallbani dhe masazhatori Ylli Skorovoda kanë gati 2 javë që janë transferuar te Partizani. Me sa kuptohet, është dashur përfundimi i derbit tradicional mes Tiranës dhe Partizanit, që Mema të pranojë të veshë uniformën e kuqe. Kjo, pasi të qenit "puro" bardheblu që në gen, shto këtu edhe mentalitetin e tifozerisë së Tiranës, që nuk e konceptojnë dot një "ish" të tyrin në drejtimin e rivalit të përjetshëm, Partizanit, ka qenë një pengesë mjaft serioze për arritjen e marrëveshjes. Mirëpo duket se vetë Mema ka dalë mbi paragjykimet "e zverdhura" nga koha dhe, si profesionist që është, ka pranuar ftesën e Xhanit. Natyrisht, jo për sfidë të ish-skuadrës që ka drejtuar, Tiranës, që rivalizon me të kuqtë për titullin, por për profesionin. Fundja, sesa ta shikonim Memën të jepte mësim në një shkollë 8-vjeçare të kryeqytetit, është ku e ku më mirë të veshë uniformën e trajnerit në fushat e stërvitjes. Futbolli shqiptar ka shumë nevojë për një trajner dhe specialist si Mema. Këtë duhet ta kuptojnë të gjithë, qoftë sportdashës të Tiranës, apo të Partizanit. Ecja përpara e futbollit shqiptar qëndron mbi të gjitha. Mema i ka mundësitë ta vërë një tullë të tillë, si te Partizani, ashtu edhe në vend tjetër. Këtë e ka treguar edhe tek ekipi Shpresa, edhe në FSHF, kur mbante detyrën e shefit të sektorit të garave.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar