Regjistruar: 05/02/2003
Vendbanimi: Rio
Mesazhe: 2547

Mbrojtës i Partizanit, pas dështimit në derbi, thekson se ekipi duhet të marrë 9-pikëshin e radhës.

Të kuqtë kanë humbur derbin, duke u shkëputur pesë pikë nga Tirana, që ruan vendin e parë. Mbrojtësi i Partizanit, Ardi Behari, thekson se kjo humbje ishte e para, për sa u përket takimeve direkte me rivalet për titull, ndërkohë që deri në fund kampionati ka edhe shumë javë të tjera, kështu që, sipas tij, nuk është ndonjë hata. "Ashtu siç fituam derbin gjatë fazës së parë, e humbëm këtë të shtunë përballë rivalëve për titull. Por në këtë mes duhet veçuar loja, që në rastin e fundit ka qenë e barabartë, ndryshe nga ballafaqimi i parë. Unë mendoj se ekipi ynë e humbi ndeshjen për shkak se u përpoq të bëjë spektakël në fushë, duke harruar rezultatin. Megjithatë, kjo humbje do të na shërbejë si një "shuplakë" e fortë për ndeshjet e radhës. Kemi përpara edhe shumë takime të tjera të rëndësishme, duke përfshirë edhe ekipet që janë në luftë direkte për titull. Jemi vetëm 5 pikë larg Tiranës, por në lojë nuk kemi ndonjë diferencë," - thotë mbrojtësi vlonjat i kryeqytetasve, Ardi Behari.
Ndërkohë, të kuqtë do ta kenë më të lehtë kalendarin e ndeshjeve të radhës dhe, për këtë arsye, shpresojnë që t'i afrohen më shumë Tiranës kryesuese. Bardheblutë do të shkojnë në Durrës e më pas do të jenë përballë Dianamos, ndërsa në fund të fazës së dytë do të luajnë në Elbasan. Kurse Partizani i ka lënë pas ndeshjet e "ferrit", ndaj që këtë javë tifozët do të kërkojnë pikët maksimale. Të kuqtë do të presin Flamurtarin dhe Shkumbinin në kryeqytet dhe në trasfertë do të luajnë me Besën e Kavajës. Behari mendon se Partizani duhet të marrë maksimumin deri në fund të fazës së parë për ta harruar përfundimisht humbjen e fundit me Tiranën. "Besoj se do ta mbyllim me 9 pikë më shumë fazën e dytë të kampionatit. Shpresojmë që të paktën në mesin e kampionatit të jemi më afër kreut të renditjes. Do të përpiqemi të korrigjojmë shumë gjëra nga ndeshja e fundit," - vijon më tej ai. Ndërsa për sfidën e së premtes, përballë Flamurtarit, ekipit të vendlindjes së tij, me të cilën ka luajtur shumë sezone, Ardi Behari mendon se nuk është aq e lehtë sa duket. "Flamurtari, pas rezultateve të dobëta në javët e fundit, do të vijë në kryeqytet për të marrë ndonjë rezultat pozitiv. Aq më tepër që ka edhe një ekip të ri, që ka ndryshuar kohët e fundit. Gjithsesi, ne kemi synimet tona dhe, siç e theksova më lart, duhet të marrim pikët maksimale në të tri ballafaqimet e fundit," - thotë në fund Ardi Behari. Dje pasdite, ekipi i Partizanit, nën drejtimin e dyshes Tomorri-Shulku, ka dalë dhe ka bërë seancën e parë stërvitore për këtë javë. Ndërkohë, dëmtimi i Klodian Duros duket se u ka hapur punë të kuqve, që do t'i luajnë tri ndeshjet e radhës pa futbollistin e kombëtares sonë.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Trajneri i ri i Partizanit kërkon sot ndaj vlonjatëve suksesin e parë në stolin e kuq.

I ulur vetëm pak ditë më parë në stolin e kuq, sot trajneri Mema do të drejtojë Partizanin në ndeshjen e parë zyrtare kundër Flamurtarit. Derbi, përveç humbjes, u ka shkaktuar të kuqve edhe dëme të tjera si për sa u përket të dëmtuarve, ashtu edhe futbollistëve që janë të skualifikuar. Kësisoj, në sfidën e parë në stolin e Partizanit, Mema do t'i drejtojë të kuqtë pa shërbimin e disa futbollistëve kryesorë, ku mund të veçohet Klodian Duro, që do të mungojë edhe në dy sfidat e tjera. Por duket se gjendja e Flamurtarit dhe rezultatet e dobëta në javët e fundit do t'i vijnë në ndihmë trajnerit për të arritur suksesin e parë në stolin e kuq. Sidoqoftë, në një intervistë për "Sportin shqiptar", trajneri që la "makinën" bardheblu për të drejtuar rivalët e kuq, flet për përshtypjet e para, madje është optimist për të arritur synimet që i ka vënë vetes në krye te Partizanit:
- Keni vetëm pak ditë erdhët në krye të Partizanit dhe besojmë se i keni krijuar përshtypjet e para, apo jo?
- Po, patjetër. Përshtypjet janë normale dhe puna në ditët e para ka ecur mirë. E kam theksuar që në fillim se nuk ka qenë aq e lehtë të merrja drejtimin e Partizanit, por tani shoh që gjërat po ecin sipas parashikimeve. Shumicën e lojtarëve dhe të drejtuesve të klubit i njoh, ndaj mendoj se shumë shpejt do të përshtatem më mirë në krye të skuadrës që po drejtoj momentalisht.
- Sot do ta drejtoni ekipin kundër Flamurtarit. Si e mendoni këtë sfidë?
- Besoj se duhet ta sigurojmë tripikëshin në këtë ndeshje, çka do të jetë synimi ynë ndaj Flamurtarit.
- Vetëm fitoren, apo do të kërkoni më shumë nga skuadra?
- Mbi të gjitha, i rëndësishëm është tripikëshi. Për këtë jemi angazhuar, që nesër lojtarët të jenë të impenjuar maksimalisht për të fituar, pasi nuk ka kundërshtarë të lehtë.
- U druheni ndopak problemeve të skuadrës pas derbit?
- Po, pasi kemi shumë probleme, për sa u përket lojtarëve të dëmtuar dhe të skualifikuar. Sidoqoftë, kjo nuk duhet të na pengojë sot për të marrë maksimumin.
- Në krahasim me ndeshjet e fundit të Partizanit, a mendoni se është e nevojshme të bëhen ndryshime në lojë?
- Besoj se po. Do të bëhen disa ndryshime, duke filluar që sot, ndaj Flamurtarit, dhe pastaj gradualisht, në varësi të kundërshtarëve. Në të ardhmen, më shumë e përforcuar nga repartet e lojës do të jetë mesfusha.
- Keni drejtuar Tiranën në fazën e parë dhe tani po drejtoni Partizanin. Ku ka më shumë probleme disipline?
- Disiplina, siç dihet, është një e metë e futbollit tonë, ndaj kërkohet shumë punë për ta luftuar. Edhe te Partizani ka probleme, me të cilat mund të ndeshemi gjatë ecurisë së kampionatit, por, gjithsesi, do të përpiqemi që me kalimin e kohës t'i minimizojmë sa më shumë që të jetë e mundur.
- Për më tej, i keni kërkuar presidentit ndonjë lojtar tjetër?
- Tani për tani, ekipi ka nevojë për lojtarët që momentalisht nuk janë të disponueshëm. Megjithatë, presidenti më ka premtuar që në fund të fazës së dytë mund të bëhen përforcime të tjera.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Pas largimit të Klodian Duros, trajneri i të kuqve nuk ka vendosur ende për organizatorin.
Dalipi-Bylykbashi, enigma e Memës

Ekipi i Partizanit ka disa ditë që i është shkëputur kompleksit sportiv pranë klubit, për shkak të fazës përgatitore që po e bën në Antalia të Turqisë. Pas rikthimit të Bejzades dhe blerjes së mesfushorit të krahut të djathtë, Julian Ahmataj, duket se formacioni i Partizanit është "blinduar" përsëri dhe, për këtë arsye, kryeqytetasit e kuq mbeten sërish pretendentë seriozë për titullin kampion. Kjo edhe për arsyen tjetër se Partizanit i janë shtuar edhe emrat e dy lojtarëve të rinj, Dalipit dhe Alcanit, që i janë bashkuar prej disa ditësh ekipit, që ndodhet momentalisht në vendin e dytë, një pikë larg kreut të renditjes. Nga ana tjetër, me gjithë këmbënguljen e trajnerit Mema, i cili po punon këto ditë për të vënë përfundimisht, siç thotë ai, të gjitha pikat mbi "i", deri tani duhet theksuar se mbetet enigmë roli i organizatorit. Ish-trajneri i bardhebluve e mori drejtimin e Partizanit në një moment kur të kuqtë humbën ndeshjen kryesore te kampionatit, në derbin me Tiranën, por njëkohësisht edhe lojtarin kryesor të formacionit bazë, Klodian Duron. Ky i fundit ishte në rolin e organizatorit dhe, për shkak të dëmtimit që pësoi në kofshën e djathtë, nuk luajti në tri ndeshjet e fundit, që u drejtuan nga trajneri i ri. Kësisoj, në rolin e Duros, trajneri Mema preferoi elbasanasin Bylykbashi, i cili la sulmin për të luajtur më i tërhequr, dhe në fund mori edhe komplimentet e duhura nga njëshi i stolit të kuq për zbatimin e detyrave taktike në fushë. Duhet theksuar se vendosja e Bylykbashit ishte e përkohshme nga trajneri i Partizanit, pasi pritej rikthimi i Duros në fushë. Por, siç është mësuar tashmë, pas përfundimit të fazës së dytë të kampionatit, mesfushori i kombëtares sonë i dha fund aventurës së kuqe, duke firmosur në Turqi me Rizesporin. Para se ai të largohej nga Shqipëria, një tjetër elbasanas u është bashkuar kryeqytetasve të kuq. Bëhet fjalë për Klevis Dalipin, që luan në mesfushë dhe mund të jetë zëvendësuesi tjetër i mundshëm i Klodian Duros. Kështu, pas ardhjes edhe të Dalipit, momentalisht trajneri Mema është në dilemë për rolet e dy futbollistëve elbasanas, pasi nuk ka vendosur ende se cili do të jetë midis tyre organizatori i ardhshëm i Partizanit. Nga Turqia, Mema thekson se është një problem që do të zgjidhet pasi ekipi të testohet në ndeshjet miqësore. Gjithsesi, braziliani Abilio e ka të sigurt vendin në sulm dhe tani pret futbollistin tjetër në krah, që mund të jetë Bejzade, ose Bylykbashi, nëse organizator do të jetë Dalipi. Ky i fundit luan vetëm në mesfushë, kështu që në vend të Duros zëvendësuesi më i mundshëm të jetë Klevis Dalipi.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Pas dy golave të shënuar ndaj Lushnjës, braziliani ka kaluar në krye të renditjes së "snajperave"

Braziliani Abilio ka shënuar një dopietë në fitoren e fundit ndaj Lushnjës, duke u ngjitur në krye të golashënuesve të kampionatit. Partizani, pas humbjes dhe lojës së dobët me Vllazninë, ka lënë pas çdo gjë në fitoren e fundit. Të kuqtë jo vetëm që e kanë mposhtur me meritë Lushnjën, por kanë shënuar 5 gola në portën e saj. Golat janë tepër të rëndësishëm për brazilianin Abilio, por, sipas tij, në futboll vlen më shumë fitorja dhe ajo vjen vetëm nëse ekipi luan mirë në të gjitha repartet. "Jam tepër i kënaqur me golat e shënuar, sepse për një sulmues goli është gjithçka. Por kur ekipi fiton bindshëm dhe unë shënoj, atëherë gëzimi është i dyfishtë," - thotë ndër të tjera braziliani i të kuqve, i cili po kalon momente të mira në kampionatin tonë, pas problemeve të shumta një sezon më parë. Në një intervistë për "Sportin shqiptar", sulmuesi brazilian thekson:
- Keni shënuar një dygolësh tjetër ndaj Lushnjës dhe jeni në krye të golashënuesve. Sa i rëndësishëm është ky tregues për ju?
- Jam shumë entuziast, sepse po kaloj momente të mira në kampionat me Partizanin. Besoj se në këtë sezon kam gjetur veten, pasi ekipi po fiton dhe unë ndodhem në krye të golashënuesve. E kam shprehur që në fillim të kampionatit dëshirën se dua të dal i pari në listën e golashënuesve, por gjithashtu kam thënë se objektivi i parë është që të fitoj titullin me Partizanin. Kështu, golat janë pjesë e Partizanit, pasi për të shënuar në portën kundërshtare kanë ndikuar të gjithë lojtarët. Unë kam dërguar topin në rrjetë, duke bërë kështu detyrën që kam në fushë. Mjafton të përmendësh suksesin e mbrojtjes, e cila ka pësuar shumë pak gola.
- Në dy fazat e para të kampionatit keni luajtur në krah të majtë të mesfushës, por as kjo nuk ju ka penguar të shënoni...
- Unë kam pasur dëshirë të shënoj dhe për këtë e harroja shpesh rolin e krahut në mesfushë. Ka qenë pak e rrezikshme, pasi mund të dështoja nëse nuk do të arrija të shënoja. Gjithsesi, në këto momente jam i kënaqur për atë që kam arritur. Trajneri Mema, kur mori drejtimin e Partizanit, më caktoi në sulm dhe tani ndihem më rehat, sepse jam më afër portës dhe golit.
- Partizani, pas humbjes me Vllazninë, fiton bindshëm ndaj Lushnjës. Me këto luhatje a mund ta rrezikoni titullin?
- Nuk besoj se po ecim me luhatje. Partizani, në takimet e fundit, ka fituar tri ndeshje dhe më pas ka humbur derbin me Tiranën. Para se të humbisnim me Vllazninë, ne fituam edhe tri ndeshje të tjera. Fitorja e thellë ndaj Lushnjës tregoi se Partizani është një skuadër që nuk e pretendon pa të drejtë titullin kampion.
- Para ndodhet Tirana, e cila është njëkohësisht pretendente për titull. Cilat mendoni se do të jenë rivalet e tjera për titull?
- Mendoj se me Tiranën do të kemi punë deri në javën e fundit, sepse ky kampionat ka më shumë rivalitet dhe është gjithashtu më i fortë se dy sezonet e kaluara. Por edhe Dinamoja ka një skuadër simpatike, që do të luftojë për titull. Ndërsa Vllaznia, me lojën që tregoi në javën e parë, besoj se do të ngjitet më shumë në të ardhmen, por, ashtu si dhe Teuta, nuk besoj se do të jetë deri në fund në luftë për titullin kampion.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Trajneri i Partizanit, pas ndërprerjes së kampionatit, ka planifikuar disa takime me rivalet për titull.

Për shkak të turneut të Norçias, trajneri i të kuqve, Sulejman Mema, e ka ndryshuar disi mënyrën e stërvitjes së Partizanit, ndërkohë që ka planifkikuar disa miqësore, ku bën pjesë edhe ish-ekipi i tij, Tirana. Dje pasdite, ekipi kryeqytetas ka zhvilluar një seancë disi më ndryshe se ditët e tjera, pa ndonjë ngarkesë të madhe fizike. Duke qenë se ndeshja e javës së tretë do të jetë më 22 shkurt, trajneri Mema, për sa i përket kohës në dispozicion, thekson se pozitiv është fakti për të përmirësuar diçka, por nga ana tjetër ekipit do t'i mungojnë për shumë kohë pesë futbollistë: "Ekipi do të vijojë rregullisht stërvitjen për takimin e radhës kundër Teutës, që për ne konsiderohet tepër i rëndësishëm. Në fakt, do të ishte mirë që t'i kisha të gjithë lojtarët në dispozicion, sepse për dy javët e mbetura nuk do të jenë në stërvitje pesë futbollistët e formacionit bazë. Gjithsesi, stërvitja do të vijojë sipas planeve më lojtarët e mbetur, që të jemi sa më të përgatitur për pjesën e mbetur të kampionatit," - thotë trajneri i të kuqve. Gjatë këtyre tri javëve, trajneri i Partizanit, përveç stërvitjes së zakonshme, ka planifikuar të zhvillojë edhe disa ndeshje kontrolli për të parë herë pas here gjendjen e lojtarëve. "Me përjashtim të Teutës, me të cilën do të luajmë në takimin e radhës, kam dëshirë të zhvilloj miqësore me të gjitha ekipet e tjera të kampionatit. Madje do të ishte mirë që gjatë kësaj kohe të zhvillonim miqësore me ekipet e forta, si me Tiranën, një rivale për titullin kampion. Por më parë duhet të bisedoj me drejtuesit e klubit, që të negociojnë më pas me klubet respektive," - thekson trajneri Mema.
Pas largimit të Bylykbashit, Ndrekës dhe Muzakës, sot Partizanit pritet t'i largohen edhe dy futbollistë të tjerë. Ardit Beqiri dhe Robert Grizha i kanë bërë gati valixhet për t'iu bashkuar pjesës tjetër të lojtarëve mnë turneun e Norçias. Ndërkohë, trajneri Mema, që duket i shqetësuar për pesë futbollistët e larguar, nuk i fsheh nga ana tjetër rezervat për turneun e Italisë. Sipas tij, ky turne nuk ka ndonjë rëndësi të madhe, ndaj do të ishte mirë që të mos planifikohej fare për t'u zhvilluar.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Mbrojtësi i të kuqve vlerëson ecurinë e deritanishme dhe është optimist për të ardhmen.

Partizani ndodhet momentalisht në vendin e dytë, por synimi i të kuqve është vetëm titulli kampion. Ardi Behari, mbrojtësi kryesor i formacionit të Partizanit, shprehet se kampionati ka edhe shumë javë të tjera deri në fund, ndaj është mirë që skuadra ta harrojë qoftë edhe fitoren e fundit përballë Lushnjës, sepse vetëm kështu mund të merret maksimumi në të ardhmen. "Unë mendoj se ecuria ka qenë përgjithësisht e mirë, pa dashur të them se në skuadër ka shkuar çdo gjë perfekt. Natyrisht që ka vend për përmirësime, por besoj se me punën që është bërë më parë dhe që po bëhet momentalisht, ekipi do të ecë edhe më mirë në fazat e mbetura të kampionatit. Gjithsesi, me pozicionin që kemi në tabelë nuk kemi pse të qahemi, sepse jemi thuajse në krye të tabelës së klasifikimit. Nga kreu na ndan vetëm një ndeshje, kështu që ekipi duhet të ketë qëndrueshmëri në lojë dhe rezultate. Gara e këtij sezoni është e fortë, madje ne i vlerësojmë shumë kundërshtarët, pa përjashtuar as ekipet që nuk luajnë për titull. Besojmë gjithashtu se në fund do të fitojë më i miri," - shprehet mbrojtësi vlonjat i Partizanit.
Ardi Behari është bashkuar me të kuqtë para disa sezonesh dhe momentalisht është shndërruar në lider të mbrojtjes. Në dy fazat e para të kampionatit, Behari i ka luajtur të gjithë ndeshjet, me përjashtim të takimit me Flamurtarin, ku ishte i skualifikuar për arsye kartonësh. Për sa i përket mbrojtjes së Partizanit, që është njëkohësisht edhe mbrojtja më e fortë e kampionatit tonë, mbrojtësi që mban mbi shpinë jo pak përgjegjësi në mbulimin e sulmuesve më të rrezikshëm, shprehet: "Detyra janë është që ta ruajmë portën të paprekur. Nëse në shumicën e rasteve ia kemi dalë mbanë, besoj se kemi bërë vetëm detyrën. Duke qenë se kam luajtur në të gjitha ndeshjet e deritanishme, jam optimist se mbrojtja do të ketë ecurinë e deritanishme, sikurse të gjithë jemi opimistë se do të arrijmë të fitojmë titullin," - vijon më pas mbrojtësi i Partizanit, që mban numrin 2 në shpinë.
Pas tri kampionateve në kategorinë e parë me të kuqtë e kryeqytetit, Behari këtë të sivjetmin e shikon më të mundshmin për të arritur suksesin më të madh në futbollin tonë. Sipas tij, Partizani jo vetëm po luan mirë, por është përkrahur fuqishëm edhe nga tifozët, që presin me padurim titullin e parë pas shumë sezonesh. "Nisur nga ajo që ekipi ka dhënë deri tani, them se në fund do t'ia dalim mbanë. Në vijim nuk duhet të nënvlerësojmë asnjë kundërshtar të kampionatit, qofshin edhe ndeshjet që kemi brenda në Tiranë. Kemi fituar përvojë nga kampionatet e kaluara, kështu që nuk na mbetet gjë tjetër veçse të shpalosim vlerat tona të vërteta për të marrë maksimumin në fushë," - thotë në fund të fjalës së tij Behari, i cili luan në kampionatit tonë prej më shumë se një dekade.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Braziliani ka shënuar golin e parë për të kuqtë, por vendësit kanë barazuar pas një goli të realizuar me dorë.

Braziliani Abilio nuk i është gëzuar këtë herë golit të vetëm që shënoi në Elbasan, sepse kryeqytetasit e kuq dolën nga "Ruzhdi Bizhuta" me një pikë të vetme, duke u larguar kështu më shumë nga kryesuesja, Tirana. Sipas brazilianit, Partizani e kishte parashikuar të vështirë edhe më parë ndeshjen, por kjo u bë më shumë e vështirë kur u pa se fusha ishte skandaloze, por asnjërit nuk i kishte shkuar në mendje se fitorja do t'u mohohej nga gjyqtari i ndeshjes. "Ne ishim përgatitur për të marrë tripikëshin, sepse ishim të shkëputur nga Tirana dhe kërkonim që para derbit të mos e thellonim diferencën e pikëve. Për këtë e kërkuam fitoren që nga minuta e parë e ndeshjes. Në fushën e Elbasanit vetëm futboll normal nuk mund të pretendoje, sepse topi devijohej vazhdimisht nga gropat dhe balta. Aksionet në shumë raste nuk përfundonin dhe kjo e vështirësoi më shumë punën tonë për të marrë maksimumin. Por në fund të pjesës së parë ekipi ynë, falë presionit të vazhdueshëm dhe këmbënguljes për të fituar, arriti të shënojë golin e parë. Edhe pse mes baltës, ne shënuam dhe krijuam shumë raste. Në pjesën e dytë ishim në epërsi dhe mund të luanim për të mbrojtur me çdo kusht fitoren, por u përpoqëm të luanim futboll deri në fund dhe ta fitonim bindshëm ndeshjen. Elbasani, në pjesën e dytë, e barazoi ndeshjen pasi kundërshtari e preku topin me dorë. Ajo që na habiti më shumë ishte fakti se gjyqtari nuk e anuloi golin, edhe pse prekjen e topit me dorë e pashë edhe unë që isha shumë metra larg zonës. S'dimë ç'të themi më tepër, sepse në një terren të tillë, kur gjyqtari është i njëanshëm, zor se mund të fitohet, qofshin edhe ekipe më të mëdha të Evropës," - thotë më tej braziliani i Partizanit, Abilio.Pas këtij barazimi, ekipi i Partizanit mban vendin e dytë, por tani është shkëputur 7 pikë nga Tirana. Këtë javë do të vihen përballë njëri-tjetrit dy ekipet më të mira të momentit, Partizani dhe Tirana, në derbin e kryeqytetit. Për sulmuesin brazilian, derbi me Tiranën do të mbetet gjithmonë i rëndësishëm, aq më tepër që këtë sezon dy ekipet janë në krye të tabelës së klasifikimit. "Partizani ka marrë vetëm një pikë në Elbasan, duke iu shkëputur më shumë kreut të klasifikimit. Gjërat mund të normalizohen vetëm nëse ekipi ynë fiton derbin me Tiranën. Në fazën e parë ka qenë pak a shumë e njëjta situatë, vetëm se ishim më pranë kreut. E fituam derbin dhe më pas arritëm të dalim në krye të kampionatit. Do të përpiqemi të fitojmë edhe këtë herë me çdo kusht përballë Tiranës," - vijon më pas "snajperi" i kuq. Me golin e shënuar në Elbasan, Abilio është ngjitur në kuotën e 15 golave, duke qendruar në krye të golashënuesve, ndryshe nga ekipi i tij. Abilio vazhdon të ruajë idenë se golat e tij kanë vlerë vetëm kur Partizani e fiton ndeshjen. Këtu ai gjen rast për të ironizuar edhe me gjyqtarin e Elbasanit. "Unë shënova një gol me vlera tripikëshe në Elbasan, por për gjyqtarin goli im vlente vetëm një pikë, sepse e quajti njësoj të rregullt edhe golin e realizuar me dorë nga vendësit. Tani që ekipi ndodhet disa pikë larg Tiranës, nuk më bën shumë përshtypje numri i golave të shënuar, por vendi i parë në klasifikim. Shpresoj që në derbi dhe në takimet e tjera të kampionatit të shënoj vetëm gola, që mos t'u bjerë vlera nga gjykimi," - thekson në fund futbollisti i huaj, që ka shënuar më shumë gola në të gjithë historinë e futbollist shqiptar.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 06/09/2003
Vendbanimi: Tr
Mesazhe: 2110

Trajneri i të kuqve flet pas barazimit të fundit ndaj ekipit të Lushnjës në Berat

Barazimi me Lushnjën i ka larguar të kuqtë edhe disa pikë të tjera nga kreu, por në fund të ndeshjes trajneri ka mbetur i kënaqur me angazhimin e të tijve ndaj kundërshtarit të radhës. Sipas trajnerit Mema, loja e Partizanit, edhe pse me dy mungesa kryesore, në Berat ka pasur ngritje, por ka munguar rezultati, i ndikuar edhe nga terreni i vështirë i fushës. "Mendoj se pozitive mbi të gjitha ishte loja e mirë, pavarësisht se nuk morëm tri pikë në fund të ndeshjes. I kemi lënë pas problemet që kaluam gjatë javës së fundit dhe kjo u pa qartë në fushë, kur futbollistët u angazhuan deri në fund për ta fituar takimin. Tani na ka mbetur që të vazhdojmë me përkushtim rrugën në kampionat, si dhe të përqendrohemi maksimalisht për Kupën e Shqipërisë, trofeu i vetëm që na ka mbetur për këtë sezon," - thekson trajneri Mema.
Pra, pas problemeve dhe rezultateve të fundit, të kuqtë nuk e kanë gjetur ende veten dhe brenda pak javëve jo vetëm janë tërhequr nga lufta për titull, por po rrezikojnë të humbasin edhe vendin e dytë të tabelës. Trajneri mendon se ndeshjet e mbetura të kampionatit janë shumë të vështira, por Partizani i ka mundësitë që të ngjitet më lart, sepse do t'i kthehet fushës së kryeqytetit. "Duke filluar me Teutën, do t'i kemi thuajse të gjitha ndeshjet në kryeqytet. Kështu që do të përpiqemi të shfrytëzojmë fushën, sepse terreni ka qenë një faktor negativ për Partizanin në takimet jashtë Tiranës," - thotë Mema. Por njëshi i stolit të kuq mendon se, përveç angazhimit në ndeshjet e kampionatit, Partizani duhet të mendojë seriozisht për takimin e kthimit, sepse nuk e ka siguruar akoma finalen e majit. "Për ne ka mbetur vetëm objektivi i kupës, kështu që duhet të mendojmë vazhdimisht për këtë trofe. Kemi marrë një rezultat favorizues në Shkodër, por fitores së pastër duhet t'ia bëjmë hyzmetin edhe në Tiranë. Gjërat mund të përmbysen nëse nuk tregohemi të kujdesshëm në fushën tonë," - thotë më tej njëshi i stolit të kuq.
Por problemet e brendshme janë shqetësimi kryesor për të gjithë tifozët e Partizanit. Për këtë arsye, trajneri u kërkon futbollistëve që të japin maksimumin në fushë. "E kam theksuar se edhe unë ndoshta kam pjesën time të fajit, sepse mund të mos jem treguar gjithmonë i kujdesshëm në komunikim me futbollistët. Por kam qenë i përkushtuar me seriozitetin më të madh dhe deri tani më kanë mbështetur të gjithë tifozët dhe drejtuesit e klubit. Ky është shkaku kryesor që kam vendosur të qëndroj deri në fund të sezonit. Për sa u përket futbollistëve, them se Partizani ka kohë që nuk fiton trofe, ndaj duhet të jemi shumë më të angazhuar për ta arritur një gjë të tillë. Këtë e kam përsëritur disa herë në analizat që kemi bërë me lojtarët. Futbollistët që s'kanë fituar asgjë në karrierën e tyre, para se të pretendojnë për gjëra të tjera, duhet të fitojnë më parë një trofe," - ka thënë në fund trajneri Mema, i cili vazhdon të drejtojë që prej fazës së dytë të kuqtë e kryeqytetit.

__________________
Leku shkon e vjen, shoqerine nuk ke ku e gjen.

Denonco këtë mesazh tek moderatorët | IP: e regjistruar

Regjistruar: 05/02/2003
Vendbanimi: Rio
Mesazhe: 2547

Sulmuesi brazilian kërkon të marrë kartonin dhe të ikë në fund të sezonit nga kampi i kuq.


Tifozët e Partizanit për momentin janë të interesuar vetëm për kupën, por pas finales së majit të gjithë i shqetëson fakti nëse do të qëndrojnë të gjithë lojtarët apo jo. Braziliani Abilio lëshon i pari sinjalin për t'u larguar në fund të sezonit nga kampi i kuq. Kështu, mosmarrëveshjet e shumta me drejtuesit e klubit "Partizani" e kanë detyruar sulmuesin brazilian që të marrë vendimin përfundimtar për të ikur nga ekipi kryeqytetas, me të cilin ka luajtur disa sezone radhazi. "Do të largohem nga Partizani sapo të mbarojë sezoni. Për këtë problem kam biseduar me drejtuesit e klubit, të cilët më kanë thënë që në përfundim të sezonit mund të largohem," - thotë Abilio në lidhje me të ardhmen e tij. Sulmuesi brazilian, pak kohë më parë, bëri gati valixhet për të ikur për në Brazil, por është kthyer në momentet e fundit nga klubi. Pas një periudhe qetësie, ai ka vendosur edhe një herë, me sa duket në mënyrë përfundimtare, që të largohet nga ekipi i Partizanit. Por për të realizuar shkëputjen me të kuqtë, ai pret fundin e sezonit, sepse dëshiron të marrë kartonin. "Para pak javësh nuk shkova në Brazil, sepse ndërrova mendje vetëm për kartonin. Tani më kanë premtuar që pas finales së Kupës së Shqipërisë do t'i marr të tëra dokumentat që më duhen," - shprehet goleadori i të kuqve. Abilio thotë se dëshiron të marrë kartonin, sepse ka dëshirë që të luajë me ndonjë ekip tjetër në Shqipëri, ose edhe jashtë, në Evropë. "Me përjashtim të Brazilit, nuk mund të luaj në asnjë vend të Evropës pa kartonin. Ndaj fillimisht kërkoj letrat dhe më pas do të vendos për të ardhmen," - shpjegon ndër të tjera, por disi i mërzitur, braziliani Abilio. Ndërsa futbollisti tjetër i huaj në kampin e kuq, Brashini, nuk ka dalë në stërvitje gjatë ditëve të fundit, duke arsyetuar se mungon për arsye shëndetësore. Mbrojtësi brazilian është futbollisti i dytë i huaj te Partizani. Patrioti i tij, Abilio, thotë se Brashini nuk ka vendosur ende për të ardhmen e tij. "Brashini nuk më ka thënë asgjë. Di që në fund të sezonit do të mendohet për të qëndruar ose jo te Partizani," - e përfundon fjalën e tij futbollisti që ka shënuar më shumë gola te Partizani, Abilio. Abilio dhe Brashini janë dy lojtarët e vetëm të huaj që kanë mbijetuar nga vala e gjatë e futbollistëve të ardhur dhe të larguar gjatë sezoneve të fundit në kampin e kuq. Duket se dalëngadalë Partizani, ekipi që deri tani ka pasur më shumë të huaj në gjirin e vet, ka projektuar një ekip me futbollistë vendës.

__________________
Lo scopo della nostra vita è di servire la Forza che ci ha creati,e dalla cui misericordia o approvazione dipende il nostro stesso respiro,servendo con lealtÃ_ le Sue creature.Questo significa amore,che dovrebbe sostituire l'odio che si vede ovunque.

Denonco këtë mesazh tek moderatorët | IP: e regjistruar

Regjistruar: 01/07/2008
Vendbanimi: Tirona
Mesazhe: 119

Bashkangjitje: morri kuq.jpg
Ky file është shkarkuar 9 herë.

Hahahhahahh Foto Ne Derbin TIRONA PARTIZONI

__________________
Fc DiNaMo

Denonco këtë mesazh tek moderatorët | IP: e regjistruar