mobidik
Anetar i regjistruar
Regjistruar: 31/12/2005
Vendbanimi: in this word
Mesazhe: 44
|
Përgjatë gjithë historisë njerëzore indiferenca ka dëmtuar në mënyrë fatale të gjithë njerëzit a popujt, të cilët janë treguar indiferent ndaj ngjarjeve që kanë ndodhur te ata. Në shkrimet e ndryshme që janë shkruar në forumin horizont në lidhje me kryepeshkopin Janullatus, praninë e tij në shqipëri, rrolin e tij, arsyes pse ai duhet të jetë këtu, si dhe funksionit të tijë në atdheun tonë, shohë se disa janë të shqetësuar për veprimtarinë e këtij individi dhe madje paraqesin edhe shumë dyshime dhe shqetësime serioze për të dhe për çfrë ai i ka bërë kishës Orthodhokse dhe vlerave tona kombëtare. Nuk më pëlqen fakti që disa persona ndoshta edhe pa menduar mirë për rrezikun që mund ti kanoset çfarëdo populli nëse do ti mohohej identiteti, gjuha, tradita dhe vlerat e tijë personale shfaqin një llojë indiferentizmi duke u shprehur se skemi ndonjë gjë tjetër më të mirë për tu marrur, po lëreni kryepeshkopin në punën e tijë. Unë dua ti them atyre se vërtet kemi plotë gjëra për tu marrur, por kjo që ne po merremi është një gjë tepër e mirë dhe madje e rëndësishme, sepse po përpiqemi të njohim dhe informojmë se çpo ndodh me vlerat tona. Po nëpërkëmben, po mohohen apo po vlerësohen përherë më shumë këto vlera që ne i bartim me nderë?
Pikërisht për këtë gjë unë dua tju sjell një dëshmi të gjallë se çpo ndodh në kishat tona Ortodokse të Shqipërisë, një dëshmi të cilën e kamë parë me sytë e mi, e kamë prekur dhe jamë i bindur se është krjetësisht objektive.
Ja se çndodhë në kishat tona: Kryepeshkopi akuzohet se ka bërë që nëpër kishat Ortodokse të bëhet lutja dhe liturgjia në Greqisht të cilën do ta gjykoja personalisht si një gjë të pavendë dhe tendencioze sidomos aty ku nuk ka minoritet greke, por nuk kam asnjë arsye për ta gjykuar si të tillë, sepse në Kishat e Shkodrës, Lezhës, Durrësit, 2 kishat e Tiranës, Elbasanit (jo në kishën e kalasë), si dhe në kishat e fshatrave të Elbasanit, në kishat dhe fshatrat Lushnjes, Divjakës, Fierit, Vlorës, Korçës, Ersekës, Voskopojës, Beratit, Gjirokastrës, Tepelenës, Përmetit, Pogradecit etj lutja dhe liturgjia bëhet në gjuhën tonë SHQIPE dhe e them me bindje se influenca greke është gjëja e fundit që mund të mendohet. Priftërinjtë janë shqipëta. Ungjilli lexohet në gjuhën tonë shqipe dhe për këtë përdoret përkthimi që i ka bërë atdhetari ynë i shquar Kostandin Kristoforidhi si dhe vetë hirësia i tij Fan Stilian NOLI, vlerat e të cilëve unë i kam si një model të lartë.
Dhe meqë ra fjala te Noli, shtrohet çështja se Janullatosi ka hedhur poshtë figurën e shquar të tijë, unë ju them se në të gjitha kishat tona përdoren ende përkthimet e tij liturgjike siç janë librat “Kremtoria”, “Pesdhjetorja” dhe “Triodi”. Libra të cilët Noli i ka kthyer nga greqishtia në Shqip. Në festën e Flamurit çdo 28 Nëntor në kishat tona bëhet meshë hyjnore dhe shërbesa e flamurit të cilën e ka përktyer vetë Noli “ky i hedhur poshtë nga Kryepeshkopi”.
Po me datën 28 Nëntorë në Akademinë Teologjike “Ngjallja e Krishtit” që ndodhet në manastirin e Shën Vlashit Pranë Durrësit. kryehet çdo vit një festë për ditën e pavarsisë. Festë e cila zgjat disa orë dhe që në të përmbahen këngë patriotike, lexime nga jeta e Skëndërbeut, Ismail Qemalit, vjersha patriotike të ndryshme një ndër ta është “Rend or Maratonamak” (vjersh e Nolit). Ky program është kryer nga vetë studentë të kësaj akademie. Nuk duhet harruar se kjo akademi është dhe qendra dhe e ardhmja e kishës Ortodokse Shqipëtare.
“Që të vërtetat e ungjillit një popull t’i shprehi në më mënyrë të plotë e të lirshme duhet të përdoret vetëm gjuha atij populli” shprehet vetë Kryepeshkopi Anastas në disa kumtesa që ai ka mbajtur me të krishterët Ortodoks Shqiptar, si dhe në librin e tij “Globalizmi dhe Ortodoksia”.
Ikonat në kishat tona janë të pikturuara nga ikonografë Shqipëtarë dhe emrat e shënjtorëve janë në shqip. Jo vetëm kaq, por edhe një numër kishash janë me emra të shënjtorëve që kanë patur prejardhje shqiptare. Si për shembull: Kisha e shën Astit në Durrës. E shën Lefterit në Vlorë, shën Nikodhimit në Berat, Kristo Kopshtarit, Shën Nifonit nga Nukova, etj.
Sa për çëstjen se Janullatosi është i vetëshpallur. Vetë të krishterët Ortodoksë të Shqipërisë e kanë kërkuar atë që të jetë Kryepeshkop në Shqipëri dhe kjo është bërë me vendim të presidentit në vitin 1992 vendim të cilin mund ta gjeni në arkivat e shtetit.
Kur kryepeshkopi erdhi në Shqipëri në fillim të demokracisë këtu nuk ndodhej asnjë person i cli mund ta merrte përsipër këtë detyrë, madje vetë zoti Dhimitër Beduli (teolog i shquar që ka jetuar gjatë kohës kur kishat ishin të mbyllura nga sistemi komonist) kur i kërkoi një prift shqiptaro amerikan që të bëhej kryepeshkop i Shqipërisë ai nuk pranoi, zgjedhje e cila nuk duhet gjykuar për keq, sepse edhe ai mund të ketë patur arsyet e tijë personale, të cilat nuk ja mundësonin dot këtë përgjegjësi. Po atëherë si mendoni a duhej t’u lente kisha në mëshirë të fatit? Të gjithë përfaqësuesit e krishterë të qyteteve të shqipërisë, ndër të cilët ishin edhe teologë Shqiptarë që kanë vuajtur në kohën e regjimit komunist, propozuan unanimisht që eksarku i Patriarkanës Ekumenike hirësia i tijë Anastas Janullatosi, të fronëzohej si kryepeshkop i Tiranës Durrësit dhe gjithë Shqipërisë. Gjë që u pranua me dekret te Presidentit të asj kohe zotit Sali Berisha.
Pra vetë shqiptarët e kërkuan diçka të tillë, dhe cilët shqiptarë? Ata shqiptarë të cilët kishin ruajtur besimin në kohën e Komunizmit dhe kishin mbajtur kontakte me peshkopët që jetonin në atë kohë si Irine Banushi Dhe Danili (peshkopë të persekutuar nga regjimi e Hoxhës). Si do ta lejonin ato kaq lehtë të “Shitej” kisha e tyre, ose edhe nëse ishte bërë një gjë e tillë, pse ato nuk protestuan më vonë për një gjë të tillë? Por ata ende e respektojnë kryepeshkopin Anastas Janullatos. A e dini se bashkëpunëtorët e parë të Janullatosit ishin Dhimitër Beduli At Kozma Qirjo nga Vlora, At Gaqo, At Vangjel Xoxe, dhjak Sotir Kanxheri dhe Theodhor Papapavli Teologë dhe priftërinjë,që u përpoqën për krishtërimin para dhe pas mbylljes së kishave.
Në vitin 1997 u formua Sinodi i Shenjtë i kishës Ortodokse Shqiptare. Në këtë sinodë bëjnë pjesë kryepeshkopi Anastas Janullatos, mitropoliti i Beratit Ignat Gregoriti (me kombësi dhe prindër Shqiptar, lindur në një fshat arbëresh në Greqi), Mitropoliti i Korçës Joan Pelushi (rritur në Tiranë me origjinë Përmetare, dhe i persekutuar nga sistemi komunist). Peshkop i Apollonisë hirësi Kozma Qirio nga Vlora edhe ky ka vuajtur nën sistemin komonist
Sekretar i Sinodit është At Joan Trebicka nga Korça. Sot në këtë sinod është edhe hirësi Ilia Ketri, Shqiptaro-Amerikan, (madje ai ka ndihmuar kishën tonë edhe në vitet e para të demokracisë) Sot ai është edhe drejtor i Akademisë Teologjike “Ngjallja e Krishtit” në Durrës. Shkollë ku mësimet bëhen në gjuhën tonë amtare Shqipe (sepse edhe për këtë shkollë ka patur shpifje se u bënin mësime në greqisht).
Në vitin 1997 ky “agjent grek” qëndroi në Shqipëri kur shumë politikanë ikën sepse askush nuk ishte i sigurtë për jetën e tij. Dhe jo vetëm kaq, por ai u bë një faktorë zbutjeje dhe nxiti Shqiptarët që të tregoheshin gjakftohtë dhe mos ngrinin armët ndaj bashkëvëllezërve të tyre. Mos flasim për 1999-ën vit kur Kosovarët e dëbuar nga Serbët padrejtësisht. Gjetën një pritje të ngrohtë nga në vëllezërit e tyre ndër të cilët edhe vetë kisha Ortodokse me në krye “antishqiptarin” Janullatos ofroi ndihma për ta dhe hapi kampe që ata të qëndronin provizorisht deri në kthimin e tyre në kosovën e çliruar. Me urdhërin e tij Akademia Teologjike (vendi ku përgatiten filizat e kshës Ortodokse Autoqefale) mbylli provizorisht studimet me qëllim që studentët e sajë të viheshin në shërbim të vëllezërve të tyre Kosovarë.
Po kryepeshkopi është ai cili përmend dhe nderon vetë Nën Terezën një shembull i gjallë i shpirtit të gjërë Shqiptarë. “Mos vallë Nën Tereza ka patur qëllime filo-Vatikanase në Kalkuta?!!!!
Ky “Agjent” ka marrë tituj nderi nga sa e sa universitete botërore dhe shoqata humaniste. Fakte të cilat i përmend jo vetëm për të ngritur figurën e këtij njeriu, por për të treguar se kisha Shqiptare po përparon dhe se në të janë përgatitur djem të rinj si hierodhjakonë dhe hieromonakë, të cilët unë mesa i njohë personalisht nuk i njohë për të paaftë, por për njerëz të përgatitur, me tipare të fisme shqiptare, tolerantë dhe me shpirtin e sakrificës për çdo individë. Në një të ardhme ata do të jenë të gatshëm për të qenë peshkpoë të qyteteve të ndryshme Shqiptare si Tirana, Korça, Berati dhe Gjirokastrës.
Denonco këtë mesazh tek moderatorët | IP: e regjistruar
|
05 Mars 2006 20:05
Forumi Horizont > Tema Shoqërore > Besimi Fetar > Përse kryepeshkopi i vetëshpallur grek Janullatos nuk largohet nga Shqipëria !!??
