robert
Veteran ne forum
Regjistruar: 08/05/2010
Vendbanimi: Gjermani
Mesazhe: 871
|
Dhe pas pasazhit të Kocaqit, që dhamë, kemi nga ajo, f.9:
"Muret pellazgjike gjenden nga Azia e Vogël deri në Spanjë dhe në disa vende quhen mure ciklopike [,] për shkak të madhësisë së gurëve."
Pra, me këtë fjali ne pranojmë nga autorja jonë, se edhe të gjithë ato fise njerëzish me trupa të mëdhenj, -siç kemi nga gojdhënat, siç kemi nga shkrimet biblike, siç edhe lihet të kuptohet nga këto gurë, që ne njerëzit e sotëm nuk i lëvizim dot vendit-, të gjithë këta njerëz që i kanë ngritur ato mure qiklopike na qenkan pellazgët e epokës së bronxit. Pra, këta trup-mëdhenj, nuk do të kenë gjetur më gurë të mëdhenj, ranë në dëshpërim për këtë, u zvogluan sakaq edhe nga trupi brënda një-dy brezash, dhe iu futën gërmimit të tokës, prej nga nxorrën bakrin dhe kallajin, prej nga formuan pastaj bronxin. Dhe një kulturë tjetër nisi po nga ky popull pellazgo-ilir. E pse vetëm një kulturë?!. Jo-jo, nga ky popull lindën shumë kultura të shquara, ajo indiane, ajo perse, ajo egjypta-se, ajo mesopotame, ajo hetite, ajo asyrase, ajo babilonase, ajo helene, ajo romake, patjetër edhe ajo bizantine, (pasi dhe aty kemi shumë perandorë para-shqiptarë), dhe së fundi, ky popull i shquar, tek pa se kish ngritur shumë kultura, por ata vëllezërit e tij kishin shpikur gjuhëra të tjera, tha dhe vendosi nga inati të mos lulëzonte më, por të ndrydhej e të qëndronte inkonjito (i panjohur), thuajse anonim në një anë të Ballkanit, të flirtohej me osmanët aziatik në shekujt e fundit, të flirtohej me gjithfarë perandorish të reja edhe kur kish fituar panvarë-sinë në shek. e 20, të shtypte vetveten si asnjë popull tjetër gjatë diktaturës „socialiste“, dhe tani „të zgjohet“ nga gjumi letargjik nëpërmjet disa patriotëve të zgjuar, sepse bota ka ngelur në vend numëro dhe nuk lulëzon dot pa ‘ta!
Ja pra ç’kuptojmë nga fjalët e pedagoges tonë të historisë!!!
Panvarsisht nëse e perceptojmë kulturën greke e romake si diçka jo krejt të njëjtë me atë pellazgo-ilire, apo të njëjtë, do ngriheshin shumë pyetje. Si ka mundësi, që ky popull pellazgo-ilir, ngren dy kultura madhështore, atë të megalitit dhe të bronxit, për një periudhë prej rreth 5000 vjetësh, e pastaj nuk dëgjohet më, duke ia lënë vendin popujve të tjerë, atij helen dhe romak? Apo si do të kishte mundësi që të formohej një popull me të njëjtën gjuhë në një territor kaq të madh, nga Atlantiku e deri në Kaukaz, e pse jo, edhe deri matanë Indisë? Nëse popujt e tjerë ishin bij të këtij populli të madh, kur nisën rrugën e tyre këta popuj të tjerë bijë? Përse gjuhët e tyre u ndanë kaq shumë brenda një kohe të shkurtër (disa qindra vjetësh)? Përse këta popuj të tjerë, turkmenë, semitë (arabë), kinezë, persë, indianë, sllavë, skandinavë, romanë, gjermanë, afrikano-veriorë, etj. pretendojnë me shkrimet e tyre historike dhe gjetjet e tyre arkeologjike, se janë të vjetër prej rreth 3-4 mijë vjetësh? Sipas autores tonë, para 3 dhe 4 mijë vjetësh kemi patur nga Atlantiku e deri në Indi këtë popull me të njëjtën gjuhë, pellazgo-ilirë! Pra, ose pedagogia jonë ka të drejtë dhe të gjithë historianët e botës e kanë gabim, ose historianët e botës kanë të drejtë dhe pedagogia jonë duhet të nisë edhe një herë shkollën nga klasa e parë fillore! (Deri tani po përpiqemi të ruajmë atë etiketë që duhet ndaj femrës në përgjithësi, pra pa përdorur përçmime siç mund të na kenë shpëtuar tek tre autorët e mësipërm.)
__________________
Kush i ben qejfin vetes, eshte
budall!
Denonco këtë mesazh tek moderatorët | IP: e regjistruar
|
07 Shkurt 2013 08:12
Forumi Horizont > Bota Shqiptare > Gjuha Shqipe > Lashtësia e gjuhës shqipe > A kane qene Helenet dygjuhesh ?.Flisnin ata Pellazgjisht dhe Helenisht
