Ana
Whatnot
Regjistruar: 18/02/2003
Vendbanimi: Ja ketu
Mesazhe: 405
|
S’ka qenë as vendim personal dhe as largpamësi për hir të integrimit euroatlantik të vendit. Futja e shtatë deputetëve socialistë në seancën e votimit të katërt për zgjedhjen e kreut të ri të shtetit, ka qenë as më shumë e as më pak, produkt i një pazari personal Nano-Berisha. Një marrëveshje nga e cila sipas avokat Ngjelës dhe që i referohet Adam Smithit, “përfitojnë të dyja palët, nuk humbet njëra dhe fiton tjetra”. Nëse për skeptikët kjo duket si një teori konspirative, ka qenë pikërisht lideri i maxhorancës që me gojën e tij e pohoi dje këtë fakt, pra që zgjedhja e Bamir Topit, President i Republikës, është produkt i negociatave me Nanon, të cilin Berisha preferoi ta cilësojë si faktori i rëndësishëm i opozitës. “Do të mbeten të pashlyeshme për mua ato negociata intensive ato kontakte të pandërprera, ato diskutime të hapura që u zhvilluan gjatë këtij muaji me të gjithë faktorët e rëndësishëm të këtij vendi në qeveri dhe opozitë, dhe unë mendoj se ishin ato që i dhanë presidencës, Presidentin që meriton. Kam mbetur i kënaqur nga negociatat që unë kam bërë dhe kam vërejtur një shkallë përgjegjësie të lartë”, - është shprehur dje Berisha, në përfundim të mbledhjes së kryesisë së PD-së, ku Topi dorëzoi zyrtarisht funksionet e deridjeshme partiake. Pra, edhe pse nuk e përmend nominalisht në emër Fatos Nanon, Berisha është shumë i qartë. I qartë së pari, sepse Topi nuk u zgjodh President nga negociatat zyrtare mes maxhorancës dhe opozitës si edhe i qartë së dyti, sepse Topi u zgjodh President ditën që shtatë deputetë të PS-së, mbështetës publikë të Nanos, shkuan në seancën e votimit të katërt për kreun e ri të shtetit. Pra lihet të nënkuptohet qartë se kur Berisha flet për “negociata me faktorë të rëndësishëm që i dhanë presidencës, Presidentin që meriton”, e ka fjalën pikërisht për negociatat me Fatos Nanon, që për ndihmesën e dhënë në këtë drejtim, Kryeministri Berisha preferoi ta falënderojë dje publikisht. Por kjo duket të jetë vetëm “maja e ajsbergut”. Zgjedhja e nënkryetarit të PD-së në postin e Presidentit të Republikës me votat e deputetëve socialistë, nuk është thjesht dhe vetëm një borxh moral, të cilin Berisha ia shleu Nanos duke e falënderuar publikisht për mbështetjen e dhënë. Në fakt, pazare të niveleve kaq të larta nuk hapen me fjalën “të lutem” dhe nuk mbyllen “me faleminderit, ta shpërblej në të tilla raste”. Nëse citojmë socialdemokratin Skënder Gjinushi, pazare të këtij lloji hapen “në shumën 500 mijë euro” dhe mbyllen “në shumën 3 milionë euro”. Ndërsa, nëse iu referohemi burimeve nga e djathta, “Berisha u ka premtuar 7 deputetëve socialistë t’u lërë zona të lira në zgjedhjet e ardhshme parlamentare”.
__________________
Success stands mostly in not giving up, when the others have let go.
Denonco këtë mesazh tek moderatorët | IP: e regjistruar
|
23 Korrik 2007 03:00
Forumi Horizont > Media dhe Politika > Politika Shqiptare > Bamir Topi-Zgjidhja me e mire e mundshme.
