sarandaebukur
Veteran ne forum
Regjistruar: 21/06/2003
Vendbanimi: New-York
Mesazhe: 817
|
Opozita: Nuk e duam Moisiun president!
Megjithëse Moisiu është mbrojtur nga opozita për kundërvëniet ndaj qeverisë Berisha, ajo nuk do që ta rikandidojë. Justifikimi: Është kandidati i opozitës së djeshme.
Justifikimi: Ai është kandidati i opozitës së djeshme
Opozita parlamentare përjashton mundësinë e rikandidimit për postin e kreut të shtetit të presidentit aktual, Alfred Moisiu. Këtë qëndrim, eksponentë të kampit të majtë e argumentojnë me faktin se presidenti aktual ishte propozim i opozitës së mëparshme, tashmë në pushtet. Madje në këtë kuadër, e majta insiston në bindjen e saj se zgjedhja e kreut të shtetit duhet të jetë një kandidaturë e propozuar nga opozita.
Për këtë arsye, opozita parlamentare kërkon konsensusin e shumicës në pushtet, duke shtuar këtu dhe kushtet e saj ndaj qeverisjes aktuale, lidhur me këtë çështje. E një nga këto kushte ishte pikërisht dorëheqja e kreut të ekzekutivit, Sali Berisha.
Por nga ana tjetër, brenda vetë kampit të majtë tashmë janë formuar dy grupime, ku njëri grupim është pro kandidaturës së ish-liderit socialist, Fatos Nano në postin e kreut të shtetit dhe tjetri kundër tij. E duke mos dhënë një qëndrim të prerë ndaj kësaj kandidature, përfaqësues të së majtës preferojnë ta shmangin këtë çështje me faktin se në këto momente është ende herët të flasësh për emra konkretë, lidhur me kryesimin e institucionit të Presidencës.
Debati për çështjen e presidentit vazhdon të jetë prezent brenda kampeve politike. Në trajtimin e kësaj çështje, opozita parlamentare është e fokusuar më shumë në sigurimin e nje klime
dhe nje infrastrukture zgjedhore, e cila mund te siguroje ngritjen e dmeokracise mbi zgjedhje te lira dhe te ndershme. Madje, duke e konsideruar si një moment jo të përshtatshëm propozimin e emrave për këtë post, e majta, i kushton rëndësi çeshtjes së ndertimit te institucioneve.
Për këtë arsye, opozita parlamentare kërkoi dhe dje konsensus nga shumica në pushtet për kryerjen e reformave kryesore, duke mundësuar kështu dhe bashkëpunim për zgjedhjen e kreut të shtetit. Ndërkohë që një pjesë e përfaqësuesve të majtë e shohin si të hershme propozimin e emrave për postin e presidentit, ligjvënës socialistë shprehen hapur se kandidatura e ish-liderit socialist, Fatos Nano është një figurë që plotëson konsensualitetin por dhe standartet. Kështu, duke mos pranuar një rikandidim të presidentit aktual për këtë post, e majta, ritheksoi dhe njëherë tjetër bindjen e saj se zgjedhja e presidentit i takon këtij kampi. Madje, kjo çështje është dhe një pikë nga ku opozita do të nisë planin e saj për zgjedhje të parakohshme.
E në këtë linjë, janë deklaruar herë pas here nga opozita dhe kushtet e vëna ndaj shumicës në pushtet, për të shpëtuar vendin nga zgjedhjet e parakohshme. Kështu, më parë, dorëheqja e kryeministrit aktual Sali Berisha do të mund të garantonte konsensusin e partive të majta për çështjen e shumë përfolur këto ditë, atë të zgjedhjes së kreut të shtetit. Shtuar këtu dhe paktin e ofruar qeverisjes aktuale para dy ditësh nga kreu i selisë rozë, Edi Rama, i cili konsistonte pikërisht në plotësimin e kushteve të opozitës, që do të çonin në heqjen dorë të kësaj të fundit nga qëllimi për mbajtjen e zgjedhjeve të parakohshme.
Qëndrimi
Kreu aleancist, Neritan Ceka vlerësoi se në këtë situatë jo të favorshme postelektorale është herët të flasësh për zgjedhjen kandidaturave për postin e presidentit. Kështu, ndalur në këtë çështje, Ceka nënvizoi faktin se "të flasësh për emra do te ishte menyra me e keqe per t'iu afruar ketij problemi. Se pari sepse kemi dale nga keto zgjedhje qe na kane turperuar ne syte e te gjithë shqiptareve dhe të botes".
Madje, parë në këtë këndvështrim, Ceka vuri në dukje se "kjo ngre problemin e nje reforme te madhe elektorale, sigurimin e nje klime dhe nje infrastrukture zgjedhore, e cila mund te siguroje vertet ngritjen e demokracise mbi zgjedhje te lira dhe te ndershme dhe çeshja e zgjidhjes se kandidatures per president nuk eshte çeshje personi eshte cceshje e ndertimit te institucioneve".
Sipas tij, nuk eshte e rëndësishme fakti që të gjendet kandidati, por e te berit një shtet ne Shqiperi. Por referuar pikërisht qëndrimit të shumicës në pushtet ndak kësaj çështje, Ceka theksoi se "ky nuk eshte shtet. Nje shtet qe ben zgjedhje si ne Shijak eshte vetem nje parademokraci. Mendoj se nese PD-ja e ka kuptuar se ku eshte dhe se Berisha e ka kuptuar se eshte vetem nje kryekatundar duhet te pranoje paktin ndryshe duhet te shkojme ne rugen e ndeshjeve elektorale. eshtë populli shqiptar qe do te vendose nese do te kemi nje shtet harbutesh".
Pozicioni
Selia rozë nuk përjashtoi debatin brenda këtij kampi për çështjen e zgjedhjes së presidentit. Kështu, nënkryetari i grupit parlamentartë PS-së, Petro Koçi ndalur në këtë çështje bëri me dije se "pozicioni zyrtar është që ne nuk jemi duke folur për emra, por për një proces që kushtëzohet për disa ndryshime në sjelljen e deritanishëm të qeverisë Berisha".
Në këtë linjë, Koçi vuri në dukje dhe njëherë tjetër se për çështjen e presidentit e majta ka të njëjtat kushte për shumicën. "Kushtet nuk janë të reja dhe janë të shqiptuar dhë më parë, sepse me një qeverisje revanshste ka qenë e vështirë që të ofrojë konsensus. Shpresoj që në kushtet e pas 18 shkurtit dhe nevojës për konsensus për reformat kryesore mazhoranca të reflektojë që sëbashku të zgjedhim jo vetëm presidentin, por të marrim dhe hapat e nevojshëm.
Jemi akoma larg momentin ku të fillojë nëj proces i propozimit dhe shqyrtimit të emrave konkretë", theksoi Koçi lidhur me këtë çështje.
Propozimi
Ligjvënësit socialistë, njëkohësisht mbështetës të ish-liderit socialist, Fatos Nano, shikojnë këtë figurë politike si favorit për postin e kreut të shtetit. Deputeti socialist, Taulant Balla duke u ndalur në këtë çështje u shpreh se "kandidatura duhet të vijë nga opozita dhe për me tepër duhet të jetë e vetë opozitës".
Ndërkaq, Balla kundërshtoi rikandidimin në këtë post të presidentit aktual, Alfred Moisiu. Sipas tij, zgjedhja e presidentit Moisiut ka qenë propozim i opozitës së atëhershme dhe mazhorancës aktuale, prandaj zgjedhja më e mirë mbetet propozimi i një kandidature që është vlerë e PS.
Madje duke u shprehu dhe në emër të ligjvënësve të tjerë socialist, Balla theksoi se "figura e zotit Nano mbetet një figurë që plotëson konsensualitetin por dhe standartet, suke qenë dhe një nga kandidaturat më përfaqësuese të opozitës".
Neritan Ceka
"Të flasësh për emra do te ishte menyra me e keqe per t'iu afruar ketij problemi. Se pari, sepse kemi dale nga keto zgjedhje qe na kane turperuar ne syte e gjithë shqiptareve dhe të botes. Kjo ngre problemin e nje reforme te madhe elektorale, sigurimin e nje klime dhe nje infrastrukture zgjedhore, e cila mund te siguroje vertet ngritjen e demokracise mbi zgjedhje te lira dhe te ndershme dhe çeshja e zgjidhjes se kandidatures per president nuk eshte çeshtje personi eshte çeshtje e ndertimit te institucioneve".
Taulant Balla
"Kandidatura duhet të vijë nga opozita dhe për me tepër duhet të jetë e vetë opozitës. Zgjedhja e presidentit Moisiut ka qenë propozim i opozitës së atëhershme dhe mazhorancës aktuale, prandaj zgjedhja më e mirë mbetet propozimi i një kandidature që është vlerë e PS. Figura e Nanos mbetet figurë që plotëson konsensualitetin por dhe standartet, duke qenë dhe një nga kandidaturat më përfaqësuese të opozitës".
E Premte 16 mars 2007
------------------------------------------------------
Sic duken bathet sivjet do jene: z. Sali Kryeminister dhe z. Fatos President...................Urime/????????. Por nuk i dihet se,nga ndonjehere ne minutat e fundit se cmund te ndodhe?.
Denonco këtë mesazh tek moderatorët | IP: e regjistruar
|
11 Mars 2007 17:12
Forumi Horizont > Media dhe Politika > Politika Shqiptare > Arkivi i Politikes > Cili do te jete Presidenti i ri Shqiptar
