Regjistruar: 24/02/2003
Vendbanimi: Tortoreto Lido
Mesazhe: 940

Te them te drejten i lexova me vemendje te madhe....dhe jam plotesisht dakort me ''Fajtori'' dhe pjeserisht me ju ''Visitor''.Me kete dua te them qe nuk dua te kontestoj aspak ato qe me siper ke thene.Personalisht nuk jam per nje politike filo-amerikane dhe kete e kam shprehur edhe me mundesite qe me jane dhene duke marre pjese ne G-8 te Genova!Aty shume nga bindjet e mia u thelluan ne mbeshtetje te asaj qe ne mund te quajme nje ''politike e popujve te vegjel''!Kam frike se kjo fushate luftarake do te jete nje fakt historik qe brezat e ardhshem do te kalojne me neveri ne librat e historise moderne.....Prepotenza e U.S.A eshte e njohur,te kujtojme thjesht mosinteresimin e'' saj'' ne Bosnje(ndoshta sepse interesat e saj ishin zero),dhe helmeten qe vuri per Kuvajtin.Do te jete thjesht nje destabilizim i ekonomise nderkombetare dhe ne menyre direkte o in-direkte do te jemi ne ''peshqit'' e vegjel qe do te paguajme pasojat..... P.S ''Fajtori'' dua te shtoj dicka qe besoj ka per te shtuar ''dashurine '' tende drejt MC-Donalds....vajin qe perdorin per te skuqur patatinat riciklohet dhe nderohet nje here ne muaj!!Oreks te mbare******Ciao

__________________
Voglio, avrò — se non qui, in altro luogo che ancora non so. Niente ho perduto. Tutto sarò. (Fernando Pessoa)

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Financial Times:
Lufta në Irak ende nuk ka filluar. Por aq i madh është shpresa e Uashingtonit që regjimi i Sadam Huseinit është pranë fundit, saqë debati tani është përqëndruar tashmë në atë se duhet fituar paqja. Tre janë problemet kryesore që duhen zgjidhur për të fituar paqen, citon gazeta Richard Nelson të Këshillit Atllantik dhe këto janë: ndarja e pushtetit brenda vendit, burimet e naftës, dhe marrëdhëniet e Irakut me fqinjët e tij. Megjithatë duket se të treja këto probleme gërshetohen fare qartë në një pjesë të Irakut që quhet Kirkuk.
Kirkuk është në qendër të fushave më të mëdha naftëmbajtëse në Irak. Nga ana tjetër aty banojnë grupe të ndryshme etnike nga arabët, tek kurdët, sirianët, e me rradhë. Por sipas Kombeve të Bashkuara shumica e popullsisë në këtë rajon është arabizuar me kohën. Më tej Financial Times shkruan se vendosja e fushave naftëmbajtëse të Kirkukut nën kontrollin e kurdëve të Irakut është një shpërblim për këta të fundit për qëndrimin e tyre. Në fakt kurdët, numri i të cilëve shkon në 25 milion, jetojnë në 4 shtete, duke qenë kështu grupi më i madh etnik në botë pa një shtet të tyre. Megjithatë kontrolli kurd mbi fushat naftëmbajtëse është i papranueshëm për Turqinë, vend fqinj me Irakun. Gazeta më tej shkruan se Turqia i trembet faktit se kurdët e Irakut mund të financojnë në të ardhmen aktivitetet për shkëputje të kurdëve që jetojnë në Turqi.
Megjithatë sa i përket kurdëve ndryshimi i rregjimit në Bagdad pritet me ndjenja të përziera nga kurdët. Që nga 91, shkruan Financial Times, ata gëzojnë autonomi nga Bagdadi, mbrohen nga forcat ajrore amerikane dhe britanike dhe prej 97, ata marrin 17 % të të ardhurave të Irakut nga programi naftë – për ushqim i Kombeve të Bashkuara. Udhëheqësit e kurdëve në veri të Irakut mendojnë se mund të humbin disa nga liritë që kanë tani me ndryshimin e rregjimit në Irak, megjithatë ata e mbështesin një hap të tillë pasi situata në Irak është e paqëndrueshme. Nga ana tjetër duket se Uashingtoni në një Irak të pas luftës do të marë drejtimin kryesor të administratës civile dhe rindërtimit të vendit, madje duke emëruar një administrator amerikan atje. Ky i fundit do të duhet të bashkërendojë aktivitetet paqeruajtëse dhe ato të rindërtimit. Zalmay Khalilzad, zyrtar i Shtëpisë së Bardhë, i cili drejton përgatitjet për një Irak pas Sadamit ka kërkuar nga opozita irakiene që të luajë një rol këshillues. Nga ana tjetër ideja e një pushtimi të gjatë nuk mbështetet nga zyrtarët amerikanë, të cilët mbështesin prej kohësh idenë e ndërtimit të vendit, përfundon Financial Times.

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Po i pergjigjem Viitorit. Nuk pata kohe te lexoj dhe shkrimin e fundit te analistes mbi Financial times.

E para, ketu po ngaterrohen interesat personale te Bushit dhe Saddamit. Per mua nuk ka rendesi se kush eshte ne krye ne Irak, Saddami apo nje tjeter. Per mua Iraku nuk ka shpallur asnje shenje lufte qe te meritoje te shkaterrohet nen bombat "inteligjente" amerikane. Spostimi i vemendjes tek Saddam Huseini si person eshte prodhim i mediave amerikane qe mbase po u pelqen shume kulti i personalitetit kohet e fundit.
E perseris, Iraku nuk ka asnje ngjashmeri me gjermanine naziste, nuk ka asnje paragjykim etnik dhe ka ne krah vetikanin dhe Francen, Rusine, Kinen apo Gjermanin (popuj te racave te ndryshme). Po ashtu eshte vetem nje procke krahasimi i nje populli qe ska buke te haje me Gjermanine e fuqishme te viteve '30. Iraku nuk mund te sulmoje asnje shtet sepse nuk e ka fuqine ushtarake per te perballuar sulmet perendimore.

Se dyti, Iraku nuk shet naften por hedh ne rruge naften me programin Oil For Food. Nuk mund te quhet shitje nje biznes ku cmimin nuk e vendos ti por ta vendosin nga jashte dhe se luan dot. Oil For Food eshte i vetmi autorizim per te eksportuar naften irakene dhe ONU e ka bere per te ndihmuar popullaten qe ka probleme ushqimore.
(ONU eshte dhe Franca dhe Gjermania, jo vetem USA)

Se treti, nuk ka rendesi cilat metoda mendon ti Vizitor se ekzistojne per te hedhur Saddamin. Puna eshte se nuk ke te drejte ta hedhesh Saddamin, nuk eshte nen juridiksionin amerikan venia e qeverive ne Lindjen e Mesme. Me gjithe respektin qe kam per seriozitetin e debatit tone, mendoj se edhe ketu ke spostuar vemendjen ne pika te parendesishme. Saddami eshte njesoj si shume diktatore te tjere ne bote dhe USA nuk ka te drejte te vendose nese do jete ai apo do ike. Bile fakti qe Bushi eshte kaq i fiksuar me ikjen e tij me ben te dyshoje se ky Saddami eshte aq i zoti sa te prishe te gjithe tentativat e CIA-s per te ngaterruar punet ne Gjirin Persik. Ndryshe Bushi nuk do e kish kaq inat vetem Saddamin, por do kish aresye me serioze kunder Irakut ne pergjithesi.

Se katerti pres ndonje pergjigje per zgjidhjen qe i jep ti ceshtjes palestineze kur nga nje ane i quan terroriste dhe nga ana tjeter USA nuk lejon kaskat blu te qeteesojne gjakrat ne ate zone. Me thuaj ti cfare duhet te bejne palestinezet qe te kene te drejtat themelore te njeriut dhe shtetit.

Se pesti, fakti qe kish banore cifute ne palestine nuk justifikon vendosjen e shtetit palestinez ne vitet e pasluftes, dhe as terroret qe Izraeli mund te vazhdoje te beje dhe sot ne gjithe shtetet qe e rrethojne, duke filluar nga libani.
Vendosja e Izraelit dhe njohja e tij nga perendimi mund te krahasohet me copetimin e Shqiperise ne vitin 1912-1913. Ne ato kohera Europa ka bere nje sere budalleqesh dhe padrejtesirash. Por sot kohet kane ndryshuar. Nuk mund te ndahen e bashkohen shtetet thjesht sipas deshires se perendimit. Njerezit jane me sensibel ndaj padrejtesive. Alibia e luftes se ftohte nuk ekziston me, prandaj problemet e lindjes se mesme kane nxjerre ne pah keshtjellen prej rere ku jane ndertuar fatet e disa popujve. Palestinezet jane nje prej tyre, kosovaret jane nje tjeter. Po te mendojme me llogjike te thjeshte do e kuptojme paralelizmin, dhe mbase do kuptojme dhe aresyen e reagimit te kundert qe USA ka ne dy rastet.

Se fundi, persa i perket kishes:
Eshte e drejta jote te mos i japesh kredibilitet. As une s'jam fetar. Gjithashtu gabimet qe ka bere ne te kaluaren nuk harrohen kollaj. Por sic te thashe kohet kane ndryshuar, dhe po ta shikosh nga ana tjeter kisha po ben dhe levizje pozitive pa precedente ne historine e saj. Psh afrimin me boten myslimane, evitimin e Luftes se Shenjte (qe do derdhte miliona litra gjak). Eshte ajo kishe qe po ndihmon me veprimet e saj globalizmin e shendetshem dhe po respekton demokracine e shekullit te 20. Eshte ajo kishe qe pranon vendimet e ONU-t por jo variacionet e adrenalines se administrates amerikane.
Ti thua se mendimi i kishes katolike eshte i kote. Donald Rumsfeld thote se mendimi i Frances, Gjermanise, Kines dhe Rusise eshte i kote. A mund te me thuash ku qendron demokracia kur gjysma e botes nuk duhet te marre pjese ne vendime ???

Pershendetje miku im

Denonco këtë mesazh tek moderatorët | IP: e regjistruar

Regjistruar: 19/12/2002
Vendbanimi: Venezia
Mesazhe: 569

Une nuk para kam qejf te nderhyj ne diskutime te tilla pasi jane te pafundme dhe per ti ndjekur duhet te shkruaj shpesh.

Jam dakort ne shume pika me Vizitorin dhe mesa kam pare ne forum eshte shume objektiv me mendimet e tij.

Nuk mund te fillohet gjykimi i Amerikes ne vitet 2000 pasi qe te arrijme deri ketu duhet te kemi parasysh rrugen neper te cilen ka kaluar politika kete shekullin e fundit.

Ballkani ka qene qe ne fillim te shekullit nje pazar mes fuqive te medha dhe ONU ka ekzistuar edhe me pare ne forma te tjera. Zgjidhjet qe bashkesia e Fuqive te Medha i ka servirur botes kane qene pothuajse gjithmone te pasakta dhe tendencioze.

Lufta e pare boterore vuri pak stabilitet ne bote dhe mund te themi qe ishte hera e pare qe shtetet mbeten po ne ato kufij qe u mbeten pa bere luftra te vogla mes tyre sic ndodhte rendom para Luftes se Pare.

Pas saj Gjermania u sanksionua qe te mos prodhonte arme sulmuese por vetem arme mbrojtese edhe keto deri ne nje kufi te caktuar. (Krahasimi qe Vizitori i ben Irakut me Gjermanine ne kete prizem eshte shume i gjetur). Ashtu si sot Irakut edhe atehere u caktuan komisione te cilat kishin per detyre kontrollin e Gjermanise ne drejtimin e armatimeve. Pikerisht neglizhenca dhe mosdenoncimi ndaj ketyre fakteve solli fuqizimin e Gjermanise. Edhe atehere evropianet edhe pse e shihnin Gjermanine qe rritej dhe forcohej kunder vendimit te pas Luftes, e lane menjane sepse nuk donin te hynin ne konflikt. Nuk u tha asgje per sulmin ndaj Cekise apo Polonise, por u justifikua ne nje fare menyre. Dhe bota u ngrit vetem atehere kur u kercenuar duke u sulmuar ne kufi Fuqite e Medha. Pra heshtja ne raste te tilla eshte vetvrasje. Futja ne lufte e Amerikes e ndryshoi tere rrjedhen e ngjarjeve dhe fatmiresisht bota eshte kjo qe eshte sot.

Por mos harrojme qe bota u nda me dysh mes fitueseve. Dhe Usa dhe Brss ishin te dy padronet e botes.

te gjithe e dime se cila pjese e botes u zhvillua e cila jo. Ajo qe ishte nen ndikimin e Usa u zhvillua aq shume sa po e konkurron tani ate.
Koha e ka treguar qe Usa ka qene shteti me demokratik ne bote pas luftes e ketej edhe pse ndonjehere ka nderhyre ne vende qe nuk duheshin por kjo eshte bere per ceshtje prestigji dhe frenimi te sovjetikeve.

Evropa nuk u ndie as ne ceshtjen e Kosoves dhe vetem nderhyrja amerikane solli djetesi dhe stabilitet ne rajon.

ne rastin e Irakut une mendoj qe po ndryhet shume vone pasi keto vende kane pasur mundesi pas renies se bllokut sovjetik qe te blejne materiale dhe shencetare e me pas per ti perdorur ata per veprimet e tyre te cmendura.

Ne boten arabe duhet nje kontroll i forte duam apo nuk duam ne sepse sa me teper te lihet ne gjendjen qe eshte aq me teper do i heqi pasojat i tere njerezimi. Ato vende duhen zhvilluar dhe nuk mund te zhvillohen me sistemin qe kane. Po nuk u zhvilluan dhe po nuk u zgjuan do te jene gjithmone nja shpate e ngritur lart mbi qafen e krejt njerezimit

__________________
Mendjet e mëdha diskutojnë ide, mesataret ngjarje, te voglat njerëz...

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

ju lutem shkruani pak me shkurt se humbet durimi i leximit te replikave te gjate dhe deshira per te mare pjese ne diskutim. me nje shikim te shpejte qe i hodha shkrimeve jane prekur pika interesante por per ceshtje qe jane shume te komplikuara dhe veshtire te jepen argumentat ne nje forum, aq me teper qe asnjeri nga ne nuk eshte ekspert historie ne Lindjen e Mesme, apo per rajone te tjera.

Gjate gjithe kohes ne sistemin e marredhenieve nderkombetare ka funksionuar ligji i balances se pushteteve. mendoj se pas luftes se ftohte eshte krijuar nje vakum balance dhe me eshte krijuar pershtypja se gjithmone e me shume shtetet po levizin drejt pranimit te disa vlerave te perbashketa nga te gjithe dhe drejt dhenies se nje rendesie me te madhe organizatave nderkombetare.
Nuk eshte puna eshte apo nuk eshte e drejte lufta ne Irak, puna eshte e standarteve te dyfishta. nese principi i amerikes eshte perhapja e vlerave te saj le ta beje tek te gjithe njelloj, le te filloje nga Sadami por ti marre te gjithe me rradhe, le ti heqi diktatoret por ama kudo ne bote. Pse nuk nderhyn Amerika ne Lindjen e Mesme ta beje zap Izraelin, pse nuk i thote gje Rusise per cecenine, pse nuk ngre problemin e te drejtave te njeriut ne vendet si Arabia Saudite etj etj,
Mendoj qe idiotlleku i administrates bush qendon ne luajtjen e gurit te armeve te shakterrimit ne mase, ndekohe qe mund te perdornin fare mire gurin e arritjeve te tyre ne veri te Irakut, arrijtet e tyre ne Kosove, rendesine e te drejtave te njeriut, dhe te krijimit te sistemeve demokratike ne nje rajon aq problematik. sepse eshte Irani afer, eshte Siria problematike, jane gjithe keto vende fondamentaliste, te rrezikshme ne potencialin e tyre. Nje Irak demokratik do te qetesonte shume Lindjen e Mesme ( pasi organizatat terroriste palestineze financohen nga Iraku.)
Prandaj flasim per Kosoven, por e dini qe kurdet jane grupi etnik me i madh ne bote i ndare ne kater shtete qe u eshte mohuar e drejta e krijimit te shtetit te tyre dhe kane gjithe jeten qe i jane nenshtuar nje genocidi te jashtezakonshem, qofte nga Iraku, por edhe Turqia nuk bie poshte me mosrespektimn e te drejtave te kurdeve, etj etj.

Nga njera ane them qe ne si popull jemi me shume fat qe Kosova u zgjidh dhe me shume fat qe u zgjidh ne 99. ka shume popuj e shume etni qe vuajne anembane botes. Shikoni afriken si jane.

ceshtja qendron ne gjetjen e menyrave te imponimit te vlerave. Iraku nuk eshte rreziku kryesor per ameriken, me e rrezikshme eshte Korea e Veriut per momentin pasi ata i kane shpallur aktivizimin e programeve te tyre berthamore qe fare lehte prodhojne uranium te pasuruar dhe jane totalisht te cmendur e per 30 min e bejne hi gjithe korene e jugut, japonine po te duan.

Por sic dihet gjithshka ne kete bote behet ne rradhe te pare ne baze te interesave dhe jane ato qe e levizin politiken. sado te diskutojme neve per Irakun, republikanet njohin gjuhen e forces,Bushi vete u ul taksat miliardereve sepse i kishin shume te larta. Nafta drejton politiken ne amerike dhe kongresi amerikan ka shumicen e anetareve te lobit cifut qe jane ortodokset me radikale, dhe te gjitha keto pastyrohen ne kete mishmash aktual. kemi industrine e armeve qe kane financuar bushin dhe qe kane interesat e tyre kuptohet.

problemi nese ju kujtohet lindi qe me zgjedhjen teper te dyshimte te bushit si president, ku vete amerika ishte e ndare ne dy pjese. Ai nuk ka vizion, nuk ka vlera dhe e dime fare mire rrezikun e lidereve te tille ( e kemi provuar ne kurrizin tone ).
Klintoni kishte vizion dhe vlera, Bushi me klintonin jane si nata me diten.

Lufta nuk sjell edukimin e popujve, por shkollimi, dhe respektimi i vlerave qe tashme i duan te gjithe unitet, paqe, barazi.
prandaj do ju lutesha te mos harxhonit energjite tuaja te vyera per Irakun, por jepni mendime per vendin tone le te perpiqemi te bejme dicka te dobishme per te duke filluar nga perhapja e vlerave dhe kultures qe kemi marre secili ne vendet ku jetojme.

me respekt
analistja

__________________
It takes just as much courage to express your love when it's right, as it does to walk away when it's wrong.

Modifikuar nga Klodel datë 02/03/2003 ora 15:44

Denonco këtë mesazh tek moderatorët | IP: e regjistruar

Regjistruar: 29/01/2003
Vendbanimi: Diku ne Sh.B.A.
Mesazhe: 118

Po i pergjigjem ne fillim Analistes sepse shumices se pikave qe ngre Fajtori ju pergjegj Ami.

Citim:

---

Po citoj ato që tha analistja
Gjate gjithe kohes ne sistemin e marredhenieve nderkombetare ka funksionuar ligji i balances se pushteteve. mendoj se pas luftes se ftohte eshte krijuar nje vakum balance dhe me eshte krijuar pershtypja se gjithmone e me shume shtetet po levizin drejt pranimit te disa vlerave te perbashketa nga te gjithe dhe drejt dhenies se nje rendesie me te madhe organizatave nderkombetare.
Nuk eshte puna eshte apo nuk eshte e drejte lufta ne Irak, puna eshte e standarteve te dyfishta. nese principi i amerikes eshte perhapja e vlerave te saj le ta beje tek te gjithe njelloj, le te filloje nga Sadami por ti marre te gjithe me rradhe, le ti heqi diktatoret por ama kudo ne bote. Pse nuk nderhyn Amerika ne Lindjen e Mesme ta beje zap Izraelin, pse nuk i thote gje Rusise per cecenine, pse nuk ngre problemin e te drejtave te njeriut ne vendet si Arabia Saudite etj etj,

---

Per mendimin tim organizatat dhe strukturat nderkombtare, ashtu si ligjet, ekzistojne vetem per aq kohe sa i interesojne shumices apo atij grupi qe ka pushtetin. Kjo mund ti duket tronditese dhe e barabarte me herezi disa njerezve por e verteta e thjeshte eshte qe asgje nuk ekziston perjetsisht dhe organizatat mbi-shtetore si Lidhja e Kombeve, NATO, Pakti i Varshaves, KNER, apo OKB nuk jane perjashtime. Analistja thote qe gjithmone e me shume shtete po pranojne disa vlera te perbashketa nga te gjithe por per mendimin tim kjo s'eshte edhe aq e dukshme, ose me sakte ka fakte pro dhe kunder kesaj ideje. Psh BE ka perqafuar idene e Gjyqit Nderkombtar por Sh.B.A. nuk e pranon kete institucion. Pervec ShBA edhe India, Kina, Indonesia etj nuk e kane pranuar kete gjyq. Po ta shikojme nga ana e popullsise besoj qe shumica e popullsise se botes nuk e ka pranuar ICC-ne.
Flitet per standarde te dyfishta. Valle a ka akoma persona ne kete bote qe jane aq "Naive" sa te mendojne qe gjithshka eshte me ndershmeri dhe me pasterti? Kjo bote sundohet nga Ekonomia dhe Politika, si mund te mendoni qe nuk ka dhe nuk do te kete standarde te dyfishta. Vete ato shtete qe kundershtojne sot ShBA per luften ne Irak (P.Sh. Franca) zbatojne standarde te dyfishta kur i thone vendeve te Europes Lindore qe te qepin gojen dhe te mos flasin kundra shteteve te medhenj.

Citim:

---

Mendoj qe idiotlleku i administrates bush qendon ne luajtjen e gurit te armeve te shakterrimit ne mase, ndekohe qe mund te perdornin fare mire gurin e arritjeve te tyre ne veri te Irakut, arrijtet e tyre ne Kosove, rendesine e te drejtave te njeriut, dhe te krijimit te sistemeve demokratike ne nje rajon aq problematik. sepse eshte Irani afer, eshte Siria problematike, jane gjithe keto vende fondamentaliste, te rrezikshme ne potencialin e tyre. Nje Irak demokratik do te qetesonte shume Lindjen e Mesme ( pasi organizatat terroriste palestineze financohen nga Iraku.)

---

Perkundrazi Sadami mund te hiqet nga pushteti vetem me justifikimin e armeve te shkaterrimit ne mase. Nuk mund te perdoret argumenti i diktatures pasi cdokush e di ate por pastaj duhet te filloje nje "Kryqezate" boterore per clirimin e Kinezeve, Kubaneve, Koreano Verioreve, Venezuelaneve, Arabeve, Libianeve e lista vazhdon pafundesisht. Po qe se Bush do te kish thene: "Le ta rrezojme Sadamin se eshte diktator dhe ne kete menyre do te lirojme Irakenet" asnje shtet s'do ta kish perkrahur sepse ajo thenie ka pasoja ku e ku me renda sesa akuza e sotme per zoterim te armeve biologjike.

Citim:

---

ceshtja qendron ne gjetjen e menyrave te imponimit te vlerave. Iraku nuk eshte rreziku kryesor per ameriken, me e rrezikshme eshte Korea e Veriut per momentin pasi ata i kane shpallur aktivizimin e programeve te tyre berthamore qe fare lehte prodhojne uranium te pasuruar dhe jane totalisht te cmendur e per 30 min e bejne hi gjithe korene e jugut, japonine po te duan.

---

Se kush eshte rrezik me i madh, Iraku apo Korea e Veriut eshte nje argument qe mund te na marri shume faqe. Megjithate nje gje eshte e qarte, Iraku sot eshte Korea e Veriut para dhjete vjeteve. Edhe Korese se Veriut do ti vije rradha kushtet per zgjidhjen e krizes ne ate pjese te botes nuk jane pjekur akoma per faktin e thjesht qe fqinjet e Korese se Veriut nuk e ndjejne akoma veten te kercenuar. Kur Koreano Jugoret te kujtohen per krimet e vellezerve te tyre nga veriu gjate 50 viteve te fundit, kur Japonezet ta ndjejne veten te kercenuar nga bombat berthamore, dhe kur Kina te mos e ndihmoje me Korene e Veriut atehere do te jete koha per tu marre me te. Ne fillim kapen frutat qe jane ne deget e poshteme dhe pastaj ato ne maje te pemes.

Citim:

---

Por sic dihet gjithshka ne kete bote behet ne rradhe te pare ne baze te interesave dhe jane ato qe e levizin politiken. sado te diskutojme neve per Irakun, republikanet njohin gjuhen e forces,Bushi vete u ul taksat miliardereve sepse i kishin shume te larta. Nafta drejton politiken ne amerike dhe kongresi amerikan ka shumicen e anetareve te lobit cifut qe jane ortodokset me radikale, dhe te gjitha keto pastyrohen ne kete mishmash aktual. kemi industrine e armeve qe kane financuar bushin dhe qe kane interesat e tyre kuptohet.

---

Natyrisht qe cdo gje ne kete bote kontrollohet nga interesat, nuk jetojme ne Komunizem. Fatkeqsisht ti flet pa u matur per uljen e taksave te "miliardereve" sepse fundja ti nuk jeton ne ShBA dhe besoj se njohuri te kufizuara per uljet e taksave, minimumi nuk besoj se lexon Wall Street cdo dite apo jo? Ndersa kur fillon e flet per lobin Cifut mua me cudit vertet si nje person si ti (qe e kam konsideruar gjithnje mbi banalitete te ketilla) mund te leshoje akuza kaq te kota dhe te pabaza.

Citim:

---

Ai nuk ka vizion, nuk ka vlera dhe e dime fare mire rrezikun e lidereve te tille ( e kemi provuar ne kurrizin tone ).
Klintoni kishte vizion dhe vlera, Bushi me klintonin jane si nata me diten.

---

Hmm, shumica e votuesve amerikane nuk mendon keshtu si ti ama

Tani

Citim:

---

Po citoj ato që tha Fajtori
Se dyti, Iraku nuk shet naften por hedh ne rruge naften me programin Oil For Food. Nuk mund te quhet shitje nje biznes ku cmimin nuk e vendos ti por ta vendosin nga jashte dhe se luan dot. Oil For Food eshte i vetmi autorizim per te eksportuar naften irakene dhe ONU e ka bere per te ndihmuar popullaten qe ka probleme ushqimore.
(ONU eshte dhe Franca dhe Gjermania, jo vetem USA)

---

Me vjen keq Fajtor por njesoj si ne repliken e meparshme i ke gabim faktet. Iraku nuk e hedh ne rruge naften, perkundrazi e shet me cmimin e tregut. Sa per informacion, asnje vend nuk e vendos vete cmimin e naftes, cmimi vendoset ne tregjet nderkombtare nen parimet e tregtise se lire. Per me shume informacione per programin mund te shikosh faqen e OKB: http://www.un.org/Depts/oip/background/index.html
Sa per nje ide per parate qe ka fituar Iraku nga shitja e naftes:
To date, some $26 billion worth of humanitarian supplies and equipment have been delivered to Iraq under the Oil-for-Food Programme, including $1.6 billion worth of oil industry spare parts and equipment. An additional $10.9 billion worth of supplies are currently in the production and delivery pipeline

Citim:

---

Se treti, nuk ka rendesi cilat metoda mendon ti Vizitor se ekzistojne per te hedhur Saddamin. Puna eshte se nuk ke te drejte ta hedhesh Saddamin, nuk eshte nen juridiksionin amerikan venia e qeverive ne Lindjen e Mesme.

---

Fajtor, ti flet sikur ekziston ndonje liber me rregulla dhe ligje per hedhjen dhe rrezimin e diktaturave. Me vjen keq te te zhgenjej por nuk ka asgje te tille dhe diktaturat i hedhin popujt qe vuajne nen to, ose ne raste kur ato jane shume te forta i hedhin fuqite e jashtme.

Citim:

---

Se katerti pres ndonje pergjigje per zgjidhjen qe i jep ti ceshtjes palestineze kur nga nje ane i quan terroriste dhe nga ana tjeter USA nuk lejon kaskat blu te qeteesojne gjakrat ne ate zone. Me thuaj ti cfare duhet te bejne palestinezet qe te kene te drejtat themelore te njeriut dhe shtetit.

---

Palestinezet le te heqin dore nga kamikazet, le te mos hedhin me ne ere autobuze me civile dhe le te ulen ne tavolinen e bisedimeve me Izraelin. Barak i ofroi Arafatit nje marreveshje qe do ti kishte dhene fund gjakderdhjes por Arafati mendoi per popullaritetin e vet dhe e refuzoi. Sidoqofte, gjeja e pare qe duhet te bejne Palestinezet eshte te heqin dore nga terrorizmi.

Citim:

---

Ti thua se mendimi i kishes katolike eshte i kote. Donald Rumsfeld thote se mendimi i Frances, Gjermanise, Kines dhe Rusise eshte i kote. A mund te me thuash ku qendron demokracia kur gjysma e botes nuk duhet te marre pjese ne vendime ???

---

Demokracia e paster, njesoj si Komunizmi i paster eshte nje utopi. Sa me shpejt qe te kuptohet kjo ceshtje themelore nga te gjithe njerzit e kesaj bote, aq me shpejt do te merremi vesh.

Pershendetje

C'e bera carcaf moreeeeeeeeeeee po faji eshte i Analistes qe edhe na thote ti shkurtojme replikat, edhe e ben litar per vete

__________________
"Oderint dum metuant"

Denonco këtë mesazh tek moderatorët | IP: e regjistruar

Regjistruar: 11/06/2002
Vendbanimi: Europe
Mesazhe: 10706

Ok grupi.

Nuk e kuptoj pse vazhdoni te krahasoni Gjermanine naziste me Irakun. Gjermania u be aq e fuqishme sa perendimi nuk pati goje ti thote as gjysem fjale ndersa aramatosej dhe sulmoi Polonine apo Cekine. Gjermania nuk kish asnje rival boteror qe ti mbyllte gojen. Vec kesaj ne ate periudhe secili shikonte punen e vet dhe kjo vazhdoi gjate.

Sot koherat kane ndryshuar dhe nuk mund te dale kurre nje shtet qe te kercenoje gjithe shtetet perendimore. Vetem USA ka arsenal luftarak aq te madh sa ti beje balle cdo shteti, mos llogarisim te tjeret.

Sidoqofte kete duhet ta vleresojne te gjitha shtetet perendimore dhe jo vetem USA me emocionet e nje presidenti te vetem.

Meqe jam po ju kujtoj se bota ka ndryshuar jashte mase shume. Nje here e nje kohe askujt nuk do ti interesonte se USA sulmonte Irakun. Do ishte thjesht nje lajm. Por vete globalizimi ka bere qe evenimentet boterore te ndihen gjithnje e me shume pjese e ekosistemit ku jetojme dhe ne. Prandaj u arrit te behen demostrata me 110 milione njerez ne gjithe boten per nje eveniment qe fundi i fundit nuk prek direkt demostruesit. Pra eshte pergjegjesia qe ndjejne popujt e vendeve te ndryshme qe i ben te kundervihen me kaq force. Eshte pikerisht ajo pergjegjesi qe populli shqiptar mbase nuk ndjen perderisa nuk di te thote as po dhe as jo.

Ne diskutimin tone ka dy linja problemesh.
1. Pse duhet te bejme lufte e te vrasim njerez per te arritur qellimet tona ?
2. A kemi te drejte ne te eksportojme sistemet qe na pelqejne ne vendet qe na pelqejne ?

Per piken e pare une jam komplet kunder. Nuk behet lufte me pretekstin qe do clirohen njerez. Lufta eshte lufte.
Per piken e dyte une jam pjeserisht kunder. Mendoj se asnje nuk ka te drejte te beje ato qe mendoni ju. Heqja e Saddamit dhe venia e qeverive qe na pelqejne nuk eshte aspak sinonim i stabilitetit. Dhe as nuk eshte korrekte ndaj popujve. Shembull kemi Sali Berishen i cili u duk sikur do kthente vendin drejt zhvillimit dhe u mbeshtet nga jashte. Ne fakt e solli vendin ne lufte civile dhe burgosi gazetare e politikane. Pra mos kujtoni se stabiliteti dhe zhvillimi vjen duke luajtur me qeverite e huaja sikur po luajme shah. Zhvillimi vjen me kohen dhe nuk besoj se ne kemi te drejte "te veme nje dore te forte ne boten arabe". Nuk e kuptoj kush ja jep perendimit te drejten te vere duart ne lindje. Pse duhet qe ne te kemi dore tek ata ndersa ata mos te kene dore tek ne ???

Mbase demokracia eshte nje utopi, por ka patur sukses deridiku me menyren e ekuilibruar qe eshte trajtuar. Puna eshte te mos vlevisim demokracine kur fryhemi para Saddamit si te ndershem dhe nga ana tjeter ta quajme utopi kur na intereson. Demokracia ka nevoje te konfirmohet ne disa pika te vecanta te historise se saj, ndryshe prishet besimi qe njerezit kane tek ajo. Eshte si puna e dashnores. Duhet ne pika te caktuara ti konfirmosh qe ti je komplet i saj, ndryshe asaj i humbet besimi dhe lidhja prishet.

Denonco këtë mesazh tek moderatorët | IP: e regjistruar

Regjistruar: 10/01/2003
Vendbanimi: .
Mesazhe: 5233

Vikatjet e debatit për kundërshtimin francez dhe gjerman të luftës në Irak kanë vulosur ndryshimin në të menduarit strategjik të Amerikës. Pentagoni po i rikthen Shtetet e Bashkuara në rolin e tyre tradicional si një fuqi detare. Në këtë strategji Evropa perëndimore, në fakt Evropa në tërësi, do të ketë më pak rëndësi se ka patur.
Gerhard Shrëder dhe Zhak Shirak po shërbejnë si një justifikim i volitshëm për presidentin Xhorxh Bush dhe për sekretarin amerikan të mbrojtjes Donald Rumsfeld që të pakësojnë prezencën amerikane në Evropë. Tashmë që nuk është më e nevojshme një prani masive tokësore në Evropën Perëndimore, shtetet e Bashkuara duan t'i rikthehen kësaj strategjie detare.
Fuqitë detare sillen në mënyra të parashikueshme. Strategjikisht ato përpiqen që të dominojnë oqeanet ( dhe tani dhe hapësirën). Ato nuk parapëlqejnë shtrirje në hapësira të mëdha tokësore të trupave të tyre, por preferojnë të shfrytëzojnë pajisje lokale. U pëlqen të kontrollojnë ose të paktën të neutralizojnë bregdetet e deteve apo oqeaneve që kanë ngjitur.
Nga ana diplomatike nuk kanë aleanca të caktuara por vetëm qëllime të caktuara. Mund të zotohen për diçka por u pëlqen të ndihen të lirë të largohen nga zotimi. Ata gjithashtu duan të kenë një varg të gjatë bazash anembanë botës. Britania i kishte këto në kulmin e lulëzimit të saj dhe Amerika do t'u rikthehet atyre tani. Ky është kuptimi i vërtetë i shprehjes 'koalicioni i vullnetit"

Shtetet e Bashkuara mund të reduktojnë praninë e trupave të tyre në Evropë tani që kërcënimi nga " Bashkimi Sovjetik" është zhdukur. Shtetet e tjera mund ta mbrojnë këtë anë të Atlantikut. Uashingtoni megjithatë dëshirn baza përgjatë rrugëve kryesore detare si psh deti Mesdhe. Kështu Spanja, Italia, Turqia dhe Izraeli bëhen shumë më të rëndësishme se Gjermania. Iraku bëhet një kërcënim më i madh për Izraelin, për balancën në Lindjen e Mesme dhe për sigurinë e Shteteve të Bashkuara në rrugët përmes Detit Mesdhe dhe Gjirit Persik. NATO nuk është më aq e rëndësishme.
Gjithsesi kjo nuk do të thotë që të gjitha trupat amerikane do të largohen nga Gjermania apo Evropa perëndimore. Gjermania nuk përbën më një trofe lufte por një platformë lëshimi ( launching Platform). Nuk do të thotë që NATO-s i ka ardhur fundi pavarësisht nga pakësimi. NATO ka mbijetuar edhe kriza të tjera dhe do të mbijetojë edhe këtë. Duke qenë një aleancë politike NATO-ja mund të jetë elastike. Por SHAPE, selia qëndrore e fuqive aleate në Evropë, që përbën krahun ushtarak të NATO-s do t'i nënshtrohet ndryshimeve rrënjësore dhe akoma të paparashikueshme.
Uashingtoni ndoshta do presë edhe pak para se të shpallë këtë strategji pasi kjo do të përforconte dëshirën e Evropës për një politikë të saj të jashtme dhe të sigurisë. Si të gjitha fuqitë detare tradicionale Uashingtoni preferon që të ruajë një ekuilibër pushtetesh midis shteteve të ndryshme në kontinentet e tjera. Kjo është arsyeja që Ramsfeldi i bëri thirrje " Evropës së re" që të balancojë " Evropën e vjetër". Sa i përket strategjisë detare do të bëhet vetë e qartë me kalimin e kohës.

Financial Times

__________________
It takes just as much courage to express your love when it's right, as it does to walk away when it's wrong.

Denonco këtë mesazh tek moderatorët | IP: e regjistruar

Regjistruar: 03/01/2003
Vendbanimi: Today
Mesazhe: 1498

Kjo pyetje ndodhet tek Lufta ne Irak
Lexoni ate per me teper....

Denonco këtë mesazh tek moderatorët | IP: e regjistruar

Regjistruar: 17/02/2003
Vendbanimi: Filadelfia USA
Mesazhe: 54

E dashur analiste!
Me fal per nderhyrjen, por duke lexuar temat e ndryshme, perdite e me teper me duket se lexoj te njejtat gjera per tema te ndryshme.Pra kam pershtypjen qe ne vazhdojme te jemi te influencuar nga idealizmat, dhe jemi ne gjendje vetem te konstatojme evidencat dhe te kritikojme edhe pse ndoshta kur fillojme te shkruajme nuk e kemi ndermend nje gje te tille, dashje pa dashje biem pre e menyres se te menduarit kolektiv.Por c'fare dobie praktike kemi nga keto?C'fare shpresojme te nxjerrim ne drite?Cili eshte qellimi themelor i ketij forumi?Mos do ti zgjidhim ne hallet e botes?Une mendoj qe duhet te jemi me egoiste, ne kuptimin e mire te fjales, dhe te perpiqemi ti japim zgjidhje problemeve tona dhe te njohim veten me mire.Ti ndoshta do te merzitesh me keto qe po shkruaj, por sinqerisht qellimi im eshte krejt tjeter.Duke shkruajtur shume dhe jo ne menyre racionale behesh qesharak, humbet vlera e mesazhit apo mendimit qe kerkon te percjellesh te te tjeret.Ky forum nuk eshte monopol i kurkujt.Eshte thjesht nje menyre komunikimi kolektiv.Nuk jam kurkush per te gjykuar kerkend, por sinqerisht shume shkrime jane pa vlere fare.Nuk e di se cili eshte niveli mesatar i persona qe perbejne kete forum, por kush te kuptoj le te kuptoj.
Te uroj shendet dhe dashuri.
Miqesisht Antoni nga Filadelfia.

__________________
Shqiptar deri ne vdekje

Denonco këtë mesazh tek moderatorët | IP: e regjistruar