BP
Anetar i ri
Regjistruar: 15/11/2003
Vendbanimi: Tirane
Mesazhe: 6
|
Cfarë është Lëvizja Mjaft!
Cfarë është Lëvizja Mjaft!
Nga Besjan Pesha
Kohët e fundit ka filluar të aludohet shumë mbi Lëvizjen Mjaft qoftë nga opinioni publik, media elektronike dhe e shkruar apo nga intelektualë që përpiqen të zbulojnë të fshehtat e kësaj Lëvizjeje me anën e teorive të ndryshme të konspiracionit.
Duket shumë qartë se ka konfuzion midis asaj që lëvizja është në vetvete dhe asaj që disa pretendojne të jetë apo të bëhet. Ky konfuzion i ka rrënjët e veta në historinë e këtyre 13 viteve politikë shqiptare, politikë e cila nuk ka bërë gjë tjetër vecse ka kthyer vlera qytetare me kokposhtë dhe ka prurë në vend të tyre antivlerat që bien ndesh me qytetarinë dhe me kombin.
Lëvizja Mjaft lindi si një nevojë e pashmangshme për qytetari në një vend ku përvoja të ngjashme kanë qenë të dobëta, nuk kanë patur qëndrueshmëri apo kanë lindur dhe janë përdorur si nevojë e politikës për të manipuluar, pseudoidentifikuar shoqërine civile dhe opinionin e saj.
Qysh prej fillimeve të Mjaft e deri në ditët e sotme është vënë re se njerëz të cilët nuk kanë protestuar ndonjëherë, qytetarë të cilët janë shquar për militantizmin partiak dhe bindjen civile, kanë filluar të rehabilitojnë sensin e protestës e të shfaqin më në fund shenja të mosbindjes civile.
Shpesh njerëz të ndryshëm i drejtohen me termat “dështim” apo “pësim ” Lëvizja nuk është nje dicka që pëson, lëvizja është dicka që vazhdon, si rrjedhojë asnjëherë lëvizja mjaft nuk dështon, këto terma i përkasin programeve politike dhe një qeverisjeje konkrete. Lëvizja nuk ka një program të bazuar mbi objektiva të matshëm materialisht, ajo që lëvizja synon jane ngritja e vlerave të reja të qytetarisë dhe si rrjedhojë e ketyre lëvizja asnjëherë nuk mund të dështojë për sa kohë që vlerat mbarten dhe përcillen.
Lëvizja bazohet në parime themelore dhe në plane afatgjata strategjike dhe të bazuara në to janë edhe aksionet që ajo ndërmer. Partitë politike bëjne programe (liberalizimi i tregut) dhe kanë sukses ose dështojnë. Lëvizja zbaton parime e ngre vlera dhe për sa kohë është brenda tyre asnjëherë nuk është e dështuar.
Ajo që ne bëjmë është ekskluzive për shqiptaret dhe lëvizja në vetvete mbart një nacionalizëm të butë, nacionalizëm i cili i ridetyron shqiptarët të përmendin fjalët patriot, atdhe etj me krenari. Është ndër të paktat Lëvizje që i ka dhënë një imazh të mirë Shqipërisë në mediat ndërkombëtare.
Lëvizja nuk ka një afat kohor brenda të cilit duhet të përmbushet apo finalizohet sepse, nuk ka qëllime materiale që ezaurohen dhe vlerat e saj i rezistojne kohes dhe janë në harmoni me sistemin që vendi aspiron. Një sistem nuk mund të jetë kurrë demokratik për sa kohë që qytetarët nuk bëhen pjesë e vendimarrjes, edhe pas procesit të votimit. Mospjesmarrja qytetare do të sjellë gjithnjë vendime arbitrare dhe mungesë përgjegjësie. Në kuadër të kësaj Lëvizja do të vazhdojë të lëvizi jo vetëm vertikalisht por edhe horizontalisht duke mos artikuluar vetëm nevojat kombëtare të qytetarisë por edhe ato lokale.
Lëvizja është e qytetarëve dhe jo e një grupi njerëzish prandaj si e tillë duhet të mbetet. Ajo që ne, stafi i Lëvizjes, bëjmë është thjesht një shërbim ndaj qytetarisë, Qwllimi jonw wshtw ti shërbejmë sa më mirë bashkëqytetarëve të vet. Ajo që është thelbësore është fakti se shërbimi jonw është i ndershëm dhe nuk bazohet në përfitime materiale por në përfitime morale.
Nuk është qëllimi i Lëvizjes të rrëzojë qeveri e ministra. Kur kjo ndodh qëllimi i vërtetë është tu tregojë qytetarëve shqiptarë se qytetaria aktive është celësi i zgjidhjes së problemeve shqiptare dhe se sovrani i vërtetë është populli. Edhe në rastet kur funksionarët nuk reagojnë ndaj protestave qytetare lëvizja është e suksesshme sepse tregon qartë dhe nxjerr në pah se sa e pandjeshme është qeverisja ndaj kërkesave të qytetarëve të vet. Nqs nuk do të kishte reagim qytetar kjo pandjeshmëri nuk do të vihej kurrë në dukje.
Mjaft do të thotë qytetari dhe ata që thonë Mjaft tregojnë se janë të përkushtuar ndaj vetvetes dhe një Shqipërie ndryshe.
__________________
"Nese deshiron qe te arrish dicka, beso qe do te arrish shume"
Denonco këtë mesazh tek moderatorët | IP: e regjistruar
|
21 Janar 2004 20:06
Forumi Horizont > Tema Shoqërore > Historia > Levizje shoqerore > Levizja Mjaft > Mjafti dhe levizjet e pa perfunduara.
