Klodel
.
Regjistruar: 10/01/2003
Vendbanimi: .
Mesazhe: 5233
|
Ndodhem në krevat, përpëlitem andej këtej është e kotë. Nuk mund të fle. Sytë më rëndojnë disi, ndoshta është vetë imitim fizik i fytyrës sime në këtë orë të vonë të natës, por është e kotë. Sërisht më pret një natë pa gjumë.
Dal në korridor dhe ulem diku pranë derës. Hedh sytë përtej, duke dashur të shquaj në gjysëm errësirën që ka pushtuar korridorin fundin e tij që nuk duket. Çuditërisht është i gjatë, tmerrësisht i gjatë. Filloj të ec duke u lëkundur disi nga lodhja. Tashmë jam zhytur edhe unë në errësirën misteriozze, çudi, fundi nuk duket. Nuk ka mundësi aty duhet të jetë ja dhe pak....... Një dritë e zbehtë u shfaq pa pritur mbrapa meje. Kthej kokën ... një vajzë qëndron aty me flokë të çuditshëm në një ngjyrë të argjentë me nuanca të ndryshme. Kthehem dhe filloj të eci drejt saj. Ja ndjej frymëmarrjen... duket sikur ndodhet brenda meje... veshët më buçasin. Ajo ndodhet në të njëjtën distancë megjithëse unë i afrohem. O zot më duket sikur eci në vend. Çfarë po ndodh kështu ?? Ajo vazhdon të më ftojë .... tashmë frymëmarrja e saj është kthyer në rënkim.... Drita zhduket dhe humbas sërisht në errësirë, rënkimet e saj shëtijnë në zbrazëtirë... po më krijohet një obsesion i tmerrshëm, po çmendem.... të lutem o Zot më ndihmo. Papritur gjithshka pushon. Një zile e dobët dëgjohet dikur. Shiko... tej ... çështë ajo pikë e bardhë atje larg, oh po afrohet.. Po vjen drejt meje me një hspejtësi skëterrë... o zot... po afrohet... erdhi....
Hap sytë dhe e shoh veten të rrethuar nga njerëz. Fytyra të çuditshme qëndrojnë mbi mua dhe më vështrojnë me habi dhe gëzim " Shpëtoi... shpëtoi"... pëshpërisin midis tyre. Mundohem të lëviz pak krahët i kam tmerrësisht të rëndë. Disa tuba varen nga damarët e mi dhe përfundojnë në një aparat të çuditshëm. Mundohem të lëviz por befas më pushton një dhimbje e tmerrshme të tërë trupin. Humbas sërish ndjenjat por tashmë kisha shpëtuar...
__________________
It takes just as much courage to express your love when it's right, as it does to walk away when it's wrong.
Denonco kėtė mesazh tek moderatorėt | IP: e regjistruar
|