AngelDevil
Shejtone
Regjistruar: 02/05/2009
Vendbanimi:
Mesazhe: 14611
|
Ligjet më të çuditshme të Amerikës..
Një koleksion me ligje të çuditshme që shkojnë ndoshta prapa deri në histori, por që nuk janë abroguar kurrë dhe vazhdojnë të jenë në fuqi, megjithëse nuk vihen më shpesh në zbatim. Jo, vetëm për të qeshur:
Ja disa nga me te zakonshmit :
- Në Teksas është e jashtëligjshme për gjithkënd të ketë në posedim dy palë pinca!!!! - Në Filadelfia është e ndaluar të fusësh precëls (biskota të kripura) në qese letre, sipas një ligji të viti 1760. - Një ligj në Alaskë të ndalon të shohësh një musë (lloj dreri) nga aeroplani. - Në Korpus Kristi është e jashtëligjshme të rritësh aligatorë në shtëpi.
- Në Majamiështë i ndaluar imitimi i kafshëve.
- Në Arkansas është e jashtëligjshme të shqiptosh keq emrin e shtetit (Arkansas).
- Në Ilinois ka një ligj që thotë se makina duhet të drejtohet patjetër me një timon!!!
- Kalifornia ndalon gratë t’i japin makinës veshur me robdishan.
- Në Memfis, Tenesi, që një grua t’i japë makinës, duhet që një burrë të lajmërojë shoferët e tjerë në rrugë duke ecur në këmbë para makinës që po drejtohet nga gruaja!!!!
- Por në Tenesi ka dhe një ligj tjetër shumë të rrallë: ndalohet të drejtosh një makinë në gjumë!!
- Pas kësaj vjen Nju Jorku ku ndalohet t’i japin makinës njerëzit e verbër!!!
- Në Virxhinian Perëndimore vetëm bebet mund të udhëtojnë në një karrocë bebesh .
- Në Xhorxhia është e jashtëligjshme të gjuash me shuplakë një burrë në kurris apo gjoks.
Dhe me poshte disa risi te tjera te ketyre ligjeve te cuditshme :
- Berberëve, në Xhorxhia, iu ndalohet të shfaqin në vitrinë çmimet e shërbimit. - Parlamenti i Luizianës kaloi një ligj jo shumë kohë më parë që vendoste një çmim tavan prej 25 cent për qerosët. - Në Oklahoma ndalohen ekipet e bejsbollit të hedhin topin matanë gardhit të fushës. - Në Roçester, Miçigan, ka një ligj që thotë se nëse dikush bën banjë në publik, duhet të kalojë një inspektim të rrobave të banjës nga një polic në fillim!!! - Në Kentaki ka një ligj që sanksionon se çdo njeri duhet të bëjë banjë të paktën një herë në vit. - Në Utah, zogjtë kanë të drejtën e kalimit para automjeteve në të gjitha autostradat. - Në Ohajo duhet të kesh liçensë për të mbajtur një ari. - Në Tenesi ka një ligj që ndalon shitjen e Bolonja (nja sandviç me mish) të djelave. - Në Virxhinia, kodi zgjedhor i viti 1930 ndalon korrupsionin dhe ryshfetet për çdo person tjetër veç kandidatëve politikë!!! - Në Providencë, Rode Ajland është e jashtëligjshme të hidhesh nga ura!!! - Në Kansas ndalohet të ecësh me një bufalo nëpër rrugë. - Në florida është e ndaluar të fusësh kafshë (dele, lopë) në autobusët e shkollave. - Lakrat nuk mund të shiten të dielën në New Xhersi. - Në Kalveston është e ndaluar të kesh një deve të zgjidhur nëpër rrugë.
Por nuk mungojne edhe ligjet per kafshet , apo mardhenien e tyre me njerezit ..
- Karolina e Veriut ka një ligj që thotë se ndalohet të zihen qentë me macet. - Në Kliveland, Ohajo është e jashtëligjshme të lesh çimçakizin në vende publike. - Në Virxhinia pulat nuk mund të bëjnë vezë para orës 8:00 dhe duhet të kenë mbaruar deri në 16:00. - Në Nju Jork u ndalohet fëmijëve të kapin me dorë apo të mbledhin bishta cigaresh. - Në Masaçusets është e ndaluar të fusësh domate në clam chowder (një lloj supe). - Në Washington nuk mund të mbash të fshehur një armë që është më e gjatë se 6 këmbë - Në San Francisko ka një ligj që ndalon të marrësh kuti bosh e të gjuash me to dikë. - Në Kentaki u ndalohet tregtarëve të fusin klientët me zor në dyqan!!! - Në Konektikat djemtë ndalohet t’i shkruajnë një vajze, nëna apo babai i së cilës e ka ndaluar këtë marrëdhënie. - Në Miçigan çiftet e martuara rrezikojnë burgun po nuk jetuan së bashku. - Në Kolorado, nëse macja del nga shtëpia duhet të ketë një dritë në bisht!!!
Dhe disa cudira te tjera te ligjeve amerikane :
- Në Kaliforni, një ligj i vitit 1925 thotë se ndalohet të tundesh kur kërcen!!! - Në Utah, mes kërcimtarëve duhet të duket drita e ditës. - Në Miçigan është e jashtëligjshme për një zonjë të ngrerë fundin e saj më shumë se 18 cm kur kalon në një pellg me baltë. - Në Karolinën e Veriut është e ndalur që lepujt të vrapojnë nëpër rrugë. - Në Xhorxhi është e jashtëligjshme të përhapësh një thashetheme të rremë!!! - Në Virxhinian Perëndimore është e ndaluar të gatuash lakra për shkak të erës, mund të dënohesh me burg. - Në Misuri burrët duhet të kenë leje për t’u rruar!!! - Një ligj thotë se në Bulevardin e Hollivudit nuk mund të kalojnë njëkohësisht më shumë se 3000 dele njëkohësisht. - Në Teksas dënohesh akoma me varje për vjedhjen e lopëve.
(Pergatitur nga Edmond Petraj)
__________________
.
Denonco këtë mesazh tek moderatorët | IP: e regjistruar
|
29 Gusht 2010 19:20
Forumi Horizont > Nen-forumet e lira > Kuriozitete > Njerëzimi > Ligjet më të çuditshme të Amerikës..
