Admirali
ITSD Engineer
Regjistruar: 07/01/2003
Vendbanimi: Durrės
Mesazhe: 2298
|
Plazhi pa ujė, shkencė nga halli
Artur Korriku
rrethet@gazetashqiptare.com
DURRËS
Banorët e plazhit në Durrës, prej tri ditësh nuk kanë pikë uji, as për të pirë. Kriza e furnizimit me ujë ka qenë e përhershme në këtë zonë dhe rrethinat e saj, ku qytetarët janë të detyruar të ngrihen me natë për të mbushur enët. Por njeriu duket se e gjen zgjidhjen gjithnjë, në situata të cilat shkaktojnë edhe krizë. Duke qenë se uji nuk ka një orar, banorët mbesin gjithë natën zgjuar. Orët me zile më kot i vënë, pasi orari nuk është asnjëherë i njëjtë.
Një shpikje origjinale ka realizuar një nga banorët e zonës së plazhit, Jakup Musaku. Ai ka shfrytëzuar një shishe plastike 1.5 litra, grykën e të cilës për çdo natë, përpara se të flejë, e vendos në rubinetin e çezmës që të jetë gati për tu mbushur. Shishen e mban mbi sipërfaqen e tokës një kapëse rrobash. Buzët e kapëses janë të lidhura me fijet e korrentit. Në njërën prej tyre është vendosur faza dhe në tjetrën nuli. Fijet përfundojnë në dhomën e gjumit, tek një zile. Kur vjen uji dhe shishja mbushet, ajo shkëputet nga kapësja dhe bie poshtë. Në këtë moment, telat kontaktojnë me njëri- tjetrin dhe vënë në punë zilen, e cila zgjon banorët dhe i njofton se uji erdhi. Ata më pas vendosin në punë elektropompën, për të ngjitur ujin nëpër depozita. Jakupi thotë: Këtë gjetje e bëra nga zori, pasi rrinim gjithë natën zgjuar për të pritur ujin. Mjaft herë ai nuk vinte fare. Ngaqë ardhja e ujit nuk ka një orar fiks, vrava mendjen dhe gjeta këtë zgjidhje. Kjo ka shpëtuar të gjithë mëhallën, pasi unë zgjoj nga gjumi edhe fqinjët pranë meje kur vjen uji.
Durrsakët janë origjinalë në të tilla shpikje. Në kohën e diktaturës, ata shpikën kanoçet e famshme për të kapur stacionet televizive të huaja...
Gazeta Shqiptare - Balkanweb.com
-----------------------------------------------------------------------------
Jo po flisni po deshet per durrsaket ju
__________________
Quis custodiet ipsos custodes?
Denonco kėtė mesazh tek moderatorėt | IP: e regjistruar
|