arturm
Veteran ne forum
Regjistruar: 06/12/2006
Vendbanimi: itali
Mesazhe: 1195
|
Kriteret e Perėndimit dhe kriteret e Berishės
Nga Mero Baze
Dy komisionerët më të rëndësishëm të Bashkimit Evropian, Baronesha Ashton dhe Komisioneri për Zgjerim, Stefan Fyle, dolën dje mbasdite me një deklaratë të përbashkët, në të cilën konsideronin shqetësues interpretimin që KQZ i bëri rezultatit të zgjedhjeve në Tiranë, dhe i bënin thirrje Kolegjit Zgjedhor për një gjykim të ndershëm dhe të paanshëm. Ky është dhe qëndrimi më i avancuar dhe i detajuar që Bashkimi Evropian ka mbajtur ndaj detajeve të procesit zgjedhor në Shqipëri, duke shpresuar se diferenca e vogël e rezultatit në Tiranë duhet përdorur si shans për të konsoliduar sistemin. Por në të vërtetë kriteret e Perëndimit dhe kriteret e Berishës janë krejt të ndryshme, dhe qëndrimi i tyre shumë parimor dhe i lavdërueshëm do ta kalojë pa efekt në Tiranë.
Nuk do të funksionojë pikësëpari pasi Bashkimi Evropian e bazon shpresën e tij tek sistemi, atje ku duhet të qëndrojë forca e një shteti ligjor, ndërsa Berisha e bazon fuqinë e pushtetit të tij tek personat. Në rastin shqetësues të Komisionit Qendror të Zgjedhjeve, nuk ka funksionuar ligji, por personaliteti i kryetarit të KQZ që ndërmori gjithë atë procedurë me qetësi. Shumë vetë e mistifikojnë Arben Ristanin dhe tri të tjerët që ka në krah. Çfarë nuk kam dëgjuar nga opozitarët këto ditë për të. Dikush e super-vlerëson si një skifter të Berishës, dikush tjetër si mafioz, dikush si mashtrues, dikush si hajdut, dikush si njeri me pengje nga e kaluara etj. Ka plot detaje të vërteta në këto paranoja, por unë e njoh mirë dhe mund të them pa frikë dy cilësi të tij që janë shumë të vyera për Sali Berishën: Është i palexuar dhe pa asnjë ndjeshmëri ndaj opinionit publik. Rrallë kam njohur njerëz që ndoshta skanë lexuar asnjë libër, që nuk lexojnë kurrë gazeta dhe nuk shikojnë lajme. Në jetën e tij të përditshme ai është një njeri që vrapon pas argëtimit, pareve, posteve të rehatshme për tia siguruar këto. Ai më pak se çdo qytetar nën-mesatar shqiptar, dëgjon lajme, kupton kush është Baronesha Ashton, apo përpiqet të marrë me mend çdo të thotë një deklaratë e ashpër e Komisionerit Fyle. Të gjitha këto i duken një gjuhë e huaj pa kuptim. Ai është i shqetësuar vetëm për detyrën e radhës dhe brenda vetes është i bindur se nuk ka bërë asnjë faj përderisa ka zbatuar një urdhër. Ky karakter është një siguri e madhe për Berishën, pasi neutralizon gjithë presionin perëndimor, presionin e medies dhe opinionit publik për arsyen e vetme se këto zhurma nuk arrijnë kurrë në veshët e tij. Si ky janë së paku dhe dy anëtarët e tjerë të KQZ, dy partiakë, njëri nga Tropoja dhe një nga Shkodra, që kanë gjetur një punë me rrogë më të mirë se çkanë pasur më parë dhe me më pak punë. I vetmi prej tyre që vjen nga një përvojë ligjore në KQZ është Zguri, i cili është brenda logjikës së rreshtimit politik. Ky konfigurim është kriteri me të cilin Berisha ia del të bëhet faktor në krizë, dhe të detyrojë Perëndimin ti kërkoj nder për të negociuar anulimin e skandalit të KQZ. Pa Ristanin dhe anonimët e tij Berisha do ishte sot tërësisht jashtë vëmendjes së Perëndimit dhe të shqiptarëve si një humbës i madh. Tani është në qendër të vëmendjes si një grabitës i madh.
E njëjta histori po përsëritet dhe me Kolegjin Zgjedhor. Për hir të së vërtetës, edhe pse shumë njerëz janë kritik me të, në traditën e tij nga viti 2003 Kolegji Zgjedhor ka ruajtur një standard të pranueshëm gjykimi, përjashto çështjen e debatueshme të zgjedhjeve të vitit 2009. Unë nuk i njoh personalisht anëtarët e këtij Kolegji, por njoh praktikën me të cilën Berisha ka nisur të punojë me ta. U ka çuar nga tre- katër survejues të veshur si policë nga pas, në shtëpi, në punë, në rrugë, kudo që të jenë, me qëllim që ata të ndjehen të terrorizuar dhe nën kontrollin e plotë të tij. Ndërkohë u skanon hallet, problemet, të metat, meritat dhe i kapitalizon ato. Në fund secili prej tyre para se të gjykojë me ndershmëri dhe në mënyrë të pavarur siç kërkon Baronesha Ashton apo Kiomisioneri Fyle, do të gjykojnë si të shpëtojnë nga Berisha dhe nga sistemi i tij që kanë mbi shpinë. Nuk dua ti paragjykoj, por njerëz janë dhe mund të thyhen. Në këto kushte presioni ndërkombëtar, dhe sidomos qëndrimet e ashpra të Bashkimit Evropian apo ODIHR, zhvlerësohen nga një sistem krejt i ndryshëm prej tyre, nga sistemi politik i Sali Berishës, i cili nuk bazohet tek institucionet dhe shteti ligjor, por tek kontrolli mbi individin dhe përdorimin e tij në funksion të qëllimeve të veta politike. Në këtë sistem Sali Berisa është i pakonkurrueshëm. Baronesha Ashton është vërtet e shqetësuar nga KQZ-ja, por KQZ-ja nuk është aspak e shqetësuar prej saj, se as nuk e di fare kush është ajo. Baronesha Ashton po ashtu është e prirur të besojë se Kolegji Zgjedhor do jetë i ndershëm dhe i pavarur, por ai qysh tani është i burgosur dhe i survejuar si në regjimin e kaluar.
Shqipëria gjendet sot para një shansi të madh dhe një rreziku të madh. Shansi është që Bashkimi Evropian dhe Shtetet e Bashkuara të Amerikës kanë marrë seriozisht faktin që Sali Berisha ka futur duart në zgjedhje dhe duhet të ndalet, rreziku është se ata mendojnë që ai mund të ndalet nga përsosja e sistemit dhe shteti ligjor. Në të vërtetë ai thjesht nuk ndalet, pasi nuk i ka asnjë borxh shtetit ligjor, sistemit dhe vlerave perëndimore. Nuk është prej tyre në pushtet.
P.s. Ky artikull me duket shume realist
Denonco kėtė mesazh tek moderatorėt | IP: e regjistruar
|
Mos ke hall per mu Lule, se une i kam vaj punet!
Berisha 
24 Maj 2011 19:48
Forumi Horizont > Media dhe Politika > Politika Shqiptare > 8 Maj 2011. Zgjedhjet per pushtetin lokal.
