Fajtori
Apo jo?
Regjistruar: 11/06/2002
Vendbanimi: Europe
Mesazhe: 10706
|
• Për mineralin e kromit gjatë viteve 1967-1970 gjeologë të ndryshëm kanë bërë punime kërkim-zbulimi, zbulimi të detajuar dhe studime tematike në vendburime konkrete, apo në masivët ultrabazike. Kështu H. Maliqi ka bërë punime zbulimi në vendburimin e Vlahnës dhe të Kepenekut “Raport gjeologjik mbi zbulimin e vendburimit të Vlahnës” Kukës 1962, “Relacion mbi llogaritjen e rezervave të trupave Nr.1 dhe 7 vendburimi Kepenek dhe trupit Nr.1 pika e mineralizuar Mjekërbardhë”. S. Dede, M. Shallo kanë bërë punime tematike në masivin e Kukësit “Raport paraprak mbi rezultatet e punimeve tematike në masivin ultrabazik të Kukësit” Tiranë 1962. R. Sulejmani ka punuar për zbulimin e vendburimit Kalimash-1 “Raport gjeologjik për vendburimin Kalimash-1” Kukes 1962;më pas punimet gjeologjike në Kalimash-1, i ka vazhduar A. Serjani, “Raport mbi rezultatet e punimeve gjeologjike të kryer në vendburimin kromifer Kalimash-1 gjatë periudhës prill 1962-maj 1963” Kukës 1963, “Raport gjeologjik mbi llogaritjen e rezervave të vendburimit Kalimash-1 me gjëndje 1.1.1966” Kukës 1966; ai gjithashtu ka bërë kërkime në shfaqjen e mineralizuar të Proi Runës, “Relacion mbi rezultatet e punimeve gjeologjike në pikën e mineralizuar Proi Runës” Kukës 1966. A. Serjani duke punuar në masivin ultrabazik të Tropojës dhe të Kukësit, disa mendime mbi trupat mineral kromifer të tyre, mbi ndërtimin e masivëve etj. i ka paraqitur edhe në disa artikuj: “Ndryshueshmëria e trupave minerale kromiferë të Kukësit e Tropojës dhe zgjedhja e rrjetës për konturimin e rezervave industriale” Përmb. Stud. Nr.3, 1966, “Stratifikimi i masivit ultrabazik të Kukësit dhe perspektiva e tij për kromite të pasura” Bul.USHT.ser.Shk.Nat.Nr.4, 1967. “Përcaktimi i peshës vëllimore të xeherorëve kromifer në varësi të përmbjatjes së Cr2O3 dhe të shkallës së serpentizimit” Përmb. Stud. Nr.5, 1967, dhe bashkë me M. Tophana “Marrëdhëniet bashkëlidhëse të disa përbërsave në xeherorët e kromit të vendburimeve të vendit tonë” Përmb. Stud. Nr.1, 1970; kurse Xh. Dyca ka bërë punime kërkim zbulimi në vendburimin Kalimash-2 të shoqëruar me rilevimin gjeologjik të detajuar në shkallën 1:2 000, të cilin e ka ndihmuar R. Shehu, rezultatet i kanë pasqyruar në raportin e shkruar bashkërisht “Raport mbi punimet e rilevimit 1:2 000 dhe të kërkim zbulimit të vendburimit Kalimash-2” Kukës 1962. Studimin mineralogjik të xeherorëve e kanë bërë A. Çina, A. Tërshana “Përbërja minerale ndërtimi dhe morfogranulometria e xeherorëve të kromit të vendburimit Kalimash-2” Tiranë 1963. S. Bushi ka bërë punime kërkim zbulimi në disa shfaqje minerale të rajonit Surroj që i ka përshkruar në “Relacion gjeologjik mbi rezultatet e punimeve të revizionim zbulimit të kryer në pikat e mineralizuara Kodërluç, Leshnicë, Aralerë, Aratror të zonës Surroj” Kukës 1965. I. Babarama ka bërë punime kërkim zbulimi në disa shfaqje të mineralizuara të Helshanit, Vau spasit, etj., “Relacion gjeologjik mbi rezultatet e punimeve të rilevimit dhe kërkim zbulimit të kryer në pikën e mineralizuar Helshan (Gzhimë)” Kukës 1966, “Relacion gjeologjik mbi rezultatet e punimeve të kryera në pikat e mineralizuara të Camit, Petkaj, Vau spasit dhe Shpatit të Sukës” Kukës 1967. L. Goci, S. Bushi kanë bërë punime në shfaqjen e mineralizuar Aratror “Relacion gjeologjik mbi rezultatet e punimeve të revizionim zbulimit të kryer në shfaqjen e mineralizuar Aratrorit “ Kukës 1968. Punime gjeologo-zbuluese në masivin e Tropojës dhe në vendburimin e Rragamit ka bërë edhe S. Bisha “Raport mbi rezultatet e punimeve gjeologo-zbuluese (Tropojë)” 1967, “Raport mbi rezultatet e punimeve gjeologo-zbuluese në vendburimin e Rragamit” B. Curri 1970.
Punonjësit e Institutit të Kërkimeve Gjeologjike S. Dede, H. Caslli, A. Dobi kanë bërë punime tematike në masivin ultrabazik të Tropojës, “Raport mbi rezultatet e studimeve tematike në masivin e shkëmbinjve ultrabazikë të Kam-Tropojës” Tiranë 1966. A. Çina, M. Mustafaj kanë bërë studimet mineralogjike “Përbërja kimike e kromshpinelideve të disa vendburimeve dhe shfaqjeve të mineralizuara të masivit ultrabazik Kam-Tropojë” Përmb. Stud. Nr.4, 1966. H. Caslli disa mendime mbi ndërtimin gjeologo-strukturor dhe përhapjen e mineralizimit i ka shtjelluar në artikullin “Ndërtimi gjeologo-strukturor i masivit të shkëmbinjve ultrabazike të Tropojës dhe përhapja e mineralizimit të kromit” Përmb. Stud. Nr.7, 1967. Në masivin ultrabazik të Tropojës kanë bërë studime edhe I. Ndoja, A. Vranaj, Dh. Kote, K. Gjata, “Ndërtimi strukturor dhe marrëdhëniet gjenetike në masivin e Kam-Tropojës” Tiranë 1967. Disa prej tyre, ndonjë problem e kanë trajtuar në artikujt “Seria damarore në masivin e Kam-Tropojës” Bul. USHT, ser. Shk. Nat. Nr.2, 1965 shkruar nga I. Ndoja, A. Vranaj. K. Gjata dhe “Mbi kontaktin intruziv të ultrabazikëve të vendit tonë” Bul. USHT, ser. Shk. Nat. Nr.1, 1966 shkruar nga I. Ndoja e K. Gjata. I. Ndoja etj., gjithashtu kanë studiuar problemet e ndryshme të ultrabazikëve; për masivin e Gomsiqes “Proçeset e shndërimit të ultrabazikëve të masivit të Gomsiqe-Dushit” Bul. USHT, ser. Shk. Nat. Nr.1, 1961; kurse Dh. Kote, I. Ndoja “Gjeologjia e masivit ultrabazik të Gomsiqe-Dushit dhe petrologjia e tij” Stud. Gjeol.Vol.I, 1962; ndërsa I. Ndoja, T. Haxhiymeri, A. Pasholli kanë studiuar olivinitet “Olivinitet lëndë e parë refraktare” Bul. USHT, ser. Shk. Nat. Nr.4, 1964; dhe vetëm I. Ndoja “Mbi problemin e duniteve dhe lidhja e tyre gjenetike me vendburimet e kromit” Bul.USHT.ser.Shk.Nat.Nr.2, 1962; “Mbi disa probleme të magmatizmit të vendit tonë” Bul.USHT.ser.Shk.Nat.Nr.2, 1963; “Bashkësia ofiolitike në krahinën e Shkodrës” Bul.USHT.ser.Shk.Nat.Nr.4, 1965; “Mbi disa çështje lidhur me diferencimin magmatik të masivit të Korabit dhe strukturën e tij” Stud. Gjeol.Vol.III, 1966. S. Burri, Dh. Kote “Varësia e peshës specifike nga grada e serpentizimit në shkëmbinjtë ultrabazikë” Bul.USHT.ser.Shk.Nat.Nr.1, 1963; Dh. Kote “Mbi disa veçori të përbërjes petrografike të masivit ultrabazik të Korabit” Stud. Gjeol.Vol.III, 1966. A. Tërshana, K. Zeqja “Mbi një veçori petrografike të shkëmbinjve ultrabazikë të Shqipërisë” Përmb. Stud. Nr.4, 1966. K. Zeqja “Disa vërejtje mbi llojet ultrabazike kokrrizimeta në masivin e Kaçinarit” Bul.USHT.ser.Shk.Nat.Nr.4, 1967. A. Vranaj dhe K. Zeqja “Mbi përbërjen kimike të disa shfaqjeve kromitike në masivët e Tropojës dhe në atë të Martaneshit” Përmb. Stud. Nr.7, 1967. H. Caslli, A. Tërshana, L. Goci, M. Mustafaj, A. Çina kanë bërë punime kërkimore e përgjithësuese për masivin ultrabazik të Kukësit, “Studimi dhe përgjithësimi i materialeve ekzistuese, sqarimi i mëtejshëm i strukturës së masivit ultrabazik të Kukësit lidhur me perspektivën krombajtëse dhe orientimi i mëtejshëm i punimeve për xeherorët e pasur të kromit” Tiranë 1968; ndërsa L. Goci, H. Caslli, A. Tërshana edhe në artikullin “Ndërtimi gjeologjik i masivit të shkëmbinjve ultrabazikë të Kukësit” Përmb. Stud. Nr.9-10, 1968. Disa të dhëna mbi mineralogjinë dhe gjenezën e xehrorëve A. Çina i ka paraqitur “Të dhëna mineralogjike mbi xehrorët e masivit ultrabazik të Kukësit dhe mendime mbi gjenezën e tyre” Permb. Stud. Nr.3, 1970. Edhe H. Nokadisa mendime i ka paraqitur në “Impulse apo diferencime magmatike” Përmb. Stud. Nr.3, 1970.
M.Hido ka bërë studime për pasurimin e kromiteve të varfër të Kalimashit dhe të Bulqizës,“Pasurimi i kromiteve të vëndburimit Kalimash” Permb. Stud. Nr 1, 1965 dhe në “Studim plotësues për pasurimin e disa lloj kromitesh të rajoneve të Bulqizës e të Kalimashit” Tiranë 1967.
S.Dede në disa raste vetëm ka bërë punime kërkimore-tematike për vlerësimin e krombajtjes të masivëve ultrabazikë të ndryshëm, duke i përshkruar në raportet përkatës ose në artikujt, si në “Përhapja e shkëmbinjëve ultrabazik në Shqipëri dhe lidhja gjenetike e mineralizimit me to” Permb. Stud. Nr.2, 1965, “Raport mbi studimet tematike të kryera në disa vëndburime e shfaqe të mineralizuaratë kromiteve në masivin ultrabazik të Bulqizës” Tirane1966, “Mbi mënyrën magmatiko- metasomatike të formimit të duniteve, pirokseniteve e xehrorëvë të kromit” Permb.Stud. Nr.6, 1967, “Mbi karakterin impulsiv të intruzioneve të magmës ultrabazike” Përmb. Stud. Nr.7, 1967; “Të dhëna të reja faktike për mënyrën magmatiko metasomatike të formimit të duniteve” Bul.USHT.ser.Shk.Nat.Nr.1, 1968; “Mbi problemin e metallogjenisë së shkëmbinjëve ultrabazik”Tiranë 1968, “Mbi ligjësinë e përhapjes së mineralizimeve kromifere në shkëmbinjtë ultrabazik”Bul. USHT, ser. Shk. Nat. Nr.2, 1969; “Mbi tw ashtuquajturin stratigrafim jo i zakonshwm i masivit ultrabazik tw Kukwsit” Bul.USHT.ser.Shk.Nat.Nr.3, 1970. Në rastet e tjera i ka bërë në grup me gjeologë të tjerë, kështu S.Dede, R.Shehu, M.Shallo, “Magmatizmi intruziv në Shqipëri dhe lidhja e mineralizimit me të “Permb. Stud. Nr.3, 1966, S.Dede, P.Çili, R.Sulejmani, I. Zyka kanë bërë gjate disa viteve punime tematike në masivin e Bulqizës dhe “Mbi ndërtimin gjeologo- struktural dhe ligjësitë e përhapjes së mineralizimit të kromit në masivin ultrabazik të Bulqizës” Tiranë1968, “Studim ndërtimi gjeologo-struktural i pjesës qëndrore të masivit te Bulqizes dhe mundësia e vazhdimit verior dhe e krahëve të strukturës se fushes xeherore të vendburimit të kromit Bulqize”, Tirane 1969 (në këtë studim ka marre pjesë dhe Gj. Myrtezaj); “Raport i studimeve tematike pergjithësuese mbi ndërtimin struktural dhe sqarimin e prespektives së krombajtjes në masivin ultrabazik Bulqizë (1967-1970)” Tirane 1971.
Me zbulimin dhe studimin e dukurive të ndryshme të vendburimeve të Bulqizës (që përfaqëson një vendburim unikal me përmasa botërore), si dhe të vendburimeve të tjerë që shtrihen në masivin ultrabazik të Bulqizës, janë marrë mjaft gjeologë të ndërmarjes gjeologjike, te minierës, të Institutit dhe të Drejtorisë së Përgjithshme Gjeologjike. Rezultatet e punimeve i kanë paraqitur në raporte, relacione apo artikuj. Kështu S. Qorlaze, M. Spiru, K. Gusho, J. Kola, I. Zyka “Raport gjeologjik me llogaritje rezervash me gjendje 1,1,1964” Bulqize 1964. R. Shehu, Xh. Karkanaqe “Relacion mbi disa mendime dhe propozime për zonen Bulqize-Batër-Lugu i Gjatë të masivit ultrabazik te Bulqizës” Tiranë prill 1965, “Studim mbi mundësinë e lidhjes së vendburimit Bulqizë-Batër”Tiranë 1965, Xh. Karkanaqe “Studim disa mendime dhe propozime për prespektiven e mëtejshme të vendburimeve të Theknës” Tiranë 1965. (Në shtator 1965 nga ana e minieres qe ngritur problemi i mbylljes së vendburimit të Theknës, me preteksin se rezervat e mineralit të kromit kishin mbaruar dhe nuk kishte ndonje prespektive. Kërkimet me shpime të filluara në atë kohë zbuluan rezerva të reja që miniera vazhdoi te punojë dhe për 30-40 vjet të tjera). Xh. Karkanaqe, S. Qorlaze “Mendime mbi përhapjen e mineralizimit te kromit ne lindje të brezit qëndror të masivit të shkëmbinjve ultrabazikë te Bulqizës”. Përmb. Stud. Nr.9-10, 1968. Gj. Toto, R. Sulejmani, I. Zyka “Disa mendime mbi strukturën e vendburimit te kromit Bulqizë”, Bulqizë 1965. dhe në artikullin “Disa veçori të marrëdhënieve të kromiteve me shkëmbinjtë anësorë në vendburimin e Bulqizës” Përmb. Stud. Nr.1(14), 1970. K. Gusho, Gj. Myrtezaj, N. Nano “Mbi kërkimin e fushave të reja të mineralit të kromit në periferi të vendburimit ekzistues të Bulqizës” Bulqiza 1968, K. Gusho “Raport gjeologjik i llogaritjes së rezervave 1.1.1968 në vendburimin e Bulqizës” Bulqizë 1970. J. Kola, G. Toto “Shfaqjet e përkuljeve fleksurore ne vëndburimin e kromit Bulqizë” Bulqizë 1967J. Kola, T. Sema, Gj. Myrtezaj, K. Karabina “Problemi i rrallimit te rrjetës së zbulimit me shpime nga sipërfaqja dhe i përdorimit të shpimeve nëntokësore për kërkim-zbulimin dhe për ngritjen në kategori të rezervave industriale në vendburimin e kromit Bulqizë” Bulqizë 1967, J. Kola, G. Toto, N. Myrtezaj “Mbi shfaqjen e përkuljeve dhe rrudhosjeve në vendburimin e kromit Bulqizë”. Permb. Stud. Nr.8, 1968. J. Kola “Varesia e peshes vellimore nga lloji i olivinës, nga shkalla e serpentinizimit dhe nga përbërsit kimik të dobishëm në vendburimin e kromit Bulqize” Permb.stud.Nr.2, 1970, T.Sema, J. Kola “Perspektiva e vendburimit Almarinë në bazë të dhënave të punimeve minerale” Bulqizë 1967 H. Nika, J. Kola, T. Sema “Mbi disa veçori të tektonikës shkëputese pas xeherore në vendburimin e kromit Bulqizë” Bulqizë 1969.
Në vendburimet Krastë Luguthellë punimet gjeologjike i ka vazhduar S. Canko, “Raport gjeologjik i punimeve gjeologo-zbuluese të kryera gjatë viteve 1958-1962 në vendburimet kromifer Krastë Luguthellë”1963. Mbi bazën e ekipit Lugugjatë, në vitin 1963 u krijua ekspedita gjeologjike e Batrës, në të cilën në fillim kanë punuar Sh. Stërmasi më vonë edhe gjeologë të tjerë (S. Duni, V. Muka etj). Rezultatet e punimeve gjeologjike të kërkim zbulimit i ka përshkruar Sh. Stërmasi në “Raport i punimeve të kryera në vendburimin e Batres në periudhën 1964-1967” Burrel 1968.
Në kërkim zbulimin e vendburimit të Batrës është edhe jeta e flijuar e 11 heronjve të Batrës: Abdyl Verlaku, Skënder Tomja, Dilaver Rubla, Nexhat Rubla, Emin Pershaku, Hysen Toska, Munir Nurçja, Shaban Hoxha, Myslym Mazari, Sabri Kadria dhe Nexhat Qoku, të cilët me 25 shkurt 1965 orteku i dëbores i përfshu nën vete, dhjetë të parët kishin dalë për të kërkuar shokun e tyre Nexhat Qoku, që një ditë më parë kishte humbur në shpatin e Batrës.
I. Ndojaj, A. Vranaj, Dh. Kote, K. Gjata, K. Zeqja kane studiuar marrëdheniet e ofioliteve me shkëmbinjte gëlqerore në krahun lindor të masivëve ultrabazikë të Lurës dhe Bulqizës “Marrëdhëniet e shkëmbinjve të bashkësisë ofiolitike me shkëmbinjtë gëlqerore në krahun lindor të Lurës dhe të Bulqizës” Bul. UshT, Shk. Nat Nr.3, 1964, kurse Dh. Kote, K. Gjata, A. Vranaj kane bërë studime edhe në rajonin e Martaneshit, “Mbi marëdhëniet gjenetike dhe strukturore në masivin e Martaneshit” Bul.UshT, ser Shk. Nat Nr.1, 1969. S. Duni, V. Muka disa nga rezultatet e kërkimeve në shfaqjen e mineralizuar te Fushkaltit i kanë paraqitur “Mendime mbi strukturën dhe prespektivën e pikës së mineralizuar të kromit Fushkalt” Përmb. Stud. Nr2, 1970.
S. Bushi ka bërë punime kërkim zbulimi në vend burimin Instituti Politeknik (Shkallë) dhe Maja Kunores “Relacion gjeologjik per vendburimin e kromit Instituti Politeknik-Shkallë, Maja Kunorës”, Burrel 1970. Ndersa P. Papadhima ka punuar ne Manazdren “Relacionin gjeologjik i punimeve të kryera në vendburimin e Manazdrenit Lindor e Perëndimor “ Burrel 1970.
Në masivin ultrabazik të Lurës kane bërë kërkime A. Dobi, B. Lleshi “Ndërtimi gjeologjik dhe krombajtja e pjesës qëndrore dhe veriore të masivit ultrabazik të Lurës” 1969; dhe “Tipet e shfaqjeje të mineralizuara të kromit dhe kushtet e vendosjes së tyre në pjesët qëndrore e veriore të masivit të Lurës” Përmb.Stud. Nr.2,1971. P. Çili disa mendime të tij i ka paraqitur “Shkëmbinj ultrabazikë të masivit të Bukonikut” Stud.Gjeol. Vëll. III, 1966; dhe “Mbi rolin e metasomatozës në formimin e disa duniteve e përqëndrimin e kromiteve në disa masivë ultrabazikë të Shqipërisë” Përmb.Stud. Nr.6,1967. S. Dede ka bërë kërkime në masivin ultrabazik të Shebenikut “Mbi vlerësimin e zonave të mineralizuara dhe të vendburimeve të kromit në masivin ultrabazik të Shebenik-Pogradecit”1963.
Gjithashtu S. Dede, V. Popllo, I. Zyka, R. Sulejmani kanë bërë punime kërkimi e përgjithësimi “Raport i studimeve kërkimore-përgjithësuese për masivin e shkëmbinjve ultrabazik të Shebenik-Pogradecit dhe veçimi i shesheve perspektiv krombajtës” Tirane 1970; kurse V. Popllo ka bërë punime kërkim-zbulimi në Memlisht “Mbi punimet dhe zbulimet me anë shpimesh në shfaqjen kromifere Memlisht” Pogradec 1970. Për kërkimin e kromiteve T. Biçoku, R. Shehu, Xh. Karkanoqe kanë bërë studimin “Gjendja dhe perspektivat e kërkimit dhe zbulimit të mineralit të kromit” që e referuan në sesionin shkencor për kromitet të organizuar nga Drejtoria e Përgjithshme e Gjeologjisë në vitin 1968 në Bajram Curri.
__________________
Ne vendin tim, ne vendin tend, e shpojne lakren, i hedhin mend...
Denonco këtë mesazh tek moderatorët | IP: e regjistruar
|