Indrit
I pandreqshem.
Regjistruar: 01/04/2004
Vendbanimi: I ulur ne zemren e nenes.
Mesazhe: 1814
|
Ja edhe deklarata e hajdutit te bagdadit(Nanos).
Kryeministri shprehet i gatshëm për të dërguar komando të tjerë në Irak. Shqipëria, jo më me maxhorancë myslimane.
Nano: Trupa të tjerë në Irak
Është një sakrificë jo e vogël ekonomike, por ia vlen ta përballojmë
Marisa Fumagalli
TIRANË - Vend me maxhorancë myslimane, qeveri socialiste. Shqipëria nuk ndjek Zapateron. Duhen njerëz të tjerë në Irak? Kryeministri shprehet i gatshëm ti dërgojë. Sa? Njëqind, dyqind janë limiti i mundësive tona. E qartë është një sakrificë ekonomike jo e vogël, por sidoqoftë ia vlen ta përballojmë.
Qesh, Fatos Nano. Cigare e ndezur, bisedë e pa teklif, batuta në majë të gjuhës në italishte të rrjedhshme, nuk ka dyshime të deklarohet aleat besnik i Shteteve të Bashkuara (jemi borxhlinj te SHBA mbi të gjitha për kontributin e tyre në çlirimin e Kosovës) duke kaluar në rrugën e kryeministrit tonë.
Ka ndjenjë mes Nanos dhe Berluskonit. (ai është vëllai im i madh, unë jam vëllai i tij i vogël), përtej bindjeve të ndryshme partiake, dhe historive personale. Fatos Nano, 51 vjeç, është bir i regjimit të kaluar komunist shqiptar. Vazhdimisht i mohuar për të përqafuar demokracinë e Perëndimit.
Modelet e tij të referimit? Italia e afërme dhe Amerika e largët. Tani shikon Evropën duke shpresuar që të hyjë sa më shpejt në Bashkim. Sa për NATO-n, hyrja e Shqipërisë duket me të vërtetë e shpejtë.
Zoti Kryeministër, sa nga ushtarët tuaj janë aktualisht të impenjuar në Irak?
71 në zonën e Mosulit me detyrën e patrullimit. Deri këtu gjatë misionit asnjë i plagosur, jam i bindur se nuk është vetëm një rastësi.
Pse?
Tashmë Shqipëria nuk është më një vend me shumicë dërrmuese myslimane, myslimanët tanë karakterizohen nga shpirti i tolerancës. Për të qenë të qartë, mes tyre nuk mund të ketë kurrë ndonjë kamikaz. Dhe jam i sigurt që do ti shihja në vijën e parë duke luftuar terrorizmin fondamentalist. Njohja e zakoneve, mënyrave, riteve, mentalitetit islamik sigurisht ia bën më të lehtë qëndrimin dhe misionin në Irak.
Sot kontigjenti juaj është nën komandën e Shteteve të Bashkuara. Do të jetë kështu edhe në rast të dërgimit të ushtarëve të tjerë.
Nuk është e thënë. Mua nuk do të më vinte keq për shembull që ti bashkoheshin italianëve në Irak në vendosjen e paqes. Nga ana tjetër, këtu në Shqipëri ushtarët tuaj kanë bërë dhe bëjnë shumë për ushtrinë tonë. Integrimi është i mirë. Për më shumë ushtarët shqiptarë njohin italishten.
Dhe ata shohin programet e televizioneve tona?
Mos ti ngatërrojmë gjërat. Ai ishte italiani i refugjatëve. Tani është një histori tjetër. Ne numërojmë 15 mijë të diplomuar në universitetet e Romës, Milanos, Bolonjës, Padovës. Problemi im është si ti tërheq për tu rikthyer në vendin e tyre. Për të arritur këtë objektiv kemi nevojë edhe për Italinë.
Po. Siç thuhet më të mirët ikin. Shqipëria nuk ofron mundësi të mjaftueshme për punësim dhe cilësi jete?
Strukturat ekonomike janë akoma të dobëta.
Është e vërtetë. Por nëse të huajt, së pari italianët, do të kishin kurajon të besonin më shumë në zhvillimin tonë duke bërë investime të rëndësishme, gjërat do të përmirësoheshin goxha.
Si jeni në Shqipëri me korrupsionin? Kriminalitetin? Të dhënat e fundit tregojnë se trafiku i drogës kalon në fillim në vendin tuaj?
Dëgjo, sistemi është në tranzicion, gjërat po ndryshojnë. Sipas një ligji të fundit për shembull, deklaratat e pasurisë të 4000 zyrtarëve të qeverisë duke filluar nga mua, administratorë, politikanë, gjyqtarë, do të kalojnë në kontrollin e inspektorëve. Po impenjohemi seriozisht në luftën e pastrimit të parave, kriminalitetit të çdo lloji dhe po ndeshemi me trafikantët e drogës. Dhe nuk bëhen lëshime për asnjë: qytetarë të zakonshëm, njerëz me pushtet, policë. Ju siguroj se do të shkojë në burg edhe im bir nëse do të kryente një krim.
Parime të mira. Pra italianët duhet të besojnë më shumë?
E ka kuptuar dhe kryeministri juaj Berluskoni.
Për të cilin keni shumë simpati. Pavarësisht nëse nuk gabojmë, ju zoti Nano keni shfaqur shumë vlerësim ndaj Romano Prodit gjatë qeverisë së kaluar të qendrës së majtë. Stië------------------------------------------------------------------- dhe sintoni politike.
Qartë, kështu është. E kam vlerësuar Prodin dje si kryeministër dhe sot në detyrën e presidentit të Komisionit Evropian. Po shikoni unë nuk kam shkuar kurrë në shtëpinë e tij. Kam qenë në të kundërt në rezidencën e Arkores dhe madje kam fjetur atje si një qengj.
Çfarë ju ka premtuar Berluskoni?
Shkurtimisht më ka garantuar impenjimin e tij për të bërë lobing për Shqipërinë. Më ka siguruar se do të bëjë gjithçka për të bindur biznesmenë dhe bankierë për të investuar pasuritë e tyre në vendin tonë. Ka shprehur interes për perspektivën e turizmit tonë.
Në të vërtetë, pjesa e bregdetit të Shqipërisë jugore ngjan me bregdetin tonë. Keni një bukuri të rrallë si parku Arkeologjik i Butrintit, pasuri e Unesko-s.
Duke nxjerrë mësime nga gabimet e së shkuarës, dhe nga ato të bëra në Itali, ato vende duhen mbushur dhe frekuentuar nga turistë të kualifikuar që nuk dëmtojnë ambientin. Berluskoni më ka premtuar se do të dërgojë për të eksploruar arkitektët më të mirë italianë.
Corriere Della Sera
25/04/2004
__________________
Duro, duro...
Denonco kėtė mesazh tek moderatorėt | IP: e regjistruar
|
14 Maj 2004 05:13
Forumi Horizont > Tema Shoqėrore > Besimi Fetar > 70%musliman ne shqiperi,qendron kjo shifer akoma
