Vizioner
...ne Timon
Regjistruar: 23/11/2007
Vendbanimi: Frankfurt
Mesazhe: 6857
|
DY NUMRA LLOGARIE PĖR TĖ NDIHMUAR FAMILJET E VIKTIMAVE TĖ 21 JANARIT
Z. Kryeministër, a e di cilët vrave?
Mbi 21 janarin është folur gjatë, me tekste e me foto, me homazhe e me statistika, me shpifje e me të vërteta, dhe mirë është bërë. Ky debati i neveritshëm, i nisur nga Berisha me qëllimin e vetëm për të relativizuar mortin, në mos për gjë tjetër, le të shërbejë për të njohur më mirë se cilët jemi, çfarë na dallon e çfarë na bashkon me njerëzinë e me të njerëzishmen.
Meqenëse kryeministri ka folur gjatë për të vrarët, meqenëse është thënë se ishin të këtillë e të atillë, të paguar e të droguar, instrumente të njërit, apo vegla të tjetrit, le t'i vëmë pikat mbi "i" e le t'i shfaqim ashtu siç ishin. Jo si heronj, se nuk ishin të tillë, po bash ashtu siç jetuan e siç mjerisht, vdiqën.
Hekuran Deda ishte 38-vjeç. Baba i dy vajzave. Mbijetonte duke punuar me mëditje, si punëtor sezonal krahu. Familja e Dedës, i lindur në Dibër ishte zhvendosur në Laknas, Kamzë.
Faik Myrtaj, 50-vjeç, ishte babai i dy fëmijëve, Renatos dhe Bardhit, të moshës 25 dhe 22 vjeç, si dhe bashkëshort i Mamudesë. Banonte në Kreshpan të Fierit. Mësohet se Myrtaj ishte i papunë mbijetonte po njësoj, duke migruar sezonalisht.
Ziver Veizi, 44-vjeç, kishte dy fëmijë, Anën dhe Klajdin, të moshës 11 dhe 14 vjeç. Ishte banor i Gjirokastrës, invalid me status. Ziveri ishte emigrant dhe ishte kthyer në Shqipëri për të protestuar.
Kjo është e vërteta zoti kryeministër. Ti ke vrarë tre protestues të cilët para "kullës" tënde i kishte sjellë mjerimi. Ti ke vrarë tre të papunë. Ti ke vrarë tre baballarë që atdheu i tyre i kishte braktisur, shteti i tyre i kishte rrënuar e i kishte flakur në emigrim.
Ti, Sali Berisha sërish i ke dhënë plumbin shqiptarëve si në 1997-ën. Njësoj si atëherë, u ke dhuruar më parë mjerimin.
DY NUMRA LLOGARIE PËR TË NDIHMUAR FAMILJET E VIKTIMAVE TË 21 JANARIT
"Shekulli" ka nisur dje një fushatë për t'u ardhur në ndihmë familjeve të tri viktimave të 21 janarit. Prej dje janë vënë në funksionim në Raiffeisen Bank dhe në Tirana Bank dy numra llogarie (RAIFFEISEN BANK - JETIMËT E TË VRARËVE - NUMRI I LLOGARISË 0005810592) dhe (TIRANA BANK SHA - JETIMËT E 21 JANARIT - NUMËR LLOGARIE 0110-307178-100). Të dy numrat në të dy bankat janë në lekë.
"Shekulli" do botojë të gjitha shumat e kontributeve dhe emrat e kontribuesve në rast se dëshirojnë, ose kontributin dhe shënimin "anonim" në rast se nuk dëshirojnë të identifikohen. Kontributet çelen sot në mëngjes me disa shuma të dhuruara nga gazetarët e Shekullit.
-Shekulli-
__________________
I am the author of my life;
unfortunalty, I'm writing in pen & can't erase my mistakes.
Denonco kėtė mesazh tek moderatorėt | IP: e regjistruar
|