Vizioner
...ne Timon
Regjistruar: 23/11/2007
Vendbanimi: Frankfurt
Mesazhe: 6857
|
Me lule dhe qirinj pėrballė tė akuzuarit pėr vrasje
Në 21 janar, tre qytetarë shqiptarë, protestues antiqeveritarë u vranë në Bulevardin Dëshmorët e Kombit. Pasditen e 21 janarit, kryeministri i këtij vendi, Sali Berisha deklaroi në orën 19.00 "zbulimin" se vrasjet janë kryer nga vetë opozita, etj.
Në 21 janar në darkë, kamerat zbuluan se kjo kërmë pushteti që i ka mbetur në ezofag Shqipërisë që nga komunizmi i viteve '70, gënjeu përsëri. Vrasjet ishin kryer nga Garda e Republikës dhe plumbat që vranë tre burrat erdhën nga një kat poshtë zyrës ku vetë kreu i qeverisë tha se "kishte qëndruar prej orës 14.30 të asaj dite në krye të detyrës"..
Po. Me ligj kryeministri është në krye të hierarkisë së Gardës. Rrjedhimisht në 22 janar në mëngjes Sali Berisha ishte i akuzuari kryesor për vrasjet.
Vrasjet ishin kryer madje në mënyrën më të tmerrshme që mund të imagjinohet, kur demonstrata ishte shkrehur, kur nuk kishte më asnjë rrezik për askënd. Pse? Duhej të kishte vetëm një debat publik dhe një hetim përballë kësaj llahtarie: nëse ishte ky një krim me paramendim dhe çfarë ishte planifikuar nëse kamerat nuk do nxirrnin rastësisht të vërtetën..
Por jo...
Çfarë ka ndodhur nga 22 janari deri më sot? Sali Berisha, është kthyer nga personi që duhej kryqëzuar nga Shqipëria, në personin që ka kryqëzuar Shqipërinë. Në 22 janar Shqipëria duhet të sulmonte vrasësin. Sot, Shqipëria tenton thjesht të fshihet nga vrasësi.
Vrasësi ia doli të shndërrohet në akuzuesin histerik, për të cilin e vetmja gjë që duhet të mendojmë është: aman, le ta mbyllim me kaq! Si në '97-n. Jo. Njëmijë herë, jo! Ndryshe plumbat që vranë ata tre burra, do na arrijnë të gjithëve në ditët në vijim.. Madje pesha e atyre plumbave të ftohtë është prej pasdites së tmerrshme të 21 janarit në zemrat e shumicës së heshtur të shqiptarëve.
Ndihen keq, shumë keq, këto ditë shqiptarët. Ia ndjejmë rënkimin njëri-tjetrit. Diçka mungon.. Mungon ajo çka i shëron zemrat e lënduara. Për sa kohë të flasim për njerëz, ka pasur, ka dhe do të ketë vetëm një ilaç për njerëzit e zemëruar: DREJTËSIA! Që prej fillimit të historisë së njerëzimit ka qenë kështu: Drejtësi! Vrasësi përpara drejtësisë.
Por çfarë po ndodh në këtë vend? Përgjatë një jave është vënë në funksionim gjithë aparati represiv shtetëror për të bërë të pamundur DREJTËSINË! Duhej të mbërthenim vrasësin e 21 janarit. Sot vrasësi ia ka dalë mbanë t'i mbërthejë të gjithë, prokurorinë, presidentin, median, intelektualët, ambasadorët e së fundmi edhe vetë opozitën.
Kreu i saj pezulloi protestat pas 21 janarit dhe pas një jave presioni të egër për ta bllokuar fare valvulën e zemërimit publik, e ftoi dje popullin të zbresë në shesh me qirinj dhe lule.. Flitet për provokime, e për të provokuar. Flitet për kujdes.. Se ndryshe.. Ndryshe çfarë?
Kush guxon sot në botë që në vend të arrestojë dhe kërkojë ndëshkimin e vrasësve të protestuesve paqësorë, të shpërblejë këta kriminelë? Kush kërcënon popullin për të mos guxuar të protestojë për padrejtësitë dhe keq-qeverisjen?
Kush guxon t'i veshë krimin protestuesve dhe të bëjë heronj gangsterët e veshur me pushtetin e mafies, të krimit, të korrupsionit, të halabakëve të rrugës, që e shesin veten për një copë buke, për një rrogë të fëlliqur e të lyer me gjakun e vëllezërve të tyre protestues? Kush i mbron në zyrat e shtetit vrasësit? Kush pengon Prokurorinë për hetimet? Kush kërcënon ditën për diell liderin e opozitës me jetë?
Dhe kush mund t'i thotë sot në botë popullit të një vendi të tillë që ai që bën të gjitha këto qenka një "burrë shteti?"
Por le të kemi të qartë, një gjë të gjithë.. Ne qytetarët, dhe gjithë "burrat e shtetit" të këtij vendi, qofshin të shitur, apo të frikësuar.
Zemërimi i popullit është sot më i madh se kurrë. Atë nuk do ta shuajnë dot plumbat. Por atë nuk do ta shuajnë dot as lulet dhe qirinjtë. Jo, i dashur Edi. Ti nuk e ke këtë të drejtë. Kjo është një gjë shumë më e madhe se ty. Të kërkosh drejtësi nuk është qëndrim radikal. Lulet dhe qirinjtë i vendosëm që në 22 janar.
Ti, sot ke dy rrugë: Ose të pranosh të jesh trupëzimi politik i këtij zemërimi, ose të mos jesh më lider. Zgjidh të parën. Ndryshe, ky zemërim do të marrë edhe ty përpara, bashkë me vrasësin e 21 janarit.
-Shekulli, 28.01.2011-
__________________
I am the author of my life;
unfortunalty, I'm writing in pen & can't erase my mistakes.
Denonco kėtė mesazh tek moderatorėt | IP: e regjistruar
|