misterioz
rrugaē
Regjistruar: 30/12/2004
Vendbanimi: rrugeve
Mesazhe: 892
|
Kesaj i thone te kesh dy b*ythe nji ta............
Ky po eshte lajm prekes ,gjynah depuetet dhe politikanet tane,jane mbytur ne borxhe te shkretet ,dhe ne ( populli dmth) i akuzojme si te korruptuar .Kur ka marre dhe Tosi kredi mos ngelte njeri pa marre, gjynah kot i biem ne qafe ne atij dhe te tjereve si puna tij,psh Ed Rames,Lulezim Bashes,Genc Rulit etj......, i kemi te varfer dhe te mbytur ne borxhe.
Marre nga gazeta Shqip.
Deputetët, miliona borxhe bankave
Nëntë ministra të kabinetit "Berisha", kredi të mëdha me interesa të ulëta
Vendimi i fundit i Këshillit të Ministrave për trajtimin me strehim të funksionarëve politikë dhe nëpunësve civilë të administratës shtetërore duket i panevojshëm. Konstatim që vjen si pasojë e faktit se një pjesë e mirë e tyre, ndonëse pa këtë vendim kanë marrë prej kohësh kredi me interesa krejt të ulëta. Masa prej 4% në vit e vendosur në këtë projekt të qeverisë në disa raste është më e lartë se ajo për të cilën kanë detyrim aktual ministrat apo ish-ministrat e qeverisjeve të majta e të djathta.
Ministrat
Nëntë prej ministrave aktualë të kabinetit qeveritar "Berisha" janë borxhlinj në banka. Ministri i Financave, Ridvan Bode, në deklaratën e fundit të pasurisë rezulton të ketë deklaruar një kredi për apartament nga enti kombëtar i banesave. Interesi është në masën 0 për shkak se është cilësuar si i pastrehë. Në dhjetor të vitit 2006 kishte detyrim për të shlyer në masën 2.150.000 lekë. Ministri i Drejtësisë, Ilir Rusmajli, ka detyrim për shlyerjen e një kredie të marrë për blerje apartamenti, por nuk ka të dhëna për shumën e marrë dhe normën e interesit. Ministri i Jashtëm, Lulzim Basha, ka një rentë për hipotekën e shtëpisë në Holandë në masën 200.482 euro. Ministri i Transporteve, Sokol Olldashi, është borxhli në bankë dhe në dhjetor 2006 kishte detyrim shlyerje 770.200 lekë nga kredia e marrë në shumën 1.000.000 lekë. Ministri i Brendshëm, Bujar Nishani, ka detyrim shlyerje kredie në bankë për shumën 5.000.000 lekë, marrë me qëllim blerjen e një apartamenti. Ministri i Bujqësisë, Jemin Gjana, rezulton të ketë marrë kredi 5 milionë që bashkë me interesat shkon në masën 7.2 milionë lekë. Detyrimi i paraqitur në dhjetor 2006 ndaj bankës ishte në masën 6.2 milionë lekë. Zëvendëskryeministri Gazmend Oketa në deklarimin e tij të pasurisë citonte një kredi 10.000 euro, ndërsa detyrimi ndaj bankës në dhjetor 2006 ishte në masën 9570 euro. Ministri i Energjetikës, Genc Ruli, është borxhli në bankë, pasi ka marrë një kredi për 3 vjet, në masën 20 mijë euro. Interesi vjetor është në normën 4.8% dhe detyrimi i mbetur në dhjetor 2006 ishte 13.658 euro. Ministri i Arsimit, Genc Pollo, ka detyrim në bankë për një kredi të marrë për shtëpi në Golem në masën 19.000 euro. Kredia për 10 vite me interes bazë 3.16% kishte mbetur pa shlyer në dhjetor 2006 në masën 16.982 euro. Kryeprokurori Theodhori Sollaku ka marrë kredi në vitin 2002 në shumën 2.500.000 lekë dhe kishte detyrim në dhjetor 2006 në shumën 1.600.000 lekë.
Opozitarët
Kreu i LSI-së, Ilir Meta, rezulton të ketë marrë kredi për 7 vite, me interes 5%. Ka mbetur pa shlyer sipas deklarimeve të dhjetorit 2006 në shumën 27 mijë dollarë. Kryetari i Partisë Socialiste, Edi Rama, ka deklaruar një detyrim shlyerje kredie sipas të dhënave të muajit dhjetor 2006 në masën 1.539.275.73 lekë. Në të njëjtën mënyrë, kreu i PDS-së, Paskal Milo, dhe kreu i PAD-së, Neritan Ceka, figurojnë borxhlinj ndaj bankave, pasi kanë marrë kredi për banesa. Ish-kryeministri Fatos Nano ka detyrim ndaj bankës, pasi ka marrë një kredi në masën 60 mijë euro për blerje automjeti për 60 muaj. Viti i parë me interes 4.88 % dhe ka pa shlyer deri në dhjetor 2006 shumën prej 50.989 euro. Namik Dokle ka marrë kredi për blerje shtëpie në shumën 2.500.000 lekë, me normë interesi 3% për një kohë prej 15 vitesh. Ka deklaruar të pashlyera në dhjetor 2006 shumën prej 1.574.619 lekë. Blendi Klosi ka dy kredi; njëra për automjet në shumën 1.300.000 lekë me afat shlyerje 5 vjet dhe tjetra në vlerën 5.000.000 lekë me afat shlyerje 25 vjet. Pandeli Majko ka një kredi në shumën 5.000.000 lekë e marrë në vitin 2003 dhe ka deklaruar të pashlyer në dhjetor 2006 shumën prej 4.441.734.07 lekë. Fatmir Xhafaj ka një kredi 100.000 euro në afat 15-vjeçar, me këst 1.666 euro në tre muaj. Detyrimi i deklaruar ndaj bankës ka qenë në dhjetor 2006 në vlerën 98.333 euro. Ëngjëll Bejtaj ka marrë kredi për shtëpi 2.500.00 lekë dhe ka pasur detyrim të deklaruar në fundvitin 2006 në vlerën 1.769.773 lekë.
Basha
Ka deklaruar një rente për hipotekën e shtëpisë në Holandë në masën e 200.482 euro pa specifikime të mëtejshme
Bode
Kredi për apartament nga Enti Kombëtar i Banesave me interes 0 si i pastrehë. Fillimi i kredisë viti 2000, detyrim ende 2.150.000 lekë
Gjana
Kredi 5 milionë, bashkë me interesat shkon 7.2 milionë lekë. Detyrimi në dhjetor 2006 ishte në masën 6.2 milionë lekë
Ruli
Kredi në cash kolateral për 3 vjet. Kësti mujor 600 euro, vlera e marrë 20 mijë euro. Interesi vjetor 4.8%. Detyrimi ishte 13.658 euro
Pollo
Kredi për shtëpi në masën 19.000 euro. Kredia për 10 vjet me interes bazë 3.16%. Detyrimi në dhjetor 2006 ishte 16982 euro
Olldashi
Rezulton të ketë marrë kredi në vlerën 1.000.000 lekë. Ka deklaruar në dhjetor 2006 se ka detyrim 770.200 lekë
Nishani
Ka marrë një kredi bankare për blerje apartamenti banimi në bankë në vlerën 5.000.000 lekë. Nuk ka specifikime për normanë e interesit
Oketa
Zëvendëskryeministri ka marrë kredi bankare në shumën 10.000 euro. Në deklarimin e dhjetorit 2006 kishte detyrim 9570 euro
Rusmali
Ka të deklaruar në formularin e pasurisë se ka marrë një kredi për blerje apartamenti, por plotësimi i fundit nuk ka më shumë detaje
Meta
Kredi në bankë për 7 vjet, me interes 5%. Ka mbetur pa shlyer rreth 27 mijë dollarë. Ndërsa kësti ishte në masën 820$
Rama
Kryetari i socialistëve ka të deklaruar në formularin e pasurisë një detyrim për shlyerje kredie në masën 1.539.275.73 lekë
Milo
Ka të deklaruar në formularin e pasurisë për vitin 2006 se ka marrë një kredi për banesë në bankë, ndërsa ska më shumë të dhëna
Ceka
Ka të deklaruar në formularin e pasurisë për vitin 2006 se ka marrë një kredi për banesë në bankë, ndërsa ska më shumë të dhëna
Sollaku
Kredi e marrë në vitin 2002 në shumën 2.500.000 lekë. Kishte detyrim ndaj bankës në dhjetor 2006 shumën 1.600.000 lekë
Nano
Kredi 60 mijë euro për blerje automjeti për 60 muaj. Viti i parë interes 4.88%, Pa shlyer deri në dhjetor 2006, 50.989 euro
Dokle
Kredi bankare për blerje shtëpie. Interesi 3%, shuma 2.500.000 lekë. Afati 15 vjet, ka pa shlyer deri në dhjetor 2006 1.574.619 lekë
Klosi
Kredi nga banka për automjet në vlerën 1.300.000 lekë. Shlyerja për 5 vjet. Kredi për apartament 5.000.000 lekë, shlyerja për 25 vjet
Majko
Kredi në shumën 5.000.000 lekë. Kredia është disbursuar në vitin 2003, ndërsa detyrimi në dhjetor 2006 4.441.734.07 lekë
Xhafa
Kredi për apartament 100.000 euro. Afati 15 vjet dhe këst 1.666 euro në 3 muaj. Fillon në 2006 mbaron në 2021. Ka detyrim 98.333 euro
Bejtaj
Kredi për zgjerim banimi në vlerën 2.500.000 lekë. Detyrimi i mbetur sipas deklaratës së dhjetorit 2006 ishte 1.769.773 lekë
Denonco kėtė mesazh tek moderatorėt | IP: e regjistruar
|