Piktor
Artist
Regjistruar: 03/02/2007
Vendbanimi: larg & afer
Mesazhe: 10972
|
Parathenia e P. Gjergj Fishtes. O.F.M
(Vijon)
...
Ndersa rapsodi i maleve tona neper biga e hije te blinit- atje ku ktheter-rrmysja shqype murroje ban çerdhen neper gallushtra te stenavet t'ashkalitisuna, ça neper duhme te ndonji rrfeje zharritese, dermuese- gjithkah asht rrethue me madhni te pamate te natyres e me at bukuri dermore te luginave te karmatisuna e te grykave t'erreta hijet e te qarrave e te lisavet disa heresh shekullor. Ktej nji mal i blerte, me vithna tbana,e stane, andej nji bjeshke e nalte e rryeshme, rande ngarkue me bore: pertej nji humnere mija metrash shpatit te malit thike n'teposhte zgavrrue; ne fund t'asaj humnereje nji lum tue gjimnue zallit; nji çuterr m'at ane, krejt bardh prej shkumet, tue u diktue nper krepa, e gurgullo gurra te cemta, e vallzo bylbyla neper brej, aha e çetina: edhe huti tuj hukue, edhe ujku tuj ulrue, çakalli tuj lehe: Prape tingllo koçana e capit, blegro kingji i delmes, thuja bariu kanges "terthorçe" e "maja krahit", çurliko fyell e zanamare: kce blegreshat hijevet, porsi zanat mrizevet: e rrethon, po , nji jete, nji gjallni, nji galldim, nji gaz i prandveres se rruzullimit ! Edhe ky rrapsodi, a se ne zheg te dites te mrizi i ahit, a se ne mbramet mbas darke ure votres se vet mikpritese, kape lahuten ne dore, e plot menden e zemren me Zot e Shen Nikolle,, me Ore e me Zana, me drangoj e kulshedra, e me fatosa, kreshnike, pleq, kren, bajraktare, pansira, heshta, arme te ngrijta, tagana, kaul mejdanash, bese e burrni shqyptare, pa mate vjerrshe, pa lmue fjale, e rrmye mendjet ne naltsi e bukuri t'argumentit, lshue krejt vedin mflatra te fantazise se vet t'entuzjasmueme si i thote Ovidi:
"est deus in nobis: agitante calescimus illo,
sedibusetheris spiritas iste venit"
(fast. VI. 6.7)
tue perkue zanin me tingull te lahutes, e ia hin me me pershkrue bukurine e Tanushes, se bijes se Krajlit, e tue ndigjue nji qiell e kalter, do bjeshke te nalta, ulkonja e bylbyli, e shoket e vet zemret bujare, kndon: E un Tanushen vete e ko' pa-Gja ma te mire s'shef men n'ket diell' ! E pse s'din shka jane allabastrat, fildishat, ixhit, zadefat, perlat, mergjanet, rubinat e te tjera kso çikrrinash salonash e duqanesh, per me pershkrue nji bukuri grueje, jo femne- ecilla e hijshme mund te ndohde edhe ne mal, ne fushe, ne stan e nder shpija te nderit te dyshimte- por bukurine e nji vashe fisnike, e nji typi grueje bujare, ky- titan i ri- me fuqi te fjales se vet rrmyese, te pushtetshme, perkul madhnine e natyres nene lemaje te harkut te lahutes se vajtueshme, edhe merr ketu nji shtek malit, ku perendon hana: atje nji çetine.: nji qafe pllumi: nji krah dallendyshet: gurzit e lumit, fill mbas shiut kur po i shndrin dielli: lulet qi shperthejne: prape kalemin e Tushes, rremin prej shemshirit, edhe kta, kaq me nji force e gjallni shembylltyrash, naltesi mendimesh, pershtatsie permvehtesi fjalesh, sa me te vojte mendja, se je tue ndigju kund, ndonje therrmi te " Titonomakis" s'Eziodit. Pose te damit te Hektorit prej Andromaket, pershkrue prej Homerit n'Illiade, nuk me bjen ndermend se kam lexue kund ndonji pershkrim ma t'frymzuem me fisniki e me burrni. E ku titanizmi e njomsia e shembelltyravet te perkojn ma te ambel me naltesin e idevet, se ket pershkrimin e rapsodit malsuer mbi bukurine e Tanushes, se bijes se krajlit.
(vazhdon)
Denonco kėtė mesazh tek moderatorėt | IP: e regjistruar
|